geplante Obdoleszenz vo Konsum und Luxusgüeter

[Marco_in_motion]

Wänn z.bsp. din 3000.- TV geplant nach ablauf vo de Garantie de Geist ufgitt
...Wiä findsch das so?

[Avenger]

Nüt neus. Dumm isch aber wenns ohni spezialwerkzeug nid chasch ufmache.

[Marco_in_motion]

Neu isches nöd klar, ha eifach mal welle wüsse wiä d'Lüüt da das gsehnd, wiä sie vorbüüged etc.
Woni das Jahr de samsung tv kauft ha, hani grad auno premium onsite garantie gnoh uf 5 Jahr. Hüt Morge hanen ihgschaltet und plötzlich machter komischi Streife und reagiert nüm. Hanen müese vom Strom näh und jetzt isch wieder guet, trotzdem nervts mi ha über 2k zahlt. Da chamer ja scho erwarte dass das Züüg länger hebet oder?
Falls min tv ime Jahr oder 2 zur sau gaht, und das Modell nümme available isch, söttis ja via Garantie en neue gäh, dänn machi eifach wieder prem. garantie und guet isch. Genau das Thema isch ebe vorane im Kassesturz gloffe... will d'Suechi nix ergäh hät, hani gfunde ich schniides mal ah.

[Tatsujin]

...Wiä findsch das so?

ähm..schissträck passiert?

[Jones]

also so grundsätzlech isches natürlech nid cool.
aber wenn hützutags e 50" tv für 600 bechunnsch muesch di nid wundere, wenn er nüme so lang het wie vor 15 jahr e 80cm für 2500.--
es muess alles günstig und somit billig si wiu dr hütig chund (und i nimme mi da nid us) nix meh wott zahle...
inwiefern dass defekt "plant" wärde isch gloub umstritte. "in chouf gno" aber wohl scho bi dene teili wo da verbout wärde...

[Acid]

also so grundsätzlech isches natürlech nid cool.
aber wenn hützutags e 50" tv für 600 bechunnsch muesch di nid wundere, wenn er nüme so lang het wie vor 15 jahr e 80cm für 2500.--
es muess alles günstig und somit billig si wiu dr hütig chund (und i nimme mi da nid us) nix meh wott zahle...
inwiefern dass defekt "plant" wärde isch gloub umstritte. "in chouf gno" aber wohl scho bi dene teili wo da verbout wärde...

So Umstrittä isch das glaub scho nid... grad wills teiwiis Teili sind wo e besseri/grösseri/stabileri Version teilwiis irgendwiä paar Rappä meh würded choschtä, aber wahrschindlich s Läbe vom Fernseh um es villfachs würd verlängere.

Gid aber sicher au viel Fäll wos so isch wiä du das seisch, und eifach d Qualität glittä hed, ohni dasmer das gezielt agstüürt hed.

So oder so heds aber natürlich au mitem Priis ztuä, will natürlich au trotz de billigä Teili viel weniger mit somene günschtigä Grät verdient wird. Für jedä Fenseh wos vor 15 Johr verchauft händ müends hüt also mehreri Verchaufä, zum ähnlich viel z verdiene (guet, mer chan sägä früehner händ aber au nid so viel Lüt so viel Fernseh kauft... de Markt isch aber wohl au dütlich weniger umstrittä gsi und weniger ufteilt wordä).




Wiä Vorbüügä? Eifach möglichscht immer Qualität chaufä. Aber Klar, i gwüssä Sektorä isch das no schwierig, wiä ebä z.B. wahrschindlich bi Fernseher...

[Jones]

also für mi isches so:

i chouf näh = billigi teili iboue mitem risiko, dass es früeher kaputt geit als wenn meh qualitati hochwärtigeres würde verwände

plane = teili iboue wome genau weiss, dass sie kaputt göh und das aber geplant ersch NACH ablouf vor garantie...

also i bliebe derbi, dass es i de allermeiste fäll erschteres isch... (oder hei die teili e countdown zähler drin wo genau weiss, dass er nach 24 mönet muess kaputt gah? )

[Tatsujin]

[zwirrlibatz]

...Wiä findsch das so?

es topic wert.

[geosnow]

kei neue stuff meh chaufe. ganze eifach. bi autos häsch meischtens 100km oder 3-5 jahr garantie.

[Herr Rossi]

kei neue stuff meh chaufe. ganze eifach. bi autos häsch meischtens 100km oder 3-5 jahr garantie.

Gnau so mach ichs. Usnahme gits jedoch au.

[TypeJ]

teils isches puuri absicht! mir lebed innere wegwerfgsellschaft, so eifach!

bi türe grät wo möglich garantieverlängerig mache! het sich bi mim tv glohnt, nach 1 jahr und 2 monet het s'netzteil agfange brumme, lol, genau 2 monet nach de standardgarantie natürlich!

