Wii-U

[mr.raw]

wiehnachtsgschäft gitts nur dr Mario 3D... Dr Aff isch uff 2014 verschobe worde und Kart kunnt nid vor März...
Und simmer ehrlich...so en erfolg wie damals mit em 3DS (wägem 3DMario) wirds uff em WiiU garantiert nid gäh.

[Bejita]

Guet, Wiehnachtsgschäft, Mario 3d World, Donkey Kong, Mario Kart (sofern Release vor ende März)

Aber ja, wes insg. knapp 4m si, wirds wouh schwirig no hurti 5m zverchoufe. leider..

Wenn die neue Konsole da si, cha sich Nintendo öpe no glücklech schetzä wenn si 500k los wärde bis ändi märz 14

[Bejita]

wiiu isch scho rächt grosses kino, vergliche mit anderem zügs vo grad in digitae spielilandschaft abgoht

Du bisch z viu!
Chum mau zum vale es bier cho nä

[mr.raw]

sag mol...
wer bisch du überhaupt?

[Gurgelhals]

Ich glaube ehrlich gseit bim Wii U nüme an en Turnaround à la 3DS. Natürlich treit s'triste Software-Lineup und s'verwirrende Marketing / Produktname sicher au e Mitschuld a de schlächte Verchäuf, aber mir schiint je länger je meh dass Nintendo ähnlich wie Sony mit em Vita es Produkt bracht hätt, wo e grossi Mehrheit vo de Chundschaft schlicht und eifach nöd interessiert und das wird sich au mit em Mario, em Wii Fit & Wii Sports und em Mario Kart nöd gross ändere. S'Maximum, wo Nintendo no erhoffe chönd, isch dass sie immerhin no uf Gamecube-Niveau und somit i d'Profitzone chömed.

Lueged mer emal, wie sich das no entwicklet. S'Gnick bräche à la Sega wird's ihne sicher nöd, für das sind's nach wie vor viel z'guet ufgstellt (die chönnted sich es halbs Dutzend Flop-Konsole i Serie leischte, bevor's ernsthaft Problem bechämted). Ich bin meh gspannt, welli Uswürkige das uf die mittel- bis langfristigi Strategie wird ha. Will de Iwata & Co. dänked ufgrund vo dene Entwicklige garantiert jetzt scho fescht drüber nah, welli Richtig sie mit eme (natürlich no Jahre i de Zuekunft liegende) Wii U-Nachfolger sölled ischlah

[Bejita]

sag mol...
wer bisch du überhaupt?

[Bejita]

wie Sony mit em Vita es Produkt bracht hätt, wo e grossi Mehrheit vo de Chundschaft schlicht und eifach nöd interessiert

Nume das d Vita mit Abstang i ihrem Sektor s beste Produkt isch wo chasch choufe ( eifach mit z weni games, wobi die wos het si allemau besser aus die ufem 3ds )
Wii U hingäge isch knapp leistigsfähiger aus e ps3 & 360er, ha scho vorem realese vom U gseit das dä no heftiger wird floppe aus dr Cube! Und aues gseht dernach us dasi rächt ha gha

[Gurgelhals]

Nume das d Vita mit Abstang i ihrem Sektor s beste Produkt isch wo chasch choufe

Das stimmt (jetzt mal rein uf d'Hardware bezoge).

( eifach mit z weni games, wobi die wos het si allemau besser aus die ufem 3ds )

Das stimmt hingäge definitiv nöd.

Wii U hingäge isch knapp leistigsfähiger aus e ps3 & 360er

Das isch en absolut unwichtige Faktor im Bezug uf d'Frag, werum de Wii U en Flop isch

ha scho vorem realese vom U gseit das dä no heftiger wird floppe aus dr Cube! Und aues gseht dernach us dasi rächt ha gha

Und dadezue gitt's es schöns Sprichwort: Au es blinds Huehn findet mal es Chorn

[Avenger]

Innovatione alleini bringe no kei finanzielle Erfolg.

[Bejita]

Und dadezue gitt's es schöns Sprichwort: Au es blinds Huehn findet mal es Chorn

Säuhund

[Reinforced]

de Cube mag en flopp gsi si derby gitts glich dutzendi geili exklusivi Title wo o hüt no spass mache im gägesatz zu villne alte PS2 / Xbox Title. Das chame bim Wii-U au nur hoffe.

[Skeletor]

cube

[Gurgelhals]

de Cube mag en flopp gsi si derby gitts glich dutzendi geili exklusivi Title wo o hüt no spass mache im gägesatz zu villne alte PS2 / Xbox Title. Das chame bim Wii-U au nur hoffe.

Logo, isch Nintendo, isch normal. D'Frag isch eifach, öb sie die Sach no sowiit rette chönd, dass sie mit em Wii U-Gschäft no us de rote Zahle usechömed.


