Nintendo: Zoff in der Führungsetage?

[PlanetHarrieR]

Die Pachter-Gülle ist bei Teilen von Nintendo offenbar tatsächlich auf fruchtbaren Boden gefallen.

Nintendo: Zoff in der Führungsetage? Unstimmigkeiten zwischen Management und Iwata

In der Führungsetage von Nintendo scheint es zu kriseln: Zwischen dem Management des Unternehmens und Satoru Iwata (Präsident von Nintendo) gibt es Unstimmigkeiten, dies berichtet jedenfalls die japanische Webseite Business Journal (via NeoGAF und NintendoEverything).

In dem Bericht wird beschrieben, dass es in dem Unternehmen starke Tendenzen geben würde, bekannte Spiele bzw. Marken unbedingt auf Smartphones herauszubringen. Iwata hingegen ist anderer Meinung, da es Nintendos Stärke sei, sowohl Hardware als auch Software aus einer Hand anbieten zu können. Er setzt somit stärker auf den "klassischen" TV-Konsolenmarkt, während andere Mitarbeiter meinen, dass Iwata den digitalen Markt (Download-Titel etc.) vernachlässigen würde. Ein Teil des Managements soll angeblich planen, Iwata irgendwie "loszuwerden", da dieser nicht mehr unter dem Schutz von Hiroshi Yamauchi stehe. Viele Urgesteine bei Nintendo denken ebenfalls, dass Iwata ihre Meinung gezielt ignoriere.

Einige führende Manager machen Iwata ebenfalls für die derzeitige Situation von Nintendo verantwortlich und kreiden ihm an, dass er erstens von außerhalb in das Unternehmen gekommen sei und zweitens sich noch immer in die Software-Entwicklung einmischen würde.

http://www.4players.de/4players.php/spi ... index.html" onclick="window.open(this.href);return false;

[Uriel]

Wobei man sagen muss, dass Pachter dafür plädiert, den alten Gameboy und NES Katalog auf Smartphones zu veröffentichen. Nicht, dass ich es unterstützen würde, aber es klingt weniger wahnsinnig.

[Xinobrax2]

Wobei man sagen muss, dass Pachter dafür plädiert, den alten Gameboy und NES Katalog auf Smartphones zu veröffentichen. Nicht, dass ich es unterstützen würde, aber es klingt weniger wahnsinnig.

Das wär unfassbar bescheuert....jede wo das will het doch längst Emus druff...und oni Gamepad sind die Spiel nid mal spielbar. Was d Roms betrifft...sämtlichi NES Roms bruched knapp 155mb, Game Boy 120mb und Game Boy Color 280mb. Insgesammt also öpe 555mb für sämtlichi Spiel. Das passt problemlos uf es aktuells Smartphone. Nintendo hingege würd die Spiel wahrschindlich einzeln wele verticke...für 9$ oder so. D Erfolgsusichte wäred drum wohl zimlich gering und si würded iri Spiel uf fremde Hardware veröffentliche...das wärs doch nid wert.

De Iwata macht da scho guet...DS isch super gsi, Wii isch super gsi, 3DS isch super....d Wii U floppt chli, ok, aber de Yamauchi het die Problem ebefalls gha...kein Grund zur Panik...S sind doch eh nur die bescheuerte Aktionäre wo stressed...

[geosnow]

..., aber de Yamauchi het die Problem ebefalls gha...kein Grund zur Panik...S sind doch eh nur die bescheuerte Aktionäre wo stressed...

ihm hät ja au 10% wo nintendo ghört, und hät viel mensche riich gmacht.

