S: Günstigi 1-2 Zimmer Wohnug in Züri und Umgebig

[Supersonic]

25 Quadratmeter, scheisse möbliert, kei Chuchi und d'Nebechöste sind nonig inbegriffe gsi also CHF 900 Stutz im Monet. Wiiter luege.

[geosnow]

lueg mal unter shilberg. dete häts vielli 1 bis 2 zimmer wohnige, wo günschtig sind.

[Supersonic]

Wie meinsch? Gits ä Verwaltig oder ä Liegeschaft oder so?

[damian]

eigeni wohnig isch scho immer en luxus in tsüri gxi.

d realität isch hert.

nei, das stimmt nöd. früener isch das viel weniger extrem gsi. vor 30 jahr häsch no easy wohnige gfunde. aber natürli isch stadt grundsätzlich tüürer wie land...

[Supersonic]

eigeni wohnig isch scho immer en luxus in tsüri gxi.

d realität isch hert.

nei, das stimmt nöd. früener isch das viel weniger extrem gsi. vor 30 jahr häsch no easy wohnige gfunde. aber natürli isch stadt grundsätzlich tüürer wie land...

Luxus Schmuxus, ich bin da gross worde, han mini Familie da, han mini Kollege da, studier da schaff da und wott au wiiterhin da bliibe. In Züri wohne isch scho immer tüür gsi aber wie chan mer es Scheissloch Luxus nenne wenn mer ufem Land 3 Zimmer und 50 qm meh bechunnt für de gliich Priis. Nöd wele ide Stadt z'lebe, dass isch Luxus. Und Züri stinkt was Wohnige aagaht meh als jedi anderi Stadt.

[Tatsujin]

städt sind aber hüt au völlig überbewertet.

das isch äääääähm...dini meinig.

Logisch, drum hanis ja au gschriebe.

[evo]

städt sind aber hüt au völlig überbewertet.

das isch äääääähm...dini meinig.

Logisch, drum hanis ja au gschriebe.

voll fair

[geosnow]

eigeni wohnig isch scho immer en luxus in tsüri gxi.

d realität isch hert.

nei, das stimmt nöd. früener isch das viel weniger extrem gsi. vor 30 jahr häsch no easy wohnige gfunde. aber natürli isch stadt grundsätzlich tüürer wie land...

Also genau vor 18 jahr hani welle vo dihei uszieh und mini schwöchtere vor 25 jahr und nix günschtigs häts gäh. sorry, du häsch eifach kei ahnig. ich han denn es mansardezimmer gfunde mit duschi und chuchi im gang für 250.--.

[Mastler(P)]

für 250.--.

ja, wenn das für dich günschtig isch, isch scho klar.
en hobby ruhm im chäller chumsch jetz für das über.

[Supersonic]

für 250.--.

ja, wenn das für dich günschtig isch, isch scho klar.
en hobby ruhm im chäller chumsch jetz für das über.

Ganz ehrlich, ich würd jederziit en Hobbyruum im Cheller neh wenns ä Duschi gäbt und dementsprechend günstig wär aber inzwüsche chunnsch nöd mal ä Bäsechammere über für das Geld und wohne dürftisch au nöd drin. In Züri ischs momentan wükli zimli prekär wenn mer nöd über 3'000-4'000 Stutz im Monet wott zahle. Sogar woni no voll verdient han hani mitem Kolleg zäme ca. es halbs Jahr gsuecht bis mer öppis gfunde hend.

[geosnow]

für 250.--.

ja, wenn das für dich günschtig isch, isch scho klar.
en hobby ruhm im chäller chumsch jetz für das über.

jetzt machsch mi grad hässig , das isch absolut s billigst gxi damals und s mansardezimmerli isch viellicht knapp 20m^2 gross gxi. es bad häts nöd gah. eifach e duschi im gang, es brünneli im Zimmerli und d schiisi im stegehuus. d chuchi isch au im gang gxi und hät usemene elektroherd und chüelschrank bestande.

aber zrugg zum thema:
d miete sind hüt bim sihlberg zwüsched 750 und 1250 für 1-2.5 zimmer wohnig mit Bad und chuchi (min kolleg wohnt dete im moment). diä mietprise sind aber damals (vor 20jahr) scho guet gxi. eigentlich sind d miete sogar abe gange, will de referenzzinssatz no niä so tüf gxi isch. zuesätzlich chasch no d inflation dezue rechne, aber diä isch ja fasch null gxi.

huere jammeris die städtler vo hüt. riised eu mal de arsch uf, eifach jedi verwaltig alüte und dosier schicke. denn bi allne nöd renovierte wohnhüüser de huuswart go uselocke und chli usfräge, ob was frei wird. im migros und coop annonce schriebe.

oder eifach ide uni/ETH pinnwand es WG zimmer miete.

[Supersonic]

Ebe meinsch ä Liegeschaft oder eifach d'Umgebig?

[geosnow]

bim sihlberg häts es paar wohnhüser mit ganz vielne 1-2.5 zimmer wohnige. dete wird immer wieder e wohnig frei. kenne de verwalter nöd uswendig, aber ich würds probiere.

suech schnell uf google und denn gxehsch dieä wohnhüser, sind es paar. sicher über 100 wohnige.

[Mastler(P)]

ich weiss nur das zb. min brüeder ich chlote en ruhm hät, rächt chli, schätz mal 10qm, natürli kei wc oder duschi wo benutzte chasch. wenn use gasch und chäller hinere laufsch häsch eifach no es versiffts brünneli. zahllt glaubs 300 im monat.

und wenn ich grob homegate überflüge schint das standard.
aber klar, wenn kei stress häsch und flissig luegsch chasch scho was günschtigs finde..

[geosnow]

flissig sii und geduld ha. tugende wo niemerd meh hät.

[Mastler(P)]

vorallem wenn wenig stutz häsch und bald irgendwo uszieh :mousch: ja.

[geosnow]

als übergangslösig chamer au zrugg zude eltere, wenn das irgendwiä gaht. e chli vorussluege und plane hät no niemerdem gschadet.

[evo]

i bi sehr geduldig. aber au sehr un-flissig

[Mastler(P)]

ja, wenn das irgendwiä gaht. wär scho guet. gib der da rächt.
aber ebe, wenn epis passends i dä stadt wötsch unds kontingänt nöd sehr gross isch bruchsch ziit.

[turntablism]

http://www.transa.ch/de/outdoor/KAT-AUS-ZEL" onclick="window.open(this.href);return false;
http://www.pfuusbus.ch/" onclick="window.open(this.href);return false;

petri heil !

[turntablism]

oder nimmsch mini 2 1/2 zimmer usserterminlich, so uf märz/april, guet 1500.-
chasch füürle (chemine drin) hübsche balkon mit zwe nischen.
wenn si nimmsch schänk der no mini namco consolette derzue.
8106

[Supersonic]

Uuf das chämti allefalls nomal zrugg. Momentan ischs mer z'tüür aber bi mir gahts finanziell grad recht guet duruuf. Häsch Fotene und Adresse per Pm?

[Supersonic]

Ich han ä Wohnig

[Mastler(P)]

geil. wo, wie vill?

[evo]

schöne gsi