Argh, und natürlich chömed jetzt wieder alli ANALyste us de Löcher gkroche und blöked wieder ume vo wäge: Es sind d'Smartphones, iPad und Facebook-Spieli, wo Nintendo s'Wasser abgrabed, und sie sötted nume ihri Franchise im Appstore als 2$-Spieli vertschutte und alli aktuelle Problem würded sich i Luft uflöse. GOPFERTAMMI UND ZUM GFÜHLT 239847923857345STE MAL: SMARTPHONES SIND NÖD S'PROBLEM, WO NINTENDO HÄTT(*), UND SCHO GAR NÖD D'LÖSIG, SONDERN WÄNNSCHO DE AFANG VO WÜRKLICH 'ERTE PROBLEM!!! Ernsthaft, wie behämmeret sind die Lüüt? Bi *jedere* Glägeheit chömeds mit dem Quatsch hinefüre, plappered en sich wie Lemming gägesiitig nah und wärded für de geischtigi Dünnpfiff wohl au no fürstlich entlöhnt. De Quark macht mich grad chli hässig. Sölled doch mal luege, wie's Zynga momentan so gaht

(*) S'Hauptproblem vo Nintendo isch Nintendo sälber und ihri unorthodoxi Betriebskultur. Die füehrt zwar mängsmal zu absolut unerwartete, alli Gränze sprängende Sensationserfölg (Wii, DS, Pokemon, ...) aber mängsmal stelled sie sich demit us für d'Ussewält oft überhaupt nöd nahvollziehbare Gründ au eifach sälber es Bei (Wii U, Virtual Boy, Wii Music, ...); und mängsmal fanged sie sich im Stolpere immerhin no rächtziitig wieder uf (3DS). Naja, isch halt Nintendo. Isch normal

[geosnow]

wobi die wos het si allemau besser aus die ufem 3ds

häsch es paar 3ds games durregspielt?

[zwirrlibatz]

wii music

[Supersonic]

wie Sony mit em Vita es Produkt bracht hätt, wo e grossi Mehrheit vo de Chundschaft schlicht und eifach nöd interessiert

Nume das d Vita mit Abstang i ihrem Sektor s beste Produkt isch wo chasch choufe ( eifach mit z weni games, wobi die wos het si allemau besser aus die ufem 3ds )

OLOOLOLOLLOOLLOL wart, nomal lese. OLOLLOLLOLL

[Reinforced]

Fanboyism at its best

[geosnow]

chöntimer de Wii U mit chli meh ram und emene neue AMD gpu ustatte, damit mer eifach gnueg power hät?

[zwirrlibatz]

händer das amigs au: s'gamepad am netzteil aghänkt, aber nöd nur ladets (während iigschalte) nöd uf, de pfuus gaht sogar use. und nachhär muess ichs stundelang am strom lah bis es wieder glade isch. halbkabutts netzteil?

[mr.raw]

chöntimer de Wii U mit chli meh ram und emene neue AMD gpu ustatte, damit mer eifach gnueg power hät?

so a la N64 mit dr erwitterig?...
glaubes nid.

De Gurgelhals hetts perfekt uff de Punkt brocht kha. Isch schad, dass sie sich immer selber es Bei tüend stelle.

(ich ha gar nid gwüsst kha, dass de Cube en Flop gsi isch....isch jo einiges a PS 2, Xbox Software au für dr Cube entwicklet worde)

dKonkurränz isch inzwüsche leider zstark...und mit Zelda, Mario und co khasch au nümmi d Lütt hinterem Ofe füüre hole.

Entwäder sie tüend sich mit anderne entwickler zämme und bringe zämme e Konsole uff e Markt, um gege Microsoft & Sony könne bestoh oder sie wärde irgendeinisch e reini Software Firma. Isch unvorstellbar...aber irgendwie hann ich langsam s gfühl, dass es uff das uuse kunnt. ODER sie tüend sich mit Sony oder Microsoft zämme um im Konsolewar klari nummer 1 zwärde.

ja, ich weiss...alles unvorstellbar und so züggs loh ich als Nintendo Fan uuse...aber wenn me so luegt, wie sich das ganze entwickle tuet und wie vieli (nid nur chliini) Firmene konkurs gange sinn...und wie gjommeret wird (ubisoft,Capcom,EA)...alles möglich.

[geosnow]

eifach de wii u+ usebringe. besseri gpu und meh ram für besseri settings bide grafik. s game chan ja s gliche sii.

[mr.raw]

Dr Name WII darf NÜMM vorkho bi nere neue Konsole!
Sie müend vo grund uff alles neu mache....inkl. Name!

