[OT]Generelles Politik-Topic

[Herr Rossi]

bescht

[Mastler(P)]

Also uf mich hets schochli gwürkt...mues ich mir merke...

ja, merk dir das besser mal, min liebe!

[Jones]

Korrekt. Kriminalität ergit sich oft us nidrige soziale Schichte. Wemer alliUsländer würded userüere wäred plötzlich 100% vo de Kriminelle Schwizer...s Usmas vo de Kriminalität innerhalb vo de Gsellschaft wär allerdings in etwa glich. Also froied oi drüber dasmer di schwarze Peter hend

Ja das isch eso. Teilwis jedefaus. Es wäre denn alli schwizer. Z'behoupte, z'usmass an sich wäri in etwa glich findi allerdings recht abentürlech... lol

Es isch kes reins usländerproblem u o kes reins schichteproblem. Wohl irgendwas derzwüsche...
Da das aber uf dr ganze wäut so isch, zeigts äbe leider o uf, dass es niene richtig funktioniert, sozial 'niederi' schichte a gogo z'importiere und z'meine sie schaffes alli bis ufe... Gwüssi chöis nid, anderi weis nid. Je nach sozialsystem fehlt schlichtwegs dr asporn...

[Xinobrax2]

Ja ich hans chli krass vereifacht...aber ich gange mal devo us, dass us de vorhandene Lohnunterschied immer in etwa di gliche Schichte entstönd....was allerdings im Umkehrschluss nid mues bedüte dass sich was würd endere wenn alli öpe de glich Lohnt hetted...isch halt komplex. Im wesentliche hani nur wele sege, dass de prozentual Ateil bi de Kriminalität vo Usländer einiges mit irer Stellig innerhalb vo de Gsellschaft z tue het. E Lösig für s Problem hani au nid...ich denke allerdings au, dass so SVP Kampagne d Situation eher verschlechtered...unabhängig vom Usgang. Vonere beschissene Stimmig im Land het letztendlich niemert was....

[Jones]

Im wesentliche hani nur wele sege, dass de prozentual Ateil bi de Kriminalität vo Usländer einiges mit irer Stellig innerhalb vo de Gsellschaft z tue het.

So gsehni das o...
Je nach delikt halt. Git delikt wo o armi schwizer quasi nie begöh mire erfahrig nah... Aber wenn meh die bim name nennt, wird eim grad ungerstellt, meh sig e rassist... Plus hüfig isches kulturbedingt, was nid zwingend a d'schicht kupplet isch...

Generell es problem i so diskussione. Hüfig wird grad mit dr rassismus keule usteilt... Was bitteschön isch rassistisch, wenn es land säuber wott bestimme, wär e ufenthalts- oder niederlassigsbewilligung bechunnt? Si 50% vo de schwizer rassiste? Simer früeher alli rassiste gsi wome das system gha hei? Si kanadier, australier etc etc alles rassiste? Dert bestimmt ja o dr staat wär darf cho...

[Acid]

Korrekt. Kriminalität ergit sich oft us nidrige soziale Schichte. Wemer alliUsländer würded userüere wäred plötzlich 100% vo de Kriminelle Schwizer...s Usmas vo de Kriminalität innerhalb vo de Gsellschaft wär allerdings in etwa glich. Also froied oi drüber dasmer di schwarze Peter hend

Ja das isch eso. Teilwis jedefaus. Es wäre denn alli schwizer. Z'behoupte, z'usmass an sich wäri in etwa glich findi allerdings recht abentürlech... lol

Es isch kes reins usländerproblem u o kes reins schichteproblem. Wohl irgendwas derzwüsche...
Da das aber uf dr ganze wäut so isch, zeigts äbe leider o uf, dass es niene richtig funktioniert, sozial 'niederi' schichte a gogo z'importiere und z'meine sie schaffes alli bis ufe... Gwüssi chöis nid, anderi weis nid. Je nach sozialsystem fehlt schlichtwegs dr asporn...

Naja, es isch eifach au so dass es echli a Vorussetzig fehlt, imene System wo meh oder weniger druf berueht, dass diä eintä uf Chöschtä vo andernä Läbed. Irgendöper chund immer weniger für d Arbet über, suscht chöntet sich diä andere niä und nimmer so viel leischtä.

