Laufbahnberatig Erfahrige

[Marco_in_motion]

Sali,

Ich wott mi brueflich verändere und weiss nöd ob das Sinn macht ine Laufbahnberatig z'gah, hät öpper vo Eu scho Erfahrige dämit?
nützt das was? isches Humbug? wiä lauft das ab?

[Astroboy]

Isch chly wie bi allem i die Richtig; s'chunnt uf d'Qualität vor Beratig aa. E gueti Person cha dr Perspektive ufzeige und Impulse gä, kennt ev. Beriiche wode no nie drüber nachedenkt hesch, was e gueti Sach isch. Es cha aber ou sehr guet si, wie gad bimne Kolleg vo mir passiert (wo sech aber eigch ou ziemlech guet säuber kennt), dass när ke Meter witer bisch als vorher. Grundsätzlech ischs aber mitm Gang zur Beratig scho nur dir säuber gägenüber e Usdruck vor Bereitschaft, was z'ändere, was oftmals scho dr grösscht Schritt an sich isch. Ev. kennsch ja Lüt wo das gmacht hei und was chöi empfehle.

Ablauf: Oft es Erstgspräch, när gäbe sie dr Frageböge hei wode ufs nächst Mau usfüllsch (oder vorgängig iireichsch) und bir nächste Sitzig wärde die när besproche. Aber wie immer gilt bi so Sache: Your mileage may vary.

[Marco_in_motion]

merci,
ebe känni leider genau nur eine und dä isch schlussement wieder zrugg uf Versicherige lol.
Wänn das Jahr ume isch hani 9 Jahr im Ussedienst Versicherige verchauft und bin ussert däne unzählige Verchaufsseminar, Kommunikationskürsli und all das Züüg wo halt jede so mache mues uf dem Job, nöd vill wiitercho. s'Schlimme isch dasi eher en fuule und ängstliche bin wänns drum gaht mich für e anderi Branche und Stellig usem Feister z'lähne aber ich mues jetzt. Fründe und Familie sägeds scho siit paar Jahre und ich gsehs langsam au dasi was anders mache mues. Jedoch bruuchi professionelli Unterstützig und drum wotti ine Laufbahnberatig und ich merk scho dasi dänn entweder Glück han und e Person vor mir han wo sich mir ahnimmt oder öpper wo eifach numme Fakte wälzt und mir nacher es paar Vorschläg anehebet.

[damian]

ich han persönlichkeitspsychologie inkl. laufbahnberatig studiert...

es wird genau so gmacht wie dä astroboy seit: füllsch en test uus und nachher wird berate. en persönlichkeitstest, was du gern machsch und was dir liegt. optional amel au no en intelligenztest, weli fähigkeite dir lieget - wobi wänns für dich isch weisch ja selber wasd chasch und was nöd.

das isch s'bekanntiste modell mit 6 verschiedene mögliche interesse:
https://www.google.com/url?sa=t&rct=j&q ... LOusaiBmcg" onclick="window.open(this.href);return false;

wänn gsehsch weli interesse dass häsch chammer luege was es für dich so git...

vom schiff us würdi etz eifach mal säge dass du nöd dä intellektuell typ bisch wo sich 5 jahr i büecher vertüüft zum nachher wüsseschaftler werde sondern lieber praktisch schaffsch und guet mit mensche chasch umga...

[Marco_in_motion]

ich han persönlichkeitspsychologie inkl. laufbahnberatig studiert...

chasch mir hälfe?

[Tatsujin]

[damian]

"Realistische" (R) Typen bevorzugen Tätigkeiten, die Kraft, Koordination und Handgeschicklichkeit erfordern und zu konkreten, sichtbaren Ergebnissen führen, insbesondere im mechanischen, technischen, landwirtschaftlichen Bereich. Im Umgang mit Materialien und Tieren, bei der systematischen Handhabung von Maschinen und Werkzeugen, und bei der Problemlösung konkreter Aufgaben fühlt er sich sicher, da er Fähigkeiten im technischen und auch landwirtschaftlichen Bereich besitzt. Andererseits vermeidet er soziale Aufgaben und die Kooperation mit Menschen, die andere Auffassungen haben. Da er ein traditionelles Wertesystem hat, bevorzugt er materielle Werte, wie Geld, Macht und Status. In der Berufsberatung erwartet der realistische Typus konkrete Ratschläge zur Lösung beruflicher Probleme und vermeidet es, seine Gefühle gegenüber dem Berater offenzulegen. Charakteristische Berufsbeispiele sind etwa der Landwirt, Schlosser oder Tischler, sowie auf einer höheren Ausbildungsebene der Maschinenbauer oder Bauingenieur.

