[OT]Generelles Politik-Topic

[abyss]

Dr Roger Schlawinski isch irgendwie scho vo afang huere agsürelet!

[abyss]

Spiessige Flachwixer. :typej:

[Mastler(P)]

Dr Roger Schlawinski isch irgendwie scho vo afang huere agsürelet!

scho. durchus amüsanti begegnig. das cover vor weltwuche han i aber scho bitz zu ahstössig gfunde.
egal ob jetz "religion epis vom gförlichschte isch" oder was dä schawi gmeint hät..

[Herr Rossi]

Ich find ufs Cover ghörti au no d Bible und all ander "heilige" Schrifte. De Schawinski isch zdumm um em Thiel sim Vortrag öpis entgegezsetze. Sini Dummheit probiert er mit Denunzierig wettzmache was au nid funktioniert. Herrlich zum zueluege

[Mastler(P)]

findsch du sklaverei guet?

[Xinobrax2]

Quelle

[zwirrlibatz]

findsch jetz de schawinksi dumm und froisch di wenn er schiins eis a d'waffle brchunnt oder unabhängig drvo de thiel tatsächli super? falls letschters, werum um de herrgottswille? was büütet dä?

[Buccaneer]

Schawinski = Arschloch
Scho immer so gsi. Selbstverliebte Siech. Warum macht öpper wie er Interviews?

[Jones]

so isches! RS = gröscht möngel wo's je hets gits!

was am thiel scheisse isch si ussage wie "d'moslem si ir steizyt bliebe stah"
das spricht nämlech direkt d'mönsche ah vo dere religion. und schliesslech nimmt ja nur e ganz chline teil vo dene lüt das buech für wahri münze.

tragisch isch, dass meh hüt als rassist anegstellt wird, wenn meh kritisiert, dass imene BUECH zu morde ufgruefe wird. so wit hei mers gschafft dank so RS möngels... :typej:

meh sött ändlech mau schnalle, dass es e ungerschied isch, es BUECH und si inhalt z'kritisiere oder 1.6mia mönsche wo sich zum gröschte teil e dräck um das buech schere...

findsch jetz de schawinksi dumm und froisch di wenn er schiins eis a d'waffle brchunnt

das isch itz hingäge scho seeeehr lächerlech. unabhängig, ob meh ufem thiel oder ufem RS sire site isch. wär das interview gseh het, cha zu kem andere schluss cho, als dass dr RS völlig glooset het...

[Herr Rossi]

de roger bewist scho i de erschte minute daser ussert ere grosse schnore kei vorussetzige als talker hed

er suecht nie d Diskussion, er suecht nur nach beschtätigung, emotional no es chind.
de thiel isch em überläge, das macht em angscht. meh als agriffe bringt er nid ufd reihe.

chriegsfördernd my ass

[Moff]

was isch so super am thiel? findederen überhaupt guet oder nur de schawinski scheisse?
bin grad chli verwirrt, will wenn susch de islam immer meh zum feindbild gmacht wird, gsehnders immer als irgendwelchi mossad aktione a.
iets isch plötzlich ok?

[Xinobrax2]

Wie scho gseit, sini Islamkritik findi denebet und au nid fundiert. Susch finden aber na sympatisch und sini Programm sind teilwis na zimlich luschtig. Ich glaube s eigentliche Thema spillt bi dere Diskussion nid mal sone Rolle, was gwüssermasse chli ironisch isch will de Thiel kritisiert dases am Boulevard nur um Oberflächlichkeite gat. Aber ja, in erster Linie findi mal de Schawinski scheisse.

[Moff]

ich muess dezue säge, ich kennen so guet wie gar ned, so vor 10 jahr hani velicht mal en sketch vo ihm mit sim cüpli glas irgendwo gseh und durchus passabel gfunde.
irgendwenn heter im tagi glaub mal es interview gha zum thema "es git au rechti kabarettiste" und han müess säge, ok, findi guet, han mich vo ihm amel nie agriffe gfüehlt bzw. bin eh de meinig satire sött sich um alli richtige kümmere.

aber iets dunkts mi schüsst er wiit übers zil use, und denn mit denne alte "mohamed isch chinderschänder" kamellene? de zitpunkt heter iets gwählt willer gmerkt het, dass ide schwiz und in europa de islam inzwüsche zumne gnueg grosse feindbild gmacht wurde isch. mit dem lockter velicht es paar debili cüpli-rassischte i sis publikum, passt ja sogar.
de isch unde dure und fertig.

würder geg all religione schüsse wärs ja passabel, chönnti je nachdem sogar underschriebe, aber sini agenda isch für all beteiligte offesichtlich.