[Moff]

ich würd iets paar nintendo mobile spiel gar nöd so schlimm finde, es bowser tower defense zB mit ordentlichen nintendo polish, stell ich mir iets na glatt vor

[turntablism]

Chasch eigentlich en joypad as smartfoun aschlüsse ?
Ich han mal emulator uf em smartfoun gschpillt und mues säge dass es zum gülle schiisse isch, eso zschpile.
s einzig was i no akzeptier, isch vilicht es amiga spiel ala larry wommer kein joystick brucht zspile.
Finde au suscht spiel wo ich uf em smarty glade han en riiiese seich.
Mer mues doch es stürchrüz oder en härte stick und buttons chöne chnebble suscht machts gar kei gschpass.
Vilicht chan di hüttig jugend meh mit so löli spieli uf em telefon was afange als ich.
Snake uf em nokia isch grad no gange aber alles anderi isch doch absolute hafechäs

[turntablism]

Chasch eigentlich en joypad as smartfoun aschlüsse ?
Ich han mal emulator uf em smartfoun gschpillt und mues säge dass es zum gülle schiisse isch, eso zschpile.
s einzig was i no akzeptier, isch vilicht es amiga spiel ala larry wommer kein joystick brucht zspile.
Finde au suscht spiel wo ich uf em smarty glade han en riiiese seich.
Mer mues doch es stürchrüz oder en härte stick und buttons chöne chnebble suscht machts gar kei gschpass.
Vilicht chan di hüttig jugend meh mit so löli spieli uf em telefon was afange als ich.
Snake uf em nokia isch grad no gange aber alles anderi isch doch absolute hafechäs

[Xinobrax2]

Naja....

...es isch ja nid de mobil Sektor wo Nintendo Sorge bereited. De 3DS verchauft sich nid schlecht und d Vita isch en Witz. Wenns jetzt würded afah Games für Smartphones veröffentliche würdeds ja ire eignig Markt kaputt mache...isch chli heikel. S Problem hends doch eher mit de Konsole und das isch en Markt wo momentan sowiso chli e ungwüssi Zuekunft het.

[Xinobrax2]

Chasch eigentlich en joypad as smartfoun aschlüsse ?
Ich han mal emulator uf em smartfoun gschpillt und mues säge dass es zum gülle schiisse isch, eso zschpile.
s einzig was i no akzeptier, isch vilicht es amiga spiel ala larry wommer kein joystick brucht zspile.
Finde au suscht spiel wo ich uf em smarty glade han en riiiese seich.
Mer mues doch es stürchrüz oder en härte stick und buttons chöne chnebble suscht machts gar kei gschpass.
Vilicht chan di hüttig jugend meh mit so löli spieli uf em telefon was afange als ich.
Snake uf em nokia isch grad no gange aber alles anderi isch doch absolute hafechäs

Check http://thegforum.ch/viewtopic.php?f=51&t=8903" onclick="window.open(this.href);return false;

Das isch s bescht

S git aber au Spiel, womer relativ guet mit Touch Buttons chan spile. Advance Wars z.B....aber bi 99% vo de Spiel nervts scho enorm. Mitem Pad bini zimlich happy. Bis und mit N64, Playstation & Dreamcast chamer alles super stüre.

[turntablism]

Sorry duett post
das isch nur weg demm verdammte smartphone schissdreck
Zuekunft vo de games wird wohl en helm mit gschmacksverstärker sii

eddi: das smartfoun jopad ding findi jetzt aber no interessant. Wobii isch es doch genau s gliich wie wenn uf me tv spillsch eifach hesch en z chlii e bildschirm

[Xinobrax2]

eddi: das smartfoun jopad ding findi jetzt aber no interessant. Wobii isch es doch genau s gliich wie wenn uf me tv spillsch eifach hesch en z chlii e bildschirm

Chli isch relativ....es GameBoy Bild wotsch ja wahrschinlich eh nid uf en 2 Meter TV mit 1080p ufe skaliere...und falls doch chasch s Handy imerna via HDMI am TV aschlüsse und als Konsole bruche. Isch quasi e All-in-One Lösig...

@Topic: Nintendo het ja in letschter Ziit immer wider mal adütige gmacht, wonach si in Zuekunft Handheld und Konsole wend verschmelze. Ob sich das nur uf d Sotware beziet oder au uf d Hardware isch aber ungwüss...mal luege...

