zahlsch billag?

[damian]

aber sust findi schwiizer fernseh ächt guet... sehr objektivi brichterstattig wos würkli immer allne möglichst recht macht. und gueti bricht au übers eigne land was ich sehr wichtig finde... inkl. dä ganze cervelat prominenz...

[Xinobrax2]

Aber denn isch ebä nid s Argument: "wieso söll ich für öpis zahlä wo ich nid bruch/in Aspruch nimm." Will das Argumänt chamer bi jedem einzelne vo denä Pünkt und no villnä meh genau so bringä, und es wär genau so richtig. Das heisst natürlich nid dassmer nid durchus de Meinig chan si, dass ebä so öpis wiä s Schwizer Fernseh oder Radio nid söll kollektiv finanziert werdä, do hesch scho Rächt, isch jo nur e Hiwiis uf diä problematisch Argumentation gsi.

Korrekt...

Das isch halt in etwa s Erschte wo eim so durch de Chopf gat wemer s SRF Programm eh nid brucht. Aber als Argument verhebets tatsächlich nid wemer s SRF uf di glich Ebeni wie anderi öffentlichi Agebot stellt. Ich finde s Programm halt eifach qualitativ schlecht.

Ich nenn jetzt eifach mal eis Thema....und ich wähle bewusst eis wo d Meinige spalted: 9/11. Was hends drüber berichted? S übliche halt.
Ich erwarte vo de Medie ja nid, dass si plötzlich nur no alternativi Theorie propagiered. Das wär ja genauso schlimm wie wenn si nume di offiziell Theorie würded verbreite. Ich wünschti mir da eher e objektivi Berichterstattig, wo unterschidlichi Meinige zu Wort cho lat. Sonen Diskurs het aber nie stattgfunde. Statdesse sitzed denn so "Terrorexperte" wie de Peter Regli im Club und rechtfertigt d Fichierig vo 08/15 Bürger wege de Terrorgfahr. Nei danke...

Es gäbt no 3621947321094 anderi Theme wo das genauso isch. D Bericherstattig erschint nur objektiv, wemer au susch nur 08/15 Medie konsumiert. Das isch kein Vorwurf ad Konsumente sondern ad Medie, wo sichs mengisch eifach es bizeli z liecht mached. Isch bi 20min und Blick oke, aber bi SRF suckts enorm.

[Shadow]

[feeshlee]

d erhebig vonere gebühr verschtosst sogar grundsätzlich gäge d bundesverfassig :typej:

Artikel 16.3

:Jede Person hat das Recht, Informationen frei zu empfangen, aus allgemein zugänglichen Quellen zu beschaffen und zu verbreiten.

chund no dezue das ich das effektiv nid mache will ichs weder cha no wott. ich lueg und lose kei rundfunk.
wie scho gseit; danke a die Zahlende

[damian]

9/11.

das isch au usland und betrifft d'schwiiz nur am rand und drum nöd ufgabe vom srf intensiv drüber z'recherchiere...

[Xinobrax2]

9/11.

das isch au usland und betrifft d'schwiiz nur am rand und drum nöd ufgabe vom srf intensiv drüber z'recherchiere...

Wie bitte?

Mal es Bispiel: http://www.srf.ch/player/tv/club/video/ ... 588f8d4302" onclick="window.open(this.href);return false;

Üsi Nachrichtedienst übernemed schinbar d Liste vo Organisatione wo unter Terrorverdacht stönd 1:1 vo de USA. Üses Onyx isch usserdem direkt is Echelon integriert worde. So Theme spiled usse- und au innepolitisch sehr wohl e Rolle.

Aber wayne, s gat ja um d Billag. Ich han ja nur wele sege warum ich d Berichterstattig nid objektiv finde.
Aber SRF isch halt au keis Wunschkonzert. Manchi findeds guet, anderi nid. Ich chan guet druf verzichte.

[Shadow]

[Xinobrax2]

[evo]

kei rappe zahi. bi en gauner.
aber i bruuchs au kuum. radio loosi gar nie und tv lauft so 1h pro monet. für das lonimer kei 400.- rächnig schicke.

[Mastler(P)]

guet machsch das. demfall nie so en billagspion go chlopfe und dumm tue cho?
bi mir ebe scho. freiwillig mäldi mi au nöd zum epis zunderstütze won i nöd wükli bruche.

[evo]

in 3 johr hani 1 mol e brief im kaschte gha, vo wäge si sigge do gsi, ich aber nit, soll mi doch bitte ahmälde etz. has eifach ignoriert und jez scho 2 johr lang nix mehr ghört.

[Mastler(P)]

nobel. sind ja au beschäftigt mit spioniere und geld zähle.