[evo]

in dr lehr hän bi uns alli am gliiche tag e IBM T41 Notebook beko.
nach 4 Jahr het ein nachem andere afo dr geist ufgeh. in keim einzige fall isches öppis gsi womer schnäll hät könne behebe wie zb. RAM riger oder HD wächsle, sondern mainboard problem das mers hät müesse ihschicke.

[Avenger]

Ersch nach 4 johr? Nid schlecht.

[Overdose]

trotzdem nervts mi ha über 2k zahlt. Da chamer ja scho erwarte dass das Züüg länger hebet oder?

nö nedwirkli. du chasch erwarte das es solang hebt wie garantie hesch. fertig.

[Tatsujin]

in dr lehr hän bi uns alli am gliiche tag e IBM T41 Notebook beko.
nach 4 Jahr het ein nachem andere afo dr geist ufgeh. in keim einzige fall isches öppis gsi womer schnäll hät könne behebe wie zb. RAM riger oder HD wächsle, sondern mainboard problem das mers hät müesse ihschicke.

ich han den T42 becho im 04i und het bis vor 1 jahr na beschtens verhebt. also er lauft immer na, eifach amene externe bildschirm jetzt (wiel ds backlight immer schwaecher isch worde und ich am schluss den hert eis in screen boxt han, dass grad alles veschplitteret isch)

aber ebe, 8 jahr sipler gloffe. herte schissel.

[Astroboy]

nö nedwirkli. du chasch erwarte das es solang hebt wie garantie hesch. fertig.

Chly churzsichtig, die Ussag. Wichtig wärs, dass Nachhaltigkeit ou vo Chundesite verlangt wird, statt z'erwarte, dass me nach 2 Jahr halt wieder es nöis Grät zuchetuet. Mini Mum chouft all Jahr e CD-Spiler für 50 Franke im Coop, wo halt de nachemne Jahr kaputt geit und wöu's z'viu Ufwand wär dä zrüggzgä, chouft sie sech halt wieder e nöiie. Ha's ere scho paar Mau gseit dass a dem System sooo viu kaputt isch, vilech schnallt sies nächsts Mau de. Scho nur d'Konfliktmineralie, ds Bluet wo i dene Grät steckt, sött üs us Konsumentesicht wesentlech fordender la si, was Transparenz und Langlebigkeit (und Wiederverwertig!) aageit. I nihme mi da wie üblech nid uus, bi ou e Konsum-Täter, wo's zwüschine versuecht chly besser z'mache. Aber sech mit Umständ wie sie im Moment herrsche z'friede gä isch gloub was vom dümmschte, wome cha mache.

[evo]

in dr lehr hän bi uns alli am gliiche tag e IBM T41 Notebook beko.
nach 4 Jahr het ein nachem andere afo dr geist ufgeh. in keim einzige fall isches öppis gsi womer schnäll hät könne behebe wie zb. RAM riger oder HD wächsle, sondern mainboard problem das mers hät müesse ihschicke.

ich han den T42 becho im 04i und het bis vor 1 jahr na beschtens verhebt. also er lauft immer na, eifach amene externe bildschirm jetzt (wiel ds backlight immer schwaecher isch worde und ich am schluss den hert eis in screen boxt han, dass grad alles veschplitteret isch)

aber ebe, 8 jahr sipler gloffe. herte schissel.

ja unseri sin filich vome spezielle palett ko. so extra für schuele oder so.
i trau dene hünd alles zue

[Avenger]

aber wenn hützutags e 50" tv für 600 bechunnsch muesch di nid wundere, wenn er nüme so lang het wie vor 15 jahr e 80cm für 2500.--

So isch es. Klar isch es dumm wenn e TV wo 2k kostet het nach 2 Johr kaputt geit. Anderersits überchunsch scho e huere geili Mühli für die 2k. Und wenn me sichs genau überleit sött das Teil vilech dopplet so viel choste zums aständig produziere, aber so viel git niemer us. Und vilecht spekuliert der Hersteller druf dass d Lüt nach 2 Johr wieder öppis neus wei. Wer weiss...

Übrigens Samsung: Mi Monitor het nach ungefähr 1 Johr afoh dumm tue, der Sound het sich verabschiedet und ds einzige was no funktioniert isch der HDMI-Aschluss. Und natürlich chasch de ohni Spezialwerkzüg gar nid uftue. Samsung chouf ig scho schnell nüm.

[Overdose]

nö nedwirkli. du chasch erwarte das es solang hebt wie garantie hesch. fertig.