[turntablism]

eddi: das smartfoun jopad ding findi jetzt aber no interessant. Wobii isch es doch genau s gliich wie wenn uf me tv spillsch eifach hesch en z chlii e bildschirm

Chli isch relativ....es GameBoy Bild wotsch ja wahrschinlich eh nid uf en 2 Meter TV mit 1080p ufe skaliere...und falls doch chasch s Handy imerna via HDMI am TV aschlüsse und als Konsole bruche. Isch quasi e All-in-One Lösig.....

ok da hesch völlig recht. Ich spile au grad tetris uf em gameboy im bad bim stuelgang, aber de gameboy isch original und wenn ich abhock, denn leg ich grad los und mues nöd no de joypad id hand näh und de ganz scheiss bim schiise mit em smartfoun konfiguriere/improvisiere.
Ich will eigentlich nur säge dass mer es spiel original söll spile und nöd emulier
@topic - findi guet !

[Xinobrax2]

Fair...jedem das seine. D Original hani ja au no....aber da ich eh meistens unterwegs bin und nid 32748973209 Grät wot mitschleppe isch das ideal. Irgendwo zmizt im Wald chli Ocarina of Time spile sch' ebe schono geil. Ich han kein TV und am Beamer chenti de N64 nid mal me aschlüsse...darum...ja was sölls, Original sind immer besser, aber de Kompromiss mit Emulatore findi super praktisch.

Bezoge uf s Topic macht das eh kein grosse Unterschied. Wenns jetzt würded afange NES und GB Spiel für Smartphones release chämts ja uf s gliche use. Würdsch nüme uf de Original Hardware spile, hetsch defür aber s offizielle ok vo Nintendo. Machts das besser? Vilicht produziereds aber au neus Zügs wo speziell nur uf Touch usgleit isch...aber die Ressource würdeds gschider in was anders investiere. Es funktioniert halt eifach nid...Square Enix versuechts, Sega versuechts...aber hends Erfolg demit? Bzw. legitimiered die minimale Gwünn d Ufgab vo de Exklusivität? Ich würd mal sege nei...

[turntablism]

Alles produkt re-placement

[Uriel]

ich würd iets paar nintendo mobile spiel gar nöd so schlimm finde, es bowser tower defense zB mit ordentlichen nintendo polish, stell ich mir iets na glatt vor

Es Pokémon Red & Blue uf Smartphones chönntisch locker für 8$ verchaufe und dank em Internet Gaming würded d Lüüt voll usraschte. Es würdi Millione mache. Millione.

Ds beschte Gegeargument siitens Nintendo isch nach wie vor sehr simpel: wenns mit de Hardware Geld mached, denn wird niemer uf die Idee cho, Portierige ds verlange. Wenns Verluscht iifahred, denn wird immer irgend öpper nach ere Umsetzig für anderi Plattforme schreie.

Ich verstah aber ehrlich gseid dr Hate mal wieder nüd. Dr Iwata het bezoge uf d Shareholders eifach en schlechte Job gmacht. Bezoge ufd Gamer macht er derfür vieles richtig. Klar isches denn so, dass er Heat vom Management und de Aktionäre bechunt.

Grad bezoge ufd Indies het sich Nintendo denn halt scho e Ziit lang recht unbeliebt gmacht. Denn würksch halt bald mal we eine, wo Trends verpasst.

[Xinobrax2]

Ich hanmer grad mal schnell d Zahle vones paar Square Enix und Sega Spiel agluegt. Leider sind d Play Store Statistike zimlich ungenau...

Final Fantasy III
Priis: CHF 16.-
Downloads: 100'000 - 500'000
Ertrag: Zwüschet 1'600'000.- und 8'000'000.-

Final Fantasy VI
Priis: CHF 16.-
Downloads: 50'000 - 100'000
Ertrag: Zwüschet 800'000 und 1'600'000.-

Sonic The Hedgehog
Priis: CHF 2.67
Downloads: 100'000 - 500'000
Ertrag: Zwüschet 267'000 und 1'335'000

Sonic Jump
Priis: CHF 2.67
Downloads: 100'000 - 500'000
Ertrag: Zwüschet 267'000 und 1'335'000


Ich han jetzt extra mal Spiel gwählt, wo mit unterschidlichem Ufwand entwicklet worde sind. Final Fantasy III isch en ufpolierte Port vo de DS Version, Final Fantasy VI isch en Port vom Original. Sonic the Hedgehog isch ebefalls n Port vom Original und Sonic Jump isch e Neuproduktion. Sonig Inahme sind doch en Witz. Indie Developer chönd vilicht devo lebe aber für di grosse Studios lohnt sich das nume, wenn si oni vil Ufwand öpis chönd portiere. Neuproduktione wie s Sonic Jump sind hingege so beschränkt, dass si innerhalb vomene halbe Jahr mit 3 Lüt chönd entwicklet werde.

