Wohne mit 3 oder meh Generatione

[Mastler(P)]

Mir händ bi eus deheime folgendi Situation:

anderi frag: wenn dini schwö scho nöd schafft, wieso pfegt sie denn ihres grosi nöd anstatt dä spitex dä chöle zgeh?
oder wieso schafft sie nöd eifach, damit das liechter zfinanziere wär?

und wenns grosi so extrem dement isch, cha mer sich au überlege sie ihzschlöfere, nöd?
was nützt ihre die existänz no? besser abschied neh und ihri seel befreie.

[Asskicker]

ich ha d situation bi dir dehei ja mal churz mitbecho (woni de denon verschtercher bi go abhole). isch mer nid bewusst gsii dases so krass isch wie du beschribsch. isch aber au scho wider es jahr här, e schpezielli begägnig isches gliich gsii, hani aber rächt super gfunde.

ganz klar muesch au berücksichtige wivil finanzielli mittel dir zur verfüegig schtönd. und muesch di es schtück wiit au chönne abgrenze. würdisches hüt anderscht mache wenn gwüsst hättisch das dis grosi no so lang läbt?

edit: es gönd de übrigens alli hdmi-igäng wider, kei ahnig werum

Andersch mache weisi nöd, sie hät mich schliesslich au mit ufzoge - aber trotzdem, wänn ich was chönnt ändere, hätt ich sie vor eim Jahr weggeh wills schlicht wäg nüme gaht.
Aber isch nöd mini Mueter und ich misch mich nur bedingt i, söll sie sälber luege.

Muesch der halt überlegge wies wotsch mache, vorallem wännt elei läbsch und schaffsch isch es schwierig und du muesch zwangsläuffig öpper ha wo der underem Tag dur luegt.

@Receiver: lol super sach, bini froh dass er wieder tuet

Mir händ bi eus deheime folgendi Situation:

anderi frag: wenn dini schwö scho nöd schafft, wieso pfegt sie denn ihres grosi nöd anstatt dä spitex dä chöle zgeh?
oder wieso schafft sie nöd eifach, damit das liechter zfinanziere wär?

und wenns grosi so extrem dement isch, cha mer sich au überlege sie ihzschlöfere, nöd?
was nützt ihre die existänz no? besser abschied neh und ihri seel befreie.

Will sie en nichtsnutz isch det dure
sie hät weder irgend e lehr gmacht no hät sie d Matura wo sie sitt 3 Jahr dra isch mal abgschlosse (geschweige denn sich mal defür agmäldet...).

Und ich gibe dir 110% rächt, mer sött sie gah la - aber dezue müesst mer entweder Morphium sprütze lah (dä stellt en alte mänsch relativ zackig ab) oder ufhöre, sie aktiv "zwangs" zfüetere.
Ganz ehrlich, es isch mer scho 2-3 mal dur de chopf obi nöd mal mit em Chüssi hindere söll - aber ich chönnt glaub nöd demit läbe.
Ich hoffe dass es sie möglichscht bald lupft, nur scho wäg ihre will sie sone existänz nöd verdient hät.

Han ebe au chli s gfühl dass mini Mueter als "guets bisipil" vora gah will demit wänns bi ihre so wiit isch mir sie nöd gad diräkt is Heim gänd.
Aber das was sie macht, wird ich nöd mache - ganz sicher. Han weder d ziit no die finanzielle mittel dezue.

Was mer a mir ufgfalle isch, isch dasi sie nüme mag gseh. Es bricht mer jedes mal s Herz wäni sie gsehne "mues" und ich han agfange, so guet wie möglich de ganze situation us em wäg z gah.
Weis nöd was das über mich als Mänsch usseit, aber isch mer eifach a mir sälber ufgfalle.

[Supersonic]

Findi es sehr interessants und vielsiitigs Thema. Mag mi no dra erinnere woni de Artikel glese han.
Mues no es interessants Buech sii...
http://www.tagesanzeiger.ch/kultur/buec ... y/19396735" onclick="window.open(this.href);return false;

Ich persönlich finde dases da gar kei richtigi Antwort git. Mer mues glaub eifach hoffe das d'Eltere kei Pflegefäll werded und mit Würde gah chönnd.

