Welchen Film oder welche Serie hast du gerade gesehen?

[Avenger]

Mummy 11/10? Im Läbe nid. Sicher es 7i, evtl. es knapps 8i. Aber uf kei Fall meh. Und "Klassiker" sowieso nid.

rolf

mir ergänze üs super, i gseh das.

[abyss]

The Mummy 2 es glatts 10..../......10

Anubis Chrieger...

[h4xX0r]

d'mumiefilm sind die letschte richtige abentür-film wo's geh hät.

[zwirrlibatz]

de erscht mummy isch super. de zweit soso, de macht meh uf ärnschthafts actionabentüür und verlüürt viel vo de luschtigkeit und em scharm vom erschte. aber immerhin nervt de goof nöd.

[abyss]

d'mumiefilm sind die letschte richtige abentür-film wo's geh hät.

Wobie, dr King Kongo vom Pete ou no easy isch...

[TypeJ]

Thats my boy
5/10

de vanilla ice isch na am luschtigschte

[abyss]

The life of Bruce, the Fu Kung Cat.



Quelle

[Avenger]

bullit isch affestarch. bescht verfolgisgsjagt. schlaht schier alles vo hüt mit 10000x meh budget und CGI und schit.

+1 für d verfolgigsjagd. uhueren guet.

[Acid]

In letschter Zit:

Django Unchained -> Wo de erscht Takt zum Theme aklungä hed, unds tatsächlich feschtgstandä isch dass de Tarantino tatsächlich de Original Theme Song nid irgendwo am Schluss sondern am Ort woner herä ghört installiert ischmer s Herz ufgangä, wiä woni vor langem de Django vom Corbucci gseh han und de genial Soundtrack zum erschtä mol ghört han... einä vo de Beschtä Theme Songs. Wo de Django s erscht mol i sinä grad usgläsänä Chleidig zeigt wird, uf em Ross hockend, hani Spontan müese lut usälachä, obwohlis scho usem Trailer kännt han. D Zooms hani luschtig gfundä, au wenns vili vo sinä Vorbilder sehr, sehr vil besser und trotz exzessiver doch weniger entfremdend igsetzt händ (am Tarantino sini chöntet grad so guet Schnitt si). Bi de Brutalität hanimi nid gstört gfühlt, und ich gsehn diä überhaupt nid als "typisch Tarantino" sondern d Shoot Outs sind für mich, insbesondere im Betracht vo de Szenä i de Villa, en zimlich dütlichi Hommage an Pekinpah und "The Wild Bunch", diä andere Brutalitätä a d Härti im Italo Western allg. und au im Corbucci sim Django (z.B. d Huuf und Händ Szenä... i de Hunde Szenä chöntmer klari Parallele gseh. Au suscht hed de originaldjango es paar bluetigi Szenä.. eim wird z.b. sind eignä Ohr verfüeteret.). Ich mag de Fox als Django, au wenner nid so viel z Bütä hed, ich mag de Waltz i sim Kinski/Suschtöpis Verschnitt, au wener eim gli au mol bitz uf d Nervä god, ich mag eigentlich au de Di Caprio als Bösewicht, au wenner nid würklich glaubhaft übere chund, und ich mag au de Jackson als Missmuetigä Greis mit sinä paar halbwitzigä Sprüch.

Doch vor erschtä Istellig a (det hani aber no ghofft, irgendwenn denn nüm so sehr), bis zur letschtä, hani s Gfühl gha dass öpis nid stimmt. De Film hedmi niä packt, isch niä würklich a mich herächo (abgseh vo denä paar Lacher), und obwohli eigentlich alles guet gfundä han, schiint nüt devo würkli guet gsi zsi...und villes eifach nid würklich z passä. Distanziert...

Was irgendwiä no komisch isch, im Django vom Corbucci hed diä bös Bandi au Huubä a, aber Roti, und schwarzi sind nid so es Thema, defür Mexikaner. Mer chan am Django Unchained durchus zugute haltä, dasser nid so wiä ebä früehner, diä Schwarzä eigentlich völlig ignoriert (allerdings ischs für Italiener, Spanier und was weiss ich natürlich au eifacher mexikaner z spilä als Schwarzi...). Sondern tatsächlich zum Mittelpunkt macht (au wenn natürlich ir neuere Zit doch au im eint oder andere Western schwarzi und Sklaverei es Thema gsi sind...).




Seven Psychopaths -> Hed es paar ganz gueti Szenä. Als Film funktionierter aber nid. Han nid begriffä was dass hetti söllä.




Skyfall -> Au do bini echli enttüscht. Ich han mi gfreut, will ich au einä vo denä bin wo ab Casino Royale wider dra glaubt han, also de Neustart s Bescht gfundä han, de Craig guet gfundä han, und diä bitz moderneri Art vom Storytelling ebäso.
Bi dem ischs Drehbuech irgendwiä i d Hosä. D Gschicht isch zimlich uninteressant, d Dialög nur zum teil guet, d Drammatik irgendwiä nid relevant wenn überhaupt vorhandä und au d'Romanzä isch, abgseh vo Gschicht mit de Monneypenny, wo am Afang nur Blöd isch, nocher aber eigentlich guet. Und irgendwelchi dummi und unnötigi Sachä wo Lüt mached nur zum d Story vorwärtstribä hetti au nid erwartet.

