Arcade Cabs

[turntablism]

hett jetzt eine de hang-on vom ricardo gholt ?

[meyerli]

hett jetzt eine de hang-on vom ricardo gholt ?

de tariffa01

[Shadow]

In da house!

[Marco_in_motion]

Tues no im Off-topen und bi movies poste
Und ja er gseht würkli übel uus.
Söll en hübsch mache wiä am Grisu sis Cab?

[turntablism]

geil !
lauft er, scho gschpillt, ischer scho i de wohnig oder schpillsch im keller ???

[Shadow]

teschtet spiele noed im cheller, monitor isch super... Münzprüefer gaht

[m.o.terra kaesi]

another chance, another dollar
http://www.ricardo.ch/kaufen/sammeln-un ... 715713314/" onclick="window.open(this.href);return false;

[Marco_in_motion]

Diä huere Royal Video gsehnd so nach verrauchti, enorm schlächt belüüchteti, zwielichtigi Arcadehalle a de Langstrass uus...
Vorallem s'Marquee hinderlaht bi mir dä Ihdruck.

[Tako-yaki (ex bahamutzero)]

I ha so eine. Ha miene selber miese zwägrichte. Villicht nid s' beschte Cab aber weili recht arbeit dri gseckt ha würden im lebe nümm her gäh.
Vorallem dasn grartis ha könne ha

[Marco_in_motion]

Heb fetli ine! oder gseht er voll original uus? Uf jedefall findis super wänn öpper sich richtig Müeh gitt zum soöppis schön mache

[Tako-yaki (ex bahamutzero)]

Sorry für dr lang post

Ha durch pure Zufall im Doc si Cab dörfe erbe. Sorry VJP d' für Halunkerei :sitschei:
Wenn mol z' Basel bisch kunsch verbi und zocke e rundi.
Aber muess zersch no gli inverschtiere um dr Kaschte wieder flott s'mache
Drum es kleins topic vomne versuch es Cab wieder uffzfrüsche.
Wär Idee und Rotschläg het immer willkomme.

Es isch es Royal Video Special wo vom Vor-vor-Bsitzer recht geschändet worde isch.
Farblich total vermurkst,verstaubt, lang nüm brucht worde, 1. Button vom 2P kaputt.
Aber ha mi vo de Fotene vom Doc nid loh abschrecke



Am 1. April (bessers Datum gits nid 8) ) mit em Panther den uff Gasel gfahre um bim Doc (coole Siech ) s'Cab go hole.
S' Cab hät e bessere iidruck gmacht wie zersch Fotene hän loh vermute. Und dr Kaschte het au no e überrraschig parat ka.
Dr Monitor isch dreibar. Brucht keine 2 Minute
D Vorfreund umso grössere dä Kaschte dörfe mithei z'neh.
z' Dritt hoch hämeren denn Stegge (die wo schon an Gasel GN gsi sind kenne die Stegge sicher) abegschleppt und ins Auto gwuchtet.


Z' Rieche denn wieder Stegge doruf aber nur s' zweite. Obwohl nid so gross isch hets doch recht gwicht.


Dehei natürlich grad teschtet. Dr Panther het mirs MVS Board mitem MS 1+2 usglehnt zum probiere. S' Cab het dr Transport guet überstande. Nur dr Monitor isch an de Ränder vefärbt gsi.
Nur bi minere Frau het sich begeischterig recht in Grenze ghalte....

2. April
Mol s' erschts Entstaube usse und mol luege was in dem Kaschte alles dine isch.
D Farbschliere am Monitor sin au nid weggange.
S' Schutzschiebe vo Dreck, Staub, Nikotin und Farb befreit.

3. April
Ha vorgängig im Netz gli umegooglet wieme die Farbschliere wegkriegt.
Ha zufällig im ne Forum glese dass es gross gnugs Netzteil es gnug starks Magnetfeld erzügt um en Monitor z' entmagnetsiere.
Has den in dr Mittags-Pause grad ussprobiert. Ha grad dr Amiga umliege ka und das Netzteil isch e rechte Klotz. Perfekt zum probiere.
Mitere rechte Portion misstraue früsch ans werk. Und...es het wunderbar funktioniert. D' Farbschliere sind fascht komplett weg und dr Monitor isch au heller worde.
Dr Monitor bringt es wieder e schöns Bild

Oschtere (6.-8. April)
Die erschte versiech unternoh d' Farb abzlöse. Ha zersch mit Abbeizmittel dr hinter welle, mi aber nid traut.
Has den mit em Föhn (endlich sinnvoll igsetzt :sitschei: ) vo der Frau und nem fine Schrubezieher probiert.
Funktioniert ganz guet. Biz e fummeli-arbet
Im innne läbe Spinnnetzzügs und Dreck use gsugt, und mol mi fiechte lumpe dr hinter. isch guet schwarz gsi nocher
Halbwegs wieder suuber inne

