4K Uflösig... WTF?

[Gurgelhals]

Multi Stream Transport heisst, dass d'Grafikcharte s'4K-Signal über eis Kabel in Form vo vier 1920x1080-Streams übertreit wird (also wie bi eme Multimonitor-Setup, mit en Underschied, dass ebe kein Kabel-Splitter dezwüschet hänksch). Die 4 Streams wärded dänn vom 4k-Monitor zämegesetzt und als eis Bild dargstellt (ich nime mal ah, das isch eifach e Zwüschelösig, will "richtigi" 4K-Überträgig erst i neuere, nonig gross verbreitete Revisione vom Displayport-Standard understützt wärded).

Und Leitig isch nöd gleich Kabel. Es einzigs Display-Port-Kabel hätt standardmässig glaubs 4 Leitige, d.h. ab Displayport 1.2 isch bereits meh als gnueg Bandbreiti da, zum es 60Hz 4K-Signal über eis Kabel z'überträge. Lediglich bi 1.0 & 1.1 langet's glaubs nöd.

Edith: Das wäred d'Bitratene vo de verschiedene Displayport-Revisione für die volle 4 Leitige:
1.0 & 1.1 (2007): 8.64Gbit/sec (langet nöd)
1.2 (2009): 17.28Gbit/sec (langet bereits mit 2 Leitige)
1.3 (2014): 32.4Gbit/sec (gitt wahrschinlich no gar kei Hardware, wo en 1.3-Link understützt; die neue Nvidia-Charte händ jedefalls no 1.2-Aschlüss)

[Xinobrax2]

Ah...mehreri Leitige i eim Kabel....jetzt ergit das Sinn Merci!

[Jones]

i ha am neue TV o sone displayport... weiss aber nid ob mi PC guet gnue isch für 4K...

[TypeJ]

was hesch kauft

[Jones]

dr ZT isch mer z'tür und dr vtw60 nüme lieferbar.
also hani trotz allem dr axw804 gno...
klar, wenn es schwarzes bild darstellsch, gsehsch unde mittig und am rand chlini wulche aber wenn filmmaterial luegsch, gseh es nid.
also was stört mi öpis, woni im gebruch nid gseh? -> gar nid
4K material (o wenns no nid viu git ussert paar demos und paar sache bi netflix) gseht affescharf us! und o z'upscaling z.b. vo PS4 Games isch e wucht!

und d'smart-TV-features si halt scho rächt geil bi de 14er grät...
ufe 902er hani nid möge warte bzw wär mir dä z'tür. 55 hani nid wöue und 65 wird sicher um die 4000.-- ume si wasi nid ha wöue usgäh... (ha schliesslech no e anderi grossi aschafig vor dä monet... lol )

[TypeJ]

geil!
hauptsach bisch happy!!!

[Xinobrax2]

4K PC Monitore mit 28'' kriegsch ab ca. 600.-...