Nahrigsergänzig aKa Supplements

[mousch]

Ich nimme täglich Supps. zu mir, laugisch!

Am morge immer 25mg Zink und 3 Fischöl-Kapsle.
Nachem Training es Molke Protein.
Ab und zue Magnesium-Drops.
Kreatin no bis endi Dez. (mis arme WC...)

Was hausch du dir alles so inne?

[evo]

wenni verkatert b lösi sone multivitamin tablette imne glass wasser uf.

sunsch absolut gar nüüt

[orphen]

ich nimme magnesium da i süsch en chrampf bechume wen ich viel kicke. aber süsch nimm ich nüt

[Jones]

i zieh mir ab und zue chli kondensierti proanthocyanidine ine...

[O_O]

ich knall mer öppe die Dihydrogenmonoxid ine. söll na guet si.

[Chäller]

gar nüt.

[Scarface]

Täglich und no Magnesium Tablette

[Tatsujin]

gar nüt.

sehr richtig.

[Avenger]

Der mousch söll säge: Was bringe die Vitamin C / Magnesium-Calcium / 20 All in One Brausetablette? Machts Sinn die ds neh oder cha mes au lo bliibe?

[kraut]

nüt nimi. isch sone scheiss.

[mousch]

Der mousch söll säge: Was bringe die Vitamin C / Magnesium-Calcium / 20 All in One Brausetablette? Machts Sinn die ds neh oder cha mes au lo bliibe?

Jeglechi Art vo Vitamin Supplementierig macht m.M.n. überhaupt kei Sinn. Isch sowiso nie die glichi Wärtigkeit wie richtigi Vitamine und usserdem bruchscht mes i.d.R. sowiso nid wenn me sech aständig ernährt.

Calcium brucht me au nid ds supplementiere wemme nid gd gar nüt isst. Magnesium chasch wenn mangelerschinige hesch wie ofti Muskuchrämpf..au wes no lang nid unbedingt Magnesiummangel si muess...

Zink isch für mi s einzige wome cha supplementiere. Bsunders wemme vil Sport tribt nid ganz ds dümmschte. Usserdem profitierei sidis nimme, vomne klar bessere Hutbild und bessere Nägel.

[Mastler(P)]

ab und zue multivit, zink, opc, proteinshake.
aber han no ca. 20 anderi supps wohni nur sälte nach luscht und laune ine hau.

[Sylvara]

wer sich usgwoge und gsund ernährt bruucht kei supplements.

dr einzig grund für mich mängisch e vitamin C brause ds näh isch dr gschmack lol

[Acid]

nüt... defür suscht super Nahrig, do muesi gar nüt meh ergänzä

[ritschi]

nix

[blackraini]

selte Mg

[Mastler(P)]

wer sich usgwoge und gsund ernährt bruucht kei supplements.

haesch ja eigentlich recht, aber wemmer vill sport macht ischs zb. ebe scho no gschiider mer nimmt supps.
obwohl, mer au ohni ueberlaebt..

[Gurgelhals]

Isch doch eh alles e Verschwörig vo de Nahrigs- & Pharmamultis



Ah ja: Phalsches Phorum.

[Chäller]

Supplements

Es ganz es dumms Wort übrigens.

[putzfrau]

im reschterand hani amig no gern echli süplemaa

[Chäller]

reschterand

[Tatsujin]

im reschterand hani amig no gern echli süplemaa

sehr wichtig.

[kraut]

wer sich usgwoge und gsund ernährt bruucht kei supplements.

haesch ja eigentlich recht, aber wemmer vill sport macht ischs zb. ebe scho no gschiider mer nimmt supps.

Wieso?

[Mastler(P)]

Es ganz es dumms Wort übrigens.

ich find ergänzig es guets wort.

Wieso?

[kraut]

nei, das würd mi itz würklech no intressiere.