The Grand Budapest Hotel (Wes Anderson!!!)

[Vyse]

omg, en neue Anderson


Quelle

[zwirrlibatz]

ralph fiennes > räscht.

[Gurgelhals]

Falsches Topic http://thegforum.ch/viewtopic.php?f=30&t=7722" onclick="window.open(this.href);return false;

[Vyse]

Gahsch en trotzdem go luege?

[zwirrlibatz]

dä cousteau isch super gsi. au en hipster findet mal es chorn.

[Vyse]

Ok, gib mal Zämmehang zwüsched Wes Anderson Film und em Hipstertum, ich find en nöd, bis uuf dass die Film halt rächt beliebt sind.
So mängs gueti Film werdet i bestimmte Subkulture uufs Szenepodescht gstellt. Kümmerts eu würkli?

[zwirrlibatz]

Kümmerts eu würkli?

logisch nöd. en guete film isch en guete film. s'amüsante problem isch nume, dass i gwüsse subkulture das nöd s'kriterium isch.

[Gurgelhals]

Ok, gib mal Zämmehang zwüsched Wes Anderson Film und em Hipstertum, ich find en nöd, bis uuf dass die Film halt rächt beliebt sind.

rofl, ich wüsst ehrlich gseit gar nöd, wo afange - Wes Anderson Film entspräched vo A bis Z sowas vo a de banalschte Hippiekacke-Kunstgwärblertum(m)-Klischee, da chönnt me grad ganzi Katalög drüber füehre.

Gahsch en trotzdem go luege?

Nö. Sitt em Life Aquatic han ich keine meh vo ihm glueget, det hätt er mich afange närve. Wänn me meint, es gnüegi, dass en Film nume no extrem bemüeht inszenierti Verschrobeheit mues büüte und me dänn au getrost uf so unwichtigi Aspekt wie e bruchbari Story, e aständigi Dramaturgie, interessanti, abgrundeti Charaktere und so öppis wie es "emotional involvement" vom Zueschauer chan verzichte, dänn chan so en Film au uf mich als Zueschauer verzichte - trotz em Murray, de Cate, em Willem, em Jeff Goldblum & Co. De Royal Tenenbaums isch ja au scho arg nüünmalklueg dethär cho, aber det hätt de Gene Hackman e gwüssi Gravitas mitbracht und de Film so no gärdet. Bi allem, was sithär cho isch, isch mir amel scho s'Chotze cho, wänn ich nume scho d'Filmstills gseh han:



No schlimmer isch übrigens sin Drähbuech-Partner, de Noah Baumbach. Bi dem chunt dezue, dass er nöd emal wenigschtens visuell echli interessant isch, entsprächend hätt me als Zueschauer no weniger devo. The Squid and the Whale. Eine vo de tümmschte Film wo ich je gseh han. Steckt bis zum Hals i de Hipsterscheisse und das mit ere Sälbstgrächtigkeit, dass es schlichtweg nöd zum ushalte isch

[zwirrlibatz]

Das han ich alles gfunde wo ich de Aquatic s'erschtmal gluegt han. Langwiilig unluschtig mitmene ständig belämmert driiluegende Bill Murray, was denn aber vo komische Lüüt als total super unterhaltend isch globt worde. Bim zweite Mal han ich mich denn aber plötzli sehr amüsiert ab einzelne Szene, wohl will ich kei Erwartige an en guete Film meh gha han. Es isch ja au kän Film, sondern e Anenanderreihig vo hihihi absurde Szene. Und das isch türli scho nöd würkli öppis Grossartigs. Da gitts bessers wie de Kentucky Fried Movie.

De Tenenbaums han ich nach ca 15min müesse abstelle.

[zwirrlibatz]

De Tenenbaums han ich nach ca 15min müesse abstelle.

hm was evtl en fähler isch gsi. "co-written mit em owen wilson" und de isch glaubs en guete. darum: wie sind rushmore und bottelrocket?

[Supersonic]

[Tatsujin]

Wes n des?

[Pandemonium]

S isch würkli unglaublich

[zwirrlibatz]

S isch würkli unglaublich

weisch scho weles poschter ufhänke dörfsch?

[derinderinderinderin]

http://www.ign.com/articles/2013/10/27/ ... c068000004" onclick="window.open(this.href);return false;

[Körschgen]

wie sind rushmore und bottelrocket?

de rushmore hd sini lengene, isch aber erfrüschend zum luege. de bottlerocket kenni nid

[Supersonic]

Bottlerocket hett mich jetzt also nöd grad umghaue.

[Vyse]

Rushmore isch mega. Vo dänne, wo ich gseh han, definitiv dä bescht.

[Vyse]

Er isch so guet!

Quelle

[zwirrlibatz]

ookk

[Vyse]

Trau dich, lueg en.

[zwirrlibatz]

mmmmm..... weissnödesorächt.

[zwirrlibatz]

de trailer isch scho bitz es isch so chrampfhaft un- aber ebe grad drum ersch rächt gschauschpielert bzw inszeniert.

[Vyse]

Dä Trailer wird em Film überhaupt nöd grächt und was die uuffällig Inszenierig ahbelangt, das isch Absicht. All siini Film händ chli öppis vo däre fühlbare Inszenierig vonere Theatervorstellig, duur die me sich eher als Betrachter vomene Bühneschauspiel fühlt.

[zwirrlibatz]

Dä Trailer wird em Film überhaupt nöd grächt

das isch guet.

und was die uuffällig Inszenierig ahbelangt, das isch Absicht. All siini Film händ chli öppis vo däre fühlbare Inszenierig vonere Theatervorstellig, duur die me sich eher als Betrachter vomene Bühneschauspiel fühlt.

das isch schlächt. gemeinhin bekannt als "prätentiöse chabis".