Und dasses genau so Usländerproblem wiä Schichtäproblem sig... ich weiss jo nid. Stellder mol vor z Rumäniä hättets üsä Richtum, und bi üs hättemer öpä so wenig wiäs jetzt z Rumäniä händ. Meinsch denn würeds immerno Bandä organisiere, wo bi üs s Züg usruumed, oder chinder zwinged uf üsnä Strossä go bätle, eifach wills Rumänä sind. Und meinsch kein Schwizer würd uf d Idee cho villicht mol z Rumäniä verbiezluege, und öpis mitzneh wenn sich d Möglichkeit büütä würdi. (früener wos de Schwizer nonig ganz so guet gangä isch, sind diä Jungä nid nur i anderi Länder, sondern nid grad wenigi händ sich vo irgendwelchnä Lüt defür zahlä loh Plündernd und Mordend dur irgendwelich Gägändä z ziä, eifach um das mol in Erinnerig zrüefe).

Zudemm isch Kriminalität immer au sehr relativ. I de tüfere Schichtä chamer sich eifach nid leischtä d Lüt im gsetzlich erlaubtä Berich über de Tisch z ziä und uszbüütä. Das heisst nid zwingend dass sich Lüt i höchere Schichtä prinzipiell unproblematischer verhaltet.

[Xinobrax2]

Fair...aber Stüre hinterzieh, Umwelt vernichte und ganzi Länder abzzocke isch eher es Kavaliersdelikt....

[Jones]

Und dasses genau so Usländerproblem wiä Schichtäproblem sig... ich weiss jo nid. Stellder mol vor z Rumäniä hättets üsä Richtum, und bi üs hättemer öpä so wenig wiäs jetzt z Rumäniä händ. Meinsch denn würeds immerno Bandä organisiere, wo bi üs s Züg usruumed, oder chinder zwinged uf üsnä Strossä go bätle, eifach wills Rumänä sind. Und meinsch kein Schwizer würd uf d Idee cho villicht mol z Rumäniä verbiezluege, und öpis mitzneh wenn sich d Möglichkeit büütä würdi. (früener wos de Schwizer nonig ganz so guet gangä isch, sind diä Jungä nid nur i anderi Länder, sondern nid grad wenigi händ sich vo irgendwelchnä Lüt defür zahlä loh Plündernd und Mordend dur irgendwelich Gägändä z ziä, eifach um das mol in Erinnerig zrüefe).

Nei das würde sie nid aber viellech würde mir denn sie gah plündere. U wär wäre mir denn für sie? Genau: d'usländer!
Gsehsch wasi meine? Isch e definitionsfrag...

Und meinsch d'rumäne würde denn nid über die kriminelle usländer us dr schwiz flueche und gägemassnahme treffe? Wäre sie deswäge rassiste?

Bi vermögensdelikt isches sicher meh schichte-/armuetsabhängig. Aber wie gseit: anderi delikt si da eher kultur- oder z.t. o religions eiflusst...

[Bejita]

Und meinsch d'rumäne würde denn nid über die kriminelle usländer us dr schwiz flueche und gägemassnahme treffe? Wäre sie deswäge rassiste?.

Si würde üs dert eifach umbringe, hie dräie si düre wenn si i SG es Chopftuech verbot ir schuel bringe, wei vor Gricht wäge däm ( ROFL ), we christe wettä dasme i islamische Länder es Jesuschrütz ide Schuelzimmer würd ufhänke, würd mä uf offniger Strass gschlachtet wärde.
Di meiste hei eifach z gfüehl si chöi sich hie aues usenä ( imne christlechä land, wäge chopftuechverbot ga protestiere ), und benäme sich ou eifach schüsch total dernäbe und asozial, und das isch eifach nid korräkt.
I wär ou derfür dasmne aui würd usschaffe wo Houbtsächlech vom Soz läbe, oder meistens nume Raf gäuder bezieh, oder einisch Straffällig wärde, eifach mau düregrife! Scheiss linki Kuscheljustiz zum chotze.
Um klarzstellä, i bi weder christ, no ha ig was gäge Islam ( finge ig sogar ziemlech intressant )
Aber wenn eifach ines frömds land geisch, denn duesch di integriere, oder lasch es lasi

[Jones]

Chopftuech...
Bitte! Das isch itz ächt kes problem..

