Android Topic

[Herr Rossi]

Ich bruch sit 2 Jahr s Copilot live Europe. Isch mal Aktion gsii für 40.- finds super ide Bedienig, chasch vil ischtelle, isch genau. Ha grad nomol es gratis Charte Update becho im Juni. Gids au als DACH Version.
Ich bruches vor allem für Skandinavie mit em Auto und Dütschland, Frankreich etc mit em Töff.

[Skeletor]

Merci!

[Skeletor]

läck mir, s'nexus 4 isch also genial. dä akku dörft no es spüürli besser si, aber süscht unglaublich. lauft uhuere super.
hoffentlich hät s'nächste nexus nöd en 5 zoll bildschirm, ich find das vom nexus perfekt. für mini baby-händli dörfs nüm grösser si.

[Jones]

läck mir, s'nexus 4 isch also genial. dä akku dörft no es spüürli besser si, aber süscht unglaublich. lauft uhuere super.
hoffentlich hät s'nächste nexus nöd en 5 zoll bildschirm, ich find das vom nexus perfekt. für mini baby-händli dörfs nüm grösser si.

1. Infos düte aber genau ufe 5zöller mit full hd hi...

Jup! Best smartphone ever für mi persönlech. Insbesondere uf pris/leistig bezoge! 4.3

http://www.androidpit.de/nexus-5-lg-g2- ... -android-5" onclick="window.open(this.href);return false;

[Moff]

nid wenig überrascht bini gsi, dass de digitec vorgester scho s'nexus 5 im agebot gha het, bins geschter grad mal ga hole, während die meischte amis na bis zischtig uf ihri uslieferig wartet

isch es super grät, wie erwartet. ich hab uf es starchs nexus grät gwartet zum mis uralte sgs2 ablöse

[Jones]

und? wie isch z'fazit nach paar täg?
i has vor 2 täg bi digitec bstellt.. has aber hüt wieder abbstellt us vernunftgründ... (mau luege ob d'vernunft ahaltet... lol)
irgendwie würklech unnötig wenn me es nexus 4 het. 4.4 hani o scho druf gha aber z'normale vanilla android isch mir äbe nüme gnue. ha scho gärn paar features vo de custom roms und da isch 4.4 no i de chinderschueh. drum zrügg uf 4.3 mit allne features undem (rächt geile) 4.4 launcher...

wie isch battery life? wie viu stunde screen on time hesch so übere tag?

[Acid]

Zum de Uriel nochli z bestätigä:

Falls dr würklich um was willsch sorge mache? Im Moment gits es Wildwest Szenario, was Trojaner und Vire anbelangt: unpatchti Android Handys. Wenn ide entsprechende Forene bisch hesch täglich Zuegriff uf ganz krassi Tools, alli 2 Wuche hesch was, wo so zimli alli Date vom Opfer chasch abgriife. Dank dr Update Politik vo de Hersteller chans de au sii, dass sertigi Lücke offe bliibed, bis ds Opfer es neus Handy chauft.

Lueg, da sind News vo de letschte 3 Wuche elei: Klick 1
Klick 2

Ganz Super isch btw das da:

According to Alcatel-Lucent, Android devices that downloaded malicious software from the Google Play store made up about 60% of all mobile infections, while roughly 40% of infected mobile devices were Android phones that received malicious code while tethered to a Windows laptop. BlackBerry phones and iPhones combined to represent less than 1% of all infected devices.

Another recent study from Cisco also found that Android device account for 99% of mobile malware infections.

Super nüd? Infektione über dr offizielli Store.

dasmol au Bitcoin wiä im andere thread aber nid apple sondern android bashing:

http://arstechnica.com/security/2014/04 ... play-apps/" onclick="window.open(this.href);return false;


ergid scho paar Frogä... muemer hützutags en falschä Gott wiä Apple drüber entscheidä loh was guet isch und was nid, wemer das Züg will bruuchä, ohni sich 24/7 mit dem Seich usänanderzsetzä.

Bin jo eigentlich sit längerem überzügt gsi das ich mir als erschts Smartphone kein Öpfel loh ufbindä, obwohl bi mir si jeher alles apple isch was computer betrifft... bin grad nüm so Sicher i letschti.

[Xinobrax2]

Eigentlich isches eh en Witz...

Four weeks ago, researchers from Trend Micro reported they found two apps downloaded one million to five million times that mined the Litecoin and Dogecoin cryptocurrencies without explicitly informing end users.

Scrypt Mining ufeme Smartphone? Selbscht bi 5 Mio infizierte Grät lohnt sich das nid rofl...wer macht sonen Blödsinn? Ich han das mal rasch duregrechnet. Es aktuells Quad-Core Grät schafft in etwa 8 Khash/s. * 5 Mio = 40 Ghash/s. Mit Dogecoin brächti das in eta 100$ pro Tag. Vorusgsetzt keine vo dene 5 Mio het d App wider deinstalliert und all hend en Quad-Core wo ununterbroche, also 24h am Tag, unter Vollast lauft. Praktisch sinds also eher 2$ am Tag...Mega, da het sich de Ufwand ja glohnt.