[Gurgelhals]

(ich ha gar nid gwüsst kha, dass de Cube en Flop gsi isch....isch jo einiges a PS 2, Xbox Software au für dr Cube entwicklet worde)

De Cube isch kein Flop gsi. Sie händ zwar Märtateil abgäh und mit 22 Mio. verchaufte Einheite öppe 13 Mio. weniger verchauft als mit em N64, aber finanziell isch es sogar e rächt lukrativi Ziit gsi. Es isch es chliises, effizients Grätli gsi, wo's günstig händ chöne verchaufe und trotzdem locker schwarzi Zahle demit gschriebe händ. Das im Verglich zu MS, wo total öppe glich viel Xboxe verchauft hät, aber demit es massivs Verlustgschäft gfüehrt hätt und Sony, wo de höchi Märtateil vo de PS2 zallererscht schlicht und eifach mal brucht hätt, zum die massive Investitione wieder inezhole. S'Problem bim Wii U isch, dass sie die chli & effizient-Tour wie bim Cube nöd so eifach chönnd fahre, will d'Herstelligschoschte vo dem Grät v.a. wäg em Tablet halt einiges höcher sind und sich au nöd so eifach wärded sänke lah.

Entwäder sie tüend sich mit anderne entwickler zämme und bringe zämme e Konsole uff e Markt, um gege Microsoft & Sony könne bestoh oder sie wärde irgendeinisch e reini Software Firma. Isch unvorstellbar...aber irgendwie hann ich langsam s gfühl, dass es uff das uuse kunnt. ODER sie tüend sich mit Sony oder Microsoft zämme um im Konsolewar klari nummer 1 zwärde.

Das isch hingäge wieder total falsch. D'Stärchi vo Nintendo isch es nöd, eifach s'Gliiche wie d'Konkurrenz z'mache, aber eifach besser/stärcher. Das isch im Grund gno genau de glichi Fählschluss wie de, wo all die Analyste mit ihrere iOS-Dummschwätzerei mached. Bi dem stupide Wettrüschte mitzmache wär uf Duur sälbstzerstörerisch (und die Entwicklig tuet ohnehin de ganze Branche au gar nöd guet, wie me i de letschte Jahr hätt chöne gseh). D'Stärchi vo Nintendo isch es, d'Sache immer chli anders azluege und anders z'mache als de ganzi Rest vo de Branche macht. Und mängsmal träffeds demit voll is Schwarze und mängsmal voll denäbet. Und entsprächend wärs unendlich tumm (und das weiss au de Iwata und er betonts au unablässig), wäg eme Fählschuss panikartig e ganzi jahrzehnti alti Firmekultur über de Huufe z'schmeisse. Nei, de beschti Wäg für Nintendo bliibt, uf die eigeni, stuuri Art ihres Ding durezzieh, au wänn (bzw. ebe genau will's) es ganz anders isch als das vo de übrige Branche. Und viellicht chlappet's dänn wieder i es paar Jahr und viellicht au nöd, wer weiss

Und übrigens: Im Konsole- & Handheld-Märt kombiniert hätt Nintendo wältwiit en Märtateil vo um die 50%. Die sind also trotz allne Turbulenze wiit devo ewäg en reine Softwarehersteller z'wärde. Es isch momentan nume so, dass de Wii U ihne de ganzi Betriebsgwünn uffrisst. Aber Nintendo hett nöd emal dänn ernsthafti finanzielli Problem, wänn das no jahrelang so wiitergah wird

eifach de wii u+ usebringe. besseri gpu und meh ram für besseri settings bide grafik. s game chan ja s gliche sii.

rolf, du glaubsch aber nöd im Ernst, dass das alles so eifach isch, oder?

[Goran]

DWii U hät sich bis jetzt fascht 4 Mio mal verchauft. DAs ich gar nöd so schlächt. sie wird sicher no Paar Mio mal über de Ladetisch gha bis endi Jahr und nöchst Jahr no me. dänn wärdet viel Entwickler wieder uf de ZUg ufspringe wänds bi NIntendo lauft. Also ich mach mer kei Sorge.

Ich mach mer ehner Sorge bi de One und PS4. Die wärde müe ha sich zverchaufe.

[Gurgelhals]

Da, Hardware-Absatz 1. Hälfti Gschäftsjahr 2013 (April - September):

(vo obe bis une: Japan, USA, Europa, Total)

>50% Märtateil mit de eigene Hardware. Aber nei, sie mached alles falsch und müend unbedingt bim Hardware-Wettrüschte mitmache und müend unbedingt ihri eigeni Hardware-Plattforme ufgäh und müend sich für anderi Plattforme öffne und ihri wertvolle Franchise im AppStore als 0.99$-Spieli und uf Facefuck als Free to Play-Abfall verramsche und Panik und chopflosi Hüehner und Dummschwätzerei undundund. Aber ebe: Isch Nintendo, isch normal. Die sind teh d00med sitt 1889.