"Intellektuelle" (I) Typen bevorzugen Aktivitäten, bei denen die Bewältigung von Aufgaben oder Problemen durch Denken, systematische Beobachtung oder Forschung erforderlich ist. Sie weisen Fähigkeiten und Fertigkeiten vor allem im mathematischen und naturwissenschaftlichen Bereich auf. Er geht analytisch, methodisch und genau vor. Gerne setzt er sich auseinander mit physischen, biologischen oder kulturellen Phänomenen. Besonders ausgeprägt sind seine Fähigkeiten im mathematischn unf naturwissenschaftlichen Bereich. Weniger wichtig sind für ihn soziale Kontakte; Führungsaufgaben oder repetitive Fertigkeiten lehnt er ab. Die Werthaltung dieses Typen ist eher auf Aktivitäten der Wissenschaft gerichtet. Berufliche Probleme löst der forschende Typ vorzugsweise selbständig und betrachtet den Berater eher als Helfer. Zuweilen weiß er sich jedoch von einem komplizierten Problem selbst gefangen. Mögliche Berufe wären der Radiotechniker oder der naturwissenschaftliche Forscher.

"Künstlerische" (A) Typen bevorzugen offene, unstrukturierte Aktivitäten, die eine sprachliche oder künstlerische Selbstdarstellung oder die Schaffung kreativer Produkte ermöglichen, insbesondere im Bereich Sprache, Kunst Musik und Schauspiel. Seine künstlerische Selbstdarstellung und die Schaffung von kreativen Produkten verwirklicht er im Umgang mit Materialien, welche ihm dies ermöglichen. Sprachlich, musische Fähigkeiten oder solche im Bereich der Schriftstellerei und des Schauspiels hat er weit entfaltet, wohingegen er systematische, geordnete Tätigkeiten ablehnt. Erfahrungen und Herausforderungen im ästhetischen Bereich weiß er besonders zu schätzen. In einer Beratungssituation betont er stark seine Gefühle und bevorzugt unstrukturierte Ansätze. Künstlerische Typen wählen Berufe wie die des Goldschmiedes oder des Schriftstellers und Schauspielers.

"Soziale" (S) Typen bevorzugen Tätigkeiten, bei denen sie sich mit anderen in Form von Unterricht, Lehren, Ausbilden, Versorgen oder Pflegen befassen können. Ihre Stärken liegen im Bereich der zwischenmenschlichen Beziehungen. Insbesondere im sozialen und erzieherischen Bereich verfügt er über spezielle Fähigkeiten. Da er andererseits wenig technische und wissenschaftliche Befähigungen besitzt, lehnt er den Umgang mit Werkzeugen oder systematisch geordnete Tätigkeiten ab. Gerade ethische und soziale Werte besitzen einen hohen Stellenwert für ihn. Der Berufsberater kann in einem Gespräch mit dem sozialen Typ auf große Mithilfe des Klienten rechnen; jedoch neigt der genannte Typ dazu, in der Beratung zu große Aktivität zu zeigen. Der Beruf der Krankenschwester oder des Barkeepers und auch therapeutische Berufe sind als für diesen Typus möglich zu identifizieren.

"Unternehmerische" (E) Typen bevorzugen Tätigkeiten und Situationen, bei denen sie andere mit Hilfe der Sprache oder anderer Mittel beeinflussen, zu etwas bringen, führen, auch manipulieren können. Ihre Stärken bilden Führungs- und Überzeugungsqualität und er besitzt ein hohes Selbstvertrauen. Jedoch besteht bei ihm ein Mangel an wissenschaftlicher Begabung, so daß er beobachtende und symbolische Fähigkeiten vermeidet. Seine Werte sind eher traditionell ausgerichtet; daher schätzt er sozialen, politischen, ökonomischen Erfolg und gilt als leistungsorientiert. Sein Verhalten in der Beratung ist als selbstsicher zu bezeichnen, wobei er teilweise Probleme einer realistischen Einschätzung seiner Fähigkeiten hat. Berufsbeispiele sind der Vertreter und auf höherer Ebene der Manager.

"Konventionelle" (C) Typen bevorzugen Tätigkeiten, bei denen der strukturierte regelhafte Umgang mit Daten im Vordergrund steht, insbesondere ordnend-verwaltende Tätigkeiten. Ihre Stärken liegen im Bereich rechnerischer und geschäftlicher Fähigkeiten, was impliziert, daß er offene, unstrukturierte , künstlerische Aufgaben ablehnt. Er betont traditionelle Tugenden im beruflichen und privaten Bereich. In Beratungssituationen verhält er sich wenig aktiv; es fällt ihm schwer, nach neuen Berufswegen zu suchen und er verlangt eindeutige Ratschläge. Der Buchhalter und der Jurist fallen als Beispiele unter die Rubrik des konventionellen Typs.

Ich würd bi dir etz mal uf Realistisch und Sozial tippe.

Dänn chasch derzue läse was däne lüüt so empfohle wird...

*edit* also da gits dänn au no unterkategorie, und dass i dä einte unterkategorie gar nöd zu däne type ghörsch häsch ja au gmerkt. es hilft eim va. au mal us ere andere perspektive drüber nahzdänke und mer sötts nöd zu ernst nä...

[Tatsujin]

R (Typen)

[damian]

(R) Typen bevorzugen Tätigkeiten, die Kraft, Koordination und Handgeschicklichkeit erfordern und zu konkreten, sichtbaren Ergebnissen führen!