[Avenger]

lol

[Xinobrax2]

imne christlechä land, wäge chopftuechverbot ga protestiere

Btw, d Schwiz isch keis christlichs Land...ev. bi Glegeheit mal d Verfassig lese.

...we christe wettä dasme i islamische Länder es Jesuschrütz ide Schuelzimmer würd ufhänke, würd mä uf offniger Strass gschlachtet wärde.

Es git zimlich vil christlichi Schuele in islamische Länder Blib mal ufem Bode...

[Bejita]

Chopftuech...
Bitte! Das isch itz ächt kes problem..

Mi stressts ou nid, aber es geit mir ums Prinzip!

[Bejita]

imne christlechä land, wäge chopftuechverbot ga protestiere

[img]Gotteswiber[/img]


Btw, d Schwiz isch keis christlichs Land...ev. bi Glegeheit mal d Verfassig lese.

...we christe wettä dasme i islamische Länder es Jesuschrütz ide Schuelzimmer würd ufhänke, würd mä uf offniger Strass gschlachtet wärde.

Es git zimlich vil christlichi Schuele in islamische Länder Blib mal ufem Bode...

Lueg mir hei hie Chilenä, d lüt uf em Fridhof wärde meistens nach Christlecher art bestattet. Übrigens steit aus erst ir verfassig "Im Namen Gottes des Allmächtigen!", villech bisch ja ou mau im Militär gsi und hesch d "Lyrics" vo üserä Nationalhymne itrichteret becho, und da wird Gott, und nid d Shiva, Allah, oder wär ou immer erwähnt Auso was wotsch eigendlech lire?
Ja die schuele si dert so lang d christe dr Ball flach haute, lueg mau Syrie ah, dert gsesch was aus christ passiert wenn di wersch, oder nid flüchtisch, oder haut äbe dini chiuche hesch
Ah ja, google mau "christliche schulen islam", es wird nid würklech akzeptiert, aber houbtsach dr ling nonsense verzapft

[Herr Rossi]

ich wette mit dir das die wos betrifft, also d mitschüeler und d lehrpersone, am wenigschte chratzt das schüelerinne chopftüecher ahend.

oder ums mit dine wort zsäge; nur s intolerante saupack schtört sich drah.

[Xinobrax2]

Lueg mir hei hie Chilenä, d lüt uf em Fridhof wärde meistens nach Christlecher art bestattet. Übrigens steit aus erst ir verfassig "Im Namen Gottes des Allmächtigen!", villech bisch ja ou mau im Militär gsi und hesch d "Lyrics" vo üserä Nationalhymne itrichteret becho, und da wird Gott, und nid d Shiva, Allah, oder wär ou immer erwähnt Auso was wotsch eigendlech lire?

Da verwechslisch aber es paar Sache...

Artikel 15

„Die Glaubens- und Gewissensfreiheit ist gewährleistet.
Jede Person hat das Recht, ihre Religion und ihre weltanschauliche Überzeugung frei zu wählen und allein oder in Gemeinschaft mit anderen zu bekennen.
Jede Person hat das Recht, einer Religionsgemeinschaft beizutreten oder anzugehören und religiösem Unterricht zu folgen.
Niemand darf gezwungen werden, einer Religionsgemeinschaft beizutreten oder anzugehören, eine religiöse Handlung vorzunehmen oder religiösem Unterricht zu folgen.“

Jetzt seisch du natürlich zu recht, dass de christlich Blödsinn überall i üsere Kultur verankeret isch...das zeigt aber lediglich, dass bi üs ei bestimmti Religion bevorzugt wird, was aber im Grund gno de Verfassig widerspricht. Das Lit allerdings au a de Wurzle. D Religionsfreiheit isch nid vo Afang a en feste Bestandteil vo de Verfassig gsi oder besser gseit, si het nume christlichi Konfessione umfasst. Di umfassend Religionsfreiheit gits ersch sit 1874. De vo dir zitierti Wortlut isch us de Urfassig vo 1848 und wird wohl au in Zuekunft nid entfernt. Üsi Nationalhymne isch sogar na elter...also bitte nid üse hüttig Staat mit kulturelle überblibsel verwechsle. D Schwiz isch defakto kein christliche Staat.