Und de Bardem, ja er isch super, aber mues jedä Farking Blockbuster wo i de letschtä Johr gschrribä wordä isch und en typischä Bösewicht hed en Joker drus machä?

Ok, d Action isch nid so mies, es paar Sprüch sind ok, und ja, er isch villicht nid schlechter als de letscht, aber das isch nid mini Erwartigshaltig gsi. Grad under de Regie vom Mendez hani en guete Bond erwartet, miteme sprützigä Drehbuech, gueti Dialög, gueti Charaktere, und nid en The Dark Knight Neu-Guss mit Bond Astrich. Ach du Scheisse... villicht ischer nid so schlecht wiäs tönt, aber je länger dasi drüber nohdänk desto meh regtsmi uf.

[Tatsujin]

BttF 10/10

[Mastler(P)]

blade 7/10
blade 2 8/10

obwohl s 2 chli oberflächlich wirkt häts mi trotzdem besser underhalte.
vilicht aber au will ichs zum erschte mal gluegt ha.

d'anime serie isch so 6/10

[Tatsujin]

Don't get CUT by BLADE! yea yea yea, you know dis.

[Mastler(P)]

cutto by blado jya nai yo! yea yea yea, anata no know dis.

[PlanetHarrieR]

Dredd 5,9/10 nicht so lächerlich wie der erste. Aber die Heroisierung des frei eliminierenden Überwachungsstaats nervt nach wie vor.

[Mastler(P)]

Dredd 5,9/10 nicht so lächerlich wie der erste. Aber die Heroisierung des frei eliminierenden Überwachungsstaats nervt nach wie vor.

: < ... choke on it! >: < !!

[abyss]

blade 10/10
blade 2 7/10
wüll s 2 chli oberflächlich wirkt häts mi NID underhalte.
vilicht aber au will ichs zum erschte mal gluegt ha.

d'anime serie isch so 6/10

Corrrrected...

[zwirrlibatz]

Doch vor erschtä Istellig a (det hani aber no ghofft, irgendwenn denn nüm so sehr), bis zur letschtä, hani s Gfühl gha dass öpis nid stimmt. De Film hedmi niä packt, isch niä würklich a mich herächo (abgseh vo denä paar Lacher), und obwohli eigentlich alles guet gfundä han, schiint nüt devo würkli guet gsi zsi...und villes eifach nid würklich z passä. Distanziert...

das isch will...

Was irgendwiä no komisch isch, im Django vom Corbucci hed diä bös Bandi au Huubä a, aber Roti, und schwarzi sind nid so es Thema, defür Mexikaner. Mer chan am Django Unchained durchus zugute haltä, dasser nid so wiä ebä früehner, diä Schwarzä eigentlich völlig ignoriert (allerdings ischs für Italiener, Spanier und was weiss ich natürlich au eifacher mexikaner z spilä als Schwarzi...). Sondern tatsächlich zum Mittelpunkt macht (au wenn natürlich ir neuere Zit doch au im eint oder andere Western schwarzi und Sklaverei es Thema gsi sind...).

...'s fragwürdig isch werum de Held als Schwarze en Wiisse bruucht wo ihm sin Fäldzug überhaupt ermüglicht. De lone schwarz Rächer wär die viel schtärcher Usgangslag gsi aber denn hätt me de Waltz nöd (eso) chöne iisetze. So isch s'beschte am Film, de Waltz, au sis Handikäp.

[h4xX0r]

Dredd 5,9/10 nicht so lächerlich wie der erste. Aber die Heroisierung des frei eliminierenden Überwachungsstaats nervt nach wie vor.

das isch chli wie donald duck luege und sich nerve, dass alles nur ente sind.

[Mastler(P)]

das isch chli wie donald duck luege und sich nerve, dass alles nur ente sind.

so en scheiss!

hünd und müüs gitz au na (!)

[h4xX0r]

das isch chli wie donald duck luege und sich nerve, dass alles nur ente sind.

so en scheiss!

hünd und müüs gitz au na (!)

aso guet, "dass alles Tier sind."

[abyss]

Quelle

Gseht no interessant us. Tiptopi Effects. Kennt öper dä Film?

[Tatsujin]

Ja hesch de jetzt doch gseh? Werum froegsch den?

[PlanetHarrieR]

das isch chli wie donald duck luege und sich nerve, dass alles nur ente sind.

so en scheiss!

hünd und müüs gitz au na (!)

aso guet, "dass alles Tier sind."

Ich hab's in Kauf genommen, weil ein Freund meinte, der sei hypersupergut.

[Tatsujin]

BttF partII 10/10

[Mastler(P)]