[:shock:] RIP Philip Seymour Hoffman

[Herr Rossi]

...so lang du ah däre angscht feschthebsch cha sie dich nur brämse...

angscht isch allgemein hemmend, nimmt eim d perschpektive. das weiss au e gwüssni schwizer partei und setzt das inschtrument regelmässig ih.

danke fürd empfehlig, aber ich bi überzügt das mi körper alli wärchzüg bietet woni für mini vorhabe bruche
aber guet bisch au abgschweift

[Acid]

Ja, de Fehler isch gsi Süchtig z werdä vo dem Züg...

Alles nochher stohd unterem Zeichä vo derä Sucht. Und das Sucht nid sältä stärcher chan sii als Liebi und Resppäckt für anderi Mänschä, sogar sini Chind, oder eim Sälber isch würklich nid Breakling Nuis.... das isch jo eis vo de Hauptproblem und ghört fascht scho zude Definition vonere Sucht.

es isch sini entscheidig gsii wider demit azfange, obwohl er us erfahrig gwüsst het was das bedütet. e sucht isch kei entschuldigung.
ha jahrelang täglich kifft und mängisch heds mi kutzelet uf chli öpis wirkigsvoller umzschtige. werum hanis ächt nid gmacht? mer cha öpis im griff ha und öpis cha eim im griff ha, das isch immer e entscheidig ufgrund vo prioritäte. ich verurteilne nid, ich beduure sini entscheidig. wenn chind hesch findi isch alles andersch, du hesch e verantwortig wo über die eiget use god. leider gits zvil trottle uf dere chugle wo sich us egoistische motiv dem entziehnd. krass findi dass das üsi gsellschaft so guet akzeptiert.

uff, ich schweif mal wider rächt ap

Klar isches sini Entscheidig gsi, und klar isches kei Entschuldigung (Entschuldigung für was überhaupt?)

Ich chöntmer vorstellä er hed nid wider Agfangä "obwohl" sondern "will" er us Erfahrig gwüsst hed was das bedütet. Wärer nid scho mol ufem Hund gsi häts kei Sucht geh wonen wider hät chönä Iholä. Au wenn Clean bisch, heisst das no lang nid automatisch, dasses so isch dass frei devo bisch, unds nid witerhin en täglichä Kampf chan sii. Villicht ischer no so Süchtig gsi wiä am Tag woner ufghört hed. Psychologisch zumindescht, körperlich natürlich nid. Diä eintä schaffeds, diä andere nid. Das sind viel Sachä wo inäspilled.

Und sicherlich hesch Rächt vo wägä "wenn chind hesch...". Nur au do isch das alles ebä nid ganz so eifach und so schwarz wiis? Nüt isch ohni Risiko... und wo fangts a unverantwortlich zsi, wo hörts uf? Wo gömer es Risiko bewusst und mit voller überzügig i, wo schätzemers überhaupt richtig i, und wo belügemer üs? Und wieso gömers i, und ischses Wert?

Fangts villicht scho a unverantwortlich zsi, dass sich elterä tränned, und de Vater sini Chind gar nüm so vil gsehd? Müestet diä nid us Verantwortig de Chind gägänüber luege dasses uf d Reihä bringed? Andersits, wärs villicht nid unverantwortlich dassi sich alli unterem glich Tach ischlüssed, obwohl d Stimmig eifach immer nur völlig denäbed isch?

Du hesch Chind... du rauchsch (und hesch sogar demit ufghört...und denn wider agfangä), du fahrsch Töff... mer würd sicher diä eint oder ander Person findä wo das als völlig unverantwortlichs Verhaltä wür bezeichnä. Wenn mitem Auto gosch go schaffä isch das zwar wahrschindlich e chliners, aber immerno es Risiko... wär das verantwortlicher, oder wärs gar verantwortlich?
Nid go schaffä wills z gförlich isch, wär uf jedä Fall au unverantwortlich, will jo au irgendwiä für dini Chind muesch sorgä, und so wichtig dasses isch dass en Vater händ wo do isch und si liebt, brucheds halt ebä glich au no seint oder ander, und sälber muemer jo au über d Rundä cho. Also bruchts en Kompromiss.