[Mastler(P)]

sini Islamkritik findi denebet und au nid fundiert.

ja, aber er hät doch dä koran gläse. verzellt er jetz humbug oder cheggt er nöd das alli sklave kah händ, au wenn das schrecklich isch?

[Xinobrax2]

sini Islamkritik findi denebet und au nid fundiert.

ja, aber er hät doch dä koran gläse. verzellt er jetz humbug oder cheggt er nöd das alli sklave kah händ, au wenn das schrecklich isch?

Da müestmer wohl zersch mal de Begriff "Sklave" genauer definiere. Bi de alte Grieche sind z.B. alli als Sklave bezeichnet worde, wo körperlichi Arbet verrichted hend. Das het denn spöter au zu Missverständnis gfüert, wo de Herodot über sini Reis nach Ägypte berichted het. Wie das jetzt i dem spezifische Fall usgset weissi nid.

Was de Koran selber betrifft....det stat grundsätzlich mal so zimlich alles drin. Wennt Hass suechsch, denn findsch Hass. Wennt Liebi suechsch, denn findsch Liebi, wennt e Staatsform suechsch, denn findsch e Staatsform, wennt Kultur suechsch, denn findsch e Kultur. Das isch ja s tolle bzw. verherende a dene religiöse Büecher. Wer sones Buech id Händ nimt i de Erwartig spirituelli Füerig z finde wird au immer genau das finde wonacher suecht. Isch bi de Bible genau s gliche. Theoretisch würds au mit Harry Potter funktioniere, aber niemert suecht det drin Antworte uf di grosse Frage vom Lebe. Susch würded di einte feststelle, dass de Harry Liebi predigt und anderi würded druff beharre, daser sini Feinde umbracht het.

Im Fall vom Thiel isches jetzt halt eifach en Christ wo im Koran das gfunde het, woner gsuecht het. So what...eine me...interssiert doch kei Sau. S Problem sind nie d Büecher sondern d Mensche, wo Büecher z ernst nemed. Irgend en Trottel het ja au mal gmeint dasmer "Mein Kampf" müesst verbüte um Nazis z bekämpfe :typej:

[Herr Rossi]

was isch so super am thiel? findederen überhaupt guet oder nur de schawinski scheisse?

De Thiel findi ok. Nid überwältigend aber Ok.
De Schawinski hani no nie guet gfunde.

S Thema isch da eigentlich egal, es wär au suscht zum Eklat cho

[Jones]

S Problem sind nie d Büecher sondern d Mensche, wo Büecher z ernst nemed. Irgend en Trottel het ja au mal gmeint dasmer "Mein Kampf" müesst verbüte um Nazis z bekämpfe :typej:

Aber primär kritisiert er ja z'buech und nid d'mönsche... Und im buech wird itz halt mal zig fach zu gwalt ufgruefe. Ir bible (o im alte testament) gloub eher nid... Das muess meh dörfe kritisiere ohni als hassprediger anegstellt z'wärde.

Lustig findi, was dr blick hüt so schriebt...

[Xinobrax2]

Klar dörfmers kritisiere....und dir rat ich mal s alte Testament z lese. Isch chli wienen Psycho Horror Thriller. S gat um diversi Mensche wo Stimme in irem Chopf ghöred und uf Awisige Tier opfered und Mensche abschlachted. Für Afänger wird sogar extra beschriebe wie s Bluet mues versprützt werde, demit de Gott zfride isch.

Logisch chamer das alles de damalige Ziit zueschribe...wer so Zügs hütsotags ernst nimt het eh gröber eis a de Waffle...aber genau drum segi ja, dass nid d Büecher sondern d Mensche s Problem sind.

[Moff]

has iets gluegt und ischmer schleierhaft wiemer de thiel understütze chönnt i sine ussage. er spielt teilwis d'rolle vom naive, chan demit aber ned verberge, dassers au würklich isch. er weiss offesichtlich ned vill. und denn chunnts eifach ganz und gar ned guet wennmer moslems als "irgendwo zwüsche neanderthaler und homo sapiens hangeblibe" bezeichnet oder seit "muslime heiged en grosse ufklärigsbedarf" was de islam agaht, und ernsthaft so tuet als ob mer würd d'"wahrheit" vertrete, ganz ganz ganz dumm.

de schawinski hed mit so gut wie allem recht gha. au wenn sin interview stil au ziemlich idiotisch isch. mer cha ja nur de chopf schüttle wiener em thiel eifach irgendwelchi usschnitt vo sich selber vorfüehrt. de schawinski verhaltet sich det dure wie irgend en internet troll.