Söll das d Zuekunft vo Nintendo si nur will irgendwerlchi Marktanalyste usgrechnet hend dass Smartphones im Moment grad zimlich beliebt sind? rofl...
Nene...wie scho gseit, im Handheld Markt gatsene guet...wiso söteds jetzt am eigne Ast sagä? S Problem isch im Moment d Wii U. Die Verlust chönds doch nid kompensiere, indem si ires Handheld Standbei kaputt mached...mir erschlüsst sich d Logik dehinter nid so recht.

De Iwata macht da scho guet. S Management sell chli Pille für de Bluetdruck schlucke und de Entwickler d Ziit gä wos bruched. D Wii U het scho Potential...Pikmin 3 isch s beschte Pikmin, Mario Kart 8 isch s beschte Mario Kart sit langem, gueti Marios gits au und s Smash chent ebefalls de bescht Teil us de Serie werde. Sit de E3 gseni das alles wider chli optimistischer...

[Pandemonium]

S Ding isch das sich Nintendo Spiel wohl um es x-fachs verchaufe würed. Mario und Co. kennt halt jede wohi FF und Sonic nüme so im allgemeine Gedächtnis sind. Vieli vo dene wo mööged werdet d Zahle vo Puzzles & Dragons gseh und sich säge vo dem Chueche wännd mir au es Stuck.

[Xinobrax2]

Schoso...wobi ebe...wer Mario & Co unterwegs wot spile holt sich doch eifacht en 3DS....d Frag isch drum, würded d Lüt weniger 3DS Spiel chaufe, wenns au Nintendo Content uf Smartphones gäbt? Falls ja, wär das trotz churzfristigem Erfolg es kontraproduktivs Gschäft und en nachhaltige Verlust vo de Exklusivität.

[Pandemonium]

Ich gsehn s Problem im Verlust vo de Exklusivität. Ich glaub nöd das jede wo es Mario unterwegs wot spiele au en 3DS hät. De chostet doch es paar Franke und das isch genau de Selling Point vo Smartphone Games. Für en Stutz bisch debi. Ich glaub nöd das sich Nintendo de eignig Märt wür kanibalisiere aber ebe de Verlust vo de Markeöffnig chönt ihne schade.

[Xinobrax2]

D Priise wäred wahrschinlich einiges höcher bzw. glich wie bi de Virtual Console. Die findi na recht happig...10 Stutz und ufwärts. Das gächt denn wider chli ade 08/15 Smartphone User verbi. Oder au nöd...kei Ahnig...ich chan mi eifach nid so recht mit dem Gedanke afründe

Wasi mir chent vorstelle wär z.B. en Pokédex für s Smartphone, oder e App zum Amiibo Figürli scanne, oder s Miiverse...so Zügs wär für de Verchauf vo eigener Hardware sogar no förderlich und würd d Lüt intensiver dra binde. Aber Spiel? Ne...

[Gurgelhals]

Ich gsehn s Problem im Verlust vo de Exklusivität. Ich glaub nöd das jede wo es Mario unterwegs wot spiele au en 3DS hät. De chostet doch es paar Franke und das isch genau de Selling Point vo Smartphone Games. Für en Stutz bisch debi. Ich glaub nöd das sich Nintendo de eignig Märt wür kanibalisiere aber ebe de Verlust vo de Markeöffnig chönt ihne schade.