[Herr Rossi]

Fangts villicht scho a unverantwortlich zsi, dass sich elterä tränned, und de Vater sini Chind gar nüm so vil gsehd? Müestet diä nid us Verantwortig de Chind gägänüber luege dasses uf d Reihä bringed? Andersits, wärs villicht nid unverantwortlich dassi sich alli unterem glich Tach ischlüssed, obwohl d Stimmig eifach immer nur völlig denäbed isch?

mir hend üsi verantwortig de chind gägenüber wahrgnoh indem mer üs örtlich trennt hend. d verantwortig hemmer aber witerhin beidi, und das isch nid e lascht sondern es gschänk.

Du hesch Chind... du rauchsch (und hesch sogar demit ufghört...und denn wider agfangä), du fahrsch Töff... mer würd sicher diä eint oder ander Person findä wo das als völlig unverantwortlichs Verhaltä wür bezeichnä. Wenn mitem Auto gosch go schaffä isch das zwar wahrschindlich e chliners, aber immerno es Risiko... wär das verantwortlicher, oder wärs gar verantwortlich?
Nid go schaffä wills z gförlich isch, wär uf jedä Fall au unverantwortlich, will jo au irgendwiä für dini Chind muesch sorgä, und so wichtig dasses isch dass en Vater händ wo do isch und si liebt, brucheds halt ebä glich au no seint oder ander, und sälber muemer jo au über d Rundä cho. Also bruchts en Kompromiss.

du hesch absolut recht. niemert isch perfekt, de aschpruch darfsch au nid ha. im übrige isch mini exfrau au heroinabhängig gsii und sit 13 jahr clean, aber si weiss ganz genau was es bedüted wider z konsumiere. ich es gad mer um die doppelmoral. fänds ganz übel wenn öper wo mich nid persönlich kennt nach mim tod (lungechräbs? töffunfall?) mitleid hüchlet oder schockiert tuet. au wenn ich e promi wär. vilicht sett ich die RIP irgendöper-topics in zuekunft eifach miide

[Mastler(P)]

danke fürd empfehlig, aber ich bi überzügt das mi körper alli wärchzüg bietet woni für mini vorhabe bruche

das isch sicher so! die stoff diened nur als abchürzige. en erlaubniszättel wo ihlöse chasch um für eh gwüssi ziit dwelt mal chli andersch zbetrachte.

für villi ischs halt chli wie schwümme lerne indem mer in en pool gschosse wird.
zersch stramplisch und wehrsch di, nachere ziit merksch aber das es gar kei ahsträngig benötigt und dass s ganze erläbnis nur trüebt.
also lasch los, lasch die triebe und es wird ahgnehm, ruhig und gaht wie vo allei. und denn fangsch ah spille und plantschle.
aber ebe, wenn du ah dine ängscht feschthebbsch sabotiersch di letschtendli nur selber.

ich verstah aber das dä prozess vom strample normal und fascht scho nötig isch, um zerkenne das es durchus andersch gaht, wenn mer nur will.

und hey, das mit dä exfrau: kräss. das heisst ihr sind no zämmegsi wo sie druggt hät und du häsch das wükli direkt miterlebe döfe?

[Herr Rossi]

und hey, das mit dä exfrau: kräss. das heisst ihr sind no zämmegsi wo sie druggt hät und du häsch das wükli direkt miterlebe döfe?

nei, si isch grad im entzug gsii wo mer üs kenne glernt hend. has aber erscht erfahre wo si nach 8 jahr wider s risse becho het.
si hed graucht und gsnifft, nie gschprützt.

[Mastler(P)]

ui. ok.
hät sie no öppe die es verlange danach? das bliebt ja glaubs underschwellig immer presänt.

[Herr Rossi]

cha sii, si schämt sich defür und redt nid drüber

[Mastler(P)]

ok, schad.
problem cha mer nur löse in dem mer sie as liecht bringt.

nöd, das mer da direkt was "löse" chönt. aber ja.

[Herr Rossi]

ok, schad.
problem cha mer nur löse in dem mer sie as liecht bringt.

nöd, das mer da direkt was "löse" chönt. aber ja.

ja drum heds au kei zuekunft gha. leider nid de einzig fall vo ignoranz ide familie...