Iz seit min Treuhänder Kolleg er würd en lieber uf Kredit nä, er hed mr no en Artikel vom Beobachter dezue gä und es tönt plausibel.
En andere Kolleg wo aber ebe au druus chunt meint, es Leasing über die eiged Bude wär besser da me meh abzieh chöng vode Stüre und am Schluss vom Leasing "kei Verpflichtige" me hed, me isch also flexibler.
D Frog isch iz natürlech wer hed recht? Bzw. gids ja sicher bide Leasing Agebot au ungerschiid, wobi ig weiss dasi es guets bechume da de Verchöifer en Kolleg isch.
Kredit schiins bide Migros Bank lut Treuhänder.
Falls ig iz doch no mit Verstand an die Sach gange und mer eine für halb so vil würd hole (ca. 20k) was wäri denn genau bitte für mi e Vorteil? Wievil chame effektiv vode Stüre abzieh vo somne Auto? Muess ja irgendwie in Relation mit em Gwinn sto oder gids do irgend e Summe wo am "optimalschte" wär. Was klar isch: I fahre VERDAMMT wenig demit ume, also rein vode KM würd sech sones Auto nid lohne das weissi natürlech selber. Aber denn wär au scho Diskussion klärt wegem Verbruch wobi das bim Evoque ja au nid sooo verruckt isch. Zahli halt meh Versicherig und Stüre als mit eme 15k gebraucht BMW,Audi oder was auch immer...YOLO oder^^
Ikomme schätzi das Jahr bzw. vo hüt bis in 365 Täg uf ca. 80-120k.
Da no de geplanti Chauf, kritik gern erwünscht.
(also...abgseh viellech vor farb)