[TypeJ]

Weis nöd was das über mich als Mänsch usseit, aber isch mer eifach a mir sälber ufgfalle.

ich chans verstoh!
das macht di nid zume schlechtere mensch...gwüssi chönd me schlucke wie anderi aber irgendwenn isch jede chessel volle!
vorallem isches hart weme en gliebte mensch gseht so "verende"... ich han au müeh ka demit bide grosseltere und es verrisst mi scho halbe weni nur dra denk wenns bide eltere mal eso wiet isch!

isch scho irgendwie speziell weni fotelis vonene siehne woni na en büebel gsi bin und wenis hüt aluege...
jaja, die liebi ziet

[TypeJ]

Ich persönlich finde dases da gar kei richtigi Antwort git. Mer mues glaub eifach hoffe das d'Eltere kei Pflegefäll werded und mit Würde gah chönnd.

eine vo mine gröschte wünsch woni han

[Mastler(P)]

das macht di nid zume schlechtere mensch...gwüssi chönd me schlucke wie anderi aber irgendwenn isch jede chessel volle!

ich chans au guet verstah. mis beileid.

ähm, wäg dä schwö: häsch dere als mah im huus nöd mal en asskick verpasst?
ich würd die eventuel useschüsse. denn sött sie fix lerne uf eigene bei zstah.

aber wahrschinli au was wo längscht gmacht hättsch, wenn di lieb muetter nöd so nachsichtig wär..?
finds uf jedefall eh absolut frechheit ih ihre lag nöd mal darbet vo dä spitex abzneh.

vill chraft und schaff nöd auno zvill!

[Overdose]

was de luca seit chani so eigetlich underschriebe.
Mir hend mini Grossmuetter pflegt bis sie gstorbe isch. Sehr schwirigi Ziet gsie.
Sie het e schwere Hirnschlag gha u nüme chöne rede oder laufe. Isch jahre gange bis da bitz besser worde isch. sowie het sie sich charakterlich starch veränderet. Isch e sehr langi gschicht u relativ komplex. ke bock da alles ufzschriebe.
jedefalls Jededtag Wäsche uf de Topfbringe, füettere, Tschtäge ufe und abehiefe. Spitex au zwei mal im hus gha a süschte hemmer alles selber müese mache us choschte gründ.
D schwäschter vo de muetter het Sie zu begin eifach ohne zfrage ines luxus altersheim inegsteckt u nach 3 jahr sie die sämtliche Erspährnis wo sie i Ihrem lebe gsammlet het futsch gsie. dschwöschter het sich uf holand abgsetzt u mini muetter het monatlich 10k sölle bläche als alleierziehendi muetter (50%) mitemene gof. sthe lol.
I bi do no i de schuel gsie. Luschtig wenn nachem heicho als eschtens male zerscht die verschiesne hose u chleider darfsch wächsle u butze. Us Grossmutti darfsch pfläge bis d muetter wieder zrugchund, um den dini schicht z überneh.

Ganz klahr wenns guet gaht, und d Familiemitglieder bis zumene grad no mitemene normale ufwand zunderstütze und zpfläge sind, de sicher mache. (Spitex isch e super sach bis zumene gwüsse grad) Aber wenn die ganz Familie nunu defür lebt, s Pflegepersonal zersetze de machsch die u dini Familiärstrucktur eifach kabut.
Leider lebet mir imene land womer sich e aständigi u würdigi pfläg nöd cha leischte. (Vollzietpfläg deheime)

I ha male es Jahr imene Altersheim gschafet gha. Nachem znacht werdets eifach mit medis ruiggstellt u basta. u defür Zallsch de x Tusig frank im Monet.
Nei du ..

[Avenger]

ABER namal: wenns denn gsundheitlich bergab gaht, de redemer denn namal drüber!

Wort! Alles total situationsabhängig.