VR 2015/16

[The Sheep]

VR wird langsam ächt interessant.

Oculus Rift + Virtuix Omni + Sixense Stem + Feelreal



und natürlich au diversi Konkurränzprodukt:
Sony Morpheus, Microsoft Hololens, Magic Leap

[Xinobrax2]

Ich glaube s HTC/Valve Vive wird interessanter als s Rift und die 3rd Party Controller. Die baschtled mindestens scho genauso lang dra wie Oculus und hends vo A bis Z durchdacht. Präzisi Controller sind mindestens genauso wichtig wie s HMD selber. Oculus het zwar au mal es paar Adütige gmacht wegeme Controller...aber die wend ja nüt verrate und verschiebed laufend de Release. Wobi "verschiebe" ev. s falsche Wort isch wills na nie es Datum gnennt hend....uf all Fäll hends mittlerwile echt gnueg Ziit und Geld verbrate.

Sitem Facebook Deal vo Oculus hani uf e Alternative ghofft...und wenns öpert schafft, denn Valve. Mag si, dass s Rift technisch besser wird....aber wenns erscht 6 - 12 Monet spöter usechunt interessierts mi nüme. Oculus seit andauernd si welids perfekt mache will d Lüt susch wider a VR zwifled wie i de 90er...meine Güte, wer en aktuelle Prototyp vomen Rift, Vive oder Morpheus testet het kriegt de beschti Trip wo oni Droge möglich isch. Das Zügs funktioniert. Kei Sau zwiflet jetzt no dra.

[Gurgelhals]

Ich finds zwar inzwüsche au superspannend, was da chunnt, aber isch das ohni Grafikcharte-Setup mit integriertem AKW überhaupt realistisch? Ich meine s'HTC/Valve-Dings mues effektiv 1080 x 2400 Pixel rendere. Das an sich gaht ja viellicht no (mit ere GTX 970/980). Aber: Was isch mit de Framerate? Bruched so Headsets nöd e stabileri, höcheri Framerate als es normals Display, dass es nöd zu Störeffekt chunnt? Ich meine mal so öppis i die Richtig gläse z'ha und s'HTC/Valve-Dings hätt ja sicher nöd ohni Grund 90Hz. Und Anti-Aliasing isch da au nonig mit igrächnet. Entsprächend chasch das doch zmindescht mit hütiger Hardware für halbwegs aktuelli Spieli ohni öppis SLI-mässigs im PC vergässe, nöd?

Für mich schiints so, dass es zwar e superspannendi Entwicklig isch, aber me als Normalbenutzer besser uf die zweit Generation vo dene Grät wartet (und uf de nörchschti Quantesprung bi de Grafikcharte). Wie eigentlich bi so ziemlich allne neue Produktkategorie im PC/IT-Bereich

[Xinobrax2]

75 FPS sind s Minimum, 90 FPS sind ideal. Genau us dem Grund bringts eh nüt, wenn Oculus jetzt nomal öpis bessers bastled. Di neu Titan X vo Nvidia söll das angeblich schaffe. Mir egal, wenns mues si verwendi eifach 4 Grakas Ich möcht Techdemos und Games für die DInger schribe....obis als Konsument würd chaufe weissi nid....

[The Sheep]

HTC/Valve Vive gseht interessant us, aber Körperbewegig mit Handcontroller isch nid guet gnueg. Das brämst s'Holodeck Feeling wieni bi Oculus Rift festgschtellt han. Sobald die natürliche Bewegige (headtracking) mit unnatürliche (Maus, Joypad etc) fangsch a mische, ischs Übelkeitsgfühl nid wit.

Und ohni witer als zwei Meter in alli Richtige laufe zchönne will mer sunscht d'Wohnigsirichtig gfärdet, wirds sehr igschränkt für VR Awändige. Da findi es ergänzends Produkt wie s'Laufgitter vo Omni zwingend notwändig.
Au Gruchsimulation wird vermuetlich nid enthalte si. Also bruchts no so öppis wie Feelreal.

