Was gisch du, was bikunnnsch?

[TypeJ]

Ich ka nid fasse das ich vor 5 Joor au eso gsi bi :typej:

kennsch ignore list? det druff hanen, isch würklich e gueti sach

[evo]

hanen au lang druf gha, aber s isch denn ebbe doch müehsam ab und zue

[Mastler(P)]

bisch sicher?

meinsch du das treit epis zum thema bi oder isch der au langwilig?

[G-ay-lien]

Mir isch grad so chli dur de Chopf: Wi zfride sind ihr eigentlich mit oichne Gschenkli, also die wo ihr bechömed?

Logisch, im Grund gno sinds ja "GSCHENK" (LOL!) und mer sött sich über alles freue, jetzt aber mal ganz ehrlich: Findeder no guet waser amigs so bechömed?

Ich schenke jewiils eigentlich immer Sache, woni im Nachhinein gsehne, dasses die Person au würklich denn oft brucht. Das überleg ich mir im Vorhinein au. Denn gits vo mir so Sache wie IPod, Tiffany-Armband wo die Person unbedingt hät welle, ä Media-Box inkl. Film&Serie, s lieblings Parfüm wo nüme hergstellt wird aber ich no bi ebay.com han chöne ersteigere usw. wo denn au regelmässig brucht werded.

Ich hingege bechume oft irgendwelche symbolische Kack oder öpis bsunders 'originells'. Lulz, stfu. Ich hasse so pseudo-originelli Sache, das bruchi nöd. Ich finds au luschtig, dass grad ich immer wider so Usstell-Sache bechume, ich bin öpä dä ordentlichschti Mensch uf dere Welt und ÜBERHAUPT nüt liit bi mir sinnlos umenand, zum 'uusstelle' oder so, alles het en funktion oder es muss sich verpisse.

Oder aber ich bechum denn en iitritt gschänkt für öpis, aber muss denn de Weg det ane no plane und evtl. sogar no frei näh. So öpis chani au überhaupt nöd ha, ich selber wür grad no en Ticket dezue schenke, wimer det ane und wider zrugg chunt. Aber selber bechumi nur immer halbfertigs züg, muss denn selber organisiere und huere zirkle dasses mit de Rückreis wider anehaut, well de Event so spaat ufhört.

Es paar Lüüt hend eifach s Gfühl uf Wiehnachte döf nüt gschenkt werde womer au würklich chan bruche, well denn chunts ja nöd würklich vo Herze.. :typej: Unglaublich dumm, es regt mich grad huere uf.

[TypeJ]

geilscht gschicht vo hüt

[Tatsujin]

HAHAHA

[mr.raw]

No kei Wiehnachtsgschänggli Topic???

Was gisch? Was bikunnsch?

Ich gib dr Fründin paar sächeli uss em Magic-X Store

Sag mal, bisch Du Dir sicher, dass Du do Dini Fründin beschänksch?

mümümüh, was figgsch mi aa??

Jap, bin sicher, dass es mini Fründin...pardon...mini Verlobti isch, wo das Gschänggli bikunnt

[mr.raw]

:story:

ich ha glaubs scho ab mim 15. läbensjohr duuregäh. dass ich NUR no Guetschiine wott ha.... nur...es wird immer wie schlimmer mit Guetschiin schängge...denn zu Zitte mit topppreise.ch masch bööös priisvergliich.

[evo]

die beschte und eigentlich au einzig wahre gschänk sin die wo me sich nit wünscht aber ein trotzdem e huere freud mache. bsunders guet natürlich au selbergmachti sache oder öppis speziells wo nit alltäglich isch. kunt au immer au uf die persönliche interässe vom beschänkte druf ah. öpper wo viel liist wird sicher e freud amene buechguetschiin ha, öpper ander eher weniger.
isch denn ebbe t kunscht sich in dr anderi inesdänke und öppis usefinde wo au wirklich freud bereitet.
wemme wirklich nur weg dr symbolik was schänke wil denn sot me s gschänk au flach halte. fläsche wii oder susch was zässe oder so

[Avenger]

ig ha geschter grad z huus fertig gschmückt: mTbpuQzMnx

Mini Hütte het viel meh Views als dini und isch scho per Mail zirkuliert wos no kei youtube het gha

Quelle

[mr.raw]

also wenn so e belüchtig do in dr CH hesch...denn bisch au dr neger...JEDE hasst di denn!
schlimmer als de Jugo mit em Müll!

[Guave]

Me muess de Lütt eifach s ganze Joor zueloose und beobachte ob sich die person dä Wunsch bis zur Weihnachte scho erfüllt händ.
So ka me Gschenk mache wo überrasche UND Freud mache.

Wenn eifach s richtige willsch kaufe, ohni freudigi Überraschig, denn froogsch eifach was sie gern hätte. Besser me weiss was me verschänkt, als das sich irgendeine künschtlich freut und s Gschänk deheim in Abfall knallt

Lütt wo sich erscht am 15. Dezember Gedanke mache, finde selte gueti Gschänk wo denn au Freud mache. Die Gschänk kömme au oft nid wahnsinnig guet aa. Sie vermittle halt scho "me het no schnell MÜESSE" öppis kaufe.

