Nintendo: Zoff in der Führungsetage?

[zeromeier]

chauft doch niemerd en wii u wäg 20948230948230 jahr alte spiel.

[Xinobrax2]

chauft doch niemerd en wii u wäg 20948230948230 jahr alte spiel.

Uf jede Fall gits Lüt wo für 20948230948230 Jahr alti Spiel 10 Stuz zaled. Wie gseit, mini Sicht isch eh zimlich verschobe wili scho immer froid a Emus gha han. Weni es alts Spiel wot spile, denn holi nid s verstaubte Modul us de Chiste sondern lade eifach s Rom. Ich glaube s gäbt einigi Lüt wo kei Ahnig vo dem Zügs hend und trotzdem gern würded alti Games spile oni grad defür z zale. NES uf de Wii U, GameBoy ufem 3DS...warum nöd...? Irgendwas müends de Ramsch-Politik vo de Smartphones ja chöne entgege setze...und si heted sogar massehaft Content defür...

[Herr Rossi]

xino, mittlerwile weises glaub jede
ich ha es zitli au emus gschpilt und früener dutzendi oder sogar hunderti snes schpil mitem pro fighter q zockt.

s problem bi emus & co isch, dass die meischte denn nümm sehr selektiv schpiled. s agebot isch ja immer 100%.
das isch natürlich asichtssach, anderi hend d original ja nid nur wägem schpile, det zelled au no anderi wärt.

@topic
die schiessed sich doch is eigete chnü wenns smartphonegames afönd produziere

[Xinobrax2]

Logisch, ich rede gern drüber
Emulatore spiled im Zemehang mit dem Thema und wie sich Nintendo in Zuekunft wot positioniere aber au e entscheidendi Rolle.

[zeromeier]

s problem bi emus & co isch, dass die meischte denn nümm sehr selektiv schpiled. s agebot isch ja immer 100%.
das isch natürlich asichtssach, anderi hend d original ja nid nur wägem schpile, det zelled au no anderi wärt.

schoso.

[Avenger]

Ig bi gspannt ob d Nintendlers tatsächlich no uf e Smartphone-Zug ufspringe. Wenn sie gnueg Geld i der Kriegskasse hei, denn wärde sie wohl nid wie d Lemminge ihiri Titel für 99 cent usehause. Oder Freemiumfree2playzahlescheissbetragundamendeischestüüreralsevollpreistitel. Und es Super Mario Bros. uf em Touch-Bildschirm möcht ig mir jetz nid atue. Klar wärs geil, wenn uf em smartphone Spiel XY chasch unterwegs spiele (oder Miniquests löse) und diheim uf em Wuu witerspiele chasch dank Spielstand-Synchronisation oder ähnlichem.

Obs das wird geh isch e angeri Frog, chunt au druf ah was die liebe Nintendlers in ihrem Strategieplan gschriebe hei. Und wenn sie schlau si isch ihri Strategie seeeeeehr viel längerfristiger usleit als nur bis zum nächste Jahresabschluss.

[derinderinderinderin]

Warum fragt niemer der Ceiser? Er isch am Meeting ungerem Tisch gsi...

[Acid]

Choschtelos halt als Verchaufsargument..."Chauf e Wii U und du hesch all dini Lieblingsspiel us de Chindheit gratis debi". SNES und N64 wär denn wider was anders, det chunt denn langsam au de Traffic inen Bereich wos choschtet. Aber au die Spiel chented billiger si. Vilicht betracht ich das aber au nur zu sehr us de Sicht vomene Konsument...kei Ahnig. Ich lad mir halt eifach Emus druff, Problem glöst. Für neuji Spiel zali trotzdem na gern bis zu 80.-...da dra het sich nie was gänderet.

S Problem a derä Argumentation isch dass wahrschindlich öpä 90% oder no meh wo das Reizagebot würd asprächä entweder kei Spielkonsolä meh chaufed, oder bereits en WiiU händ. Oder Emus spilled und sich demit z fridä gänd.