Wenns nach mir gächt chäntmer grad alli Religione verbanne. Da ich d Religionsfreiheit aber respektiere muesi zwangsläufig allne di gliche Recht zuespräche...demzufolge sind sonig Diskussione völlig überflüssig...entweder mer behandled alli Religione glich oder mir gebed zue dasmer im Grund gno es intollerants Saupack sind wo kei Veränderige wünscht.

Was di christliche Schuele betrifft, die hani nid bi Google gfunde, sondern in Ägypte und im Iran. Das sind allerdings di einzige islamische Länder woni bisher psuecht han. Mir isch bewusst, dases au no krasseri Bispiel git...aber det isch denn eher es autokratischs Regime und nid d Religion s Problem.

[Acid]

Nei das würde sie nid aber viellech würde mir denn sie gah plündere. U wär wäre mir denn für sie? Genau: d'usländer!
Gsehsch wasi meine? Isch e definitionsfrag...

Ja eh, nur isch halt d Frog a was dassmer s Problem feschtmacht. Und öbmer denn tatsächlich en Zämähang trifft, oder ebä nur e zuäfälig richtigi Fesschtstellig wo mit em Problem villicht gar nüt ztuä hed, und drum au nüt zur Lösig vom Problem chan Biiträgä.

Nämemer als Bispiel mol d Roma, wo so en schlächtä Namä händ. Sägemer mol, anschiinend weissmer jo mitlerwilä dasses tatsächlich oft Roma Clans sind, wo i verschiedene Bereich vo de Europäischä Kriminalität Aktiv sind. Ibrüch, Chinder i Chäfig haltä und si zum Bättle zwingä, alti Lüt um zähtuusigi vo Frankä abzockä miteme Änkeltrick, Prostitution, Mänschähandel.... bis zum Illegalä Hüetlispiel uf de Stross. Jetzt gits natürlich no viel ander wo zumindescht i gwüssä vo denä Sachä au zumene gehörigä Teil mitmisched, aber nämemer jetzt eifach für das Bispiel mol a es siged vor allem Roma. Nach diner Logik chöntmer denn sägä, s Problem isch klar, es sind vor allem Roma, also mues s Problem si (oder fairer wiis, zumindescht d Hälfti vom Problem), dasses Roma sind.
Jetzt isches aber so, dasses verdammt vil Roma gid. Und nur en chlinä (oder wahrschindlich en chlinschtä) Teil vo allnä Roma wos gid i so organisierti Kriminalität verwicklet isch.
Au wenn alli diä Romas sind, lohd sich nid eifach Rückschlüssä dass alli Romas diä sind.

Wemer vo de Italienischä Mafia reded, denn sind das au meischtens Italiener wo det Mitmischled. Glich chamer nid sägä alli Italiener siged Mafiosi.

Wemer vo Fischer reded, denn isches wahrschindlich kei gwagti Behauptig, dass diä allermeischtä vo ihnä au werded Fisch Ässä. Gwagter wär allerdings d Behauptig, dass alli wo Fisch ässed, drum au Fischer müend sii.

Korrelation/Kausalität/Schiinkorrelation und so Züg... Ich weiss jo nid was i üsere Frog mit Usländer, Kriminalität und so alles würklich was isch, aber ich finds eifach wichtig, dass, wemer s Problem will lösä, das ebä bedänkt. Will wemers Verwächslet machdmer oft no viel meh Problem, statt dasmersi löst.



Was d Wohlstandsfrog und Inland/Usland betrifft:
Früener wo alles nonig so globalisiert gsi isch, und weniger Lüt im Züg I und Usgwanderet sind, heds jo ähnlichi Problem au geh... det händ sich d Schichtä dänn halt nochli meh unter de Lüt mit glicher Staatsaghörigkeit verteilt, vom Adel durä bis zu de Gauner und Banditä i irgendwelchä Räuberbandä wo im Wald huused, gwüssi wills eifach assozialli Arschlöcher gsi sind, villi aber au, wills vor Gsellschaft us irgendwelchnä Gründ, verstossä wordä sind, seifach dumm glaufä isch, oder si eifach Päch gha händ mit ihrem Schicksal.