[Acid]

Aber denn isch ebä nid s Argument: "wieso söll ich für öpis zahlä wo ich nid bruch/in Aspruch nimm." Will das Argumänt chamer bi jedem einzelne vo denä Pünkt und no villnä meh genau so bringä, und es wär genau so richtig. Das heisst natürlich nid dassmer nid durchus de Meinig chan si, dass ebä so öpis wiä s Schwizer Fernseh oder Radio nid söll kollektiv finanziert werdä, do hesch scho Rächt, isch jo nur e Hiwiis uf diä problematisch Argumentation gsi.

Korrekt...

Das isch halt in etwa s Erschte wo eim so durch de Chopf gat wemer s SRF Programm eh nid brucht. Aber als Argument verhebets tatsächlich nid wemer s SRF uf di glich Ebeni wie anderi öffentlichi Agebot stellt. Ich finde s Programm halt eifach qualitativ schlecht.

Ich nenn jetzt eifach mal eis Thema....und ich wähle bewusst eis wo d Meinige spalted: 9/11. Was hends drüber berichted? S übliche halt.
Ich erwarte vo de Medie ja nid, dass si plötzlich nur no alternativi Theorie propagiered. Das wär ja genauso schlimm wie wenn si nume di offiziell Theorie würded verbreite. Ich wünschti mir da eher e objektivi Berichterstattig, wo unterschidlichi Meinige zu Wort cho lat. Sonen Diskurs het aber nie stattgfunde. Statdesse sitzed denn so "Terrorexperte" wie de Peter Regli im Club und rechtfertigt d Fichierig vo 08/15 Bürger wege de Terrorgfahr. Nei danke...

Es gäbt no 3621947321094 anderi Theme wo das genauso isch. D Bericherstattig erschint nur objektiv, wemer au susch nur 08/15 Medie konsumiert. Das isch kein Vorwurf ad Konsumente sondern ad Medie, wo sichs mengisch eifach es bizeli z liecht mached. Isch bi 20min und Blick oke, aber bi SRF suckts enorm.

Natürlich chöntmer viles andersch machä, und natürlich chöntets au vil machä wos nid mached. Aber ich find scho dass hin und wider durchus zu gwüssnä Themä ganz verschiedeni Standpünkt gältä lönd... de Ganser händs jo z.b. au scho eis zwei mol igladä igladä. Teilwiis versuechedses, teilwies scheiterets au kläglich, teilwies au ufgrund mangelnder Kompetenz, aber es isch halt au e zimlich schwirigi Ufgab do irgendwiä es Glichgwicht z findä.

Nach mim Gschmack macheds natürlich au vil z wenig i diä richtig, villicht isches ebä halt au eifach echli vil erwartet dassi sich eifach völlig vom Mainstream abkopplet (ich jo s glichä wiä bim Unterhaltigsprogramm wos händ... ich find s meischtä vo dem Züg au völlig unterirdisch, und ich find au dasses e Ufgab isch vomene kollektiv finanzierte Mediäunternähmä, Züg ebä andersch zmachä.... aber das got ebä nur bis zumene gwüssä Punkt, will schlussendlich mues s Programm au irgendwiä vorem Mainstream grächtfertigt werdä, wills vo dem jo finanziert wird).

Und denn muemer denn doch no sägä es gid i Kultur und Mediä au eifach no anderi Themene wiä Politik und Wirtschaft oder seichti Unterhaltig. Für mich lauft i diä richtig viel zwenig, aber det händs ebä scho au seint oder ander guets.

Natürlich mer chan sich bim Programm und de Inhält bi vielem Strittä, und villicht müssts nid so tüür sii, und villicht chöntmer echli weniger eifach de Populär Wäg go, und sich villicht echli Tüfgründiger mit Themene usänandsetzä. Do wäri völlig bi dir.
Aber ich verstand halt scho au dass das nid so ganz eifach isch, und wenn au verbesserigswürdig, tunktmi SF denn immerno besser z.b. diä grossä Dütschä öffentlich rächtlichä.

[Xinobrax2]

De Ganser hends halt bi völlig anderne Theme iglade. Weni mi richtig erinnere eimal wege Peak Oil und eimal wege de Black Sites. Insofern gangi mal devo us, dass sini Arbet bi gwüsse Lüt vom SRF bekannt isch. Interessiert det aber trotzdem niemert. Aber ebe, isch ja keis Wunschkonzert. Ich erwarte au nid, dass sich diesbezüglich irgendwas enderet. Sell nur heisse, dass d Objektivität bi einige Theme e Illusion isch. Wemer d SVP und SP gegenüber stellt heisst das nid automatisch, dass nachane alli Argument ufem Tisch sind. Es bedüted lediglich, dass sich 90% vo de Zueschauer mit mindestens eim Standpunkt chönd identifiziere. Insofern macheds ja n guete Job...aber ebe...wayne...