Guetschiin verschänk ich nie. Das isch eso fantasielos, dass ich lieber nütt verschänk

[Tatsujin]

schoso, aber d progrmmierig isch 1A

[mr.raw]

Do bin ich absolut dinere Meinig (Drache)...
ich ha das friener au immer gmacht kha...ha s ganze Johr immer und immer uffpasst was die ander Person so uffzellt (mini exex isch uss ere Grossfamilie und mir sinn 6j. zämme gsi...3 gschwüschterti muesch wüsse...alli jünger)... und a jeder Wiehnacht hann ich im positive sinn dr Vogel abgschosse kha.
Naja...neui Frau, neus glück...das mol 2... und bi beidne hann ich zwar au immer dr Vogel abgschosse aber umgekehrt???.... ebbe so sache biko, wo me nid emol kha/wott uffstelle.
d.h... mir isch inzwüsche au d luscht vergange sganze Johr über go uffpasse was me äggscht a Wiehnachte könnt schängge. Die lettschte 2 Wiehnachte hann ich es sälberbaschtlets Album mit Fötteli, Sprüchli, Gedichtli uss em ganze lettschte Johr etc. gschänggt. Naja...als i bi dr 2. Wiehnacht wieder so öppis zum uffstelle biko ha...hann ich das Johr verzichtet am Album witter zschaffe und ha halt öppis uss em Magic-X Store poschtet.

[Sephi]

I schänke genau nüt wenn mer nid öppis suprigs i Sinn chunnt für öpper. Falls letschteres der Fall isch denn eigentlech dürs ganze Johr u nid nur a Wiehnachte.

Und wahr, unerwartets und ungwünschts macht am meischte Fröid. Kolleg hetmer s Morimoto-Chochbuech gschänkt woni scho lang sueche und nid finde, farking super isches.

[mousch]

Wiehnachte...i hasses eigetlech, abr Geschenkli muess me halt gliich chaufe, Gruppezwang uso...

Mire chli Schwöschter > Ipod Shuffle (pink)
Muter > Poster vo mir...(si hed sech ds gwünscht )
Vater > Praliné
Grossvater > Praliné
Fründin > Bluetooth-Chopfhörer wiusi im Fitness ni ds Handy umschleppe ma + Selection Quitte und Honig (will si voll Fan vo dem isch...)

Also vo dem her hani mr scho chli was überleit, zwüsche de Kafi-Pause und em Hüttechääs...bins am 24. ir Mittagspause alles go zämmechaufe, bis ufe Ipod und d Chopfhörer^^

Überrascht bini eigetlich nur vo Fründin worde, super geile Akku-Handstoubsuger hani becho woni würklech nur 1mal gseit han dasi so eine brücht und si heds gd ufgschnappt. Kauft hätti mr nämlech so eine wohl nie.. Dezue no e riise Gschänkbox, mit Kosmetika woni regumässig bruche, eme 90min Thai Massage Guetschin im Westside und luuter andere schöne Sächli...huere freud hani gha..=D

[SinGinSmith]

Oder aber ich bechum denn en iitritt gschänkt für öpis, aber muss denn de Weg det ane no plane und evtl. sogar no frei näh. So öpis chani au überhaupt nöd ha, ich selber wür grad no en Ticket dezue schenke, wimer det ane und wider zrugg chunt. Aber selber bechumi nur immer halbfertigs züg, muss denn selber organisiere und huere zirkle dasses mit de Rückreis wider anehaut, well de Event so spaat ufhört. .

Bescht!

[feeshlee]

nüt / nüt

[kraut]

Überrascht bini eigetlich nur vo Fründin worde, super geile Akku-Handstoubsuger hani becho woni würklech nur 1mal gseit han dasi so eine brücht und si heds gd ufgschnappt.

super isch das! die meischte lüt würde eim nämlech niemals öppis choufe wo de ou tatsächlech nützlech chönnt si. nei, es muess immer öppis "originells" si. :typej:

[mousch]

Überrascht bini eigetlich nur vo Fründin worde, super geile Akku-Handstoubsuger hani becho woni würklech nur 1mal gseit han dasi so eine brücht und si heds gd ufgschnappt.

super isch das! die meischte lüt würde eim nämlech niemals öppis choufe wo de ou tatsächlech nützlech chönnt si. nei, es muess immer öppis "originells" si. :typej:

Guet, originell findes ebe irgendwie glich no...aber ja, isch super gsi vo ihre!

[ritschi]

z'beste woni das jahr becho ha: digitec guetschiin
chaufe eh mega viel det.

und süsch sägi eifach dr muetter immer was i no alles bruche und si verzellts när wiiter - WIN. mues niemer irgend en fark chaufe woni nid cha bruche.

[Guave]

Ich han Guetschiin fürs Aqua Basilea kriegt.
Jetzt ka ich e paar mol die geilschti Sauna in der Schwiz gniesse.

[Parisienne]

nüt / nüt

gschenkli :typej:

[mr.raw]

hann au Aqua Basilea Guetschiin biko...
denn no Guetschiine für:
Hot Stone
Fuessrefläx
Media Markt
Migros