Dur d Globalisierig isch halt au diä ganz Verteilig Globaler wordä. Sägemer d Schwiz ghört als gsammts zum Hochadel, eis vo de Schlösser wo diä ganz Riichä mit ihrnä marginal weniger Riichä verwandtä und bekanntä wohned, und au de Dienst- und Chindermeitli wo im Schloss dörfed wohnä gods no Roosig. Es wohnt sogar de eint oder ander drin, wo eigentlich gar nüt det verlorä hetti, wiler ebä wiit vom Adel entfernt geborä wordä isch... aber irgendwiä hets de gwitzt Typ gschafft, was de meischtä niä glingä chönti.

Und d Piratä z Somalia sind denn ehnder d Räuberbandä, willnä jeglichi Grundlag normal z funktioniere vom Adel und de reschtlichä Gsellschaft entzogä wordä isch, überfalleds jetzt halt Schiff wo verbiechömed.

Und meinsch d'rumäne würde denn nid über die kriminelle usländer us dr schwiz flueche und gägemassnahme treffe? Wäre sie deswäge rassiste?

Wahrschindlich würd einä sägä d Usländer siged es verdammts Problem, denn würd ein sägä, villicht lieds meh dra dass Arm sind, und denn würd wider en andere sägä dasses ebä beides sii mues, und wider en Anderä würdem denn d Frog stellä öber so sicher sig, und öb er glaubä wür, wenn d Schwizer Rich währed und d Rumänä arm, öb denn d Schwizer glich uf Rumäniä gängtet go Züg usruumä... etc. pp.

Aber das mues jo nid dä einzig Wäg si... stellder mol vor dass Rumäniä und d Schwiz en ähnlichä Wohlstand hed. Was passiert denn?

Bi vermögensdelikt isches sicher meh schichte-/armuetsabhängig. Aber wie gseit: anderi delikt si da eher kultur- oder z.t. o religions eiflusst...

Natürlich, dass isch scho es Thema. Und Kulturä chönd sich natürlich au Schichtä bedingt entwicklä, sehr oft aber natürlich scho au Regionsbedingt oder Religions-, Ideologie-, Politikbedingt etc. Eigentlich aber natürlich eifach usere Kombination vo all denä Sachä, und drum isches au no relativ Komplex.









---------------------------------------------

Und meinsch d'rumäne würde denn nid über die kriminelle usländer us dr schwiz flueche und gägemassnahme treffe? Wäre sie deswäge rassiste?.

Si würde üs dert eifach umbringe, hie dräie si düre wenn si i SG es Chopftuech verbot ir schuel bringe, wei vor Gricht wäge däm ( ROFL ), we christe wettä dasme i islamische Länder es Jesuschrütz ide Schuelzimmer würd ufhänke, würd mä uf offniger Strass gschlachtet wärde.

lol... de Bejita, en Maa vo de Hertä Faktä

Also wemer vo Rumäniä reded, denn isch det fascht gar niemert Muslimisch, und diä meischtä wo sind sind Imigrantä, Türkä oder so öpis. S Land isch politisch Sekulär, bis im 89i isches e komunistischi Diktatur gsi, de allergröscht Teil vo Rumänä sind Orthodox, und wemer z.B. diä vil zitierte Roma nimmt, wo schiins vili so Problem demit hend und vili au us Romäniä chömed (aber natürlich au vo suscht überal), denn sind das oft Mänschä wo ihri Kultur nid dur Religion definiered, und drum zwar meischtens e Religion händ (oft diä vo det wos halt grad herchömed oder wos scho lang läbed... sehrig wo i Chrischtlich Dominierte Länder läbed sind zB. Oft Katholisch), aber us de Religion sicherlich kein Glaubenschrieg mached. Zudem isch bi letschterä (wenns berhaupt serig sind wo do Läbed und nid serig wo eifach schnäll verbie chömed zum es paar Hüser usruumä und denn wider über d Gränzä verschwinded) ehnder d Frog öbs ihri Chind überhaupt i d Schuel schicked, und erscht denn chämts druf a öb mit Chopftuech oder nid. Egal wos sind, d Roma sind Minderheitä, das sind nid Lüt wo Länder regiered und Gsetz schriebed gäg Chrischtä oder suscht öber.

