S: Radeon 5970, 6990 & 7950

[Xinobrax2]

Het öpert vo euch no eini vo dene alte Radeons (5970 & 6990) umeligge?
E 7950 würdi ebefalls abchaufe, aber nur wenns es Saphire oder MSI OC Modell isch, thx.

Mached Agebot.

[damian]

bisch du dä rave?

[Xinobrax2]

Jap, han mis Passwort vergesse....häsch e Radeon?

[damian]

nei... ich han nöd emal en pc...

ussert eini wo speziell für 15khz uusgang für arcadecabs gmacht isch. die chost denn aber unnötig viel me als was du vermuetli bruchsch...

[Xinobrax2]

Chunt druff a wie effizient si isch. Ich sueche sonig wo möglichst schnell doppelti SHA-256 Hash oder Scrypt Algos berechnet. Was wärs denn für es Modell?

[damian]

ich müests nahluege... han irgendwie radeon 6900 im chopf.

ps. yeah, geil grafikcharte bruche zum sache berechne. grafikcharte = matrixmultiplikationspipeline

[whoopwhoop]

wosch bitcoins mine?

[Xinobrax2]

wosch bitcoins mine?

Unter anderem...
PS: Hesch di jetzt extra da agmeldet um mich das z frage? Imene Forum wo für nichtregistrierti User verborge isch? Schliifts? Bruch doch din normale Account.

[Asskicker]

Jap, han mis Passwort vergesse...

[Master(G)]

ich hätt no en soundblaster audigy zs2 für en 30er oder so.... falls bruchsch.

[Marco_in_motion]

und ich no en Gainward nvidia 6800 Ultra falls der das öppis nützt...

[Xinobrax2]

Soundblaster & Nvidia Charte chani leider nid bruche, thx

[damian]

wieso bruchsch radeon? chasch ja mitlerwil jedi graka selber programmiere und für hashwertberechnige missbruche. gaht au mit nvidea... oder was bruchsch speziells?

[Xinobrax2]

Ich bruche d Charte für es Mining Rig. Zum eine möcht ich min Bitcoin Clone mal imene Testnetz laufe la und verschideni Agriffsszenarie teste. Denach möcht ich demit eifach nochli Litecoins mine. Nvidia Charte chamer für sowas nid bruche. Im Wesentliche lit das am Design vo de ALUs/shader.

Es chlises Bispiel mit Scrypt Algorithme:
Nvidia GTX680: 92 Khash/s
AMD Radeon 7970: 700 Khash/s

Mit anderne Wort...wenns um s Coin Mining gat, zallsch mitere Nvidia Charte am Endi druff, will di monatliche Stromchöschte höcher sind als de Ertrag.

[Xinobrax2]

Up...

[randy]

wieviel gisch mr fuer mini 7950? isch glaub vo gigabyte und isch stock scho @1ghz lut div. forene.

[Xinobrax2]

So zwüschet 200.- und 250.-...je nach dem weles Modell dases isch

[randy]

hallo, han nochegluegt. isch e:

GV-R795WF3-3GD

[Xinobrax2]

Hmmm...die git ca. 530 Khash/s.....

220.- ?

[randy]

also 250.- sött i mind. schono ha. d'karte isch 3 mönet alt und choschtet aktuell 350.- isch eini vo de schnällschte 7950 vo huus us.

[Xinobrax2]

Schnell isch relativ...ich bruch si wie gseit fürs Mining. E Saphire OC schafft z.B. bis zu 650 Khash/s und choschtet neu soum di 330.-. Drum lohnt sich das für mich leider nid. Aber merci für s Agebot!

Aber ev. setsch selber mal mit Mining afange. Die Charte bringt dir so um di 80$ im Monet. Abzüglich Stromchöste sind das imerna um di 50$

[randy]

easy. was het denn die sapphire für en takt das die so schnäll isch?

$80 wachst de betrag linear ?

[Xinobrax2]

Wie meinsch? Für s Mining chunsch eifach Bitcoins über...pro Wuche ca. 0.15 BTC....imene Monet sinds ev. nur na 0.14 pro Wuche, will di gsammt Recheleistig vom System laufend astigt. Aber wennt jetzt demit afangsch hesch imne Monet ca. 0.67 BTC...umgrechnet zum aktuelle Kurs sind das $85. Da de Kurs längerfristig aber eher stigt als sinkt sind die 0.67 BTC irgendwenn vilicht $100 wert.

Chasch denn z.B. da usgeh: http://www.bitcoinstore.com" onclick="window.open(this.href);return false;
Oder in Franke umwandle...

Also wenn de Rechner eh 24/7 lauft, denn lohnt sichs...


@Saphire...D Wert erreichtmer nume wemer si übertaktet...Memory uf 1075 und Clock uf 1650. En witere Vorteil vo dene isch na, dass si nid voltage locked sind (wie z.B. die vo Gigabyte)...das heisst mer chan de Stromverbruch uf es Minimum reduziere. Für Charte wo denn im Dauerbetrieb laufed lohnt sich das...

[randy]

ah, sorry. han gmeint öb de betrag linear wachst mit anzahl grakas.

[Xinobrax2]

Achso...ja me oder weniger....im Moment entstönd alli 10 Minute 25 neui Bitcoins. Mal agnog du wärsch de einzig Miner und würdsch mit 200 Mhash/s rechne, denn chämtsch all 10 Minute 25 Bitcoins über. Wennt plötzlich 2 x 200 Mhash/s hetsch wäreds imerna 25 BTC....wenn denn aber en zweite Miner mit 100 Mhash/s dezue chunt wäreds für dich nurna 20. Das Bispiel isch allerdings starch vereinfacht.

Uf jede Fall chömed laufend neui Miner dezue, drum wird de Ertrag in Bitcoins laufend geringer. Vor allem in nögschter Ziit, will jetzt immer me ASICs uf de Markt chömed...die Dinger rechned einiges schneller als e GPU. Anderersits stigt aber au de Kurs laufend...drum glicht sich das wider chli us....ich han momentan eis Rig mit 4 Charte...jetzt chunt na es zweits dezue...für mich het sichs bis jetzt uf jede Fall glohnt.