Skyfall

[zeromeier]

schomal gschriebe: du willsch diskutiere um de diskussion wille => gähn. und bi dir bedüütet das, bi vorposchter nur die sache usezpicke wo irgendswie "widerlegge" chasch => gähn. d'theme sälber sind dir völlig schnurz. das isch sicher lässig für dich aber langwiilig für mich und ebe halt au nöd würkli intelligänt.

[Skeletor]

mit em vortex z'diskutiere isch öpä glich agnehm, wiä chopf vorah in än wand z'laufe.

[Avenger]

Gseh und für guet befunde.

Mit "guet" mein ig es 7/10, wo ig nach em BMT 216A de doch no uf es knapps 8/10 ha korrigiert. Was für e Bond aber e Enttüschig isch. Allerdings isch mir no der Quantum i Erinnerig (a dem Film isch ussert de Titles genau nüt guet), und vo dem her bin i froh dass d Reihe wieder us ihrer Sinnkrise het usegfunge. Schön.

Am Film isch vieles guet gmacht, aber vieles passt ebe ou nid zäme. Sehr guet isch uf jede Fall d Szene ds Shanghai im Wolkekratzer. Hammer! A Hashima Island han ig persönlich riesig Freud gha. Dass das nid nebe Macau liegt interessiert nume der Wayne. Und au der Aston Martin isch herzlich willkomme gsi, gliich wie der Bond wo mit der Rushhour ir Tube het kämpft. Interessant si ou d Dächerszene ds Istanbul gsi: Taken 2 <-> Skyfall. Wer het do vo dem abgluegt? Und au Schottland isch sehr stimmig.

Ds kritisiere gits ou einiges: Der Silvapasst nid. Viel ds überzeichnet (und ds blond). Und si Serverruum würkt wie e überdimensionierti Destillationsapparatur. D Ubahnei Etage tiefer schmeisse passt au nid und isch unnützes Füllmaterial. Und de isch sie no völlig leer, während der Rushhour. Natürlich! Der Q hingege lebt i sinere eigete Cyberwelt, a de Gadgets merkt me das ganz dütlich. He du, ig wott explodierendi Kugelschriiber und nid nume e dumme Peilsender! Der Schluss ds Schottland passt sehr guet, dümmer isch dass no hei müesse Home Alone spiele.

Nid falsch verstoh: Ig bi guet unterhalte worde. Aber vom ne Bond darf me meh erwarte als es paar sehr gueti Bilder in Shanghai und Macau.


Jetz nehme mi no zwei Sache wunder, die han i nid genau mitübercho:

- Isch d Festplatteam Schluss wieder uftaucht? Die wo i de erste 3 Minute vom Film verschwunde isch. Ha nid gseh ober die am Schluss wieder i der Hand het gha.
- Uf der Insle seit der Silva "Don't lose you head", was 1:1 mit "Verlier nicht deinen Kopf" isch übersetzt worde. Het i dere Situation sehr unlogisch gwürkt. Isch das richtig übersetzt worde? (Nei, ig verstoh ds Britische Englisch zwenig zum das chönne beurteile.)

[Sephi]

- Uf der Insle seit der Silva "Don't lose you head", was 1:1 mit "Verlier nicht deinen Kopf" isch übersetzt worde. Het i dere Situation sehr unlogisch gwürkt. Isch das richtig übersetzt worde? (Nei, ig verstoh ds Britische Englisch zwenig zum das chönne beurteile.)

Ja, alles richtig, wird ir Regel als "nur nicht den Kopf verlieren" widergäh. Also nid d Närve verlüre.

[Moff]

han bedütend me erwartet, bis und mitem glasgfängnis hanen recht guet gfunde, nachher gahts rasant bergab uf allne ebene.

de ganz back to the roots fokus gfalltmer aber au ganz und gar nöd, s'szene mitem q vorem abgschleppte dampfer isch guet gsi, alles drüber überflüssig. s'klassische bond auto als gag scho facepalm, dass de bond das am endi au na aktiv benutzt, ganz schlimm, wahrschinlich binich au eifach zdumm gsi für de film. ich han au de plan vom silva gar nöd verstande, er lauft am schluss eifach is regierigsgebäude als polizist verchleidet, und für was isch alles vorher scho wieder gsi?

ok, er isch nöd de fokus vo dem film, de bond isch, das het mir ganz persönlich aber au enorm missfalle, für mich isch james bond immer en deckname gsi, so we silva en deckname gsi isch, en name wos au i 1000 bonds na geh wird. dasses iets en richtige bond git mit awese in schottland und tote eltere, nei, das gfalltmer gar nöd. und dasses am schluiss in en langwililige action overkill mit verschwendetem bösewicht isch verpackt wurde machts au nöd besser. schad.

[Skeletor]

ähm spoilertags?

