tv wo bim ischalte s`signal erkennt..

[turntablism]

weiss vilicht eine vo eu ob alti röhre tv wenn ischaltisch grad es igangssignal erkennt - wenni zum bsp. e konsole via scart oder e mak/supergun agschlosse han und de tv ischalte dass denn grad de gamescreen chunnt ohni dass ich mit de fernbedienig mues umschaltä ? chönnti en Bang & Olufsen BeoVision MX 4000 günschtig ha wo aber kei fernbedienig meh het.

[LeviathanX]

scart hat ein umschaltsignal.
das muss von beider seiten benutzt bzw. unterstützt werden

[turntablism]

scart hat ein umschaltsignal.
das muss von beider seiten benutzt bzw. unterstützt werden

heisst das, dass bim scart de tv beim ischalte grad de gamescreen chunnt und zbsp. bim video (chinch) das nöd funktioniert ?

[damian]

Ich han en b&o mx 4000. hervorragends bild (warm, farbächt, bi mir chli unscharf und am linke rand verzerrt, das würd sich aber vermuetli justiere la). ich han ewigs dä perfekti retro tv gsuecht und bin dä meinig das dä mx 4000 das isch. dä einzig fernseh wo s'signal nöd verfälscht und ä schöni farbtemperatur hät.

ohni fernbedienig chani allerdings gad säge chunsch nienets ane. dä fernseh hät genau ein chnopf uf dä frontsiite, und dä isch zums programm ein sender vorwärts schalte. uf scart umschalte chasch nur über fernbedienig. du chasch allerdings ä programmierbari fernbedienig chaufe und s'problem hät sich glöst.

churz: hervorragends, unverfälschts bild für RGB. Allerdings au ohni iistelligsmöglichkeite wie Kontrast oder Farbsättigung (aber wänns bild perfekt isch bruchts das ja au nöd - s'bild stimmt eifach). Fernbedienig bruchsch allerdings zwingend, mer chan aber ä variabli nä.

Fernseh wos bild automatisch chunt würdi eher monitore nä wie z.B. d'sony pvm serie. Normali fernseh händ meistens än haacke. Wobi wie dä leviathan x gseit hät. RGB hät es signal uf eim Pin wo bi gwüssne fernseh macht dass die automatisch aaschaltet und ufs RGB signal wechslet. Hani au scho gha... Isch glaubs nöd soooo sälte.

[Tatsujin]

isch de besser als en sony PVM?

[damian]

ich find scho für 240p retrokonsole: d'scanlines sind weniger dick. und s'bild macht en aagnehme warme, weiche iidruck, isch aber trotzdem scharf. also gad für megadrive, pc-engine und snes super... s'bild gseht ziemli genau so us wie das uf dem philips cm monitor wo alli so super findet, eifach viel grösser.
für 480i isch pvm aber besser, will schärfer und chräftiger. d'streifemaske (=trinitron) bringt halt scho recht gstoche scharfs bild ane... für ps2, gamecube, xbox und dreamcast sicher besser.

[turntablism]

ja en pvm isch au im visier, mal luege was es schneiet...
anyway mässi für antworts

[Reinforced]

ich mues säge ich zock immer lieber mit LEDs grad über mehreri Stunde... eifach ahgnähmer fürd Auge und d Farbe sind würkli super mitemne richtige Upscaler / scanline generator.

darf natürli nid meh als 2ms input lag ha.

han auno en Sony Trinitron (schaltet au automatisch um) würd dir so eine empfähle.

[damian]

stells mal näbetenand. denn gsehsch dass d'farbe kein verglich sind. das sind physikalischi gegebeheite wo das usmachet. und di schlechte beweigige händ mit dä reaktionsziit nüt ztue, sondern mit em lcd typische bilduufbou... au da chasch nüt mache. drum: lcd isch eifach scheisse für bewegti bilder...

[Tatsujin]

seit de wo nöd meh als 24 bilder/sec wahrnäh chan

[damian]

du chasches ja selber mal überprüefe, indem dass autorädli vome näbetdra fahrende auto beobachtisch, luegsch ab welere gschwindigkeit sich die rückwärts z'dreie schiinet und dänn rechnisch uus, wie viel bilder pro sekunde du ufgrund desse wahrnimmsch... seisch mer dänn uf was dass cho bisch, denn chömmer gern wiiter drüber rede

[Tatsujin]

ich han viel en eifachere tescht. lueg es 30fps 2D spieli und den es 60fps 2D spieli ah.

gsehsch en unterschied?

