Datastreaming / Torrents

[Supersonic]

Streame chan inzwüsche ja jedes Idiotegrät. Momentan han ich es WDTV Böxli wo meh oder minder das macht wos sött, nume chotzts mich ah jedes Mal müese d'Festplatte müese upzdate und aazhenke oder de Laptop laufe lah zum Sache luege. Am liebste hett ich eigentlich es Grät wo innerhalb devo chönnted Torrents abeglade werde und permanent ä Festplatte aagschlosse wär. Am allercoolste wärs natürli wenn Serie sogar automatisch abeglade würded mit TV-Shows oder dergleichen. Das im Internet 3874934987 Aagebot git würd mi no interessiere uuf was ihr da ine schwöred und was lässig isch.

Dangg!

[Xinobrax2]

Zum streame schwöri mittlerwile uf Plex. S git zwar einigi Alternative aber Plex lauft direkt nach de Installation oni Gebastel und Codec-Tuning...vorusgsetzt d Hardware isch gnueg schnell. Chasch uf alli mögliche Grät streame....Android, iOS, Browser...mittlerwile gits glaubs sogar Apps für d PS4 und Chnoche. Lokal oder au über s Interweb. D Bitrate wird automatisch ad Bandbreiti apasst wiemers au vo Youtube her kennt. Dezue holtsder no automatisch Covers und Beschribige...und wennt wotsch au no d Untertitel. S Transcoding (Umrechne vo de Bitrate/Uflösig) brucht halt eifach zimlich power. DVDRips sind idR keis Problem, aber für HD Zügs bruchsch scho aktuelli Hardware.

Zum automatisiert abelade isch Torrent ideal....bruchsch halt eifach en Client wo RSS Feeds unterstützt. Ob die Date denn grad no vom Plex erkennt werded lit letztendlich a de Dateiname...wenn die halbwegs vernünftig sind (im entsprechende Ordner mit Staffel-Nummer und Episode-Nummer) sets ga.

[Astroboy]

Chasch viles mache. Paar Sache zum aaluege (ohni Sortierig):

- Plex, immer und überall
- Intel NUC vore TV + NAS
- Rasperry Pi + NAS
- Netflix
- Chromecast (o.ä.)
- Torrent & RSS
- Komplettautomatisierig vo Filme/Serie mit Usenet

[Pombaer]

HTPC und NAS/ext. Festplatte

Ha e Zotac ZBOX mitere SSD und ext. USB 3.0 Festplatte am TV. Windows 8.1 druff installiert. So chani im Internet surfe, chlineri arbeite erledige, Filme/Serie via Filehoster/Torrent abelade/luege etc. Louft perfekt und brucht wenig Strom

[Avenger]

Vieli favorisiere Plex und das isch au richtig. Plex isch sehr geil wenns d Files erkennt. Isch leider nid immer der Fall. Dateie wos nid erkennt tauche nid ir Datebank uf, au nid als "file not recognized" oder ähnlich. Wenn aber nur Mainstream Züg luegsch wirsch mit dem keis Problem ha. Und wenn doch chan ig Air Video empfehle als Ersatz. Isch zwar ds genaue Gegeteil vo Plex (weder Cover no Datebank, eifach nur Dateilistings), aber lauft ebenfalls zuverlässig.

[Xinobrax2]

Was Film und Serie betrifft het Plex bi mir bis uf es paar spezielli Anime alles erkennt. S chunt halt chli druff a weli "Agents" dasd verwendisch und i welere Reihefolg die agordnet sind...und mengisch muesch en Film au manuell zuewise...wener de dütsch Titel nid findet mal mitem englische Titel versueche...wener de au nid finded mal de original Titel neh...und wenn das au nid gat mal mit de Jahreszahl chli umespile...früener oder spöter wirdmer eigentlich immer fündig. Müehsam, aber s gat. Wenn mal öpis gar nid im Plex uftaucht, also au nid unter me falsche Name, denn lits idR a de Ordnerstruktur oder am Dateiname. Alles was korrekt benennt isch, taucht au irgendwo uf...

Problem hani eigentlich nur bi de Dokus...das lit allerdings dra, dases im Netz kei Umfangrichi Doku-Datebank git wo Plex chenti verwende...

