Mousch Stüre spare...

[Supersonic]

Meh als 40 Minute suxxt hert. Da müesti de Job uhuere super sii! Ich find mer verlüürt enorm viel Lebensqualität wenn mers wiite hett zum go schaffe gah.

[Tatsujin]

ich han ca. 8 minute mit velo oder 25 ds fuess. und ca. einisch ihr wuche (also a eim tag) 1.5h mit OV.

[Jones]

8min velo vs 90min ÖV? Really? lol

[Herr Rossi]

:typej: @jones

ich glaub a dem tag god er am ne andere ort go schaffe

[Acid]

Ich han ca. 30 sek. z Fuess. Echli länger wär aber scho au tragbar.

Ich chan mir das aber nid so vorstellä irgendwiä jedä Tag so uhuere lang pendle z müesse... ich mein 2.5 Stund isch doch Absurd, das isch mol ok, wenns irgendwiä en Uftrag isch womer hed und de isch jetzt halt nunmal so wiit weg, aber 2.5h jedä einzeln Tag zum denn eifach det irgendwiä ines Büro z hockä wo genau so guet überall andersch uf de Wält chönt sii.

Also grad wemmer kei Familie het, würdimer das niä atuä... entweder zum Job ziä, oder en andere Job machä. Wenn Familiä hesch wo verankert isch, und de Job unbedingt bruchsch, wär jetzt no de einzig Grund wonimi chönt duräringä.

Chunt ja no derzue, dass de Pendlerchöschte zuesätzlich vom stüürbare Ikomme chasch abzieh.

Das isch ebä au grad no so öpis... chasch abziä dass pendlisch, und denn ziesch no chli ab für z ässä... Das einä wo am Arbetsplatz wohnt zwar kei chöschtä zum Pändlä hed, aber evtl. massiv höcheri Mieti zahlt interessiert kein zipfel, und wemer i de nöchi vor Arbeit wohnt heisst dass anschiinend au mer chund mit weniger Nahrig us.

Chund dezuä dass wenns sich um en Stadt handlet de wo nüt chan abziä evtl. no Stürä zahlt für diä ganz Infrastruktur, Freizitagebot, Kultur usw., wo denn diä andere chömed go bruuchä.


Edith: lol Jones...

[thaeye]

defür wohnsch ja inere Stadt. also bitte nah freitziit züügs go abzieh welle.

[Acid]

wie meinsch jetzt das?

[zwirrlibatz]

2.5h jedä einzeln Tag zum denn eifach det irgendwiä ines Büro z hockä wo genau so guet überall andersch uf de Wält chönt sii.

me chan sis läbe würkli verschwände. völlig jensiits. aber fair wemme vom läbe nüt erwartet usser schaffe.

[thaeye]

als ob hützutags nah irgenswie gross uswähle chöntisch. ihr Städter sind ja scho verwöhnt.

[Herr Rossi]

mühmüh ich bi en armi sau und cha nüt degäge mache.

hör emol uf joggle tu jammeri und nimm de finger zum arschloch use.
isch ja truurig sovil selbschtmitleid.

[thaeye]

was bisch du?

es git gnueg lüüt wo nöd chönd uswähle was sie möchtet schaffe, fakt fakt. und au schomal überleit dases gwüssi Jobs nur i de Stadt git? spezialiste und so? ich muess z.b en arbetsweg vo 1-2 stund pro weg in chauf neh. id Stadt zieh chunt nöd in frag. da gasch kaputt oder wirsch zum Zombie. de arbetsmarkt isch chli komplexer als: also meh als 1 stund nimm ich nöd in chauf. schön für oi waenn ihr das chönd, die meiste chönds aber nöd, da nützt dini DRANG SELBER ÖpIS z mache au nix. agebot und nachfrag.

aber hauptsach chli elitär schnorre.

[Acid]

säg lieber mol was überhaupt willsch sägä? defür wonsch i de stadt... freizitzüg go abziä welä? Was heisst das, was willsch demit sägä?

[Herr Rossi]

Elitär schnorre my ass. Mir isch halt nid so wichtig vil zverdiene drum lueg i für arbet i de nöchi. Aug, du langwilsch mich

[Skeletor]

ähm es git ebä würklich brüef, diä gfindsch nöd eifach überall. und wenn dänn mal 60gi bisch, dänn chasch nöd eifach dä bruef wächsle.

[thaeye]

namal du kapiersch nix, de arbetsmärt haet sich extrem veränderet, generaliste sind nömm so gfragt, spezialiste haend z.t arbetsweg vo bis zu 2 stund. sogar s RAV git 2 stund pro arbetsweg als zuemuetbar aa. gsesch de hint? jede Teilbereich isch spezialisiert worde, git für jede furz es Diplom. und s lustige isch ja pendle wird ja vom bund ussdrücklich gwünscht und gförderet.

schön wenns dir guet gat, aber lueg de realitäte is aug du grossschnori.