Das isch ja au genau das, wovor de Iwata a sinere GDC-Keynote vor Jahre bereits gwarnt hätt: Wänn du dinere Chundschaft Spieli als Wägwerfwar für CHF 2.50 vertschuttisch, machsch das viellicht churzfrischtig dur s'höchere Volume wieder wett. Langfrischtig konditioniersch du aber dini Chundschaft druf, dass sie gar nüme bereit isch, für es Spieli meh z'zahle. Natürlich wird de Durchschnittschund immer no de Mehrwert vo eme Zelda gägenüber eme Angry Birds-Klon erkänne. D'Bereitschaft, für erschters 70 Stutz anezblättere, sinkt aber trotzdem. Ich beobachte das ja au a mir sälber: Bim Divinity: Original Sin, wo es usgezeichnets 80-Stunde-Old-School-PC-RPG und entsprächend jede Rappe vom 40-fränkige Verchaufspriis wärt isch, han ich wider besserem Wüsse mehrmals zögeret, bevor ich dänn zuegschlage han. Eifach will me sich uf Steam, GoG & Co. au langsam gwöhnt isch, dass meh eh alles im starch vergünschtigte Sonderagebot chauft. Und wänn sich under dinere Chundschaft so e Haltig etabliert, machsch der demit din eigene Märt kab0tt. Sogar Apple - usgrächnet die, wo de ganzi Schlamassel agstosse händ! - hätt mittlerwiile chürzlich verluute lah, dass sie kei Freud dra händ, dass es im App Store zuenehmend schwierig isch Programm z'verchaufe, wänn's nöd zu eme absolute Spottpriis abotte wärded.

Im Konsolebereich isch d'Problematik natürlich bsunders offesichtlich (und das giltet nöd nume für Nintendo, sondern für alli Publisher), will det d'Entwickligschoschte eifach verdammt höch sind und d'Spieli gar nöd billiger chönd verchauft wärde. Im Handheld-Bereich sind d'Ussichte für Nintendo aber fast no heikler, will das Segment i unmittelbarer Nachbarschaft zu de Smartphone-Ramschlade-App-Realität staht. Natürlich isch es au da theoretisch immer no klar, dass es Fire Emblem oder es Luigi's Mansion 2 schlicht und eifach die 50 Franke wärt sind, wo die Spieli choschted. I de Praxis isch es aber wahrschinlich gar nöd so sälte, dass d'Lüüt da inzwüsche dänked: "Hä, uf dem 3DS choschted d'Spieli ja 10x meh als uf mim Samsung-Trottelphone, de chan mir gstohle bliibe." Entsprächend isch Nintendo grad im Handheld-Bereich i ere ziemlich heikle Situation, ohni dass sie gross öppis defür chönd. Sony hätt mit em Vita ja scho Schiffbruch ereilt, aber au Nintendo mues sich grad mit eme allfällige 3DS-Nachfolger höllisch astränge, um dä entgäge vo de grassierende "alles gratis, sofort und jetzt!"-Mentalität au chönd etabliere.

[PlanetHarrieR]

Ich gsehn s Problem im Verlust vo de Exklusivität. Ich glaub nöd das jede wo es Mario unterwegs wot spiele au en 3DS hät. De chostet doch es paar Franke und das isch genau de Selling Point vo Smartphone Games. Für en Stutz bisch debi. Ich glaub nöd das sich Nintendo de eignig Märt wür kanibalisiere aber ebe de Verlust vo de Markeöffnig chönt ihne schade.

Das isch ja au genau das, wovor de Iwata a sinere GDC-Keynote vor Jahre bereits gwarnt hätt: Wänn du dinere Chundschaft Spieli als Wägwerfwar für CHF 2.50 vertschuttisch, machsch das viellicht churzfrischtig dur s'höchere Volume wieder wett. Langfrischtig konditioniersch du aber dini Chundschaft druf, dass sie gar nüme bereit isch, für es Spieli meh z'zahle. Natürlich wird de Durchschnittschund immer no de Mehrwert vo eme Zelda gägenüber eme Angry Birds-Klon erkänne. D'Bereitschaft, für erschters 70 Stutz anezblättere, sinkt aber trotzdem. Ich beobachte das ja au a mir sälber: Bim Divinity: Original Sin, wo es usgezeichnets 80-Stunde-Old-School-PC-RPG und entsprächend jede Rappe vom 40-fränkige Verchaufspriis wärt isch, han ich wider besserem Wüsse mehrmals zögeret, bevor ich dänn zuegschlage han. Eifach will me sich uf Steam, GoG & Co. au langsam gwöhnt isch, dass meh eh alles im starch vergünschtigte Sonderagebot chauft. Und wänn sich under dinere Chundschaft so e Haltig etabliert, machsch der demit din eigene Märt kab0tt. Sogar Apple - usgrächnet die, wo de ganzi Schlamassel agstosse händ! - hätt mittlerwiile chürzlich verluute lah, dass sie kei Freud dra händ, dass es im App Store zuenehmend schwierig isch Programm z'verchaufe, wänn's nöd zu eme absolute Spottpriis abotte wärded.