[Avenger]

Problem hani eigentlich nur bi de Dokus...das lit allerdings dra, dases im Netz kei Umfangrichi Doku-Datebank git wo Plex chenti verwende...

This. Und obskuri Trashmovies wo eh keine luegt. Und für sörtigi Fäll nimm ich grad der Air Video, do isch es mir ds kompliziert no mit em Plex umedspröble.

[Supersonic]

Spielt Plex au MKV's ab und chas au uuf en Cloudspeicher zuegriife ohni en laufende Computer? Denn ischs en Nobrainer.

[Xinobrax2]

MKV isch es Containerformat drum würdi mal spontan sege s chunt druff a was drin isch...aber bi mir hets bisher alli MKVs abgspillt. Wie meinsch das mitem Zuegriff oni en laufdende Computer. Für Plex gits Server- und Clientsoftware...oni en Server hesch mitem Client au kei Zuegriff uf Files. Du chasch aber ufem Server z.B. es Dropbox Plugin installiere und hesch denn Zuegriff uf d Files...oder du chasch din Client miteme Plex Server vomene Kolleg connecte und Sache luege oni dass din eigene Server lauft. Kei Ahnig ob das dini Frag beantworted....am beschte probiersches eifach mal us...

De Vorteil vo Plex isch halt, dases langsam zumene Standard worde isch...und du chasch eigentlich devo usgah, dass di hüfigschte Wünsch bereits erfüllt worde sind. Entweder vom Plex Team, oder aber vo de Community via Plugin. Tusigi vo Hobbybastler und File-Sammler mached da mit...hesch also gueti Chance dases mit de Standardaforderige klar chunt.

[Astroboy]

Cha dr schüsch mau temporär Zuegriff gä uf mi Plex-Server, de chasch ds mau teste - häbsch mr eifache PN ine. Bruuchsch eifach d'Home Theater Software vo ihne (für nativs Streaming), für Transcoding isch mi Server (no) z'schwach.
Addendum: S'hett no kes Format gä, wo Plex bi mir nid abgspiut hett. Ou "DD TrueHD" bzw. DTS-HD imne MKV funktioniert prima (vo Plex a Receiver ufd Boxe).

[Xinobrax2]

Ah ja...en Nachteil isch übrigens d Backup Funktion...es git keini. Chasch höchschtens manuell d Files go kopiere wo d Struktur speichered. Das gat denn aber au nur innerhalb vom gliche OS. Es Windows Backup isch unter Linux unbruchbar. Isch zwar logisch weg de unterschidliche Dateistruktur aber s nervt trotzdem. Ich switche andauernd zwüschet verschidene OS hin und her und müesst mini Date jedes Mal wider neu ilese. Also wennt Plex wotsch verwende, denn am gschidschte ufeme seperate Rechner/Server/NAS.

[Supersonic]

Thx für alli Inputs! Funktioniert tip top

[zeromeier]

Thx für alli Inputs! Funktioniert tip top

Nas qnap ts451 4gb, bin hochzfriede demit, u.a. Dankem hdmi usgang am grät, plex und kodi läuft beides iwandfrei

[Shadow]

plex forever. für mich halt. han aber en server, mit 6 interne platte und 6 externi lol evtl. müessti mal uf es NAS chaufe oder eifach neui grossi red platte chauffe.

mkv's alles no problem.... mängisch chas es mal ghä dasses was abelad wo nöd lauft (settings uf playability und direct streaming umstelle).... wenn da nix bringt, hani no air video server am laufe, wo immer lauft und wie au bi plex chasch files direkt ufs grät abelade für offline-use.

PS: han es script gschriebe für mini download siit wo alli neue upload streams in jdownloader nimmt und dä started automatisch bim adde. funktioniert zu 99% immer

[Xinobrax2]

Het öper vo euch mal Emby usprobiert? Wie isch?

http://emby.media/" onclick="window.open(this.href);return false;

Vor allem d Kategorie "Games" würd mi interessiere. Was macht die? Streame? Lokal abspile? Mit Emus...?

[Tatsujin]

chli komPLEX