House of Cards

[Herr Rossi]

nachdem s internet bi de fründin ändlech einigermasse funktioniert ändlech afo luege. zieht mi voll ine, ich wott hei super inszeniert

[Supersonic]

Ich bin endlich dezue cho und han di erst Staffle dure und jetzt grad die erst vo de zweite Staffle gluegt. Gits en Grund warumi wiiter luege söll?
D'Serie isch wunderschön gfilmt, ich lueg sehr gern zue au wenns ja eigentlich haupsächlich um Gspröch und Interaktion gaht. Ich cha verstah wie sie eim gfallt, aber ich bin nöd so empfänglich für Serie wo ei Intrige die nöchst jagt. Ich han nöd gern unglaubwürdigi Persone. De Spacey spielts super aber bis uuf das einte Interview im Fernseh ischer eigentlich de Terminator. Das isch härte Bull und macht en völlig unzuegänglich für mich.

Ich han ä Scheisschindheit gha, bin uuf de Militärschuel gsi und bin Machtgeil langet für mich eifach nöd defür Abgordniti z'vergase ohni mit de Wimpere z'zucke und Reporterinne vor de Zug z'schupfe. Er isch doch kein verdammte Comic-Bösewicht! De Stamper find ich sau geil, aber es wird no nöd mal aadüüdet warum er so loyal isch und bi allem Scheiss mitmacht. Es schiint vo de Körpersprach her so z'sii dasen de Underwood ade Eier hett, aber als Zuschauer gits nöd ei einzigi Aadütig warum. Zumindest bis jetzt und darum frögi: Sölli wiiter luege?

Mini Prediction isch nämli das spötestens ab de dritte Staffle härt umedickt wird mit dere Serie und plötzlich ganz komischi Entscheidige drii cho werded.

[PlanetHarrieR]

Das hat's mir auch versaut.

[Xinobrax2]

Naja, daser eigentlich grösseri Plän schmiedet wird ja glaubs scho am Afang vo de erste Staffle klar. Am Endi vo de 2. Staffle heter sis eigentliche Ziel denn erreicht, allerdings werded d Fehler woner gmacht hent immer erdrückender. Spötischtens a dem Punkt wird denn au de Titel vo de Serie zimlich passend.

Um uf dini Frag zrugg z cho, d Serie bestat nid nur us sich widerholende Intriege. D Story wird ja au nid eifach vorzue erfunde sondern basiert ufem Roman "Ein Kartenhaus". Es git also en rote Fade wo sich vo de erschte Folg a durch di ganz Story ziet.

[Supersonic]

Ich mein au nöd das sich d'Intrige wiederholed, es git mir eifach z'viel und eini jagt die nöchst.
D'Zoe isch btw. vermuetlich de dümmst Character ide Serie. Nach de dritte Folg isch sie für mich völlig unglaubwürdig gsi und hett mi nume no gstresst.

Btw. hetts huere viel saulangwiiligi Moment wo i wükli verschisse müehsam id Längi zoge werded. Zum Biispiil dete wo ihm d'Bibliothek gwidmet wird und er mit sine Buddies am chille isch (oh er isch doch no menschlich, MOVE ON!!) oder dete wo sini Frau ufem Friedhof am jogge isch. Bah.

[Pandemonium]

Du und ich wüssed.

[Skeletor]

krass. ich find diä seriä was vom beschte überhaupt.

dä frank gaht mir 1-2 mal zwiit, aber süscht: genial. aber d'abdallas findets scheisse und ich chans eifach nöd verstah.

[Pandemonium]

Wär de Frank schwarz würemers super finde

[Avenger]

Ds Chartehuus isch super. Aber natürlich geits um Macht und Intrigen, das ändert nid i der 2. Staffel. Politik interessiert mich eigentlich nid, aber da isch es würklech sehr super gmacht.

[Xinobrax2]

Naja, isch halt kei Action sondern Polit-Thriller. Ich finds super. Mengisch chli zfescht zuegspizt aber mer merkt trotzdem, dass Netflix anderi Abhängigkeite het als di alte Studios wie z.B. HBO und abc. Si experimentiered mit dere Serie. Manchi Sache sind sehr direkt, manchi unnötig...aber so im grosse und Ganze isches e willkommeni Abwechslig gegenhüber all de andere Serie. Elei scho für d Erwähnig vo de Trilaterale Kommission gits vo mir es Sternli.

[Supersonic]

Ich mues debii gestah das ich recht allergisch bin uuf Politthriller. Es unterhaltet mich au, aber halt nume lauwarm. Mir fehlts definitiv a de glaubwürdigkeit vo de Charaktere. Isch mir zu overwritten.

[Supersonic]

Wär de Frank schwarz würemers super finde

Seich, ich find The Wire nach de erste Staffle au nume Meh. Wie du genau weisch

[Skeletor]

wiä gseit, ich find au das dä frank teilwies zwiit gange isch.

trotzdem, ich lieb diä seriä und hett das vorher niämals dänkt. so zügs interessiert mich süscht nämlich gar nöd.

[Avenger]

Wire = super. Fuck fuck fuuuck fuck. Fuck? Fuck! Fuckidifuck.

[grappagott]

gli gats wiiter!

[Xinobrax2]

I de USA hends di komplett Season 3 uf eimal veröffentlicht. Bi de dütsche Version macheds jewils e Wuche Pause zwüschet de Folge. Gits für das irgend en logische Grund? Drecks Arschlöcher

[Jones]

i chünde mis netflix wieder.
ha wieder mis kody/xbmc i betrieb gno u gmekt, dass icefilms wieder louft. ganzi staffle 3 online!

[Avenger]

Season 3 fertig glueget, bi scho gspannt uf die 4ti.

Der Doug.

[Jones]

S05 fertig. Immer no super die serie!
My Turn! lol

[rebornkid]

S05 fertig. Immer no super die serie!
My Turn! lol

Verdammt, die muessi au no wiiter luege. Eini vo mini lieblings Serie!

[Jones]

unbedingt! isch scho herte scheiss was die beide triebe... lulz
dadergäge isch dr trump e schuelbueb! haha

[rebornkid]

unbedingt! isch scho herte scheiss was die beide triebe... lulz
dadergäge isch dr trump e schuelbueb! haha

Ähhh was, mis Schatzi und ich sind genau so krass druf!