[ ] ja
[ ] nei

[damian]

din test funzt ebä so nöd, will dä unterschied dur di besser synchronisation vo dine 20 fps zstand chunt. ich versueches z'erchläre:

du muesches dir so vorstelle: wänn du mit ere 20fps kammera (also ä kamera wo genau 20 bilder inere sekunde macht) en 30fps spiel abfilmsch. dänn isch jedes vo däne 20 bilder um höchstens ä halbi 30igstel sekunde versetzt (indem dass z.B. bild 1 und 2 abgfilmt werdet, bild 3 nöd und bild 4 und 5 dänn wider etc.). Wänn en 60 fps spiel abfilsmch ischs äs bild höchstens um ä halbi 60igstel sekunde versetzt (indem dass ebä z.b. bild 1, 3, 6 und dänn wieder 8 10 und 13 gfilmt werdet). dur das isch d'bilderabfolg vo dine 20 bilder im hirni regelmässiger bi 60fps als bi 30 fps. dur das wirds spiel als flüssiger wahrgno.

machet mer biispiel vonere 1/6 sekunde film, also 10 frames bi 60 pfs:

60 fps: bilder 1,2,3,4,5,6,7,8,9,10
30 fps: bilder 2,4,6,8,10

jetzt chasch usrechne weli frames dass ä kamera mit z.b. 18, 20 oder 24 fps würd registriere und wie regelmässig dänn d'abfolg vo dä bilder isch.

natürlich werdet bilder oft au überlappend wahrgno. und das isch genau s'problem vo dä lcd bildschirm im vergliich zu dä röhre. will röhre nur eimal churz ufblitzet, nimmt mer immer nur höchstens eis bild wahr. bi lcds wo dä übrgang flüssend isch nimmt mer meistens 2 bilder gliichziitig als eis wahr, was zu dä bekannte schlirge füert. drum händs bi gwüssne lcd bildschirm aafange d'hintergrundbelüüchtig flackere la und händ das denn als 100 hz verchauft...

[Tatsujin]

hör mal uuf so blääch ds verzehle.
und ich han ja gar nüt gäge LCD vs. CRT etc. gseit. jediglich dass mer meh als 24 bilder pro sekunde wahrnimmt, drum ebe de 30 fps vs. 60 fps tescht.

[damian]

ich han der gschriebe wieso dass das wo du glaubsch än irrglaube isch... weisch du eigentli dass ich psychologie inkl. menschlichi wahrnehmig und methodisches fragebeantworte gstudiert han? was ich gschriebe han isch ziemli guet fundiert und au sehr iilüüchtend (wänns dänn au würkli gläse hettisch was ich gschriebe han). aber wänn du eifach so äs schlecht selbstbewusstsi häsch, dass dir par tout nie chasch iigestah mal öppis falsches gseit zha, bliibsch halt bi dinere möngimeinig. schad eigentli. sust bisch amel recht gschiid...

[Tatsujin]

du versuechsch mier ds erchläre wie öppis mit weniger fps mit ere höhere fps abgspielt wierd und so en effekt druus entstaht. guet.

um das ischs mier nie gange. du seisch ds aug chan nüme viel meh wahrneh als was über 24fps abgaht. das isch aber blödsinn.

en native CRT chan z.b. 15, 30, 60 fps sehr schön und unverzehrt darstelle. was ich also gseit han und scho vielmals bevor, es spiel in nur 30fps gseht scheisse uus gegenüber es spiel in 60fps. Nur das hani gseit.

also was isch jetzt da falsch drah oder söll als vergliich nöd funktioniere?

[LeviathanX]

heisst das, dass bim scart de tv beim ischalte grad de gamescreen chunnt und zbsp. bim video (chinch) das nöd funktioniert ?

