Allround-Fernbedinung

[LuiStyle]

Da mini heiss gliebti Philips Prestigo SRU6008 flöte gange isch, bruchi ä gueti alternative.
Ich möcht logischerwiis alles chönne bediene! Ach ja bi dä Prestigo hät bedienig mit dä Dreambox nöd klappet und das isch halt en chline nachteil gsi.
Verarbeitig vo dä Prestigo isch hammer gsi und ufem gliche niveau muess den au die neui sie.

Wasi no erwähne möcht isch dasi au nüm so viel usgäh will.
Sind eigentlich die Logitech Fernbedienige guet? Gsehnd ebe es biz komisch us!?

[Xinobrax2]

Tablet?

[Avenger]

Uf em tablet hesch keini Taste mit druckpunkt, e grosse Nachteil.

[Xinobrax2]

Fair, s isch sicher nid di perfekt Lösig. Aber chasch so zimlich alles demit bediene und bi de meiste Lit eh scho eis umenand. Churzfristig wärs drum sicher en bruchbare Ersatz...

[LuiStyle]

Tablet?

Häsch demfall die vo Logitech?

[LuiStyle]

Wasi ebe au so toll uf dä Prestigo gfunde han, das mer z.b alli Hdmi/Scart ports hät chönne astüre ohni umweg! Ich lege meh wert uf so ä funktion! Tastedruck wär halt scho gmüetlicher.

[Xinobrax2]

Tablet?

Häsch demfall die vo Logitech?

Nene, es normals Galaxy Tab...

[Astroboy]

I ha d'Harmony One Ultimate vo Logitech und nutze se täglech. Ds Setup isch einigermasse ufwendig, ömu bi mim Equipment, aber ize lani uf Chnopfdruck aues aa und bediene ou Plex ufm Win7-HTPC mit dr Fernbedienig (dank Flirc), bzw. Muus&Tastatur muess ig im normale Gebruuche gar nid nutze fürenäh. Isch recht flexibel im Ufsteue und hesch Taste zum Drücke, was ig äbe ou recht gern ha. Dr Priis isch happig und s'git sicher ou günstigeri Modell, aber i ha se damals günstig bercho und bi zfriede - ussert dass sie ke WOL-Funktion hei iibout, was schad isch (gäb aber sicher irgendwie e Lösig).

[feeshlee]

han au sone logitech. dä setup (silverlight wtf!??) isch rächt müehsam.
wänn sie mal aber iigrichtet häsch, isch guet. activities findi e gueti sach.

[Herr Rossi]

e harmony hani au mol gha, hasi aber wider verchauft da si mir underem schtrich kei nutze bracht hed. kei ziiterschparnis und/oder vereifachig.
ha mer scho überleit selber öpis zbaschtle und ine ap-dose z integriere, aber meh im sinn vo de weg ischs ziil

[LuiStyle]

I ha d'Harmony One Ultimate vo Logitech und nutze se täglech. Ds Setup isch einigermasse ufwendig, ömu bi mim Equipment, aber ize lani uf Chnopfdruck aues aa und bediene ou Plex ufm Win7-HTPC mit dr Fernbedienig (dank Flirc), bzw. Muus&Tastatur muess ig im normale Gebruuche gar nid nutze fürenäh. Isch recht flexibel im Ufsteue und hesch Taste zum Drücke, was ig äbe ou recht gern ha. Dr Priis isch happig und s'git sicher ou günstigeri Modell, aber i ha se damals günstig bercho und bi zfriede - ussert dass sie ke WOL-Funktion hei iibout, was schad isch (gäb aber sicher irgendwie e Lösig).

Tönt guet, aber brutal tür

Was meinet ihr zu däre Prestigo:

http://www.interdiscount.ch/idshop/jpro ... 885643.a72" onclick="window.open(this.href);return false;

Ich denke da machi sicher nüt falsch.

[feeshlee]

wänn so chli verglichsch, isches sicher die mit beschtem priis-leischtigs verhältnis.

[Pombaer]

Nimm e günschtigi Harmony vo Logitech für 20-30 Fr.