wa machsch geg verspannig ?

[turntablism]

bin hüt bim arzt gsi well ich en scheiss schmerz im ganze nacke schulter bereich han. dä kack strahlt bis id bruscht ab. de dokter seit es isch en verhärtete muskel wo irgendswie de nerv no belaschtet und fätzt mer e sprütze ine - aahhh het guet tah.
jetzt sölli no bis endi wuche spontan500 schlucke und wenns nöd besseret nomal verbii cho. ich denke das chunnt vom falsche hocke vorem pc.
ich han vorane no es heisses bad ghaund das het bitz gnützt.. hesch au scho sones problem gha und was machsch der gege ?
hesch no tipps zum vorbüge ?
chiropraktiker kackt mi ah....

[geosnow]

häsch durchzug bim schaffe oder im schlafzimmer?

[turntablism]

nei. halscheeri hani ab und zue au aber das isch was anders. es sticht zwüsched em rechte schulterblatt und de wirbelsüle und was eigentlich unagnehmer isch isch dass es im obere rippebereich abstrahlt. ich probier glaubs mal no e massage

[geosnow]

viellicht häsch ja en nerv iklemmt. mir werdet älter.

[feeshlee]

google: time for you

[LeviathanX]

Sport hilft! Bankdrücken, Klimmzüge (gibt ja Türrecks), Push-Ups... finde ich hilft gut... vor allem noch weitere Übungen die Arme, Rücken und Nacken trainieren

Ich han mir auch so Nackenstüzkissen zum Schlafen geholt... sind zwar anfangs ungewohnt, aber das übermässige "Ratschengeräusch" bei jeder Kopfbewegung war dann auch so gur wie weg...

[Tatsujin]

ja e schport und mal bim schiro ineluege.

[LeviathanX]

Chiro is auf Dauer net gut... ständig Gelenke einrenken macht jene kaputt

Kannst Dir aber bei dem, oder Deinem Orthopäden, auch mal ne Sitzung Physiotherapie für den Anfang verschreiben lassen.

[turntablism]

mässi für tipps
ich wird mal versueche d`ruggemuskulatur ufbaue mit training.
kennt sich öpper us mit reizstrom ? es gitt sones reizstromgerät mit elektrode wo mer uf schmerzstell tuet und denn chasch di chrüsle lah. bringts das ächt zum de verhärtet muskel löse ?

[thaeye]

kieser Training, 2 x 30min i de wuche und din körper dankts dir au in Zukunft. mir haend hützutags z wenig widerständ. mir sind schwach worde und es wird immer schlimmer, da chunt nah was gwaltigs uf ois zue waenn oisi Generation den mal nah chli älter wird. eigentlich sött chli chrafttraining wie zähputze siii. vorbüügig.

[Mastler(P)]

warm bade, massiere, akupunktur und das elektroding chasch au mal probiere.
wenns wieder besser gaht chasch ahfange dehne und trainiere.

bim rechte arm hani amigs so en komische schmerz im bizeps gha, wenn ich en hinder em rugge dehnt han.


han denn derfahrig gmacht das nach belastig, zb. klimzüg dä schmerz grösser worde isch.
aber ebe, nur wenn en so dehne. han denn eifach immer mal wieder dehnt, trainier au nüm ganz so härt und ha das jetz gar nüm.

wenn vill sitzisch würdi luege das di immer bitz bewegsch und au mal ufstasch und dich strecksch.

[Acid]

Suech mol nach Triggerpoint Massage / Massage Ball... und chaufder denn irgenden chlinä hartä Ball und mach diä Sachä...(oder villicht hesch jo au ein umäliggä).
Han scho ghört dass sich demit verhärteti und verspannti Muskel sehr guet lönd lo bearbeitä.

Und für Ruggä allgemein:




Aber ja, wenns vo de falschä Haltig chund, denn isch diä wichtigscht vorbüügendi Massnahm mit Sicherheit ebä a de Haltig z schaffä... unter anderem z.B. mit do scho erwähntä Mittel...



Ich müsst au chli intensiver dehinder übrigens. Ich glaub morn fangi wieder a :typej:

[thaeye]

a de haltig schaffe isch nur es grücht, du bringsch das ohni Training nöd weg, ruggeweh chunt will dini ruggemuskulatur eifach z schwach isch.

falschi haltig, schwachi ruggemuskulatur, du muesch ruggemuskulatur stärche. also guets begleitets Training wo beid zunenand ghörende muskelpartie glichmässig trainiersch.

[Acid]

drum sägi jo unter anderem z.B. mit do erwähntä Mittel... do fascht usschliesslich training erwähnt wordä isch, mein ich natürlich demit au das Und ebä au Sachä wiä vom Mastler wo denn au mol i d Bürostudä iflüssed. Mit "a de Haltig schaffä" meini also au das echli Bewusst azgo. Training isch sicher nötig defür, wemer sin Körper nid sowieso scho bruucht. Glich nützt aber au denn no wemers sich au abseits vom Training bewusst macht (wemer sälbscht bim Training nid a de Haltig schaffed, chas jo sogar Fatal usächo), dassmer denn nid 2x30min i de Wuchä trainiert und de Rescht vo de Wuchä mit chrumem Ruggä und gsenktem Chopf im Züg umä schlurft.

[Overdose]

dri schla

[BrainBug]

benzodiazepine ( )

[Master(G)]

ich nimm alligs en tennisball, lehne mich ad wand, mit em tennisball am rugge, und massiere mich so selber...

ponstan schlucke. rofl. was für en scheiss dokter.......

[Mastler(P)]

oder eifach eis wänke oder rauche. entspannt au.

[Shadow]

mache praktisch jede morge 20min Tai-Chi
und gange jetzt 2x pro Wuche is Fitness.
Langsam afange... merke scho wie d'Muskle
lockerer und de Rugge au besser worde isch...

[Astroboy]

[Acid]

ich nimm alligs en tennisball, lehne mich ad wand, mit em tennisball am rugge, und massiere mich so selber...

Probier doch mol no en hertere Ball...

[Mastler(P)]

mache praktisch jede morge 20min Tai-Chi

ah geil, scho lang? ha mer au scho videos ahgluegt und chli nahgmacht. will aber no in en richtige kurs bald.

tai chi und chigung sind glaub no für einiges guet. würd am turn sicher au hälfe.
http://youtu.be/xnwNU4MoR6k?t=6m54s" onclick="window.open(this.href);return false;

[geosnow]

chasch ja mal mit links anstatt rechts hand a lege.

[turntablism]

lolololololol

das isch glaubs nöd schlecht, aber wenn i mit em linke arm obedrüber gang treffed sich mini finger chuum


de doktor isch eigentlich nöd schlecht, er isch min huusarzt, wenns nöd besseret wird er mich scho zum ne spezialischt schicke.
er het gseit mer chan au röntge aber mit dämm will er mal abwarte well das isch z tüür

hand ahlegge mues ich nöd

stress isch warschinlich au en uslöser vo so shit, momentan schället nur s telefon sicher 130 bis 160 x pro tag

[Mastler(P)]

das isch glaubs nöd schlecht, aber wenn i mit em linke arm obedrüber gang treffed sich mini finger chuum

normal wenn nie machsch. üebe.


was isch eigentlich hand ahlegge? =