wetsch abneh?

[Tatsujin]

http://ever.ch/PDF/Hitliste_Quotient_6zu3.pdf" onclick="window.open(this.href);return false;

[The Sheep]

wettsch abneh ?


+

[Acid]

S Problem mit dem Öpfel Tipp isch eigentlich oft echli s Glich... er wird meischtens im Früehlig brocht... leider de schlächtischt Zitpunkt zum sich nur no vo Öpfel zernährä...

[Tatsujin]

vorallem, wie eisiitig wär den das?

[The Sheep]

es funktioniert. das isch doch der Sinn devo, oder nid ?
ich han in einehalb mönet 13kg abgno demit. denn hani mir en berich vo 3kg gsetzt woni wieder normal ässe tue bis i wieder es paar tag öpfel diät mach. abnäh isch so easy wemer will.

[Tatsujin]

und d ca. helfti devo isch den muskelmasse verluscht, wiel praktisch kei proteine meh zue dr nimmsch. lol

[The Sheep]

meinsch nid das hängt nid wenig vom Usgangsgwicht ab ? Mis 13kg Experimänt (vo 96 uf 83kg) isch jetzt öppe es Jahr här und ich hans Gwicht wie plant chönne halte. Vor 3 Wuche hani jedoch gfunde es dörfte no es paar Kilo weniger si. Also wieder Öpfel Diät. Glichzitig hani agfange mit somene Buch-Rucke-Arsch Trainingsgrät jede Tag 20 minute Sport zmache. Mit em Effekt dass i jetzt uf 80kg bin und jetzt scho mehr Muskle han als i je an mir gseh han.

Wichtig isch eifach dassmers nid zu sehr übetribt. Ich han während der Diät ca. 1x pro Wuche so en Tag wo min Körper tuet schwächle wenner nur Öpfel bechunnt. An dene Tag issi denn au mol öppis anders. zb en Täller spagetti mit Pasta oder es Stück Fleisch. Da sich durch s'Öpfel ässe der Mage verchlineret het und mer eigentlich chuum no Hunger het, sött mer aber luege dassmer d'Portione de neue Begäbeheite apasst und nid wie villicht früener grad en Riesetäller ineschuflet. Ich gang da jetzt vo mir us

[Pandemonium]

Das isch uf so vielne Ebene falsch das ich da gar nöd afange zdiskutiere.

[turntablism]

wenn wotsch abneh chasch mindestens 2x pro wuche für mindeschtens 45 minutä go sport mache. jogge bringt für mich am meischte. mit es paar chilis unterstütz ich no d verdauig und 90% was ich trinke isch wasser.
chan guet läbbe dermit

[Herr Rossi]

d öpfeldiät hed bi mir au mittelfrischtig (2 jahr) öpis brocht. ei wuche nur öpfel, wasser und ab und zue chli haferchärne = minus 7 kilo
go sit mai einisch ide wuche 2 schtund go ruedere mit em kajak, nime nid ab debii aber meh muskle sind ok.

übelegg mers aber grad au öbi nomou sel e wuche nume öpfel frässe. grillsaison my ass

[thaeye]

chunsch nöd de schisser über ab sovill süüri

[Herr Rossi]

nei, ha aber au ke derigi problem bi öpfelsaft & co

[turntablism]

wenns marktforschigsinstitutahlütet will i nöd abneh

[zwirrlibatz]

wie ischs mit anderne frücht? oder dörf me nöd mischle?

[turntablism]

stinkfrucht / durian, isch guet zum zuenäh

[Tatsujin]

wenn wotsch abneh chasch mindestens 2x pro wuche für mindeschtens 45 minutä go sport mache. jogge bringt für mich am meischte. mit es paar chilis unterstütz ich no d verdauig und 90% was ich trinke isch wasser.
chan guet läbbe dermit

nöd diräkt d verdauig anführsich, aber de stoffwächsel tuets pushe (und natüürli au na en huuufe anderi suprigi sache macheds).

du muesch vor allem di richtige/wichtige fette zue dr neh, aber ebe au im mass und inere guete ballance. und z.b. druch proteinhaltigeri mahlziite bisch schneller satt und hesch praktisch kein heisshunger meh (was ja eigentlich schier ds gföhrlischte isch bim abneh wölle).

au viel wasser trinke, das isch würkli sehr guet.

ich hasse nüt meh als hungere, drum iss ich ir letschti ebe richtig und nimme dezue au na ab derbi.

aber lol nur öpfel? nütdergäge hani mal zwüsche dure, aber nume öpfel und ich würd die glaubs afa usechörble nach em 3. 4. tag.

[The Sheep]

chunsch nöd de schisser über ab sovill süüri

Nei, und zwar wilmer schlussändlich gar nid viel Öpfel isst. Wenn sich de Mage mol apasst het, lange mir 1-2 pro Tag ohni jeglichi Hungergfühl zha. Mer muess eifach die erschte paar Tag überstoh womer der ganz Tag drüber nachdänkt was mer jetzt lieber würd ässe als Öpfel. Aber das isch nur Chopfsach, wie bim ufhöre rauche.

[Herr Rossi]

So isches. Am erschte Tag hani 7 öpfel gässe, am letschte eine und ei biss und ich ha nümm möge. Die erschte zwöi Täg nochhär hani wider mit gmües agfange, hed vörig glängt

[Tatsujin]

verstahs aber immer nanig. mer chan au unradikal abneh, und das eigentlich ohni jeglichi iibuess im tägliche läbe. also natürli nöd durch mäc und nur fettigs fleisch/würscht etc. das ghat natürli nöd, aber durch sehr uusgwoge, füllend und fein, und das garantiert langaahaltend und obedrii ischs ebe au na was suprigs für de körper und sini gsundheit.

[Herr Rossi]

Ja das chamer wemmer das wett

[Tatsujin]

also wott mer lieber nur öpfel ässe also sich normal, fein und gsund ernähre?

[Herr Rossi]

Ja gäll, so doof

[geosnow]

bin 18 täg id maledive go surfe. 2x3h jede tag uf em wasser. gesse hani nur fish, riis und gmues und das in grosse menge. mir händ au jede tag 10 thunfish vo 5-20kg us em meer zoge. 2-3 bier hani mir au gönnt.

so hani mini hose grössi vo 34 uf 32 abbe bracht. gwicht hani aber glaubs nüt verlohre.

[The Sheep]

also wott mer lieber nur öpfel ässe also sich normal, fein und gsund ernähre?

natürlich chamer unradikal abneh. ich kenn jeglichi kollege wo x Diäte usprobiert hän wo wisseschaftlich korrekt und gsund sind, und sich gwunderet händ warum sie dermit chuum 5kg verlore händ. Nach der 4. Diät händs denn resigniert und sind hüt fetter als ich damals bevor ich mit minere völlig unwisseschaftliche und intuitiv zämmegschtellte Öpfeldiät gschtartet bin. Aber hey, sie wüsset jetzt alles über ungsettigti Fettsüre, was wieviel Kalorie het und weli Läbensmittel mer nid kombiniere sött ...

Der Punkt für mich isch: Wenn i mi z'dick fühl und der Wille han abznäh, isch mir völlig wurscht ob das sinnvoll, gsund oder richtig isch. Ich will eifach nur möglichscht schnäll und im Optimalfall günschtig dünner wärde. Gsund ernähre chani mi nachher immer no.

Natürlich gangi immer vo mir und mine eigete Problem us. Wenni scho schlank wär wie gwüssi wo do mitdiskutirer, würd i villicht au sage lieber gsund abneh statt schnäll.

[Tatsujin]

so macht mers