Bis jetzt hat jeder meiner (auch billigen) TVs auf den AV Kanal gewechselt, wenn das SCART-Gerät angeschaltet wurde.
Mit RCA klappt das sicher nicht, das ist reines Video- bzw. Audio-Signal (in dem Falle). Mit RCA auf SCART geht's natürlich auch nicht, weil das direkt auf die Video- bzw. Audio-Ein- bzw. Ausgänge vom SCART Stecker geht.

Aber google mal nach SCART Pin 8, gibt da paar Bastelanleitungen

[geosnow]

philips cm monitor wo alli so super findet, eifach viel grösser.

isch doch au e philips röhre drin.

[damian]

du seisch ds aug chan nüme viel meh wahrneh als was über 24fps abgaht.

ich han gseit s'aug nimmt öppe 20 bilder i dä sekunde wahr. gnau weissis au nöd wie viel.
das heisst aber nöd, dass s'aug nöd chan zwüschet 30 und 60 fps unterscheide. will bi 60 fps d'bilderabfolg regelmässiger isch würkts ebä doch flüssiger als 30fps.

was mini uussag isch, isch, dass än framrate unterschied vo 10 zu 20 fps viel fataler isch, als vo 30fps zu 60fps. sobald nämli d'fps vom mensch erreicht isch, sind d'verbesserige nümm soooo krass. Also im Kino hämmer ja glaubs immer no 24fps - und niemert beschwert sich, oder hät sich das mittlerwil gänderet?

[damian]

philips cm monitor wo alli so super findet, eifach viel grösser.

isch doch au e philips röhre drin.

kei ahnig. guet möglich. philips hät sehr gueti röhre gmacht früener...

[Tatsujin]

Lol, genau was ich säge. logisch isch zwüsche 10fps und 20fps de wahrnemigs gap grösser als twüsche 30 und 60.
isch ja bi allem so, dass es je meh gege ue je weniger ids gwicht fallt. hello and welcome to yesterday.

trotzdem isch bi 24fps nöd eifach fertig wie du so meinsch, sondern na einiges zum usehole bis in obere berrich vor wahrnehmig.

sobald nämli d'fps vom mensch erreicht isch

dasch genau das wo mich sit jahre a dinere uussag so stutzig macht. was söll das überhaupt gnau heisse? "d'fps vom mensch erreicht isch"?? bi 24fps? ischs ja ebe logischweiis nöd, wenns bi 30 oder extrem au bi 60 na viel besser uusgseh tuet, wie ja au bewise isch

und nur wiel mer im chino sit 3493 jahr 24fps hend, gheisst das ja no lang nöd, dass das ds mass aller dinge isch. in wahrheit werded ja scho bald oder sogar scho sache in 48fps oder so hergstellt/verfilmt. für chino wie TV.

[damian]

wänn en mänsch 20 fps verarbeitet. dänn würkt 10 fps EXTREM rucklig, will nur jedes 2. wahrgnommene bild ä veränderig stattfindet. d.h. dini wahrnehmig wechslet di ganz ziit vo standbild zu bewegig und wieder zrugg. git chopfweh, isch chum zum uushalte. das isch fatal und würkt wie ä ruckelorgie.

wänn du 30fps isch das nöd ganz flüssige im vergliich zu 60fps nur wäg dä liecht unpräzisere synchronistation. also weniger fatal.

mini uussag isch drum, das dä vorteil vo me fps nöd linear sinkt mit me fps, sondern ab exakt 20fps (=menschlichi wahrnehmig) wesentlich weniger schnell stigt als vor 20 fps.

du seisch 5:10fps>10:20fps>20:40fps>40:80fps. mini uusag isch (5:10fps=10:20fps)>(20:40fps=40:80fps). Um das gahts mir...

[Tatsujin]

Um das ghats mier aber gnau nöd.

fakt: 60fps gseht soo viel besser us als 30fps. so eifach und unabstriitlich ischs

würds dir öppe gfalle, wenn ALLI 16bit spieli nur in 30fps würde laufe?

wenn du das nöd e so gsehsch, den würdi eventuell mal en bsuech bim augeartz nöd schade.

[damian]

wänns soooo krass wär wüstisch du wohl öb hüttigi film etz 24 fps oder 48 fps sind... meinsch nöd? häsch aber nöd gwüsst...

[Tatsujin]

wiilsch dich jetzt aber nöd öppe so billig us de affäre schliiche?