Für en grossä Teil vo de Videospielkonsumäntä wo zudem au immer grösser wird sind das gar nid d Lieblingsspiel us de Chindheit, und sie wüüreds villicht evtl. mol spillä wenns en WiiU händ undmers gratis chan spilä, aber als Chaufargumänt würdesi wahrschindlich nid hinterem Ofä fürä lockä. Nid dass mir alli do inn alti Säck währed und nid dassmer nid au meh Gäld händ als diä hütigä Kids, aber es isch halt glich scho es Zitli her, und sehr viel Lüt wo hüt gamed händ niä NES oder GB gspillt, und abgseh devo vili au nid mol SNES oder N64. Und s Interesse und au überhaupt s Verständniss wiesomer so es Spiel hüt no söt spillä haltet sich bi de meischtä denn wohl eher in Grenzä. Dass heisst natürlich nid dass en grossä Nintendo Spieli Katalog us sämmtlichä Generationä eifach handhabbar nid öpis tolls wär.



Au s Argumänt vo de Emus chani überhaupt nid nohvollziä. Wenn überhaupt zeigt doch dass diä Emus so guet entwicklet werded, und anschiinend, wenni de richtig Schluss ziä, no zimlich beliebt und verbreitet sind, eis: Dass Lüt gern Nintendo Spieli ufem Smartphone spilled. Du wärsch jetzt villicht nid bereit defür z zahlä, vili aber ebä villicht scho, nur händs nid d Möglichkeit dezuä das eifach und unkompliziert zmachä.

Das isch ebä do villicht au chli en Punkt wo je nach Klientel ebä ganz andersch isch wiä bim gemeinä Hardcore Gamer wo en ganzä Ruum oder au meh dem Hobby widmet und en grossä Teil vo sim Läbä, wemer seit es gid jo d Grät zum diä Spili spillä. Natürlich chan ich en WiiU chaufä oder en 3DS oder denn diä nöchscht Konsolä. Vilnä Lüt isches aber schlicht nid wichtig gnueg, sälbscht denn no wenns kei finanzielli Frog wär. Vil chaufed 1 Konsolä oder sogar gar keini, und sie spilled scho au gern mol dies oder das, und chaufed au mol seint oder ander Spiel, und sie würed villicht au mol gern es Mario spillä, aber nur wäg dem jetzt wieder es Grät aschaffä wo umästoh mues und denn wieder nur ganz spezifisch für diä 3 Spili wo eim no Wunder gno händ bruucht werdä chan, empfindedmer eifach nid als sinnvoll und lohds denn sii.
Zudem sind vil Lüt mobiler und nüm so oft dehei oder a 2 oder mehrernä verschiedene Ort dehei. Dass heisst aber nid dass näbä Schlepptop, Tablet und Smartphone au no en 3DS für eis Spili wänd umäträgä, und Spielkonsolä sind denn eh weniger Thema.

Ich z.B. han mitem DS mis letschtä gamespezifischä Grät kauft gha, s zweit letscht de GC vor wohl nid ganz 10 Johr und s dritt letscht de PS2 woner usächo isch... das isch au scho wieder es Zitli her. Ich han bi de Wii, bim 3DS und bim WiiU scho mehrmals mitem Gedankä gspillt zums chaufä, unds paarmol scho haarscharf gmacht, willi öpädiä luscht gha het uf s eint oder ander Spiel, und eigentlich fascht immer Luscht hätti zum wiedermol chli Mariokärtlä. Aber ich han scho so viel War überall für diä ich eigentlich scho chum Platz han, zudem dehei kei Fernseh meh, das heisst zuäsätzlich zu de Konsolä müssti au wieder en Bildschirm ufstellä etc. pp. D Zit woni vernünftiger Wiis näb allem andere i sonä Konsolä dörft steckä, isch eifach viel zwenig zum all das z rächtfertigä, sälbscht wenni de Chaufpriis chönti heräleggä.