Di meiste hei eifach z gfüehl si chöi sich hie aues usenä ( imne christlechä land, wäge chopftuechverbot ga protestiere ), und benäme sich ou eifach schüsch total dernäbe und asozial, und das isch eifach nid korräkt.
I wär ou derfür dasmne aui würd usschaffe wo Houbtsächlech vom Soz läbe, oder meistens nume Raf gäuder bezieh, oder einisch Straffällig wärde, eifach mau düregrife! Scheiss linki Kuscheljustiz zum chotze.
Um klarzstellä, i bi weder christ, no ha ig was gäge Islam ( finge ig sogar ziemlech intressant )
Aber wenn eifach ines frömds land geisch, denn duesch di integriere, oder lasch es lasi

Do chamer genau s glichä bringä wiä bi denä wo jetzt behauptet d Schwizer siged verdammti Rassischtä wäg derä Abstimmig: I de Schwiz sind fascht en Viertel vo de Bevölkerig Usländer... fascht jedä 4ti.
Wenn au nur jedä 2. vo denä nur halb so tumm wür tuä wiä du do seisch, wür d Schwiz echli andersch usgseh.

Auso was wotsch eigendlech lire?
Ja die schuele si dert so lang d christe dr Ball flach haute, lueg mau Syrie ah, dert gsesch was aus christ passiert wenn di wersch, oder nid flüchtisch, oder haut äbe dini chiuche hesch
Ah ja, google mau "christliche schulen islam", es wird nid würklech akzeptiert, aber houbtsach dr ling nonsense verzapft

Lueg doch Syrie mol ah... muesch det en Chrischt sii, dassder im Moment Himmeltruurig god? Überleg doch mol bitz.
Das isch es Farkling Chriegsgebiet mit weiss ich wiä vil Gruppierigä, unter anderem au Fanatiker wo d Religion vorschiebed... diä händ allerdings nid nur öpis gägä Chrischtä, sondern au gägä alli Muslimä wo andersch dänked als si. Und diä Religiösä Zuehörigkeitä ergänd sich us Gsellschaftlichä und Politischä Zuägehörigkeitä und umgekehrt...

Und wiä de Xino gseit hed... es git nid grad wenig Staatä, wo d Mehrheit Islamisch isch, unds trotzdem Chrischtä mit Chilä und allem gid, oder au Judä. Und sälbscht wenn nid, was willsch eigentlich liirä? Natürlich gits Hardcore Staatä (allerdings meischtens ehnder weniger diä wo den Lüt zu üs flüchtet, sondern diä womer mitnä Miliardä Deals mached.) wo gar nüt god.

Meinsch nur will irgendwiä in Saudiarabiä d Frauä nid dörfed Autofahrä söllemer jetzt bi üs de Männer s Velofahrä verbütä oder was?

Diä ewig Gschicht vo "mümü lueg mol im Islamischä Staat mümümü" stimmt nid nur nid, sondern sälbscht wenn si stimmä wür, ergäbt si überhaupt kein Sinn. Wiä zum Tüfel söll das es Argumänt für oder gäg irgendöpis Sii?






Aber ich verstandi natürlich scho bitz... wenn i so es grausamms Mischmasch wür machä und alles duränander Wirblä dassmer chum meh überhaupt en Asatz vomene differenzierte Gedankä würd glingä, wäri wahrschindlich au rächt Hässig.

[thaeye]

also bitte Religion isch z allerletscht en grund gsi das die initiative agna worde isch.

[evo]

ui nei, christe. das sind jez also die aller letschte

[Mastler(P)]

Übrigens steit aus erst ir verfassig "Im Namen Gottes des Allmächtigen!", villech bisch ja ou mau im Militär gsi und hesch d "Lyrics" vo üserä Nationalhymne itrichteret becho, und da wird Gott, und nid d Shiva, Allah, oder wär ou immer erwähnt Auso was wotsch eigendlech lire?

allah isch arabisch für gott und shiva eh manifestation vo dä hinduistische trinität, du mongo.
in japan schriebsch au nöd "gott" wenn vo gott redsch. im italienisch übrigens au nöd, min liebe.

[thaeye]

wenn ich das züügs da liis chum ich würkli au nah zum schluss religione gsamthaft z verbanne, die abstimmig haet nix mit Religion z tue gha au nöd mit de böse usländer zumindest bi die meiste wo ja gstumme haend. d schwiiz wird sich mit dem tempo womer bisher gange sind radikal verändere und zwar nöd is positive für d lüüt wo da lebet (also au fürd "usländer), die meiste wo Ja gstumme haend, waend das tempo nöd mitgah (und nehmet sicherlich au es paar ischnitt in chauf), natürli gits au nah es paar anderi wo d usländer allgemein uf de pelle haend, aber das isch d Minderheit , da isch d schwiiz gnueg weltoffe und bewiest das au das zämälebe vo verschiedene asichte au funktioniert.

