Jones hat geschrieben:G-ay-lien hat geschrieben:
Findsch no guet, chli Zivilischte abebölze ohni sich defür rechtfertige müesse?
nei... drum findi nid GRUNDSÄTZLECH schlächt, was die site macht!
aber im gägesatz zur allgemeine "itz decke mir ALLES uf und pisse JEDER regierig as bei"-Stimmig, gseh ig äbe das ganze chli differenzierter!
so findis z.b. nid eso cool, wenn dr ander mit dr veröffentlechig vo thermonukleare ungerlage droht oder e lischte objekt, wo dür terroraschläg e grosse schade entstah chönnt! :typej:
gwüssi sache müesse, damit dr staat sini bürger schütze cha, gheim bliebe!
anderi sache (wie z.b. foltergschichte us gwüsse gfängnis und die dazueghörige vertuschigsmanöver) müesse ufdeckt wärde!
gsehsch dr chlini ungerschied?
Drum sägi jo au über längeri Zitrüm. Wenn für Hüt und morn wichtig isch, dass öpis nid a d Öffentlichkeit chund, z.B. us ermittligstaktischä Gründ oder so, denn chan das diä betreffend stell au schnäll für sich bhaltä. Wenn aber hüt und morn verbie isch, und scho übermorn isch, denn mues offägleit werdä was do passiert isch und werum, und öbs zwüschäfäll geh hed etc. etc.
Und wenn öbis für Hüt und morn mues gheim blibä, isch das glaub au mit Wikileaks nid so es Problem. Erscht tächt nid wenns um chlineri Sachä god.
S Missverständnis ir Demokratie bestoht do drin, dasses no immer viel Lüt git, wo s Gfühl händ d Macht mues bi de Regierigä liggä, dases verschiedä wichtigi Mänschä git wo verschiedenes Züg dörfed wüssä, und dass irgenden Joggel wo irgenden Poschtä erreicht hed, besser über Züg chan urteilä als anderi. Drum findi de Bundesrot sit emene Zitli ordentlich zum Chotzä, wills meined sie chönged machä was wänd und sie heiged meh zägä als anderi. Und drum findi alli anderä Regierigä uf derä Wält no vil verschissener, und drum halit d EU au für de gröscht Müll sit langem.
So wiä ich Demokratie alueg (leider isches nonig ganz d Realität), gits kei Regierendi, sondern nur Lüt wo sich netterwis in Dienscht a de Gsellschaft stelled (diä dörfed ruhig au defür entschädigt werdä, hani nüt degägä... aber es müendne scho nid grad d Goldbarä hinäinä gschobä werdä). Mehr seit jo immer es inere Demokratie regiert s Volk. Also... denn weismer jo das alli wichtig sind, dass alli zsägä händ, dases eigentlich kei Macht geh söt, und das alli müend wüssä vo was mer überhaupt schnurt, um wases god, und was dieses oder jenes bedüted, wiäs ghandhabt wird etc.
Wemer mol bi sonerä Demokratie wäred, wär so öpis wiä Wikileaks allerdings wohl gar nid nötig, will denn gäbtis gar nüt z vertuschä. Solangmer aber nid sowit sind, isches dringend notwendig das d Lüt übehaupt mol annähernd chönd gseh was eigentlich abgohd. Wenn sich irgenden Regierig blossgstellt fühlt, hendsis sälber zverantwortä. Hednä jo niemert gseit sie chönged nid vo afang a ordentlich informiere und rächäschaft ablegä für das wosi mached. Müend all ander jo au.