11. April
Wieter am Farb abgnüble, diverse Altschäde und Schändige kömme zum vorschien. Wie's usseht isch am Cab scho mol öbis gmacht worde

Mini Idee isch die offene Stelle mit Schliefpapier z' bearbeite, denn mit schwarzem Spüehlack drüber und als finish mit Iiseglimmer-Effektspray drüber. Sött dr orginalfarb recht noch koh.
Die gröbere Kratzer und Hick mit Ufffüll paschte ussbessere. Die kleine Haarkratzer mit Poliermittel ussbessere.
Het öber erfahrig mit so Sache? Uff was mueess i luege?

12. April
No meh am Farb abgnüble. Und ha endlich usgefunde worum dr 1. Fire Button vom 2P nid gange isch. Zersch gmeint dr Microschalter isch dure. Mit viel gmurks der Microschalter vom 3. Button uffe 1. Button ummontiert. Aber nada. Und dr glaubti kaputt Mircoschalter het uffm 3. button wunderbar si dienscht gleischtet. Also was nun...? Denn mol dä Kabel noche. Nur durch Zufall isch bim JAMMA-Stecker es loses Kabel usm Kabelgknusch usekoh. Vo de Lötsverbindig abroche. Also schnell dr Lötkolbe usegholt und voila im 2P zocke stoht nüd meh im weg

Im Wohnigsgang sehts amigs us wie uffm Schlachtfeld. S' böse Kabel wieder aglötet

Fortsetzig folgt....


No kleini Notiz am Rand:
Dr Kaschte isch damals vo dr Firma "Novomat" importiert worde. Min Grossvater (leider im Mai letscht Johr gstorbe) isch dört agstellt gsi als Finmechaniker.
Isch fascht so als wär e Stück Familiegschicht zruck koh.

Und nomol es dick Merci an Doc und Panther!!!!
---------------------------------------------------------------------------------------------------------------------------------------------------------------------------------------

18. + 19. April
Wieder am Farb gnüble. Es wird langsam gli müehsam grad weil paar Stelle hed was sehr schlecht weggoht.


25. April
Es isch endlich geschafft die ganz huere Farb isch dunte
No die leschte Farbkrümmeli und Schliere mit Oranex und Wasser abe putzt.

Dr Kaschte endlich farbfrei und mittlerwile in Schof..ähm Gamezimmer züglet. Oranex (Orangereiniger) sehr guets Putzmitttel aber muess vorsichtig dr mit si. Alles was Plastik und Acrylhaltig isch griffts grad a.

26. April (Die beriehmt leschte Wort vom Elektriker: "Isch usgschalte. Kaschs Zügs alenge")
Noch em schaffe nomol gli am Kaschte ume gnüblet. Monitor im Vertikalebetrieb usprobiert. Nomol entmagnesiert weil s drülle het er irgendwie nid so gern und verfärbt den gli wieder.
mol luege ob das mol ganz verschwindet....
Has Problem das dr On/Off Schalter vom Cab immer wiedermol hänge bliebt und sich dr Kaschte nüm losst loh usschalte (nur no am Trafohauptschalter). Also Haputschalter uff Off
Abedeckig uff (hinter de Boxe, Fotene kömme no). Und dr Schalter us dr Abdeckig ussedruckt. Aber Lötstelle sin okay gsi und sunsch isch nüt üsserlich kaputt gsi. S' Schalterinnelebe het wieder ikraschtet unds Cab het wieder normal ab- und aschalte loh. S' Cab ab gmacht, Abedeckig wieder agschrubt und welle dr Schalter wieder welle dri drucke. Ka jo nüd passiere s' Cab isch jo ab :sidlu:
Dumm isch das uff dem Schalter dr Strom vo usse kunnnt (via Trafo). Bim innedrucke vom Schalter bin i mitem einte Pin an der Abdeckig akoh und die isch dummerwies uss Metal. Eh Sau Funke und en Chlapf. Und denn isch nüt meh gange. Uff dr Abdeckig het dr Funke recht Spure hinterloh. "Shit i has Cab grillt (und mi fascht au )". Weil sogar belüchtig im Platineruum dunkel gsi isch (wird seperat gschpisse sprich lauft nid übere Trafo). Zersch mol d Sicherig vom Trafo kontrolliert. Natürlich grilliert und Tod. So nebebi gmerkt das dr rescht vom Zimmer au sone Stromlose irdruck macht.
PS2 Standby dunke, Funkwecker au. D' Hauptsicherig vom Schlofzimmer hets au grad gno. Natürlich scho Zobe noch de 7ne. E neui sicherig bsorge fürs Cab bsorge kasch grad vergesse.