[Jones]

Ja eh, nur isch halt d Frog a was dassmer s Problem feschtmacht. Und öbmer denn tatsächlich en Zämähang trifft, oder ebä nur e zuäfälig richtigi Fesschtstellig wo mit em Problem villicht gar nüt ztuä hed, und drum au nüt zur Lösig vom Problem chan Biiträgä.

Nämemer als Bispiel mol d Roma, wo so en schlächtä Namä händ. Sägemer mol, anschiinend weissmer jo mitlerwilä dasses tatsächlich oft Roma Clans sind, wo i verschiedene Bereich vo de Europäischä Kriminalität Aktiv sind. Ibrüch, Chinder i Chäfig haltä und si zum Bättle zwingä, alti Lüt um zähtuusigi vo Frankä abzockä miteme Änkeltrick, Prostitution, Mänschähandel.... bis zum Illegalä Hüetlispiel uf de Stross. Jetzt gits natürlich no viel ander wo zumindescht i gwüssä vo denä Sachä au zumene gehörigä Teil mitmisched, aber nämemer jetzt eifach für das Bispiel mol a es siged vor allem Roma. Nach diner Logik chöntmer denn sägä, s Problem isch klar, es sind vor allem Roma, also mues s Problem si (oder fairer wiis, zumindescht d Hälfti vom Problem), dasses Roma sind.
Jetzt isches aber so, dasses verdammt vil Roma gid. Und nur en chlinä (oder wahrschindlich en chlinschtä) Teil vo allnä Roma wos gid i so organisierti Kriminalität verwicklet isch.
Au wenn alli diä Romas sind, lohd sich nid eifach Rückschlüssä dass alli Romas diä sind.
Wemer vo de Italienischä Mafia reded, denn sind das au meischtens Italiener wo det Mitmischled. Glich chamer nid sägä alli Italiener siged Mafiosi.
Wemer vo Fischer reded, denn isches wahrschindlich kei gwagti Behauptig, dass diä allermeischtä vo ihnä au werded Fisch Ässä. Gwagter wär allerdings d Behauptig, dass alli wo Fisch ässed, drum au Fischer müend sii.
Korrelation/Kausalität/Schiinkorrelation und so Züg... Ich weiss jo nid was i üsere Frog mit Usländer, Kriminalität und so alles würklich was isch, aber ich finds eifach wichtig, dass, wemer s Problem will lösä, das ebä bedänkt. Will wemers Verwächslet machdmer oft no viel meh Problem, statt dasmersi löst.

das isch GENAU das wo ig o immer säge: es isch e grosse ungerschied, ob meh seit "d'mehrheit vo de usländer oder dene mit usländischer herkunft isch kriminell" oder ob meh seit "d'mehrheit vo de kriminelle si usländer oder usländischer herkunft"! die eint ussag isch falsch und die anderi äbe nid... würd meh ganz genau statistik füehre, wär z'resultat erschreckend. so wie's itz usgwiese isch, wird dr vergwaltiger wo siteme halbe jahr e schwizer pass het itz halt zu de schwizer straftäter zellt. das ermüglecht denn gwüsse chreise wieder z'behoupte dass nid nur usländer so delikt begöh wie die bösi rächti immer sägi. und wenn die rächti im gägezug verlangt, dass meh das statistisch müessi festhalte chunnt grad z'argrumänt es gieng nur drum stimmig z'mache... i bi e fan vo wahrheite und zahle. i lah mir weder vo de linke no vo de rächte ihri asichte ufdrücke wenn ig genau weiss, dass es andersch isch in wahrheit...

Wahrschindlich würd einä sägä d Usländer siged es verdammts Problem, denn würd ein sägä, villicht lieds meh dra dass Arm sind, und denn würd wider en andere sägä dasses ebä beides sii mues, und wider en Anderä würdem denn d Frog stellä öber so sicher sig, und öb er glaubä wür, wenn d Schwizer Rich währed und d Rumänä arm, öb denn d Schwizer glich uf Rumäniä gängtet go Züg usruumä... etc. pp.

ooohhh! i bechume chopfweh!