So wies usgseht chamer sich mit em Valve höchschtens de Sixense Stem spare.

Wele Helm schlussändlich de bescht wird si, isch mer relativ Wurscht. Je mehrs git, deschto besser. Notfalls chaufi au mehreri. Näb der Technik isch sowiso au de Support vode Spielhärsteller nid ganz unwichtig. I möcht nur näbebi bitz defür entwickle. In erschter Linie interessierts mi als Konsumänt.

[Xinobrax2]

Vo Vorteil vo dem Valve HMD isch halt, dasd dich frei im Ruum chasch bewege. Theoretisch chasch au mehreri Rüüm oder e grösseri Halle mit dene Laserdinger usstatte. S Problem isch denn natürlich no d Verkablig aber d Technik an sich isch flexibler.

S Omni isch zwar interessant, aber ich will echt nid mehreri Stund lang i somene Ding umerenne. S Konzept mues na massiv verbesseret werde. Ei möglichkeit wär z.B. zwei flexibli Platte wo sich immer exakt unterhalb vo de Füess befinded und sich im richtige Tempo beweged um s Laufe z simuliere. Uf d Platte selber chömed na Rollbänder um unterschidlichi Untergründ z simuliere. Wise, Stei, Sand. Au de Winkel und d Höchi set flexibel si. Flache Bode, Stigige und selbst e Stäge wär demit machbar. 10 bis 20 Jahr warte und es wird mega

Gruchsimulation isch au interessant, aber das FeelReal Ding chan nur 7 unterschidlichi Grüch. Notwendig wär es System wo me oder weniger in Echtziit Grüch chan mische. No besser wär natürlich es direkts Interface is Nervesystem um di entsprechende Impüls uszsende.

Softwaresupport wirds so oder so gä....und nid usschliesslich us de Spieleindustrie. Au de Film wird i de nögschte 10 Jahr e Renaissance erlebe. Zum eine bisch denn plötzlich zmizt drin im Film und chasch dich frei bewege, zum andere wird aber au de Content flexibler willer in Echtziit mues berechnet werde. Mit anderne Wort, wender en Schauspieler nid gfallt chaschen eifach ustuusche...mit eim wo scho lang tot isch...oder mit dir selber...was au immer.

Games sind halt en guete Istig wills es Medium isch, wo bereits hüt in Echtziit mues berechnet werde....

[PlanetHarrieR]

Noch ein Thread mehr? Wir haben doch schon zwei...

http://thegforum.ch/viewtopic.php?f=51&t=8104" onclick="window.open(this.href);return false;

http://thegforum.ch/viewtopic.php?f=13& ... hilit=helm" onclick="window.open(this.href);return false;

[The Sheep]

I hoff der Omni wird bald usglieferet. Will ändlich Alien Isolation spiele.

[Xinobrax2]

Schoso...s Helm Topic isch für s Rift....s HMD Topic isch für Grät vo unterschidliche Hersteller....und da ine gats wohl ums Gsammtkonzept vo VR. Aber ja...s HMD Topic würd eigentlich lange

[PlanetHarrieR]

Bitte closen bzw. zusammenführen - ich habe keinen Bock, in Zukunft drei Threads abzuklappern... ;P

Nicht bös gemeint, wär einfach praktischer.

[PlanetHarrieR]

Oops, jetzt hab ich selbst noch gepostet - aber darauf wollte ich nochmal antworten: Na ja, kann aber auch gerne in einen der anderen Threads verschoben werden, falls möglich...

Ich finds zwar inzwüsche au superspannend, was da chunnt, aber isch das ohni Grafikcharte-Setup mit integriertem AKW überhaupt realistisch? Ich meine s'HTC/Valve-Dings mues effektiv 1080 x 2400 Pixel rendere. Das an sich gaht ja viellicht no (mit ere GTX 970/980). Aber: Was isch mit de Framerate? Bruched so Headsets nöd e stabileri, höcheri Framerate als es normals Display, dass es nöd zu Störeffekt chunnt? Ich meine mal so öppis i die Richtig gläse z'ha und s'HTC/Valve-Dings hätt ja sicher nöd ohni Grund 90Hz. Und Anti-Aliasing isch da au nonig mit igrächnet. Entsprächend chasch das doch zmindescht mit hütiger Hardware für halbwegs aktuelli Spieli ohni öppis SLI-mässigs im PC vergässe, nöd?

