Android Gamepads

[Xinobrax2]

Da ich zimlich vil Emulatore ufem Handy han und d Touchstürig zimlich beschisse isch hani nacheme vernünftige Gamepad gsuecht. S meischte gset nach Schrott us. Am Schluss hani mi na zwüschet em Phonejoy und em MOGA Pro Power müese entscheide.

Ich han mi denn für de MOGA Pro Power entschide. Er het bequemer usgseh und er het na en 2200 mAh Akku drin womer mitem Phone chan connecte zum lade. S beschte Gamepad bringt ja nid vil, wenn de Akku nach 3 Stund leer isch. Usserdem hani sowiso immer gern es paar Power Banks debi. De Controller isch mittlerwile acho und er isch super Lit me oder weniger i de Hand wienes 360 Pad und d Verarbeitig isch hervorragend.


Quelle

Mis Handy ersetzt jetzt mini Handhelds...und via MHL/HDMI Adapter chanis au amene TV/Beamer aschlüsse und als Konsole bruche. Bis und mit N64, NDS, PSX, PSP & Dreamcast lauft alles me oder weniger vernünftig. D Original hani trotzdem au no, irgendwo inere Chiste.

Falls sich also susch na öpert überleit sich es Android Pad zuezlegge, de MOGA Pro Power isch de bescht. Gits bi Amazon für 50$.


Quelle

Btw, Sony & Nintendo setted sich da bald mal was überlegge wenn si i dem Markt au in Zuekunft na wend mithalte...

[Xinobrax2]

De NES30 isch übrigens au na interessant...aber halt nur für 2D Zügs:





Nebst Android chamer de au mit de Wii (U) verbinde...

[Acid]

Chamer denn nid eifach miteme PS oder XBOX Controller daddlä? Diä händ doch au Blauzah?

[Xinobrax2]

DualShock 3/4 gat, muesch aber zersch d MAC via PC go ändere.
360/One hingege verwendet en eigni Frequenz, gat drum nid.
Wiimotes hetmer na bis Android 4.2 chöne connecte, jetzt gats leider nüm.


PS: ich mag d DualShock Controller nid.

[whoopwhoop]

nei sorry du, emus uf android sind huerre beschisse.

[Xinobrax2]

Findi jetzt e zimlich pauschali Ussag...weli hesch usprobiert?

Hesch de SuperGNES mal testet? Sämtlichi SNES Roms laufed perfekt...de Emu holter au grad na d Covers usem Netz, gset alles wunderbar us. Chaschder sogar na en CRT Filter drüber legge wenns bruchsch. NES Zügs lauft sowiso perfekt. De Mupen64+AE isch au super, lauft fasch alles bis uf es paar Usnahme. Chasch sogar na HD Texture lade. Genauso bi de PSX Emus wie ePSXe und FPse. Wennt det s OpenGL Plugin ladsch werded d Spiel in HD grenderet. PlayStation Spili oni Geflimmer und Pixel, isch doch super. De DS Emu Drastic schint usnahmslos alles fehlerfrei abzspile....PSP Zügs lauft mit PPSSPP bis uf wenigi Usnahme au super. Wie chasch da sege si seged beschisse? Also entweder isch dis Handy z langsam oder du hesch die Emus gar nie usprobiert...

Lueg da, ich han ersch grad vor es paar Täg sämtlichi Emus dureprobiert und di beste usepickt:
- Nintendo
- Sony
- Sega

Es funktioniert würklich hervorragend! Klar chamer moralisch es Problem ha demit, aber seb isch denn wider e völlig anderi Diskussion womer da ine jetzt nid schowider müend füere. Da gats jetzt um Android Grät als Gaming-Devices und wie super dases mit em entsprechende Equipment funktioniert.

[PlanetHarrieR]

interessant

[President Evil]

Kann man das Teil auch irgendwo in der Schweiz kaufen?

[Xinobrax2]

Ich hab's leider nirgendwo gefunden....und da's bei Amazon.com grad runtergesetzt wurde hab ich's dort bestellt. Sonst bezahlt man teilweise noch bis zu 80$. Den jetzigen Preis bei Amazon finde ich ziemlich fair wenn man bedenkt, dass dieses Gerät auch noch als Powerbank dient. 75% des 2'200 Akkus können verwendet werden um das Handy oder andere USB Geräte zu laden. Ein Akku für mein Galaxy S4 (2'600 mAh) kostet hierzulande ca. CHF 30, ne Powerbank mit 2'200 mAh kostet um die CHF 40...insofern...

Inc. Porto & Versand habe ich letztendlich ca. CHF 60.- bezahlt.

[President Evil]

macht scho en guete Eidruck! Und Emus sind würklich gut gmacht!

[Xinobrax2]

Bi de Emus chunts halt chli druff a, wasd wotsch spiele. S Retro Zügs lauft glaubs usnahmslos perfekt. Ich han zumindest na keis Spiel entdeckt wo nid lauft. Bi 3D Sache hesch teilwis Fehler i de Darstellig...N64 Emus z.B. chömed bi Expansion Pak Spiel a iri Grenze. Donkey Kong 64 und Majora's Mask z.B. Si laufed zwar, aber d Framerate bricht mengisch chli zeme. S Conker lauft leider au nid fehlerfrei. Bi de PSP Spiel laufed d 3D Sache einiges besser als s 2D Zügs....ufem Dreamcast Emu Reicast laufed no lang nid alli Spiel fehlerfrei. Im Rez z.B. hesch Grafikfehler im Hintergrund.

Aber hey, uf e 64GB MicroSD Charte bringsch es paar tusig Games. Da gits sicher gnueg zum spile. A all dene Emus wird usserdem laufend garbeited und si werded mit jedem Update besser.

S Pad isch uf jede Fall super und chan au i 3 Jahr mit de neuschte Smartphones na verwendet werde.

[Acid]

Han mol probiert mit es paar Emulatorä. Mupen 64, snes9x... Lauft irgendwiä nid so richtig. Also startä und so got guet, aber im game sälber laufts nur halbwegs. Grafik Darstellig schiints z.b. nid würklich packä.

[Xinobrax2]

Probier mal de SuperGNES....de set uf jedem halbwegs aktuelle Smartphone laufe. Für 3D Zügs bruchsch halt chli me Power...was hesch füres Smartphone?

[Acid]

Sony 3z... Also schono rächt aktuell und Leistigsstark.

[Xinobrax2]

Komisch...bi N64 het bi mir bis jetzt nume s Conker umezickt...aber das isch eh en Spezialfall was d Programmierig betrifft. Bi manche Spiel hani no es paar Sache i de Istellige müese apasse aber im grosse und ganze lauft alles prima PSX hingege isch schochli kritischer, det lauft zwar au alles, aber manchi Spiel hend hin und wider mal es paar Grafikfehler drin...

[Acid]

Ah, isch natürlich z3 gsehni grad lol.. Aber ich glaub isch jo klar gsi.

Han eigentlich nu Mario Spili usprobiert... Graut amig diä ganz Grafik us.