Anstatt 100 Reporter ad Olympiade z schicke heteds ja mal es paar Franke für sowas chöne usgäh

Edit: Das erinneret mi grad ane Club Sendig wos um Medievielfalt gange isch. De Roger de Weck isch damals höchstpersönlich i de Rundi gsesse und het gmeint, dass d Medie halt mengisch au mal seted de Muet ha um em Mainstream z widerspreche. De glich Roger de Weck het ja früener mal d Sternstunde moderiert und damals es interessants Interview mitem Dick Marty über d Staatsräson gfüert. Sehr vorbildlich übrigens. Jetzt ischer Generaldirektor aber sonig Theme suechtmer vergeblich...

Club Sendig: http://www.srf.ch/player/tv/club/video/ ... 34de444ee2" onclick="window.open(this.href);return false;
Interview mitem Dick Marty: http://www.srf.ch/player/tv/sternstunde ... bbd55e6ae5" onclick="window.open(this.href);return false;

[damian]

d Objektivität

Objektiv heisst ebä objektiv gemäss dä sozial konstruierte Realität. D'Wahrheit kännt eh niemert. Aber es herrscht en Konsens drüber wie d'Welt aazluege isch. Mit gwüssne abwichige. Und s'SRF versuecht dem Konsens und au de Abwichige grecht zwerde. Und das machets sehr guet findi. Du wichsch halt ziemli fest vo dem Konsens ab, und drum chasch nöd erwarte dass si öppis i dine Auge wertvolls brichtet...

[Xinobrax2]

Ich han jetzt bereits mehrmals gschribe, dasi das nid erwarte...und was si unter Objektivität verstönd ischmer au klar.
Das isch ja eigentlich nur mini persönlich Begründig warum ich Billag nid wot unterstütze...

Ich bin zwar en Infojunkie wo grundsätzlich alli Medie konsumiert wenn s Thema interessant isch, also au SRF, aber ich chent problemlos druf verzichte.

[Acid]

Ja eh... aber ebä, do rededmer vo Gsellschaftlichä Problem. Dass es Staatsfernseh natürlich devo tangiert wird, isch klar.

Drum gib ich z.B. au nid i erschter Linie de Arena d Schuld, dasses i derä Sändig praktisch niä e Aständigi Diskussion gid, das wiederspiegelt eifach diä Politisch Kultur. Mer chönts besser machä, klar. Nur bildisch denn nüm das ab, was ebä tatsächlich i de Politik passiert. Das sind eifach zwei verschiedeni Asprüch...

D Diskussionskultur i üsere Gsellschaft isch am Arsch.

Wiä gseit, es gid sehr wenig Mediä wo i so Themene wiä du sie asprichsch nid diä glich Liniä fahred, öp Privat oder staatlich. Und dass sich grad s staatlichä Fernseh do sött gäg de Strom stellä bevor sich d Gsellschaft wandlet, halti für chli illusorisch... wenns z viel Züg bringed wo villnä dermassä gäg de Strich god, werdeds andersch zämägstuucht.

Das mitem Dick Marty hani damals jo au postet gha... es isch es super Gspröch gsi, aber ebä... gfind mol nomol es Paar anderi Politiker wod sones Gspröch chöntsch mitnä machä. Chan scho sii dass no de eint oder ander gäbti, aber meh als ei Hand zumsi abzzällä brüüchtisch wohl chum. De Dick Marty isch e totali Usnahm.

[Xinobrax2]

Apropos Ganser....10 vor 10 het ihn bim 5. Jahrestag vo 9/11 mal agfröget ob er sich zum Thema würdi üssere. Spöter hend si sich denn aber nomal gmolde und s Interview abgseit mit de Begründig "Das würd zu Unrueh i de Bevölkerig füere". Einersits verständlich, anderersits zimlich tragisch.

So, jetzt hani aber gnueg umegmotzt

[Acid]

Das isch jo scho mol en erschtä Schritt...(zumindescht öpis womer mitem Glas halb voll/halb leer Asatz chan aluege). Also mer chans als guets Zeichä aluege, dass sie sich das zumindescht überleit händ, und sogar vor gha händ zums machä, au wenns nochher de Schwanz izogä händ.

[Mastler(P)]

[zwirrlibatz]

Zur Abstimmig vom 14.6.:

Am 14. Juni wird über das neue Radio- und Fernsehgesetz (RTVG) abgestimmt. Leider wurden seitens der Gegner viele Unwahrheiten verbreitet und die Diskussion läuft derzeit massiv am Thema vorbei. Dabei profitieren fast alle von einem JA zum RTVG!

