Abgsetzti Serie

[agestuffer]

Knight Rider mit em Hasselhoff!!!!
Ein Colt für alle Fälle!!!
ALF
King of Queens
Eine Schrecklich nette Familie
Und no viil meh woni super gfundä han

agestuffer

[Xinobrax2]

Ein Colt für alle Fälle!!!

Bini grad am luege Im Moment na i de 2. Staffle. Gueti old school Action!

[Acid]

Aber selbscht wenn e Serie nid psunders erfolgrich isch, sind d Verlust doch berechebarer, wenn d Serie vervollständigt wird. Wie gseit, s ganze Casting und s Erstelle vo de Requisite isch ja denn bereits erledigt. Di einzige Chöschte wo stiged sind d Gage vo de Beteiligte. E abgschlosseni Serie lat sich doch au in Zuelunft besser ad Sender und als DVD/Bluray verchaufe. Also was isch los in Hollywood? Hends Angst, dass anderi Sender d Quote chlaued wills besseri Serie produziered?

me macht doch e verluschtserie nöd eifach wiiter nur will dänn de verluscht chli chliiner chönnt werde.

Einersits verständlich, aber s Risiko wird ja nid chliner, wenns d Ressource statdesse wider ines neus Projekt stecked...im Gegeteil. D Chöschte und de organisatorisch Ufwand stiged denn ja wider. Da wärs unter Umständ ev. sinnvoller es paar Episode z striche und e abschlüssendi Staffle oder au eifacht nur en Film z produziere. Mir chunts chli vor als würdeds Lotto spile...Alli hoffed uf s nögschte Lost, Walking Dead oder Game of Thrones...wenns nid a dem Erfolg chan achnüpfe ladets eifacht im Müll.

PS: Twin Peaks isch würklich super

Also sie sorry, aber do gotsmer änhlich wiä am Zwirrli, diä Argumentation verstandi jetzt nid ganz.

Villicht hämer au chli unterschiedlichi Vorstelligä devo wiä so Seriä i de Regel produziert werded. Wenn e Serie kei oder zumindescht nid de Vorstellig entsprechend Cholä zrugbringt, wirdsi doch sicher nid eifach witergfüehrt, i de Hoffnig, dass sie evtl. i de Zuekunft i irgendenere Form denn doch no öper interessiert, und denn villicht no so viel Gäld ispillt, dasses sich denn doch no glohnt hätti (was allerdings denn sehr viel meh sii müest, wemer diä verstrichnig Zit mitiberächned), das isch us Investorä Sicht genau so Lotto. Das macheds vilicht mol es momäntli, wenns irgendwiä doch sehr überzügt sind vom Ganzä, und dra glaubed dasses no aziehd, und nur d Quote nid ganz de Vorstelligä entspricht, abers immerhin keis Verluschtgschäft isch.

Wenn scho so und so viel Millionä in Sand gsetzt hesch, seisch irgendwenn ok, limit erreicht, meh setzi nüm i das Projekt wo niened heräfüehrt. Neui Projekt choschtet natürlich au, aber bringed au neui Hoffning, neui Mänschä, neui Ideä... dem stohd es alts Projekt wo nid funktioniert nur im Wäg. Und im Gägäsatz zum altä Projekt, womer ebä ufgrund vo de Erfahrig devo usgohd dass jedä investierti Dollar en verlorene isch, vodmer bim neuä wieder vo 0 a, und god natürlich devo us, dass sich d Investition lohnä chönt (suscht würdmers jo nid machä). Zudem isches jo nid so dass diä Seriä ide Regel scho vo A-Z durädänkt sind, und nur willmersi agfangä hed chöntmersi au schnäll no inere Mini Stafflä, au no guet dezuä anä, beändä. Sets choschtet au wenns scho stönd, und Lüt schaffed au nid gratis.

A sonerä Serie sind oft au sehr viel Lüt beteiligt, und einigi villicht nid so eifach ustuschbar. Villicht hed de Hauptdarsteller inzwüschä au wieder es bessers Agebot übercho wonem Erfolgsversprächender schiint und de Vertrag für witeri Stafflä nonig unterschribä, oder d Writer händ d Luscht am ganzä verlorä, zum diä eint oder andere bhaltä müstmerne besseri Konditionä bütä, oder mer müsst sie uswächslä und beides isch bimene Projekt wo eh uf de Kippi stohd denn villicht würklich eifach zuviel des Guten. 3 vo 5 Investorä währed villicht no debie, aber 2 händ kei Luscht meh und fürs fehlende Gäld gfinded mer niemert meh, oder d Investorä säged ihr chönd witermachä, aber en Season dörf nur no halb soviel choschtä, wills bi dem Projekt nid meh Risiko chönd igoh, was bi allnä andere dezuä füehrt dass d Händ verwerfed. De Sänder seit, chönd witerhin en Sändeplatz ha, aber sicher nüm zu derä Sändäzit wenns eh niemert luegt, d Chancä gha, jetzt chund es anders Projekt a derä guete Zit nach derä andere erfolgriichä Serie, was d Hoffnig druf dass sich villicht doch no en Erfolg istellt bi de Produzäntä wiederum schmölert.

