Iron Man 3

[Sephi]

Super ischer! "Nur" gueti Ungerhautig erwartet, aber en rächt gschiide Fium becho. Dekonschtruktion vom Superhöude-Film.

Ok, wartemer no e Wuche, denn nimmts mi Wunder, wie das du d Dekonstruktion willsch aasetze und ich gib min Senf no derzue.

Dehaut. Bzw. "Rekonstruktion" triffts wohl ehner. Du hesch ne nid guet gfunge?

[zwirrlibatz]

Super ischer! "Nur" gueti Ungerhautig erwartet, aber en rächt gschiide Fium becho. Dekonschtruktion vom Superhöude-Film.

Dekonstruktion isch sowas vo 90er Jahr

und ebe wennscho Dekonstruktion denn de Hancock.

[Sephi]

Wennschon isches sowas vo schpöti 60er Jahr. Will er luegt wie schreg!

[TypeJ]

wer teil 2 guet findt isch evtl. echli blöd

[zeromeier]

6/10. het ich de Film nie gseh, wär mis Läbe mindeschtens so guet wie mit dem Film.

[PlanetHarrieR]

Okay, also Blaustrahl.

[Marco_in_motion]

Okay, also Blaustrahl.

Isch s'Geld nöd wert...

[Gurgelhals]

Wennschon isches sowas vo schpöti 60er Jahr. Will er luegt wie schreg!

Dänn isch es aber ebe no Ufklärig gsi. Die ganzi Institutionalisierig / Neutralisierig / Entläärig vo dem Vokabular mit de ganze Tendänz zur Dekonstruktion als reine Sälbstzwäck und em ganze "höhöhö-augezwinker-isch-alles-nume-es-Konstrukt-bzw.-e-Konvention"-Meta-Blödsinn isch hingäge ebe so typisch 90er. Und du bringsch es de Studis bis hütt nöd us de Chöpf, es isch zum verruckt wärde

[zwirrlibatz]

wer nüt chan, dekonstruiert.

[Uriel]

Haha!
Da inne gahts grad voll ab!
«Isch eh alles nur konstruktion» isch halt aber au missverstandeni Dekonstruktion. Die alti Grade vo de Dekonstruktiviste hend no es biz mee welle säge als nur der Augezwinker, Metabullshit.
Gott was han ich mich während em Studium ufgregt über diejenige, wo amigs eifach, egal was ds Thema gsi isch, so useplääred hend: «Und schlussendlich kann das ja eeh wieder dekonstruiert werden». Ja chan mer vermuetlich, aber ds wie genau wer denn aber wieder interessant.
Das isch aber nüd das, wo ich am Sephi will vorwerfe. E deknostruktivistischi Lektüre isch für Film und Literatur unter umständ öppis vom produktivschte, wo chasch mache, wills mit dem «was het üs der Autor ächt welle säge? Chum mir spieled pseudo psychiater!» Blödsinn knallhert uufruumt.

Es wunderbaars Biispiel für e dekonstruktivistischi Metaphere isch für mich im Übrige dr Joker us Batman: je mee er verzellt über sich, desto weniger weisch. Genau so we sini Plään eigentlich ke plään sind, sondern uusdruck vo de Haltig: we schliess ich mis Gegenüber am beste. Er chan sich unter iisatz vo pysischer Gwalt duresetze und i de nächste Szene sich völlig hilflos mache, wenn me ihn is Gfängnis wirft. Super!

Hankock dekonstruiert miner meinig nach gar nüt. Es isch e simpli Antithese zu dem, wo en Superheld eigentlich so isch. Das isch ok und underhaltsam, aber d Dekonstruktion gse ich i dem Film nüd, das müesst me mir erkläre.

Im Übrige werded uf Techblogs hüt Fernseher «dekonstruiert». Hüt heisst das Wort wohl je nach Zemehang: «Aufbau» oder «(ironische) Antithese». Beides triffts bim Derrida ja z.B. nüd ganz.