Zum Thema an sich...eigentlich isches di klassisch Diskussion vo Freiheit VS Sicherheit.
Ich bevorzuge i jedem Fall d Freiheit...s Risiko vo Malware ischmer lieber als irgend e Instanz wo für mich e Voruswahl trifft.

[Uriel]

Zum Thema an sich...eigentlich isches di klassisch Diskussion vo Freiheit VS Sicherheit.
Ich bevorzuge i jedem Fall d Freiheit...s Risiko vo Malware ischmer lieber als irgend e Instanz wo für mich e Voruswahl trifft.

Ich will dich da nüd trolle, oder so, ich bin nur komplett anderer meinig

Min Hintergrund isch nüd Linx, sondern OpenBSD. Es uf Sicherheit trimmts System. D Entwickler ruumed grad bi OpenSSL uuf und schüttlet dr Chopf weg dr Fahrlässigkeit vo de OpenSSL Entwickler. Die Type wüssed, we me System sicher macht. Ich han mich no nie zwüsched «Freiheit» und «Sicherheit» müesse entscheide. Sondern zwisched «Wenig Konfiguration, und es lauft» und «Viel Konfiguration, damits sicher isch.

Die «Freiheit», wo Google verchauft, folgt ihrer eigene Definition und Marketing. Richtig frei wer z.B. Nokias Memo gsi. Solang ich nüd mis Android selber chan kompiliere und es benutzbars System eifach so ufs Handy bring, isch Android nüd frei. Dr Rubin het mal en berüemte Tweet gschribe: «The definition of free: cd /usr/src make make install» odr so. We chan en Android Chef sowas id Welt setze, wenn er genau sött wüsse, dass das mit sim Betriebssystem ebe genau nüd gaht.

Aber die ideologische Diskussione mal usklammered. Du chasch Open Sourche sii und trotzdem sicher. Android isch eifach offebar erbärmlich schlecht drin, Nutzerrecht richtig iidshalte etc. Grad vorletscht Wuche wieder: Programm chänd ds Launchprotokoll vo andere Programm verändere, was bewürkt dass du e App öffnisch und sich e ganz anderi App im Hintergrund ufmacht. We chan sowas passiere? Das isch jetzt eifach zu billig und eifach.

Aber nach wie vor das bescht Argument: Wenn Android würklich OSS wär, als Plattform und nüd nur dette, wos Google grad is Marketing passt, denn hettisch d Update Problematik nüd: ich würd regelmässig d Source zie, und neu kompiliere - genau das, wo ich uf Free und Open BSD scho sit X Jahr mache, wenn fähler uftauched.

Ich will da niemerem as Bei fahre. Doch Google plaziert immer wieder so Dichotomie (frei vs sicher, privat vs nützlich…) wo ihne zimli gschickt id Hend spieled.

Achtet mal druf: wenn ihne Schuel vo 3 Klässler gahsch und fragsch: was isch ds Gegeteil vo «Privat»? Denn wer wohl d Antwort «öffentlich». Wenn aber in Online Diskussione Google (oder Facebook) involviert isch? denn chunt plötzlich «Praktisch», oder «nützlich». es isch praktisch, dass Google all Accounts zu eim G+ Account vereint, me mues sich nüd 100 Passwörter merke… etc. etc. Derbi liits doch uf dr Hand, dass Sache sowohl Privat als au nützlich chönd sii. Oder ebe, sicher und frei. Ganz übel wirds, wenn me denn no so komischi Äquivokatione bruucht: «frei» bezoge uf ne Gsellschaft heisst was anderes als bezoge uf Bier oder Parkplätz. Ab und zue chunsch ds Gfühl über, als öb grad als Neofaschist geltisch, wenn seisch: APIs müend immer iighalte werde, nüd jede söll eifach so programmiere, wes ihm passt. oder anderscht gseid: E gschlossenes System ds bevorzuge heisst nüd, dass me freud gha het, i dr UdSSR ds lebe.

Selbstverständlich labered anderi Firmene au Bullshit. Google isch aber ide letschte 2-3 Jahr zum ne brutal polarisierende Unternehme worde.

[Jones]

Aber nach wie vor das bescht Argument: Wenn Android würklich OSS wär, als Plattform und nüd nur dette, wos Google grad is Marketing passt, denn hettisch d Update Problematik nüd: ich würd regelmässig d Source zie, und neu kompiliere - genau das, wo ich uf Free und Open BSD scho sit X Jahr mache, wenn fähler uftauched.

aber genau das chasch ja mache und dir säuber es aosp rom bastle...
oder was isch de das anders? (ja i weiss: radio/bootloader isch nid open source)

[Xinobrax2]

Uriel....ich gibder da vollkomme Recht....mit minere Ussag hani eigentlich uf öpis völlig anders use wele....aber das weisch glaubs eh

Lueg, bi Android han ich als User immerhin no d Wahl, ob ich so komischi Apps will installiere oder nöd...oder no besser, ich mues nid mal de Google Play Store verwende. Ich han statt em Play Store z.B. de F-Droid druff. Mach so öpis mal mit iOS oni Jailbreak. Da fühl ich mich als User schochli freier....sell aber nid heisse, dases nid no besser chent si....das isch üs glaubs allne klar....