Do isch d' Welt no Okay gsi....

27. April
Friehsdiesnscht zum schaffe. 5.21 - 9.43. Isch unglaublich lang gsi bis i endlich Pause kah ha um noch dere dumme Sicherig z' sueche.
OBI = FAIL (het scho ka aber z' schwach)
M-Parc (grosses Migros) = FAIL
STEG = FAIL
fruschtriert bi richtig heime. Uffm heiweg isch mir in Sinn ko dass bi mir ingangs Dorf es kleins Elektrolädeli isch.
Schnell inne trambt und dr Verkäufer het mi könne glücklich mache. Mitere neue Sicherig im Gepäck schnell heime, igsetzt und mit mehrere Stossgebet dr Kaschte agmacht.
100 tonne Stei sin glaub vo dr Seel keit als SNK logo uffm Bildschirm uffgleuchtet isch (Im Panther si MVS und MS2 sin ebbe bim Chlapf au no dra gsi).

die huere Sicherig
und was Moral dere Gschicht? Immer dr Stecker zieh :opi:

29. April - 1. Mai
Dr Schock isch überstande also wieder ans Werk. S' Panel und Abdeckig vom Münziwurf entfernt.
Ach.... no meh Farb zum wegnehm wo drunter gloffe sich bi de Heldetat vom Vor-vor-blabla-Bsitzer :sidlu: .
Oranex sei Dank en relative kurze Chut. Panel und Münziwurf muess denn schpöter mol no putze.


@Doc
Wie hesch das gmacht? Im Münzschlitz sin no 6 Stutz verklemmt dinne gsi

Denn agfange Monitor und Öffnige ab z' decke/-klebe. Mit Hartwachs die gröbschte Löcher und Delle gflickt.


Wieder abklebe. Die Fläche a(b)schliffe wo zum striche sind.
https://public.sn2.livefilestore.com/y1 ... JPG?psid=1" onclick="window.open(this.href);return false;

2. Mai
Grundierig striche und warte


3. Mai
Grundierig isch trocke. wegem Spay alles andere wo sind sött farbig werde au abklebe. aschliffe und den mit em schwarze Acrylfarbspray drüber.


4. Mai
Die erscht Schicht isch trocke. Wieder aschlieffe und zum 2. mol drüber mit em schwarze Spray
d' Farb wird langsma glichmässig


Wie's usseht muess no 1-2 mol drüber. Aber muess zersch nomol e Dose ha
Denn kann mit Effektspay drüber

That's all folks für de Moment

---------------------------------------------------------------------------------------------------------------------------------------------------------------------------------------
NEU

Dr Endspurt. Has zwar scho es wieli fertig, hed aber no nid glängt do ine z'poschte

Zerschmol no Fotene vom Funkegwitter wo im Cab fascht s'lebe koscht hän.

Dr böse Schalter und geniali Metalabdeckig. Dr Funke het recht Spure hinterloh.... E wunder dass dr Schalter sich nid au grad verabschiedet hed.


So back to business
ha keini feschte Date meh weil i praktisch jede Tag dra gschafft ha. So vom ~7.5-27.5.
So die schwarz Farb isch druff und trocke. Zyt für dr Effekt-Spray

isch no recht schwierig gsi dass es glimässig wird und im alte Muschter noch kunnt. Zwüsche de sprüh gäng immer wieder liecht aschliefe.


isch s Glitzerzüüg trocke muesch mit nem Glarlack drüber das es hebt. Also mit ganz fienem Schliefpapier nass aschliefe (glaub ein vo dene wenige Moment wo i unsicher bi was i mach)
abtrockne und mit em Klarlack drüber. Weil dr Klarlack an Teil Stelle gli milchig gsi, isch bin nid so sicher gsi ob ichs richtig mach
zum glück isch es denn relativ schnell durchsichtig worde.




Zwüsche dr Sprühgang Panelzüügs afoh putze. Und scho wieder die drecksfarb....wo bi dere schlaue strichaktion druntergloffe isch :sidlu:
denn alli Buttons usenannt gnoh. Vo dreck, staub und Nikotin befreit. Jetzt laufe alli wieder suuber.
Leider isch s' Panel biz agroschtet vom alter und durch Farbmisshandlig. Drum blättert au die rot farb an teil stelle biz ab....