[Mastler(P)]

guete bitrag xino. schrecklich was deht alles drin staht.
händ echt dmensche damals eher dä tüfel ahbätet statt dä lieb gott? däs freche kerli. schrecklich so en tüfel.

[Jones]

"irgendwo zwüsche neanderthaler und homo sapiens hangeblibe"

das isch GENAU das, wo ig im o achriede. so ussage göh mire meinig nah o nid.
hingäge d'kritik ame buech, wo zu verfolgig und morde ufgruefe wird, findi grächtfertig. schön u guet, wenns 99% vo de moslems nid ärnscht näme aber drin stah tuets ja trotzdem...

dr schawi isch mir vor cho wie e chline schuelbueb.
sini sätz wie: "bisch scho mal dert und dert gsi", "i ha derfür ander büecher gläse, wo du nid mau kennsch" isch öpä glich wie "mi papi isch stercher wie dine". eifach nur lächerlech hoch 10! er het ja nid mau meh richigi chönne sätz vo sich gäh, so usser sich ischer gsi!
und natürlech het er das gmacht, woner immer macht: ussage/ufzeichnige usem zämehang grisse sine gescht vors gsicht wärfe und sie probiere fertig z'mache. leider (für ihn) het das itz halt mau nid klappt...

[Moff]

ich lueg die sendig susch nöd, kei ahnug öber das immer macht

und ich denke, dass 99.99% vode moslems die brutale site vom koran ned verfolge isch ned eifach nur "schön und guet", es isch absolt entscheidend, und ebe au gnau das, was die thiel überhaupt ned verstane het. stattdesse understricht er mitere chindliche naivität schlimmi stelle im koran und bezeichnet denn moslems als undermensche mit ufklärigsbedarf. es isch effektiv vorpubertärs verhalte und denke.

ich finde de schawinski het sehr recht, dass d'uslegig vo dene heilige schrifte entscheidend isch, denn selbst falls d'bible milder wär als de koran, zeigts doch ersch recht dass'duslegig vom individuum absolut entscheidend isch, wenn sogar das für chrüzzüg, hexeverfolgig etc. glängt het.

de schawinski het au recht, wenner seit, dass damals sklavehaltig halt normal gsi isch unds schlicht selektiv und hassförfernd isch wennmer iets das nur em mohammed achrided. de thiel argumentiert uf das effektiv wieder mitere chindliche naivität mit "aber findsch nöd schlimm? findsch sklaverei guet?"
natürlich gspielti naivität. aber es tüscht ned drüber weg, dassers tatsächlich besser weiss und ebe würklich naiv isch.

i dere art chasch so gue wie jede diskissionspunkt usenand neh vo dem gspräch. de thiel het absolut kei ahnig.

[Herr Rossi]

ich lueg die sendig susch nöd, kei ahnug öber das immer macht

ja, macht er

ich würd mer nid amasse zbehaupte dass de thiel kei ahnig hed, nur will er de schawinski bis ufs bluet provoziert het mit dere vo dir beschribne chindliche naivität.
mer darf nid vergässe dass er en satiriker isch.
de thiel hed welle bim thema blibe, über d sach diskutiere, de schawinski hed welle denunziere (wie immer). de thiel hed die schwechi schamlos usgnützt und isch ruhig blube, Chapeau.
aber das cha nid konschtruktiv sii und guet cho; em schawinski is gärtli brünzle, ui das hed er gar nid gärn. s problem isch daser nid demit cha umgah, und als talkmaster muesch das chönne.
er macht genau s gägeteil vo dem was mer dörft erwarte.

[Mastler(P)]

em schawinski is gärtli brünzle, ui das hed er gar nid gärn. - er macht genau s gägeteil vo dem was mer dörft erwarte.

2 mal schrecklich.

[derinderinderinderin]

Der Rosché isch ihm immer is Wort gfalle wo der Thiel agfange hett argumentiere und überzügend si. Subjektiv hani würklech z Gfüehl dass der Rosché viel meh gredt hett.

#teamthiel