Bioshock Infinite - Bioshock im Himmel!

[Master(G)]

ich spiele alli shooter immer uf de härtischte stufe und finde also, dass mer durchus gforderet wird.

isch d KI anders uf hard, oder hät mer eifach weniger "lebe" und treffer "zelled weniger".

chani so gar ned säge, aber ich muen rächt taktisch vorgah und alli mini powers bruuche, und zwar richtig, im richtige momänt, suscht bini tot.
uf normal bini eifach dri gloffe und han all umglah. terminator-style. macht kei spass.

[TypeJ]

terminator style, bescht!

[Pandemonium]

ich has vo afang ah uf hard gspielt und es hät 3-4 stellene wo würkli härt sind. wird sicher lustig im 1999 mode

[geosnow]

vielfach sind d spiel uf hard au "eifach". muesch nur immer d sniper rifle näh, dich guet positioniere und geduld ha. denn schaffsch meh oder weniger alli games. iisi. würklich dumme sind nur d CODs vo respawm gegner ide levels häsch. dete rennsch am beschter los, rührsch alli granate und rennsch durre. wenn de checkpoint erreicht häsch, bisch durre.

alles sehr dummi strategiä, wo im richtige läbe nöd gönd.

[evo]

wo im richtige läbe nöd gönd.

[Master(G)]

es isch äbe nöd so eifach im infinite. es chömed immer gruppe underschiedlicher gägner mit underschiedlicher bewaffnig oder magie.
die einte verschanzet sich, die andere stürmed uf dich los und wieder anderi decked di mit heftigem beschuss ii.
muesch würkli ständig in bewegig bliibe und dumgebige guet nutze und de elizabeth taktischi befehl gäh, wenn welles extra aktiviert wird (deckige, gschütztürm, roboter)...
isch frisch zum spiele. definitiv ganz andersch als es CoD.

[Supersonic]

Han grad 5h am Stuck gspielt, fuck ich chan mich nöd satt gseh. Alles luegi ah, jedes Gspröch wotti mitlose und ich han scho es paar Gänsehuut-Moment gha.
Und ich bin ja wükli überhaupt kei Grafikhuuf aber das Spiel uuf Ultrasettings ufem PC gseht eifach abartig uus!

[geosnow]

und uf böx?

[Pandemonium]

und uf böx?

Für ä 8 Jahr alti Konsole gsehts also ziemli guet uus. D Lüüt vo Irrational säged es gsechi uus wie mid Medium Settings uf de Konsole.

[geosnow]

ja, denn chaufi diä version. hät grad öper e promo ummeliege?

[thaeye]

aber aktuell gits für mich nüt bessers.

Gsehsch s'Problem?

Ich gsehns halt leider eifach andersch. Vieli bewährti element wo spiel früehner grossartig gmacht händ sind hüt immerno integriert. Sie stönd halt nüme so im fokus wie au scho, evtl will mer a neue mechanike oder erzählwiise umepröbled. genau das macht infinite. schlussendlich isches eifach ignorant es 20 jährigs spiel als verglich herezstelle. ich cha natürli verstah und akzeptiere das dir s system shock 2 besser gfalle hät aber denn sötsch du au iigseh das infinite, vergliche mitem suschtige genre müll, vieles richtig macht und sich positiv vo de masse abhebt.

Ja guet, me chan natürlich au eifach Entwicklige wie e sukzessivi Verwässerig vom Gameplay und e Iischränkig vom Interaktionsruum vom Spieler zu Gunschte vo andere Aspekt wie Narration und Inszenierig als öppis Positivs gseh. Aber für mich isch so en Entwicklig im Medium Videospieli witzlos, will wänn ich eifach en super inszenierte "thrill ride" will, dänn spiel ich keis Videospieli, sondern gange is Kino

Edith: Zur Präzisierig: Mich stört die Tendenz an sich, will sie dem entgäge lauft, was es Videospieli i mine Auge usmacht und's vo andere Medie abhebt. D'Frag, öb es Bioshock underem Strich dänn raffinierter vorgaht als es Call of Duty oder es Halo, fallt drum au nüme würklich is Gwicht, will bi dene Spieli die allgemeini Stossrichtig s'Problem isch und die isch i all dene Fäll öppe die glich.

bioshock bringt wenigstens nah en flotti story ane. das mueme sege. ich finds spielerisch au eher mau, aber s art design und d story isch scho erste sahne. da chame nix sege.

[Master(G)]

und uf böx?

Für ä 8 Jahr alti Konsole gsehts also ziemli guet uus. D Lüüt vo Irrational säged es gsechi uus wie mid Medium Settings uf de Konsole.

geil findi, dass mer de framerate-lock ide konsole version chan usschalte.
hesch zwar bitz tearing nachhär, aber es spielt sich superflott!! quasi wie wenns 60fps hetti.

[h4xX0r]

ich finds super zum spiele. han eifach glaubs no kei anderi vigor brucht als charm und crows. wüsst nöd wieso.

[Pandemonium]

Probier mal de bronco uus, isch huere praktisch bimene gegnerschwarm.

[h4xX0r]

han grad gseh, dass din brüeder am tekken tag 2 78 geh hät -> KARTOFFEL

[Master(G)]

ich pflanze immer näb minere deckig e bitz strom-falle. demit - wenn mi gägner rushed - sie dett dri laufed...

[geosnow]

denn sinds eifach sau dumm, jede lueg ufe? was für e KI!

[Pandemonium]

han grad gseh, dass din brüeder am tekken tag 2 78 geh hät -> KARTOFFEL

schochli sehr tüüf. Aber im nachhinein isches eh no schwer en score rechtzfertige.

[thaeye]

ich finds super zum spiele. han eifach glaubs no kei anderi vigor brucht als charm und crows. wüsst nöd wieso.

die sache sind einiges schlechter als in bioshock 1 und 2. aud waffene findi einiges weniger toll als i de vorgänger. aber ebe s ganz setting und d story mit mal würkli interessante themene haut das spiel i höchi bereich. isch würkli mal was frisches und ganz geil gmacht. ich gang also selte bimene spieli jede egge go absueche. da machis. die welt isch eifach zu schön.

[h4xX0r]

und huere strub isch es zudem no

[geosnow]

ich gang also selte bimene spieli jede egge go absueche. da machis. die welt isch eifach zu schön.

so wiä bi Star Fox Adventures.

[Master(G)]

ich laufe fascht i jedem spiel immer viel umenand, eifach so, zum grafik aluege.

[thaeye]

logisch machsch du das. au in aliens. zum grafik aluege lauf ich nöd in jede egge. ich lauf in jede egge wenn ich s gfühl han ich chönt was verpasse. das isches zeiche vomene guete spiel. und das gits wenig.

[Pandemonium]

logisch machsch du das. au in aliens. zum grafik aluege lauf ich nöd in jede egge. ich lauf in jede egge wenn ich s gfühl han ich chönt was verpasse. das isches zeiche vomene guete spiel. und das gits wenig.

Isch mer genau au so gange.

[geosnow]

genau so isches. verpasse isch nöd geil. wobi, vieles isch überbewertet.