Für mich schiints so, dass es zwar e superspannendi Entwicklig isch, aber me als Normalbenutzer besser uf die zweit Generation vo dene Grät wartet (und uf de nörchschti Quantesprung bi de Grafikcharte). Wie eigentlich bi so ziemlich allne neue Produktkategorie im PC/IT-Bereich

Mit dem Argument müsstest du aber ewig drauf warten. Weil aktuelle Spiele ja immer so entwickelt werden, dass aktuelle Grafikkarten auf einem 2D-Monitor ausgereizt werden (können). Man muss bei VR dann einfach Details etc. ein wenig herunterschrauben - ich weiß nicht warum das so ein Problem darstellen soll. Ich glaube kaum, dass jemand stirbt, wenn in VR jetzt eine Wand neben ihm nicht superdupertolle Details hat, sondern nur mittelmäßige. Der Großteil der Spiele werden doch eh erstmal Projekte mit kleinerem Budget, da hast du eh nicht die extrem fette AAA-Grafik. Viel wichtiger ist doch, dass durch Sichtfeld-Regie, Dramaturgie etc. ein realistisches Mittendrin-Gefühl aufkommt - und das macht das Erlebnis dann idealerweise völlig anders als auf einen statischen 2D-Schirm mit ganz, ganz tollen Grafikdetails und Effekten zu glotzen.

[Xinobrax2]

S wird scho es Problem....oder zumindest werded mal wider d Grenze vo de Grafikengines sichtbar. Für de Konsument gsend aktuelli Spiel nahezu fotorealistisch us....dehinter stecked aber jensti Tricks und nur en Bruchteil devo funktioniert au in VR. Es klassischs Bispiel isch z.B. s Bumpmaping/Normalmapping.



Ufeme 2D Bildschirm isch d Illusion super. In 3D funktionierts nid...das gset denn eifach us als hetsch es Poster uf de Bode klebt. Di eifach Lösig wär Parallax Mapping, wobi d Belüchtig denn eifach us 2 verschidene Winkel berechnet wird. Ideal wär aber Tessellation. Bi de Tesselation wird s Mesh wo d Textur druff lit ahand vonere Heightmap mit echte Vertex erwiteret. Mit anderne Wort, s 3D Modell wird komplexer. D Struktur wird nüme mit Tricks simuliert sondern tatsächlich berechnet. Öpe so:



Es witers Bispiel sind na d Skydomes. Bisher isches üblich, dasmer für de Himmel eifach di ganze Levels ine grossi Chugle tuet und denn e Himmeltextur uf d Innersite vo de Chugle ladet. In 2D funktionierts, in 3D gsets beschisse us willmer d Rundig vo de Chugle gset...



In VR bruchsch es gigantischs Mesh für de Himmel und echti Wulke...also kei Wulketexture uf 2D Planes, sondern 3D Wulke miteme eigne Partikelsystem. Denn gits na so Effekt wie Blurring...bi gigantische Level machsch also eifach s Zügs i de Ferni unscharf...durch das chaschder au d Details spare. Gset nett us in 2D, aber in 3D nervts enorm.

Uf wasi eigentlich use wot....VR brucht nid nur e überdurchschnittlich höchi Framerate für hochuflösendi Displays...au d Spiel selber müend ufwändiger gschribe werde und werded massiv recheintensiver. Churzfristig chamer das alles mit Tricks und Artstyles überdecke...aber längerfristig bruchedmer Hardware wo mindestens dopplet so schnell isch wie das womer jetzt hend. SLI und Crossfire isch uf all Fäll kei Lösig für de Massemarkt.