ZombiU

[zwirrlibatz]

hoffentli macheds en fatal frame für die chischte mit dem päd. ES MUESS!

[h4xX0r]

viel spass mit dem abfall

[zwirrlibatz]

Im RE4 lauft me mal dur en Tunnelgang, bevor me gäg de Mutant kämpft, indäm me ihm die Cryofrüürfläsche an Grind rührt. Die paar Minute furchtbar unerträglich Schreckschpannig bis sich das Viech ebe endli zeigt, HESCH DA SCHTÄNDIGSCHT!!! Klar s'beschte Spieli mit Zomblies sither und im Fingernägelchätsche übertriffts es de RE4 sogar bi wiitem dur de konschtant Horror. Isch halt total langsam wie Fatal Frame. Kei übertriebe groteski Übermonschter, Explosione und suschtige Kram. Eifache Horror uf de Punkt wo drum ersch rächt würkt. Eine hett gschriebe, es sig klassischs RE mit Bioshock drin, triffts no guet. Es gäb spöter en Level (nursery), wo de Cradle vom Thief 3 wägputzi?!!? Drzue das Superscore, vo dissonantem Ambientgedöns bis zu perfekt platziertem William Byrd!

[zwirrlibatz]

:mitdepadkamerazombiefotivosichmache: 10/10

[Trunks]

GENERAL SCHADEN

[zwirrlibatz]

Are you sure you want to go to Buckingham Palace?

[ ] yes
[ ] no
[x] SAFE HOUSE! SAFE HOUSE! SAFE HOUSE!

[zwirrlibatz]

gnet Sidu +1

[sidusson]

[zwirrlibatz]

dä Londen Tower

[sidusson]

isch hardcore dert

[Gurgelhals]

Ich chum irgendwie nöd vorwärts bi dem Spieli. Sött ändlich mal in Buckingham Palace, aber stattdesse bin ich geschter wieder an Brick Lane Market zrugg, will det plötzlich de Mr. Raw als Zombie uftaucht isch

Hätt no es paar gueti Sache im Rucksack gha

[sidusson]

dr lakritz u dr önnön si überau aus zombies ungerwägs, leider heisi nie öppisch schlaus debi

aber fingi aubes huere geil

[mr.raw]

will det plötzlich de Mr. Raw als Zombie uftaucht isch

Hätt no es paar gueti Sache im Rucksack gha

bi dr Leitere hetts mi putzt...

ha gar nid gwüsst, dass d fründe als Zombies ummeschlurpe.
Isch jo früsch!

[Herr Rossi]

hüt obig schpilis bim kolleg, fröi mi nid wenig.
ha chli angscht das mer chönnt gfalle, de muesi au no e wiiuler ha

[zwirrlibatz]

ha gar nid gwüsst, dass d fründe als Zombies ummeschlurpe.
Isch jo früsch!

dasch jo dr gäg.

added mich mal ihr chlöis.

[Gurgelhals]

ha gar nid gwüsst, dass d fründe als Zombies ummeschlurpe.
Isch jo früsch!

dasch jo dr gäg.

added mich mal ihr chlöis.

Han ich scho lang gmacht. Ich glaube ebe würklich, dini Network ID stimmt nöd.

[zwirrlibatz]

nintendo stimmt nöd.

[zwirrlibatz]

backträcke tue ich nöd weni und rucksack und safehousechischte sind gstopft volle und das mit knarre und ammo bis äneuse. krass tummi reviews wo verzellt händ, me verkloppi zombis ständig nume mitem schläger.

[zwirrlibatz]

Ich glaube ebe würklich, dini Network ID stimmt nöd.

ääääähm evtl isch Supernaut min online nick und Zwirrlibatz de ID....

[zwirrlibatz]

Ich chum irgendwie nöd vorwärts bi dem Spieli. Sött ändlich mal in Buckingham Palace,

ab det gahts ja ersch ab!

[Herr Rossi]

Das Schpil isch ja de Hammer, endlich wider mal es Survival Horror Game wo de Name verdient het.

[zwirrlibatz]

Näb de Fatal Frame Serie s'erschte Survival Horror Spiel sit langem wo a) Horror und b) Survival isch. So nach ca 16h bin ich langsam chli muetiger worde, heisst ich mach scho öppe 5 Schritt pro Minute.

Dä Nursery Dä Tankstell und jetz dä Heilig Schorsch Chile, es macht eim ferti. Zum Glück han ich no Yoshi's Fruchtauto zum Usgliiche.

[Vyse]

Geil! Ha doch gwüsst, dass es öppis taugt.

Grad bi so Games wirds interessant... dänn, wänn di dSpielwält nötigt dich ihre Gsetz ahzpasse und entsprächend vorzgah, anstatt eifach duur e Kulisse, bis ahd Zäh bewaffnet sich duurezmäheie.
Mega, ha leider no kein Wiiu.

[zwirrlibatz]

So isch es und drum hetts afänglich die schlächte Reviews brcho vo de profilneurotische Siite, wo so schnäll so viel Launchtraffic wie möglich wele und drfür nüt kapiert händ. Me sötts langsam wüsse aber ebe...

Din Charakter levelt sich sogar es bitzli uf dur de Gebruch vo de einzelne Waffle aber chuum lupfts dich, startisch nöd nur mitmene neue Charakter, au die Skills sind zuesätzlich zu de so verlorne Waffe und Items grad wieder wäg. Immerhin Letschteri chasch zwar immer wieder go sueche bzw muesch sogar. Das aber macht dä ständig Todesthreat ersch rächt fieser. Dä rännsch nie ballernd mit voll crazy Risiko dur d'Level. Da chasch nöd eifach de letscht Save lade. Wirsch grad gstraft, wills dä bim Tod jedesmal überschriibt. Rüschtisch dich gschiider guet us und wählsch d'Waffe mit Bedacht. Mit em Pad schlotternd dunkli Chäller scanne? E Tretmine legge und alli Zombies driilocke? Mit de Taschelampe provozierend ahpfunzle und wägränne und hoffe dass sie ines Füür inestolpere? E Flare schmeisse, zbsp grad anes Ölfass (wieso liege i Videospieliwälte ständig hochexplosivi Ölfässer ume?), und dänn driischüsse wenn sie göhnd go schnöigge? Mitnere (c)Daryl Armbrust inkl Scope jede einzeln vo Wiitem dranäh?

Müühüüü "nume mit em Cricketschläger Boink Boink und doofs Gimmickpad" dis Füdli.

[Vyse]

Perfäkt! Würkli, genau so hanis mier erhofft gha.
Langsams und sehr bedachts Vorgehe, wod die falsch Strategie eim zum Verhängnis wird.
Also me quasi sälber Schuld isch, will me genau weiss, me sötts bliibe lah, wänns eim au i dä Finger juckt churz mal doch eifach öppis fahrlässigs zmache.