Ich glaub eher, Iron Man 3 isch es psychologisches Drama, wo am Produzent gscheiteret isch. Es git gradezu Allegorie en Masse: der überforderti Held «erstickt» am stress, fühlt sich als öb er vom Triibsand in Abgrund grisse wird. beides bekannti Topoi, wenn mit Burnout Paziente redisch. Im Film chunnt das ja denn tatsächlich vor: sis Huus rutscht in Abgrund, als öbs es Fundament us Sand het (en clevere Regisseur het da ufpasst, nüd id Bibelmetaphorik ds rutsche... oder denn ebe erst recht). Dr Iron Man vertrinkt und ersticht gliichziitig, mit em Kabel um dr Hals. Das isch e reini Hyperbole, aber no recht effektiv. I de nächste Szene findet me ihn idr Dunkelheit und Chälti. Ebe, durchuus e möglichi Allegorie uf e Panikattacke. Sini «Rüschtig» (also dasjenige, wo eim dr Alltag überstaa laht, der mentali «Abwehrschild»oder ds Ego) liit in Trümmer. Alles würklich super gmacht. Aber denn irgendwie au nüd.

[Uriel]

Super ischer! "Nur" gueti Ungerhautig erwartet, aber en rächt gschiide Fium becho. Dekonschtruktion vom Superhöude-Film.

Ok, wartemer no e Wuche, denn nimmts mi Wunder, wie das du d Dekonstruktion willsch aasetze und ich gib min Senf no derzue.

Dehaut. Bzw. "Rekonstruktion" triffts wohl ehner. Du hesch ne nid guet gfunge?

Ich han mee gmeint, wartemer e Wuche, damit sich niemer über üüseres geschwafel ärgered und no es paar ihres «OMG sooo guet» chönnnd loswerde, bevor ich mis «Le gourmand sait: 2 étoiles michelin» loslaa, und mir es eitles narzistisches pseudo intellektuells Denkmal im ne internetforum schaffe.

It's about the legacy, baby.

[zwirrlibatz]

Hankock dekonstruiert miner meinig nach gar nüt. Es isch e simpli Antithese zu dem, wo en Superheld eigentlich so isch. Das isch ok und underhaltsam, aber d Dekonstruktion gse ich i dem Film nüd, das müesst me mir erkläre.

meh als Dekonstruktion vom will abgstürzte Superheld han ich drbii au nöd gmeint.

[Sephi]

Ich han mee gmeint, wartemer e Wuche, damit sich niemer über üüseres geschwafel ärgered und no es paar ihres «OMG sooo guet» chönnnd loswerde, bevor ich mis «Le gourmand sait: 2 étoiles michelin» loslaa, und mir es eitles narzistisches pseudo intellektuells Denkmal im ne internetforum schaffe.

It's about the legacy, baby.

Ahsooo. Du bisch vil z rücksichtsvoll. Aber hesch rächt, ich schrib mis riviuu denn gschider nöchscht Wuche, nid dass der Tüp J en Härzinfarkt bechunnt.

[Sephi]

wer nüt chan, dekonstruiert.

Und wenn zersch dekonstruiersch und denn wider zämesetzisch?

[zwirrlibatz]

siriesli?

[Sephi]

siriesli?

Näh, ha nur gad dis Review vom Motorpsycho-Konzärt im Chopf gha.

[zwirrlibatz]

zämehang?

[Sephi]

zämehang?

Du hesch gseit si heige ihri eigene Songs dekonschtruiert. Und wider zämegsetzt. Aber i nime ah du redsch hie inne vonere angere Art vo dekonschtruktion.

[resuscitation]

Han dä Film geschter Abig gseh.. Isch nett gsi, stelllewiis aber sehr ufgsetzt.. Die Sälbstironie vom Tony Stark hät mr extrem guet gfalle.. so äs richtig arrogants Arschloch.. aber i dä zweite Helfti vom Film gaht alles under im high-tec 'mir müend jetzt no äs huere geils CGI showdown fabriziere'-gedöns. Dört hät mich dä Film chli verlore und ich han nur no Popcorn inegschmisse

[Shadow]

wörd. de film sött eigentlich Iron Tony 3 heisse.

[zwirrlibatz]

zämehang?

Du hesch gseit si heige ihri eigene Songs dekonschtruiert. Und wider zämegsetzt. Aber i nime ah du redsch hie inne vonere angere Art vo dekonschtruktion.

richtig. s'gliiche wort, 2 wälte.

[PlanetHarrieR]

[Tatsujin]

Han en na easy gfunde. Ds eis isch aber mit abstand de bescht, und au susch en guete film.