Aber das mues jo nid dä einzig Wäg si... stellder mol vor dass Rumäniä und d Schwiz en ähnlichä Wohlstand hed. Was passiert denn?

du bringsches ufe punkt. wäri z'wohlstandsgefälle innerhalb vor EU nid eso riiiiiesig, würdi das mitem freie personeverchehr viellech sogar funktioniere. hättsch immer no es mentalitätsproblem mit gwüsse völkergruppe aber so grundsätzlech wärs sicher viu viu besser. so wie's itz louft, isches logisch, dass die use arme länder i die riche länder wei gah ihres glück probiere. würde mir us schwizer genau so mache, wenns umgekehrt wär. es isch itz haut aber eifach eso, dass insbesondere chlini länder nid unbegrenzt kapazität hei und viellech o nid ihri läbensart wei übere huufä wärfe nur dass all die arme zuezügler teil vo ihrem chueche si. mag egoistisch si, aber so isch d'mönschheit.


zur frag, ob d'schwiz es christlechs land isch:

es mag nid so direkt ir BV stah aber üsi kultur basiert uf christleche wärt. und daderzue ghört äbe grad o, dass meh anderschdänkendi oder -gloubendi, nid verfolgt. d'tatsach, dass mir d'religionsfreiheit hei, heisst mire meinig nah nid, dass mir wäge däm kes chirstlechs land (oder äbe christlech prägts) si sonder eher grad z'gägeteil. du intepretiersch das genau gägeteilig. isch jedem säuber überlah... i persönlech haute o nid viu vo religion jeglecher art. bringt nix als chrieg wäutwiit...

[Jones]

wenn ich das züügs da liis chum ich würkli au nah zum schluss religione gsamthaft z verbanne, die abstimmig haet nix mit Religion z tue gha au nöd mit de böse usländer zumindest bi die meiste wo ja gstumme haend. d schwiiz wird sich mit dem tempo womer bisher gange sind radikal verändere und zwar nöd is positive für d lüüt wo da lebet (also au fürd "usländer), die meiste wo Ja gstumme haend, waend das tempo nöd mitgah (und nehmet sicherlich au es paar ischnitt in chauf), natürli gits au nah es paar anderi wo d usländer allgemein uf de pelle haend, aber das isch d Minderheit , da isch d schwiiz gnueg weltoffe und bewiest das au das zämälebe vo verschiedene asichte au funktioniert.

"abschottigsinitiative" tönt halt besser als "säubstbestimmigsinitiative". vorallem für d'zytige...

dass d'industrie dergäge isch, isch klar. die wei dr günstigst mitarbeiter mit dr beste usbildig.
da wird halt de der schlächt sprächend portugies uf dr boustell irgendwenn mitem dütsch sprächende dütsche ersetzt wo viellech zum gliche lohn schaffet und besser usbildet isch.

die ewigi mär vo de mangelnde fachchräft isch o zum lache. mir hei die o vor der personefreizügigkeit becho. die wos brucht het halt. dass d'mehrheit vo de igwanderete lüt hochqualifizierti fachchräft si isch schlichtwägs gloge. chame mit offizielle bundeszahle widerlege. und no wenns so wär, heisst das nid, dass meh die nid nach wie vor chönnti inehole ohni personefreizügigkeit.

genauso fragwürdig findi z'argument, dass mir d'personefreizügigkeit fürs wachstum bruche. Ja, z'BIP isch gwachse. aber z'BIP pro chopf isch gsunke. und zu welem pries isch z'BIP de gwachse? simer bereit dä witerhin z'zahle oder nid? die einte finde ja, die andere nei.

[Mastler(P)]

es mag nid so direkt ir BV stah aber üsi kultur basiert uf christleche wärt. und daderzue ghört äbe grad o, dass meh anderschdänkendi oder -gloubendi, nid verfolgt.

[Jones]

es mag nid so direkt ir BV stah aber üsi kultur basiert uf christleche wärt. und daderzue ghört äbe grad o, dass meh anderschdänkendi oder -gloubendi, nid verfolgt.

dr letscht chrüzzug isch es momäntli här...