online-shop in züri und umgebig

[feeshlee]

die meischte sache kaufi bim digitec, aber in letschter ziit isches immer so gsi, dass die beliebte artikel mal zersch so guet wie unerhältlich sind.
meischtens luegi no via toppreise, obs gröberi untershied git.

jetzt hani wieder son fall: dä digitec wird dä artikel im februar vilich wieder an lager ha.
über toppreise hani dä techmania gfunde, wo dä artikel 60 frengg billiger hät und no dezue an lager.
dä isch aber in gossau hine. känneder dä? erfahrige?

[meyerli]

techmania isch tiptop, hani scho paar mal Sache bestellt und nie Problem gha.
isch zwar nöd grad züri, aber de brack.ch het au na es ordentlichs Sortiment.

[Acid]

Isch Online isch überall...

Rein de Interesse halber: Wieso spillts en Rollä wo de gnau isch?

Oder gots drum das s Züg abholä wilsch?

[feeshlee]

normalerwiis holi ab, wänn möglich, will ich eusem quartier-penner.. äh pöschtler nöd traue.
bim techmania chasch aber nur liefere lah. au im garantiefall tueni ide regel lieber bringe, als schicke.
bin echli altmodisch...