[evo]

han bedütend me erwartet, bis und mitem glasgfängnis hanen recht guet gfunde, nachher gahts rasant bergab uf allne ebene.

de ganz back to the roots fokus gfalltmer aber au ganz und gar nöd, s'szene mitem q vorem abgschleppte dampfer isch guet gsi, alles drüber überflüssig. s'klassische bond auto als gag scho facepalm, dass de bond das am endi au na aktiv benutzt, ganz schlimm, wahrschinlich binich au eifach zdumm gsi für de film. ich han au de plan vom silva gar nöd verstande, er lauft am schluss eifach is regierigsgebäude als polizist verchleidet, und für was isch alles vorher scho wieder gsi?

ok, er isch nöd de fokus vo dem film, de bond isch, das het mir ganz persönlich aber au enorm missfalle, für mich isch james bond immer en deckname gsi, so we silva en deckname gsi isch, en name wos au i 1000 bonds na geh wird. dasses iets en richtige bond git mit awese in schottland und tote eltere, nei, das gfalltmer gar nöd. und dasses am schluiss in en langwililige action overkill mit verschwendetem bösewicht isch verpackt wurde machts au nöd besser. schad.

das mit de tote eltere weiss mer scho ewigs.

[mousch]

Guete Bond. I han de Bösewicht sehr guet gfunde, au wenner am End do chli sehr billig abtritt. Leider hani de Uftritt vom Bond-Girl chli lahm gfunde, bzw. si chratzt vil ds schnell ab, ev. au e Siitehieb an alli die alte Bond Teil, wosi ja meischtens bis am Schluss übrlebt.

Suscht aber alles in allem extrem unterhaltend und guet gmacht.

7.5/10

[Moff]

das mit de tote eltere weiss mer scho ewigs.

es gahtmer nöd umd vorlag, i dere isch au vo afang a klar james bond au sin richtige name gsi. ich hätts eifach schön gfunde mer hätti das als sin deckname gna, wie ebe au bim silva, zum de ganze reihe chli me kontinuität geh. denn hätt sogar de blöd aston martin es bitzli sinn gmacht. aber ebe, das isch nur en persönliche wunsch, isch nöd so, dasses so sie "muess" und das het au nüt mit miner kritik a skyfall ztue.

nach eim tag distanz finden nümme ganz so schlimm, ich willen ja guet finde, de film gseht so super us, de craig findi grundsätzlich super und au die ganz neu usrichtig wo sini film händ. aber skyfall hät so eifach so viel besser chönne si, ich finds eifach schad drum.

[Reinforced]

ich finde de neu Q überhaupt nid passend. Müend mer üs jetzt ih zuekunft mit däm umeschlah?

[zwirrlibatz]

mit em vortex z'diskutiere isch öpä glich agnehm, wiä chopf vorah in än wand z'laufe.

tja entweder agnähm oder tschällensching.

vo lüüt wo unter "agnähm" verstöhnd, dass me sich mit em kolleg immer i eim satz drüber einig isch, was me geil und was scheisse pfindet unds dadrüberhinuus nüt meh gitt, nimm ich "unagnähm" logischerwiis als komplimänt.

[Tatsujin]

SchOKgsi.

[Reinforced]

SchOKgsi.

SchTÜRgsi de chino ihtritt bi dir äne ?

[Tatsujin]

12 frengg, nachtvorstellig.

[Reinforced]

esch ja voll gönscht€g!

[Tatsujin]

ja, cheno esch na ease da.

und vorallem immer ims OT

[emP]

Pro Skyfall:
- D Inszenierig, d Belder. Ds Casino in Macau etc. sind ganz guet. Skyfall minetwege o. Aber es gitt aus es paar Usrutscher (s. unge)
- De Villain isch also eine vo de bessere

tumm: (ums churz ds mache, fasch alles)
- Dr Relaunch per se isch tumm, isch glaubs i dem Topic scho adütet worde. Macht alles wenig Sinn und isch au nid konsischtent. (z.B.)Im Casino Royale bechunt er en DB5 gschenkt und zwei Filme später chaner schiesse und hett en Schleudersitz
- D Story isch hanebüchen und teilwis uf Teenie film Niveau (d Taschelampe am Schluss im spezielle) oder ds Ganze Endig im Skyfall Awese
- Es isch wieder mal e Marketingoffensive mit ere eklige Penetranz (Omega, VW/Audi, Sony Vaio etc)
- Es fehlt genrell dr "aha" resp. James-Bond-wow Effekt. Das isch aber scho sit de 80er eso.
- Einersits isches zwar chli "back to the roots", anderersits gitts ganz unbondigi Masseszene: Das ir U-Bahn ghört eifach nid inne Bond. Bond isch abghobe, Bond isch oberi 10'000, aber Bond mischt sich nid i Pöbel. Zudem rettet er d Welt, und das macht er überall, numme nid in London.
- Super isch au de BAsar in Istanbul. Hetts wohl grad im Agebot gäh, isch ja schliesslich türkische Basar. (mit Taken 2) LOL.

[TypeJ]

de emp chund drus!

pro:
absolut fantastischi bilder und locations
fantastische db5

neg:
rescht!

eigentlich isches afach kan bond me sondern en guete actionfilm vo 2012 und das macht er recht guet!
zeiged de film mal ame 13 jährige wo alti bonds ned kennt, er findet en tendenziell super