Diä Vorgäng gits jo bi Film alli au, ein hed e Idee, denn sammlets Material, den schriibter öpis, Rächt werded umänandverchauft, Gäld gsuecht, Schauspieler agfrögt, Regiesseurä gwächslet, je nach Film villicht scho Prototypä erstellt, Setdesigner beuftreit, und wieder ein, wo wieder eimol meh sganzä Script umschriibt etc. pp. Und nid sältä wird vo vilnä Lüt viel gschafft und viel Gäld usgeh, und am Schluss wird diä ganz Üebig denn doch no abblosä, oder zumindescht uf Iis gleit... hin und wieder sogar obwohlmer scho hed afangä drehä, will irgendöpis nid nach Plan funktioniert hed, und verschiedeni Lüt de glaubä dra verlorä händ und vom Projekt abspringed unds nüm vernünftig heräzbüügä isch.

De Unterschied isch halt dass de Film nur dänn zum Publikum chund, wenner alli Hürdä überwundä hed, während e Serie i de Regel ebä Work in Progress isch, bis halt diä letscht Stafflä abgschlossä isch.






Abgseh devo wär aber z.B. Deadwood en Serie woni gern no meh gseh hätti devo... händs jo glaub eigentlich au mol no welä 1 oder 2 Film machä in Folge... det händs au gfundä, dass eifach s Setting zu ufwändig isch, unds eifach z tüür wird. Villicht sinds no chli Früäh gsi.

[Xinobrax2]

Isch alles klar, gseni au so.

Ich erwarte ja au nid, dass grundsätzlich alli Serie mit schlechte Quote eifach fortgsetzt werded...aber en Abschluss wär nett. Was mir nid so passt isch d Art und Wiis wie mit dene Werk umgange wird. Ich han in letschter Ziit einigi Serie gluegt wo würklich guet sind, denn aber zmizt drin ufhöred. Vor allem bi neuere Serie wird das immer hüfiger gmacht. Das fallt eim ev. nid so uf, wemer eh nume d Blockbuster luegt.

Grad bi Serie mit durchgehende Storys isches halt mengisch au so, dass si erscht ab de 2. oder gar 3. Staffle richtig interessant werded. Ich betrachte sonig Serie amigs als Gsamtkunstwerk und da mues nid unbedingt jedi einzeln Folg super spannend si...die chönd sich vo mir us au gern mal einigi Folge Ziit la, um erscht mal d Rahmebedinnige ufzbaue und denn ersch loslegge. Sones Format eignet sich aber nid für de TV und bevors richtig losgat isches schowider fertig...s isch eifacht schad.

Letztendlich bin ich aber eh nur irgend en Serie Fan wo sich drüber ufregt, dass es paar vo sine Lieblingsserie abgsetzt worde sind. Mir isch scho klar, warum die Serie abgsetzt werded...aber genau die Gründ gömer au zimlich uf d Nerve. Wie gseit, mir gfallt die Entwicklig mit Netflix. Si chaufed d Recht für abgsetzti Serie und produziered witer. Hoffentlich wirds in absehbarer Zuekunft au möglich, ganzi Staffle via Kickstarter & Co. z finanziere. Choschtet Hanglenk mal Pi wohl so um di 50 Mio...möglich wärs.

[Acid]

Ja klar, als Konsument chans natürlich scheisse sii. Aber ebä das hed jo denn nüt mitem eigentlichä Verständniss für d Sach ztuä.

Das das hüt villicht hüfiger gmacht wird, hed villicht auch chli mit de Mediälandschaft ztuä. Alles hed sich veränderet, und alles hed sich viel meh verteilt i de letschtä Johrä. Wemer z.B. diä Doku über d Entstehig vo Seinfeld aluegt, denn isches am Afang au sehr harzig gsi (bzw. eigentlich scho weg vom Fänschter gsi), und schlussändlich diä wohl erfolgriichscht Sitcom sit immer wordä und villicht au für immer, und de Sänder wiä au de Seinfeld und de Larry händ es Vermöge demit gmacht. Allerdings ebä, det heds irgendwiä en Handvoll Sänder geh i de USA wo sich alles druf konzentriert hed, und wenn bi eim vo denä gsi bisch, bisch eigentlich sälbscht wenn i dem Kontext kei Erfolg gha hesch doch scho noimed gsi und so Züg hed ebä chönä passiere. Hüt gits eifach viel meh alternativä, au für diä wo ihres Gäld wänd usgeh. Und drum verlüüred villicht au diä villicht schnäller s Interessä.


Aber das lansami und Serie mir durchgehende Storys hüt kei Chancä händ im TV findi denn doch grad chli falsch. Dass isch doch genau das was i de letschtä Zit überhaupt erscht so richtig ufcho isch. Früener hesch unter de erfolgrichä und tüürä Seriä meh oder weniger Seifäoperä oder Sitcoms gha, oder irgendwelchi Krimis, wo aber au jedi Folg /jedä Film für sich hed chönä stoh. Kei Shields, Breaking Bads, Game of Thrones oder diä zahlrichä andere wos hüt gid. Guet, diä werded natürlich au nid erscht i de drittä Stafflä spannend, aber so öpis isch es Format wo nid nur nid für de TV isch, sondern für gar nüt, ussert ebä mer luegts usere Perspektivä a, wo diä 3 Stafflä ebä scho vorhandä sind.