By the way vom unterschte Foti links hets uff recht siete dr stecker vom Panel. Weiss öber was für eine isch? Ha nid usegfunde wie dä heisst.
i möcht in nöchere Zukunft es zweits Panel mit Buttons baschtle aber drfür miesst i wüsse was für en stecker isch.


so no biz kosmetik fürs aug. Alli schrube sin guet am roschte gsi. Ha zersch welle neui kaufe. Aber bi Panel putze hani denn mit em fiene schlieffpapier probiert.
unds resulat kame wirklich bruche no FL-Röhre ersetzt (no mol gschwitzt das dä seich nomol um d'ohre könnte fliege bim ischalte) aber das mol stecker abzoge vom Cab.
Dr Bueb het glehrt. :opi:


Endlich, endlich fertig. S' Panel wieder montiert, s abdecküg endlich könne entsorge. Die beide Platine sin denn au bald cho.
Het do aber no es ABER gäh. Wo i d' Fotene agluegt ha, isch au das dr bi wo grad MS2 am laufe isch (wieder obe im Topic). Ha studiert das öbis nid ka stimme wege dr ussrichtig vom Monitor.
Vo japanische Cabs dreisch dr Monitor gege dr uhrzeiger. Aber bi dem Cab kasch nur mit em Uhrzeiger dreihe. Das würd bedüte...da faqq vertikal würd s' züügs uffm Kopf stoh.
Das mit dip switch oder Servicemode auf dr PCB kasch s' Bild flippe hani scho gwüsst. Bim Raiden Fighter hani aber zersch nüd gfunde weder im googleland no im testplay uffm MAME.
Ha denn aleitig vom Monitor paar mol durre blätteret weil irgednöbis gstande isch vo Screen dreihe. Und tatsächlich...uff dr Paltine vom Hantarex Monitor hets zwei Steckplätz. Mit dene kame dr Screen flippe.
Also ins Cab inneliege und dr Steckplatz tuscht.
Dr Tag isch grettet unds Raiden Fighters (wo übrigens doch no dip-switch het für Screenflip) den doch no normal könne gniesse.


No miesse möbel rucke das Cab in Sammlig passt. die beide Regal sin voher zämme an rechte wand gstande. Weil i Fernsehmöbel au ha miesse schiebe, hani nochher dr Kabelsalat vo de Konsole no neu dörfe verlege :sidlu: 2h am gnüble.

no e kleine iblick in schatzkammere


Bilder vom linke regal

Bilder vom rechte Regal

S' reschtlich Wii/GC und Xbox zügs isch im wohnzimmer


Das wär im Cab si Story gsi
wird mol no es Tescht Button ibaue und es git mol no zweits Panel.
Sunsch isches fertig. E tolli erfahrig isch es gsi.
@ Doc jederzyt herzlich willkomme
@ Panther du jo sowieso

THE END !!!

[geosnow]

geili sammli. und d samsung MD games sind super.

[mr.raw]

Hammermässigi Story!!!!

Sag mol, wer bisch du Tako-yaki (ex bahamutzero)?
Kenne mir uns sogar evt.? Hesch du mol z Bottmige gwohnt kha?

Kennsch Kaffilade bim Bahnhof? La Columbiana? Dört bini dehei ^^

Du, de chliini elektriker lade...das isch doch vom Thurneysen Benni En Kund vo uns. Hett mir au so sicherige müesse bsorge für en Trafo deheime.

Cooli sammlig hesch!!

[Marco_in_motion]

Du herti Sau häsch dis Cab i de Wohnig gsprützt hahaha
geili Sach Mann

[turntablism]

nice story man !
gseht supi us

[Shadow]

nice story man !
gseht supi us

[turntablism]

@ grisu
wie wiit bisch mit em cab ?

[Panther]

So nebebi gmerkt das dr rescht vom Zimmer au sone Stromlose irdruck macht

Im nochhinein tönts jezt no witzig. Aber isch en rächt luschtige Tag gsi womer sis go hole und oja die Mühli het recht gwicht gha, vorallem uf de letschte 2-3 Stägetritt (Vergiss es, mir schaffes nit, kehre mr besser um bevor mer drunter ligge )

@Sammlig, was i an dire Sammlig vorallem toll find isch die grossi Spannwiti vo Amiga über SFC, PS bis zu PC und Arcade isch vo allem öbis dinn wo Rang und Name het

[Fade]

Thumbs Up!

Nor no en guete Game-Hokker muess äne!

[Marco_in_motion]

@ grisu
wie wiit bisch mit em cab ?

Nächstens sprützemers

[Grisu]

Sowit isches jetz:

Alles schön usbüült (stöckli und hammer ftw). Wie neu wirds.
Korrigierä: besser, da revidiert, schöner lackiert und mit neue sticks/buttons

[geosnow]

isch komisch, bi mim jamma stecker isch s kabel bim +5V trennt, aber trotzdem laufed d platine.

[The Sheep]

isch komisch, bi mim jamma stecker isch s kabel bim +5V trennt, aber trotzdem laufed d platine.

alli 4 pin ?? chamer nid vorstelle

[Grisu]

Ohni d'5V spannig hättisch nur es ruusche uf de lutsprächer..

[geosnow]

nope, nöd alli vier pins. nur de linki +5v.