The Last of Us (PS3 und PS4!)

[NERV]

'Dat Ass!

[Jones]

ganz geils game, de afang, emotione, den die gwalt, scho nur di erschte 2 stund sind

Krass! Chami nid erinnere dassi scho mau tränli i de ouge gha ha bime spiel... Ganz grosses chino!

[Supersonic]

Hans au aber kei Ziit bis am Samstig oder Sunntig

[zeromeier]

Hans au aber kei Ziit bis am Samstig oder Sunntig

niemerd hed ziit

[thaeye]

jede haet ziiit

[Overdose]

i bi ned jede.

[Moff]

also nach ca. 4 stund chan ich bestätige, dass au the last of us en wiitere vertreter vom beliebte genre interaktive film isch.
mer bewegt sich dur sehr atmoshpärischi und liebevoll detailliertgstalteti umgebige, ich wot "schön" vermide, will nachem erste konsole spiel i einehalb jahr han ich mich zu sehr a pc grafik gwöhnt, usserdem merkt mer a vielne orte, dasses halt uf sehr alter hardware lauft, es het viel komischi popups und teils frame rate ibrüch.
es isch aber trotzdem es würklich top postapokalyptisches zombie setting.

spielerisch isches aber flach, sehr sehr flach. es isch zwar chli ghaltvoller als die letschte beide interaktive film tomb raider und bioshock infinite wills sich immerhin bemüeht, shooting, melee, stealth und ghosting relativ nahtlos is leveldesign iszbaue, es macht all die sache zwar ned würklich guet, aber dur das isches immerhin ned so gähnend langwilig wie tomb raider.
inszeniert isches sowieso top, naughty dog sind ja au nöd so schlimm, uncharted het mich zwar au nie begeistered, ghört aber sicher nöd zu de schlechte games vode letschte gen.

grad wils aber so guet isnzeniert falled es paar sache denn grad na meh negativ uf:
- munition isch i dem spiel ultraknapp, aber gegner hend quasi unendlich devo und nach ihrem ablebe chamer weder munition no waffe vo ihne ne. ich verstahe natürlich, dass das en teil vom balancing vom spielkonzept isch, aber das nervt total. das isch doch öppis wo iets jede spieler erwartet und gnervt devo isch.

- d'stealth sequenze sind eigentlich relativ cool. wills gegner git wo nüt gsehnd sondern nur ghöred, mer chan also i stockdunkle rüm mit de lampe id gegner ielüchte, eifach sich ned bewege, das isch recht spannend, wird aber leider total vode mieserable wegfindig vode KI kumpane (womer bis zu 3 het teilwis) ruiniert wird. will die tatsächlich i dene stealth abschnitt teilwis wie vo biene gstoche um gegner umerennend.

sicher keis schlechts spiel, mir gfallts au me als uncharted 2, vor allem wills es viel bessers spieltempo het, aber sonen krasse übertitel, wo all die 10/10 rechtfertigt, gseni iets nach 4 stund nanig.
da het infinite us miner sicht mit art-/weltdesign/story na meh usegholt zum mich begeistere.

[Herr Rossi]

Ich persönlich bi nid gnervt vo de Munitionsknappheit, ganz im Gegeteil. Es isch chli wie bim ZombiU; alte Survival Schule und nid sinnloses Geballer. fascht jede Schuss mues guet überleid sii.

[Moff]

lies namal was ich gschriebe han

zum namal dütlich zämefasse:

mis problem demit isch natürlich überhaupt ned de munitionsmangel a sich, es söll ja i erschter linie es survival spiel si und det isch das au pflicht.
was mich stört isch wie de munitionsmangel is spiel ibaut isch, bi resident evil 1 isch das zum bispiel sehr nahvollziehbar gsi.

i the last of us, womer zu 70% menschlichi gegner bekämpft wo mit pistole und sturmgwehr bewaffnet sind, isches das ned wennmer dene nachem tod ned eis stuck munition, geschweige denn en waffe abneh chan.
vo de spielbalance her verstahn ich das total (wie scho gschriebe), aber ebe ned us de glaubwürdigkeit vode spielwelt use, und das fallt ebe bsunders uf/nervt bsunders starch, will d'qualität vo the last of us seht starch uf sim doch enorm glungne, sehr realitätsnahe und atmosphärische setting beruht.
alles klar?

[Shadow]

Huere geil isches. Omg

Chli meh Muni wär scho geil, aber halt Schwerpunkt Survival. Leider geil!

[geosnow]

häsch wenigstens es guets jagt oder scharfschütze gwehr. wo nach em level au bhalte chasch? oder verschwindet d waffe wieder?

[Herr Rossi]

@moff
jep, alles klar. verschtoh di punkt, mich störts jedoch (no?) nid. aschliche

[Moff]

häsch wenigstens es guets jagt oder scharfschütze gwehr. wo nach em level au bhalte chasch? oder verschwindet d waffe wieder?

Ja bhalte tuesch alles wod findsch.
Eifach die vode gegner chasch ned ufneh.
S'Jagdgwehr gits recht früeh

[Jones]

i verstah di punkt, dass d'munitionsknappheit nid ideal implementiert. hami o gfragt warum die nüt liege löh nachem abläbe...
aber ändere am spiel würds ja nüt, obs itz nachvollziehbar isch (wie ime resi, wo zombies natürlech ke mun liege löh) oder nid. wie meh sich ab däm so cha ufrege, isch mir es rätsel...
zrügglähne u gniesse isch agseit!

[Shadow]

Recht viel möngels lönd Muni ligge, finds jetzt nöd so schlimm, die huere clickers nerved, aber im positive sinn. Isch huere geil, chasch die siech mit eme shank vu hinde abemorchle loool es isch so super.

SPOILER!!!!
Gwehr hani nanig, bin dört wo ich vu de 2 ladies trennt wirde ...

[Master(G)]

de schwul isch super gsi!
en u-huere hill billy... und gay!

[geosnow]

schwul = gay? komisch.

[Skeletor]

en schwule wo gay isch?

[Master(G)]

nei, en hill billy wo gay isch... oder churz en schwule.

chönder läse?

[Skeletor]

villicht söttisch du dini 2 sätz namal läsä

[Master(G)]

[zwirrlibatz]

schwul: hillbilly wo gay isch?

[Master(G)]

[Skeletor]

händ üsi admins jemals en fehler igstande?
glaub nöd oder? däbi hettets ja meh als gnuäg möglichkeite

[Master(G)]

fähler? lol

ich schaffe sitt 14 jahr ide erotik-branche und ha afe rächt viel fründe wo gay sind.
willsch mir was verzelle? verzell!

ich has nöd luschtig gfunde will er gay isch, sondern wie er usgseht... und wies im spiel implementiert isch. es wird nie vome schwule gredt, mer findet aber eidütigi hiwiis, dass er gay isch. hani super gmacht gfunde.