[Marco_in_motion]

chunnsch mal wieder zu mir? ich choch der au was guets

[Herr Rossi]

RS Combo

[damian]

chunnsch mal wieder zu mir? ich choch der au was guets

gern. etz hani aber am dunstig di erst prüfig und mag bis dänn a nüt anders dänke...

ich säg der sust schomal was ich grob zu dim problem dänke: du bisch mit dä tätigkeit vo dim jetztige job gar nöd so schlecht bedient: was du machsch liegt dir (d.h. du bisch guet UND du machsch es gern). s'problem liegt minere meinig na eher dra, dass du i dä letschte 9 jahr nöd wiitercho bisch. du machsch immer no dä gliichi job uf provisionsbasis und verchaufsch immer no genau sgliiche. und etz häsch au no grad en neue möngelchef übercho wos vermuetli usgmacht hät dasses di definitiv aaschiesst.

din arbetgeber hät dir nie ä besseri stell aabotte wo du me sicherheit und kompetenze häsch, oder öppis neus chöntisch mache. si händ dich immer dä gliich job mache la und nie gluegt was DINI BEDUERFNIS sind. resp. häsch du au nöd dini bedürfnis aagmolde. drum glaubi eigentlich gar nöd, dass du dich neu orientiere muesch oder ä neui usbildig aafange. sondern eifach zume andere unternehme wechsle wo dini kompetenze me gschätzt werdet. dänn häsch automatisch interessanteri tätigkeite und me sicherheit. und bisch au nümm unterforderet...

chasch der ja mal überlege inwiefern dass das zuetrifft... selber weisches wohl am beste

[emP]

Quelle

[thaeye]

HAHAH D RAV KÜRS uswertige***** hahahahhaha, lueg schlussendlich muesch du was mache wo au dini passion drin steckt, da hilft dir au kein lebenslaufbahnberatig und sustige humbug. find zerst also mal use was du überhaupt gern machsch. das chan lang gah, hüt weiss das fast niemerts meh, da die meiste ja ihri laufbahn am chohle nah planet und den mit mitte 30 oder afangs 40gi en brutali krise schiebet, wos den meinet d familie muesse z verlah oder gar usem lebe scheide muesse.

wiiterbildige sind hützutags zu 90 prozent abzocke, en rieseindustrie wo jede chli macht waser will. da wird dir so vill geld usem arsch grupft. ich han z.b de marketingplaner gmacht vor 10 jahr oder so. hüt gnau nix meh wert. muesch ja wiitermache und nameh chohle investiere.

TYP E

[thaeye]

sondern eifach zume andere unternehme wechsle wo dini kompetenze me gschätzt werdet. dänn häsch automatisch interessanteri tätigkeite und me sicherheit

hani chli muesse giggele...

[Acid]

Geil ischs au wenn diä wo irgendwiä mit fascht 60i und fascht 40 Johr Bruefserfahrig no zu irgendwelchnä Witerbildigstäg verbrummt werded, wo irgendwelchi Lüt über irgendwelches Züg reded wo i de Praxis genau 0 Relevanz hed.


Bildig, wahrschindlich öpis vom meischtüberschätztä und vorallem meischtmissverstandänä i üsere Gsellschaft.

[damian]

da hilft dir au kein lebenslaufbahnberatig und sustige humbug. find zerst also mal use was du überhaupt gern machsch.

ä läbensbahnberatig macht eigentli genau das: usefinde was öpper gern macht... aber sust häsch scho rächt. überall heissts mer mues sich wiiterbilde und am meiste verdienet all die schuele devo. und am schluss interessierts eigentli nur öb du öppis guet chasch und nöd was für kürs du gmacht häsch. und was mer guet chan macht mer au gern - da gits sogar viel wüsseschaftlichi erkänntnis derzue.

[Tatsujin]

Lion Tamer

eine vo de ganz sehr fescht beschte sketchs vo immer

[emP]

Lion Tamer

eine vo de ganz sehr fescht beschte sketchs vo immer

100% korrekt un hie im kobtext üsserscht passend

[zwirrlibatz]

das usgrächnet vo dir.

[evo]

nimmsch lieber mol es halbs johr ferie und befassisch di usschliesslich mit sache wod gern machsch im nicht bruefliche kontext

[Tatsujin]

machsch so was au wenn z.b. familie hesch? muesch den scho sehr viel besser betuecht si.

[evo]

ja hetter denn famillie?
susch verkaufsch di auto und paar arcade käschte. vo dem klütter kasch sicher lang läbe wenn chli bescheide bisch

[Herr Rossi]

machsch so was au wenn z.b. familie hesch? muesch den scho sehr viel besser betuecht si.

dasch problem. ich machs eifach wenn mini chind iri usbildig düre hend. ich glaub denn schtig i mindeschtens es jahr us

[Acid]

und was mer guet chan macht mer au gern - da gits sogar viel wüsseschaftlichi erkänntnis derzue.

Isch das so? Oder chamer villicht guet, wasmer gern macht?