Und das Argument isch au bitz wiä wens bi de Musig gseit hettet "Bisch dumm Musig über s Internet z verchaufä... alli wo Musig über s Internet wänd ladeds eh gratis abä" (guet, händ au vili gseit chundmer grad in Sinn ) Doch Tatsach isch doch vil meh, dass d Gägäbewegig diä hed müese sii, dassmer de Chundä wo gern eifach ihres File uf de Computer ziend, unds dänn so losed wiäs wänd, evtl. sowieso kei Stereoalag oder CD Player händ, hed müese e genau so eifachi oder no eifacheri Alternativä zum gratis Abäladä hed müese Abütä wos öpis chönd zahlä defür. Sobald diä Agebot do gsi sind, sinds au gnutzt wordä. Natürlich vo Lüt wo denn defür kei CD mehr kauft händ, aber au vo Lüt wo vorher genau so s File abägladä händ, aber nüt defür zahlt händ. Natürlich, de Musigliebhaber mit schönem Plattäspiller chauft sich lieber en Plattä, chauf ich au lieber (sälbscht wenni am meischtä Musig ufeme I Pod losä). Aber das isch halt nid de Marktateil wo diä meischtä drin innä sind.

Würd ich für en Serie zahlä, wenisi Zitnööch chönd bim I Tunes luege? Wahrschindlich scho es bitz öpis... Zahli defür wennisi i zwei Johr denn evtl. chan uf DVD bstellä woni nid en Mietpriis sondern en Chaufpriis mues zahlä für öpis womer nochher nur Platz wegnimmt oder ich wieder mues verchaufä, wenisi au eifach genau jetzt chan uf mim Computer inäziä? Wahrschindlich ehnder überhaupt gar nid.





---------------------------------------------------------


Aber mol abgseh devo, wills au i derä Diskussion gfallä isch, das mit de Spilprisä findi scho au no verruckt. Ich mein isch jo nonig so lang her, do isch es Spili für 49.90 scho de Tüüfpriis gsi wos denn nacheme Zitli denn villicht mol erreicht hed, und alles unter 30 isch au scho bi älterä Games misstrauä usglöst, willmer dänkt hed wenns eim so billig hinänoh grüert wird, chas jo fascht nur Schund sii wo kei Sau will Spilä. Bi Film sind d Priisä vo neuerschiinigä jo au extrem gsunkä.

Andersit, ich han scho so maches Game bimene Steam Sale oder bi humblebundle kauft, woni bis jetzt nonig gspillt han, und s eint oder ander sogar woni nid mol chan spilä mit mim jetzigä Compi :typej: Und au vo de andere hani vili nonig lang gspillt. Und z.B. de Film 13 Assasins vom Miike hani glaub scho 3 mol usglehnt... guet, choschtet glaub nid mol 2 Stutz, bimene 7.50er würis wohl nid so eifach machä, aber glich.

D Hemmschwelä isch halt scho sehr viel chliner und vili wo früener vilicht nid kauft händ wills nid überzügt devo gsi sind öbs de Priis würklich Wert isch, chaufed hüt eifach mol und gsehnds denn grad sälber. Und diä jungä wo sowieso es begrenzters Budget händ gänd wahrschindlich au nid weniger us. Früener hed oft eifach einä s Game kauft, und denn hedmers zämä gspillt oder enand usglehnd. Hed jo au nid jedä eis bruucht, wilmer eh nid übers Internet mitenand gspillt hed, und so viel Argument dasses au gid für diä vergangeni Gamekultur, ich glaub nid dassmer hüt für Games weniger usgid.


Es hed sich grad i de letschtä Johr halt würkich einiges verändered, und dass sich bi Nintendo gröber Gedankä drüber gmacht wird wiämer dem begägnet, isch doch eigentlich klar. Schlussendlich wänd diä au i 5 oder 10 Johr gern Gäld verdiene. Und wenn sich Nintendo Hardware in erschter Linie no wäg de Nintendo Software verchauft, müendsi sich halt scho Gedankä drüber machä wiä sehr diä Zugchraft würklich vorhandä isch, oder öb d Hürdä wos am Konsument stelled zum ihri Software z konsumiere nid evtl. mit de Zit denn chli gross isch, villicht z gross au wenns Nintendo wohl tatsächlich schafft au mit de Harware Gäld zmachä.


Andersiits isch natürlich s Argumänt dass ihri Spielkonsolä im Momänt eigentlich in allererschter Linie no durch diä eignig Software überhaupt en Existenz hed, wo extrem gförded würdi wemer au für anderi System entwicklet, genau so ilüüchtend.