• Alle, ausser grosse Firmen zahlen bei einem JA weniger als heute! Pro Haushalt neu 400.- statt wie bisher 460.- Franken
• Auch KMUs profitieren und zahlen weniger als heute! Kleine Betriebe mit bis 500`000 Umsatz zahlen nichts mehr!
• Es braucht viel weniger Bürokratie: Billag Kontrollen, mühsame Formulare und Anmeldungen fallen weg!
• Die kleinen Radios der Schweiz erhalten mehr Geld! (Die SRG übrigens nicht!)
• Es gibt mehr Geld für Aus- und Weiterbildung in Lokalradios!
• Der Service Public in den Regionen wird so erhalten und gestärkt!

Die Gegner schiessen gegen die SRG, sie wollen den öffentlich-rechtlichen Rundfunk schwächen. Aber das Gegenteil ist der Fall. Bei einem Nein bleibt die SRG stark wie heute. Ein Ja zum neuen RTVG aber, stärkt die regionalen Radio- und TV-Stationen, sie erhalten mehr Geld für Aus- und Weiterbildung und um technologisch mit der SRG mitzuhalten. Ein Ja trägt zur Stärkung der Medienvielfalt bei!

Bitte schaut euch doch die Vorlage nochmals genau an und überzeugt euch selber.
Alle Infos findet ihr hier: http://rtvg-ja.ch" onclick="window.open(this.href);return false;

Vielen Dank für eure Zeit!

Mit sonnigen Grüssen
Euer Radio Stadtfilter

[Herr Rossi]

Auf die Schweizer Bevölkerung und unsere Wirtschaft kommen schwierige Zeiten zu: Durch die Aufhebung des Euro-Mindestkurses sind Tausende von Arbeits- und Ausbildungsplätzen gefährdet.
Sicherheit und Wohlstand sind bedroht. In diesen Zeiten darf der Staat die Bürgerinnen und Bürger, das Gewerbe und die Wirtschaft nicht noch mehr finanziell belasten. Doch genau das macht die neue Billag-Mediensteuer. Sie ist eine Steuerfalle, die mit der süssen Versprechung einer kleinen Gebührensenkung zu immensen Mehrbelastungen für alle führt.
Aus diesem Grund hat der Schweizerische Gewerbeverband sgv das Referendum gegen die neue Billag-Mediensteuer (Änderung vom 26.9.2014 des Bundesgesetzes über Radio und Fernsehen/RTVG) ergriffen. Mit über 100’000 Unterschriften ist das Referendum zustande gekommen.
Am 14. Juni 2015 stimmt die Schweizer Bevölkerung über die neue Billag-Mediensteuer ab. Mit einem klaren NEIN zur neuen Mediensteuer sorgen wir dafür, dass Bevölkerung, Gewerbe und Unternehmen in wirtschaftlich schwierigen Zeiten nicht noch mehr belastet werden. Wir müssen uns nicht widerstandslos immer mehr Steuern und Abgaben aufbürden lassen. Wehren lohnt sich!

http://billag-mediensteuer-nein.ch" onclick="window.open(this.href);return false;

[Buccaneer]

Die Argumentatione du...

- Schwierige Zeiten!
- Public Service!
- Wirtschaftstandort Schweiz!
- KMUs!
- Steuerfalle!

Wenns nid agno wird, denn wel de Schwizer uf de Seich inegheit und würkli glaubt all die Firmene gönnd jetzt wäg und euse Wohlstand isch bedroht, etc.
Ich dänke aber das es agno wird und das mit enere relativ simple Begründig:

De Herr und Frau Schwiizer überleged sich: Was es gid Lüt wo de Scheiss nid zahled aber ich muess? Stimm i grad mit ja, damit all münd zahle was ja nume fair isch.

Sochli die Gschicht mit em Nied und em grüennere Garte halt...


Aber ganz ehrlich... warum tued sones banals, sautumms Thema so viel Interesse hervorrüefe?

[zwirrlibatz]

Aber ganz ehrlich... warum tued sones banals, sautumms Thema so viel Interesse hervorrüefe?

wills nöd banal isch. vieli unabhängigi medie zha isch s'wichtigscht.

sobald öpper mit no meh schtüüre! arbetsplätz! wirtschaftsstandort! panik! argumentiert, cha me eh drvo usgah, dass sie lüüge und eigeinträsse verträte.

[Herr Rossi]

eigeinträsse verträte.

macht jede, unabhängig devo uf welere siite das er schtot

Edit:

Ein Ja trägt zur Stärkung der Medienvielfalt bei!

Mues au nid sii und würd zimlich sicher au nid passiere. E dicke Batze meh id Chefetaschene scho eher