[Skeletor]

dank em FABI isch bald fertig mit dä grosse berufsuslage für dä arbetswäg. min vater wird au freud ha.

[Mastler(P)]

und wieso chasch nöd nöcher zur stadt zieh, wenn scho ih dä stadt schaffe muesch?
gitt doch immer en egge wo mer optimiere chan, anstatt eifach 2h pändle zakzeptiere..

für mich nöd meh als 30min, höchschtens uf churzi ziit, wenn dä rescht stimmt. momentan hani 10min zfuess, rächt geil.

[Herr Rossi]

ich weiss was du meinsch, aber nomol; dich zwingt niemert sone job zmache. wenn nid zfride bisch denn suechsch der e job wo halt nid dim profil entschpricht. wenn natürlich sone unsägliche pessimischt bisch chunds der erscht gar nid i sinn DINI ISCHTELLIG z ändere. ich cha au nid de füfer und s weggli haa, aber ich jammere nid jahrelang im züg ume sondern verändere d situation sälber. gid immer abschtrich, frogt sich eifach öb wotsch zfride sii oder das gjammer guet finsch.

was mi no interessiert; hesch chind?
wenn nid verschtohni dis verhalte da inn no weniger

[thaeye]

oh jetzt chunter nah mit de leier abstrich und zfriede sii . ich bin z friede, ich verdient guet stutz und ja han en arbetsweg vo knapp 1 eiviertel stund. so what? es git aber x lüüüt wo das nöd haend und nöd eifach en stufe zrugg chönd im Job und hcli weniger verdiene etc oder wo vom rav uus en Job muend aneh wos 2 stund muend zum arbetsort etc. etc. Wahlmöglichkeit häsch nur solangs meh dir au würkli en Wahl lat. und ja d Politik haet ois ja zum pendle erzoge. ja selbst ist der mann, das isch ja schön und guet, eigeinitiative. aber trotzdem isch nöd jede selber schuld wo das macht. isch öppe s glich wie die esotheriker wo amene chrebschranke immer widr seget er segi selber schuld willer nöd guet glebt haet und de chrebs isch jetzt da weg dem.

natürli stimmmts für dich, du häschd Wahlmöglichkeit wo villi nöd haend und nei das isch keis jammere, es isch tatsach.

Stadt zieh isch kein Option, ich lieb mis Umfeld und d Region. ich bin sozsege verwurzlet. öpis wo villne leider fehlt. es söll au nah lüüt geh wo so gern lebet und de stadtrummel nöd so gern haend. jedes mal en wohltat usem zug uszstiege in altedorf und die frisch luft z gnüsse nach dem ganze HB kack stress mit schupfe und stosse und eifach graduslaufe ohni chli umezluege.

aber en moush bruchi da trotzdem nöd unbedingt

[Herr Rossi]

Was jogglisch de wenn zfride bisch?

Klar gits Lüt wo vermittleti Jobs münd anäh wenn's selber nüt finded, das hangt aber vor allem vo de eigete erwartige ab. Ich bi aber mit dir einig dass vili Arbetgäber de Mitarbeiter wie Handelswar behandlet. Und logisch chasch nid eifach zack de Job wechsle. Aber äbe, die eigete erwartige mol chli abeschrube bedütet nid nur verzichte.

[thaeye]

ich joggle wills da drin lüüt git wo chli s gfühl haend sie haend alles selber i de finger, was aber chli en utopie isch.

[Acid]

namal du kapiersch nix, de arbetsmärt haet sich extrem veränderet, generaliste sind nömm so gfragt, spezialiste haend z.t arbetsweg vo bis zu 2 stund. sogar s RAV git 2 stund pro arbetsweg als zuemuetbar aa. gsesch de hint? jede Teilbereich isch spezialisiert worde, git für jede furz es Diplom. und s lustige isch ja pendle wird ja vom bund ussdrücklich gwünscht und gförderet.

Ja so isches wohl scho chli... aber muemers wäg dem guet finde?

Und säg jetzt ändlich. Wenn eim Züg vor d Füess wirfsch, chamer doch au erwartä dass erchlärsch wieso.

[zwirrlibatz]

als ob hützutags nah irgenswie gross uswähle chöntisch. ihr Städter sind ja scho verwöhnt.

mir händ usgwählt inere stadt zwohne.

[zwirrlibatz]

sogar s RAV git 2 stund pro arbetsweg als zuemuetbar aa.

ufem papier ja. aber a jedem ort wo de 2 stund hiibruuchsch wohnt öpper wo de gliich job suecht.

wenn natürli am züri flughafe willsch schaffe aber z'sierre wohne, ja dännnn....

[Acid]

Also ich wohn scho au i de Stadt will do min Job isch... eigentlich wäri lieber ufem Land dehei.