Hützutags isch halt s Agebot i so vilnä Bereich grad im Digitalä eso riesig, dassmer scho es umwerfend guets Produkt mues machä, wemer sich nid will überleggä wiä viel Hürdä dassmer am potentielle Chund würklich chan in Wäg leggä... vor allem halt wemer zu de grossä Player mit entsprechender Maschinerie will ghörä.

[Xinobrax2]

Das "Verchaufsargument" hani eigentlich direkt uf die bezoge wos halt au betrifft. Also diejenige, wo tatsächlich mit dem Zügs ufgwachse sind. Ich gsen das i mim Umfeld...alli hend früener Nintendo gspillt. NES, SNES, N64, Gamecube...und au d Wii hend si sich no kauft. Aber NID EINE het e Wii U. Kein Witz, ich kene niemert persönlich wo sich das Teil kauft het. Das het selbstverständlich au na vili anderi Gründ. Familie...Chind...aber genau drum wärs doch so passend.

Was di ganz Priispolitik betrifft...mir gfallt si au nid. Ich gsene am Horizont aber au kein Trend wo das wider chent umcherä. Also...was söll Nintendo mache?
Ich bin eifach nid dezue Bereit Spiel, woni bereits vor X Jahre als Modul kauft han nomal in digitaler Form z chaufe. Da wähl ich lieber di inoffizielle Umweg. Binere CD woni mal kauft han zali ja au nid für de Download sondern rip si eifach...

[Acid]

Ebä, aber dass isch jetzt ebä grad genau dies Umfeld, halt Lüt i dem Alter wo genau diä Games d Chindheit gsi sind. Und en WiiU händs jetzt halt nümä kauft, öb so es Agebot bi villnä vo denä öpis wür ändere wär ei Frog, und öb das würklich en kritischi Massä isch, sälbscht wenn vili wäg dem ein würded chaufä, isch denn nomol en anderi. Natürlich gits diä, aber es git ebä au sehr vieli uf diä das eifach nid zuetrifft. Und diä wo en WiiU us rein nostalgischä Gründ chaufed zum paar alti games gratis spielä mached zuäsätzlich au nid grad hoffnig uf grossi witeri Gwünn i de Zuekunft, ussert mer rächnet demit dass denä ihri Chind denn Nintendo Fanatiker werded. Aber do müesst denn um rächt viel Eggä zimlich viles zugunschtä vo Nintendo usfallä wo absolut nid so mues sii, dass das denn klappä würd.

Ja klar, bi Games womer eigentlich scho mol zahlt hed (i de Regel nid z knapp), und nid würklich irgendwieä grossä Ufwand dri gschteckt wird nomol für einiges Gäld z chaufä macht natürlich nid unbedingt viel Spass (au weni dänk dass wenns 10.- nid würklich wiit überschrittet für es eifachs game de eint oder ander glich kei Müäh hetti zums heräzleggä... und vili händ vili Spiel au gar niä kauft gha, vo dem her). Aber das wär eh nur de Afang... denn chund denn "wieso nid es neus 2D Mario für es anders System?".

[zwirrlibatz]

Sony hätt mit em Vita ja scho Schiffbruch ereilt, aber au Nintendo mues sich grad mit eme allfällige 3DS-Nachfolger höllisch astränge, um dä entgäge vo de grassierende "alles gratis, sofort und jetzt!"-Mentalität au chönd etabliere.

Stimmt. ich glaube, man braucht dann einfach einen stoischen Iwata-Teddybär, der entsprechend stur bleibt. Aktionäre (und erstaunlicherweise offenbar auch Teile der Nintendo-Führungsetage) sind wie eine Horde wild quängelnder Kinder an der Kasse. Auf den ersten Blick sehen die ganzen kleinen Süßigkeiten verführerisch aus und sie kennen in dem Moment auch noch noch nicht die Konsequenzen - noch haben sie ja keine Magenschmerzen.

Iwata = Integrität

Trottel = uf jede zug wele ufgumpe nume will er grad verbiifahrt.

[falagar]

Nintendo soll irusch Spil so Handhabu wie Disney die DVDs.