Netflix hed natürlich nur scho de Vorteil dass nid um Sändeplätz und so positionierigä god, d Lüt lueged eh wenns wänd. Es git also quasi e viel weniger grossi Konkuränz Situation zwüsched de einzelne Programm, und d Zitrüüm womer es breits Publikum chan erreichä sind nid so starch begränzt. Aber au Netflix wird wohl kei Problem demit ha Seriä abzsetzä, wenns niemert luegt.

Kickstarter und Co sindmer i derä Hinsicht irgendwiä nid ganz ghür... finds immer chli komisch.

Und do muesch natürlich gseh, dass binere Sitcom z.B. i erschter Linie d Personalchöschtä hesch. Bruchsch no es chlises Studio mit Irichtig, es paar Büros, es paar Kameras, und denn hesches i de Regel meh oder weniger. Ohni jetzt genaui Zahlä z kännä, bi andere Seriä isch das denn glaub z.T. halt sehr schnäll mol sehr viel ufwändiger, und dementsprechend tüürer.

[Xinobrax2]

Shields, Breaking Bads, Game of Thrones

Das sind halt trotzdem Serie, wo au di einzelne Episode durchus spannend sind und zum witerluege motiviered. Ich han mich eher uf Serie bezoge, wo halt würklich mal e ganzi Staffle bruched, um überhaupt ersch mal de Plot ufzbaue. Defying Gravity zum Bispiel...die hends nach 8 Episode abgsetzt, 13 Folge sind produziert worde. Um wases überhaupt gat wird aber erscht i de 13. Episode enthüllt...also WTF? Guet, s isch sicher kei Serie für d Top 10...aber schlecht isch si au nid.

[Acid]

Ebä:

Guet, diä werded natürlich au nid erscht i de drittä Stafflä spannend, aber so öpis isch es Format wo nid nur nid für de TV isch, sondern für gar nüt, ussert ebä mer luegts usere Perspektivä a, wo diä 3 Stafflä ebä scho vorhandä sind.

[Xinobrax2]

Ebä:

Guet, diä werded natürlich au nid erscht i de drittä Stafflä spannend, aber so öpis isch es Format wo nid nur nid für de TV isch, sondern für gar nüt, ussert ebä mer luegts usere Perspektivä a, wo diä 3 Stafflä ebä scho vorhandä sind.

Ja aber s isch denn halt blöd, wenns nur 1 Staffle git En abschlüssende Film wär nett gsi...Immerhin het de Autor i dem Fall verrate, wies witergange wär..

[Acid]

Do simmer halt wieder am glichä Punkt... öbs bi Episodä 13 denn ändlich mol uschund um was dasses god, isch absolut ohni Bedütig wenns gar niemert gsehd will sit Episodä 5 keinä meh luegt. Und werum en Film machä...au de luegt niemert wo bi Episodä 5 usgschaltä hed. Und sälbscht wenn no 3 Lüt würed luege und denn allnä verzelled wiä cool Episodä 13 isch, wirds wohl nüt meh bringä, wills wahrschindlich eis no unglich schwieriger isch als Lüt dezuä z bringä e Serie zluege: Lüt dezuä z bringä e Serie z luege wos schomol s Interesse dra verlorä händ.

[Xinobrax2]

Sicher...aber ebe, ich glaube das isch vor allem es TV Problem. E millermässig bis gueti Serie het eifacht kei Chance wenn glichzitig na Game of Thrones lauft. Ich hoffe würklich, dass d Streamabüter wie Netflix das alles chli uf de Chopf stelled.

Jetzt hani mir grad überleit, obi Defiance sell afange luege. E witeri Serie vo SyFy mitere ungwüsse Zuekunft. Season 3 isch bis jetzt weder offiziell bestätigt na cancled worde Oder kennt susch gar no öpert e aktuelli Science Fiction Serie? Am beste eini im Weltall....

[Acid]

Klar, wemers wiä Netflix macht und alles uf eimol ufschaltet, denn isch diä Situation scho entschärft, will halt alli wos tatsächlich interessiere würd, eifach chönd luege was i denä 13 Episodä passiert, ohni wartä zmüese und villicht dur wichtigers abglänkt z werdä oder s sich besser züberleggä. Aber trotzdem... ich han au scho 2 Studnä Film nach 40 min. abgstellt, wills eifach nüt gha hed wo mi irgendwiä motiviert hätti witer Zit z verschwändä, unds kei Azeichä defür geh hed dasses irgendwiä no chönt öpis werdä... isch chli wiä bi de Produzentä, eifach mit Zit statt mit Gäld Also würdi villicht vo sonerä Serie au nur es paar Episodä luge... uf Netflix gits jo au no ganz viel anderi Sachä womer cha luege