Im Konsolebereich isch d'Problematik natürlich bsunders offesichtlich (und das giltet nöd nume für Nintendo, sondern für alli Publisher), will det d'Entwickligschoschte eifach verdammt höch sind und d'Spieli gar nöd billiger chönd verchauft wärde. Im Handheld-Bereich sind d'Ussichte für Nintendo aber fast no heikler, will das Segment i unmittelbarer Nachbarschaft zu de Smartphone-Ramschlade-App-Realität staht. Natürlich isch es au da theoretisch immer no klar, dass es Fire Emblem oder es Luigi's Mansion 2 schlicht und eifach die 50 Franke wärt sind, wo die Spieli choschted. I de Praxis isch es aber wahrschinlich gar nöd so sälte, dass d'Lüüt da inzwüsche dänked: "Hä, uf dem 3DS choschted d'Spieli ja 10x meh als uf mim Samsung-Trottelphone, de chan mir gstohle bliibe." Entsprächend isch Nintendo grad im Handheld-Bereich i ere ziemlich heikle Situation, ohni dass sie gross öppis defür chönd. Sony hätt mit em Vita ja scho Schiffbruch ereilt, aber au Nintendo mues sich grad mit eme allfällige 3DS-Nachfolger höllisch astränge, um dä entgäge vo de grassierende "alles gratis, sofort und jetzt!"-Mentalität au chönd etabliere.

Stimmt. ich glaube, man braucht dann einfach einen stoischen Iwata-Teddybär, der entsprechend stur bleibt. Aktionäre (und erstaunlicherweise offenbar auch Teile der Nintendo-Führungsetage) sind wie eine Horde wild quängelnder Kinder an der Kasse. Auf den ersten Blick sehen die ganzen kleinen Süßigkeiten verführerisch aus und sie kennen in dem Moment auch noch noch nicht die Konsequenzen - noch haben sie ja keine Magenschmerzen.

[Xinobrax2]

Anderersits chönds dem Trend au nid eifach uswiche indem si stur blibed. Ich frag mich sowiso scho sits d Virtual Console git, warum si d NES und GB Library nid eifach choschtelos zur Verfüegig stelled. De Traffic wär minimal. De Verlust vo de Inahme chänteds ev. durch stigendi Verchaufszahle vo de Hardware kompensiere. Ob das würklich würd ufgah weissi nid, wilmer di konkrete Zahle fehled, aber Nostalgie isch für e Firma wie Nintendo uf jede Fall es wertvolls Instrument. Nachträglich chönds das aber schlecht umsetze will sich denn die verarscht fühled, wo bereits zallt hend. Isch tricky...

[Pandemonium]

Chostelos mues ja nöd mal sii, aber Systemübergriefend. Das chani nöd nahvollzieh. Du chasch Zelda II sicher für öppe 7847583 Nintendo Grät chaufe und zahlsch denn jedesmal en rechte Betrag, das stört mi extrem.

[Xinobrax2]

Choschtelos halt als Verchaufsargument..."Chauf e Wii U und du hesch all dini Lieblingsspiel us de Chindheit gratis debi". SNES und N64 wär denn wider was anders, det chunt denn langsam au de Traffic inen Bereich wos choschtet. Aber au die Spiel chented billiger si. Vilicht betracht ich das aber au nur zu sehr us de Sicht vomene Konsument...kei Ahnig. Ich lad mir halt eifach Emus druff, Problem glöst. Für neuji Spiel zali trotzdem na gern bis zu 80.-...da dra het sich nie was gänderet.