[Uriel]

aber genau das chasch ja mache und dir säuber es aosp rom bastle...
oder was isch de das anders? (ja i weiss: radio/bootloader isch nid open source)

Leider nei: es git immer wieder so Stolperfalle: biispiel: ds Galaxy Nexus chasch nüd update, will Texas Instruments was nüd uf >4.1 aapasse tuet und so wiiter.
Bi de Handies laufts leider nüd so we bide PCs, wo Intel gnueg Infos freigit, sodass d Opensource Community chan schaffe.
Klar isch i dem Fall Google nüd primär tschuld. Aber sie söled nüd so tue, als öb ihres Betriebssystem gliich offe isch, we es Ubuntu oder es FreeBSD.

Wenn Android als Plattform so offe wär, we d PCs? Mer müesst nüd irgend es "Blackphone" mit superherte Sicherheitsfeatures ufe Markt werfe, wil du das gabz selber chönntisch Nachebaue. Es wär sowas vo geil! Und wenns die aagurkt, modifiziersches eifach nomal.

Die Distributione (odr Custom ROMs) wo umme sind, sind halt würklich nur en Abklatsch desse, was eigentlich möglich sött sii.

[Herr Rossi]

Aber sie söled nüd so tue, als öb ihres Betriebssystem gliich offe isch, we es Ubuntu oder es FreeBSD.

Tüends denn so oder hesch du eifach de Idruck dases so isch?

[Xinobrax2]

S wird schochli so vermarktet...ich hans au erscht kapiert woni mi mal chli intensiver mit "Überwachigsmöglichkeite" usenandergsetzt han.
Trotzdem ischsmer sympatischer als es iOS...und ich wage mal z behaupte, dass s Android nid so guet worde wär, wenns nid zumne grosse Teil quelloffe gsi wär. Am Afang isches ja no en rise Schrott gsi...aber mittlerwile würdi nid mal me es iOS Grät verwende wensmer öpert würd schenke. Android rockt als Smartphone & Tablet OS.

Weiss eigentlich öpert wie das bim Mobile Ubuntu bzw. bim Firefox OS glöst wird? Zumindest s Ubuntu isch ja momentan na uf s Nexus usgleit....das würd ja denn bedüte dases au nid zu 100% quelloffe isch, nid?

[Jones]

Ja stimmt... Gwüssi chip Hersteller lege ihr binaries teils nid offe. Das isch e riese erger ir community...
Dennoch: i bi enorm zfriede mit dr nexus4/custom rom combo. Immer die aktuellscht Version, sinnvolli features nach mim gschmack... Cherrypicking rockt!

[Reinforced]

was gitts für gueti Free Secure Erase Tools wemers alte Android Phone wott verchauffe?

so öppis inere Art vo Nuke my phone aber das choscht en 1.- gitts au es guets freetool? de nuke my phone macht nid nur sd sonder aus s phone selber ?

[Jones]

Telefon verschlüssle und denn factory reset. Ha glese de sig alles unbruchbar bzw glöscht...

[Reinforced]

Telefon verschlüssle und denn factory reset. Ha glese de sig alles unbruchbar bzw glöscht...

gaht das au bide ganz alte android system? han ebe nüt derglich gfunde

[Herr Rossi]

Längets nid wenn eifach uf Werksischtellig zrugg setzisch?

[Xinobrax2]

En Reset löscht nur d Date...bi Flash-Speicher bedüted das lediglich, dass d Date nüme azeigt werded. Mit chli Forensik chamers oni Verlust wider herstele.

[Herr Rossi]

Ok, demfall nur bi potentieller krimineller Energie unsicher

[Xinobrax2]

Schoso...wobi einigi Handys bi eBay und Ricardo genau weg dem kauft werded. Aber wennt kei Bitcoin Wallets oder gheimi Regierigsdate druff hesch isches wohl zimlich egal...

[Jones]

... oder penis selfies....

sött gloub bi de alte versione o gah aber sicher bini nid. ha kes alts android meh zum nahluege...

[PlanetHarrieR]

Mich würde mal interessieren, wann ein guter Zeitpunkt für einen Akkuwechsel von versiegelten Handys/Natels ist. Bieten die Hersteller auch noch Jahre nach dem Kauf einen Akku-Wechsel für ein altes Modell an? Wenn es durchhält, würde ich mein Nexus 4 gerne sieben Jahre oder so behalten - aber ich weiß nicht, wie lange LG den Service anbieten wird.

[Jones]

Macht er langsam schlapp oder was?