Chly churzsichtig, die Ussag. Wichtig wärs, dass Nachhaltigkeit ou vo Chundesite verlangt wird, statt z'erwarte, dass me nach 2 Jahr halt wieder es nöis Grät zuchetuet. Mini Mum chouft all Jahr e CD-Spiler für 50 Franke im Coop, wo halt de nachemne Jahr kaputt geit und wöu's z'viu Ufwand wär dä zrüggzgä, chouft sie sech halt wieder e nöiie. Ha's ere scho paar Mau gseit dass a dem System sooo viu kaputt isch, vilech schnallt sies nächsts Mau de. Scho nur d'Konfliktmineralie, ds Bluet wo i dene Grät steckt, sött üs us Konsumentesicht wesentlech fordender la si, was Transparenz und Langlebigkeit (und Wiederverwertig!) aageit. I nihme mi da wie üblech nid uus, bi ou e Konsum-Täter, wo's zwüschine versuecht chly besser z'mache. Aber sech mit Umständ wie sie im Moment herrsche z'friede gä isch gloub was vom dümmschte, wome cha mache.

Churtzsichtigi Firmestrategie ja. Churtzsichtigi usag? lol? i kenne gnueg lüt wo i dem bereich schaffet. es isch eifach fäct. d ziete vom "de pries macht au d qualität us" sind ir Unterhaltigselektronik so ziemli verbie. Du Zallsch meh will du die neuschti technick chaufsch. U ned die bescht qualität.
u wer het gseit das i mi do demit zfride gib? Leg ned aussage i anderi leute münder wenns da gar nie gseit hend. bitz e komische bisch.
i ha nume gseit wie die momentan situation halt eifach isch.

[Astroboy]

So hanis nid gmeint, isch ou nid e Aagriff gsi uf di, sondern e Kommentar im allgemeine.

[Acid]

also für mi isches so:

i chouf näh = billigi teili iboue mitem risiko, dass es früeher kaputt geit als wenn meh qualitati hochwärtigeres würde verwände

plane = teili iboue wome genau weiss, dass sie kaputt göh und das aber geplant ersch NACH ablouf vor garantie...

also i bliebe derbi, dass es i de allermeiste fäll erschteres isch... (oder hei die teili e countdown zähler drin wo genau weiss, dass er nach 24 mönet muess kaputt gah? )

Planä chan ebä au sii, teili ibauä womer animmt, dass sie bi erwartetem Gebruch höchschtwahrschindli nid sehr viel länger hebed als d Garantie duuret.

De eint oder ander got denn halt scho vor Ablauf vo de Garantie kabut, das nähmeds halt in Chauf. De eint oder ander hebed chli länger, allerdings wär d Idee ebä nid, für möglichscht wenig Gäld trotzdem es Grät z bauä wo, natürlich am Priis entsprächend, möglichscht lang hebet, sondern ebä es Grät z bauä, wo binere Garantie vo 2 Johr viellicht 2.5 hebet.

Es isch denn also echli es zwüschäding... natürlich heds kei Ibautä Countdown mit Digitaler Uhr wo bim Datum x en Zerstörigsmechanismus uslöst. Aber es isch ebä au nid eifach so, dassmer es bitzli es Risko igoht, und dänkt evtl. gots halt doch scho früä kabut... sondern mer Rächnet schlicht nid demit dass das Teili mehr als so und so viel Betriebsstundä durähebed. Und das wird jo so plant, das Teili chund nid eifach zuäfällig det herä. Jedä würd es paar Rappä meh für en Fernseh für es paar k zahlä, wener wüsst de einzig Unterschied wär eifach nur dass en Kondensator verbaut isch wo tatsächich richtig dimensioniert wär für s Grät.


Öb das jetzt isch will mer diä paar Rappä will isparä, willmer demit rächnet dass eh jedä nach 2 Johr en neuä Fernseh will (drum gids ebä jo bi Fernseh wohl au nüm so viel vernünftigi Alternativä... bimene Verstärcher z.b isches kei Problem 500.- für ein z Zahlä wo nocher Dekadä hebet. Bi Fernseh chasch villicht no en B&O chaufä oder so... aber ebä wiä vil Lüt wo soviel usgänd für Fernseh, wänd i 10 Johr no de glich?), willmer gern meh Fernseh würd verchaufä, oder was weiss ich... do chamer drüber strittä.

[Mastler(P)]

phillips radio sitt ca. 9 jahr. cd läse mängisch mühe, susch ok.
philips fernseher sitt ca. 5 jahr. hät bi 2-3 games scho ussetzer gha und neu gstartet. susch guet.
mittlklass digitec pc sitt ca. 4 jahr. sitt letschti komischi churzi freezes. härt greinigt, ich glaub dä cpu hät was.
samsung monitor sitt ca. 6 jahr. nie problem gha.

han mini elektrowar i dä regel rächt lang im ihsatz. aber es chan halt immer es schwachs glied di ganz chetti uflöse.

[zwirrlibatz]

sit 25 jahr BOOOOOOM!

[Tatsujin]

En hersteller isch aber selte dumm, wenn er absichtlich schrott iibaut zum choene reparaturgeld verlange nach ablauf vo de garantie.

imageschade = wayne?

Bi dertige het mer den meischtens uuskauft.