S: Günstigi 1-2 Zimmer Wohnug in Züri und Umgebig

[Supersonic]

Ich suech wükli zimli verzwiifled wer also öppis oder öpper kenne sött würd mir en unvorstellbar grosse Gfalle mache.
Und 20 qm wotti eigentlich nüüt und priislich sött sie natürlich so günstig wie möglich sii aber ich bin grundsätzlich für alles offe.

Danke!

[Jones]

nimm mini! bechunnsch no e ladig möbel derzue!

[Schummelschumi]

check pn

[Supersonic]

nimm mini! bechunnsch no e ladig möbel derzue!

Thx, aber Ebmattinge isch für mich leider eher usser Frag

[geosnow]

tsüri und günschtigi längerfrischtigi wohnig gaht nur über gnosseschafte oder jugendwohnhilf.

[Vyse]

Hätt en zentrali 1 1/2, brüücht aber zerscht en wg-tauglichi anderi Wohnig.
Villicht kännsch ja du öpper, wo en grösseri, evtl. au bitz tüüreri möcht loswerde, wome für e chliini WG chönnt bruuche.

[Vyse]

tsüri und günschtigi längerfrischtigi wohnig gaht nur über gnosseschafte

Aber bis me da eini bechonnt, isch me scho alt und grau worde.

[geosnow]

tsüri und günschtigi längerfrischtigi wohnig gaht nur über gnosseschafte

Aber bis me da eini bechonnt, isch me scho alt und grau worde.

alternativ chasch ja es WG zimmer miete und so lang ide WG bliebe, bis du nur no allei dete bisch. eigeni wohnig isch scho immer en luxus in tsüri gxi.

d realität isch hert.

[Jones]

sone seich! wenn e eigeni wohnig (o wenns e ganz chlini und alti isch) scho luxus isch, bisch aber ganz e arme schlucker! lol

[Skeletor]

en luxus in züri seit er.

[Jones]

ja das hani scho gseh! aber o das isch übertriebe...
e luxus isch öpis, wo sich die meischte nid chöi leischte. e wohnig (irgendeini nid e super grossi super schöni) chame sich scho leischte und findet tuet meh sie o mit chli geduld...

[Vyse]

Es isch scho es sältes Privileg für es paar wenigi worde, e günschtigi, halbwägs ahständigi Wohnig dörfe zmiete, wo nöd grad in Leimbach, Affoltere oder Oerlike liiht.
Und dWohnigsnot merkt me ja au nöd, wämme zweihalbtuusig Pfrengg für 2 Zimmer abdrucke chann... da findsch immer öppis, dWohnigsnot (wie au all andere Missständ)
trifft immer die, wo wenig Gäld händ.

[Jones]

okay.. isch und bliebt e frag, wie meh luxus definiert...
im chreis 1 e bezahlbari wohnig isch sicher eher luxus! in ZH City irgendwo eher nid!
aber klar, du hesch scho rächt! ohni geld gits o ke wohnig! logisch eigentlech!

[Mastler(P)]

wo nöd grad in Leimbach, Affoltere oder Oerlike liiht.

leimbach verstahni ja no, affoltere isch glaub easy und oerlike isch geil junge!
aber ja ich zahl ja für mini 2.5 nöchi bahnhof au scho mit nk 1450.- nöd ganz 60qm.

würd gern uf glattbrugg use, bitz günschtiger.
aber alles was nach chlote chunt isch mer scho wieder zwiit. vorallem wenn i mit öv no 2-3 mal umstiege muess für id stadt ini.

aber susch: http://www.homegate.ch/mieten/104145942 ... &l=default" onclick="window.open(this.href);return false;
"Die Perfekte Wohnung für Singles, Geschiedene, Einwanderer, usw. " - trifft uf dich zue, oder?

[mastercello]

aber susch: http://www.homegate.ch/mieten/104145942 ... &l=default" onclick="window.open(this.href);return false;
"Die Perfekte Wohnung für Singles, Geschiedene, Einwanderer, usw. " - trifft uf dich zue, oder?

Ich hätt chli Müeh met de Ruumhöchi...muesch der mol die Heizchöste vorstelle!

[Mastler(P)]

In der Monatsmiete inkl. 1290.- ist folgendes inbegriffen:
Wasser, Strom ,Heizung, Abwasser, ADSL!, Parkplatz.

[Tatsujin]

ou immer wohnig suche, blöödsinn.

[Mastler(P)]

ich kenn lüht die ziehnd praktisch all halb jahr - jahr um. voll kreysi!

[Tatsujin]

die spieled sicher au nur mit dr pleysi.

[Supersonic]

Walliselle Bahnhof wär ok abet det hine hani scho Müeh, ich bin halt es verdammts Stadtchind -.-
Aber hüt gangi eini in Zollike go aaluege wo grad bim Bahnhof Tüfebrunne isch, mal luege.

[Mastler(P)]

stadtchind, ich känns. hätti es auto würi aber gern usserhalb wohne.
uf jede fall: toi, toi, toi!

[evo]

stadtchinder sin fren

[geosnow]

:schlüsselchind:

[Tatsujin]

städt sind aber hüt au völlig überbewertet.

[evo]

städt sind aber hüt au völlig überbewertet.

das isch äääääähm...dini meinig.