Gamenight Gasel - 14. März 2015

[sidusson]

Ah pc engine o vor ort. Wedr no cd games heit mitnäh

[Genfer]

Bin am schaffe...chan drum nöd cho

[sidusson]

Cha no öpper gc adapter für wiiu mitnäh??

[zeromeier]

Die wuche 30h überziit, kei luscht uf gasel zfahre

[Herr Rossi]

Prioritäte :/

[geosnow]

bi de ganz tag ide berge gxi. bi zmüed. sorry.

[Avenger]

Bi ou wieder wach.

- Der Rotary Controller für mi Jaguar funktioniert, erfolgriich testet
- NES mit RGB isch immer wieder super
- Merci ad Lüt wo si cho
- Merci für die viele Racletteöfeli, hets brucht
- Merci à Kretinou pour le raclette, c'était formidable!

[Herr Rossi]

Schön gsii, nach langer Ziit es paar bekannti und nöii Gsichter

Erkenntnis:

Garou isch nüt für mich
Vil Spass mit de Ouya
Raclette mit Sardelle isch sehr salzig aber super
Em Raw sis Tiramisou isch besser denn je
Berner Polizei isch nett

Danke fürs organisiere, super gsii!

[mr.raw]

lol Berner Polizei isch nett? What happend?

Au vo minere sitte her!! Gamenight isch super...nei, MEH als nur super gsi.
Zum erschte mol fascht nüt mitgschleppt und ich has nid bereut...d erfahrig hett ebbe zeiget kha, dass me meischtens neume tuet aahnesitze und swird es Pad ind Hand drüggt...was natürlich SEHR supler isch!
Dead or Alive 5 hett grocket...ha aber immer no es iibrännts Bild, will dr Nerv en MA...., en MA (wo erscht no nur es Hösli aakha hett) als Fighter gwählet hett. s Game sälber hett mi sehr in Bann zoge, will ich DoA halt eifach liebe. Aber nid emolle gwüsst, dass es scho Teil 5 gitt Muess i mir no iihezieh, denn mit de 3DS Version bini inzwüsche recht bedient und kha fascht Blind zöggle....
Garou isch super, aber kei chance. Momänt..., wenn me bim Tunier s NeoGeo Pad dörfti bruuche (was ich snöggschte mau au tue mitbringe)...denn wirds SEHR interessant hehe! Mit em Board bini eifach himmeltruurig unterwägs.
Raclette voneme richtige Raclette Ofe isch halt scho es erläbniss und gschmacklich halt XXL FoodPorn! Viele liebe Dank für das HammerRaclette!
-Super gsi, wieder vieli vo Euch zgseh! Halbe Schock ab em Gatchan kha!
-RGB NES...eifach numme
-Super Location - am Doc nomol es fetts Merci fürd Iiladig
-MarioKart 8 hett grocket - Smash Bros hett mi fertig gmacht. Ich has zwar deheime, aber nie gspielt...immer nur d 3DS Version in de Finger kha...und das isch halt scho komplett anderscht als d WiiU Version.
Also Graphisch uff de WiiU - Respekt!

Freu mi extrem uff die nöggschti GN!

[Reinforced]

super sött ou wiedermau cho es het ja sogar e moonliner ab gasel

[sidusson]

ja merci ou a aui wo si cho, isch gemütlich gsi!

dänke aber fürs nächste mau föhmer ab de 12i a u höre bizitte widr uf, de isches nid so hert für die aute manne bis id nacht ds zocke :p

btw:

http://www.challonge.com/gasel" onclick="window.open(this.href);return false;

Fetli:

https://www.flickr.com/photos/meidocafe ... 949044780/" onclick="window.open(this.href);return false;

[Master(G)]

flickr link gaht ned...

[mr.raw]

https://www.flickr.com/photos/meidocafe ... 949044780/" onclick="window.open(this.href);return false;

[Reinforced]

garou sitt bald 15 jahr es berner gn markezeiche

[geosnow]

isch das de gatchan?

[mr.raw]

isch das de gatchan?

Halbe Schock ab em Gatchan kha!

[sidusson]

grosses kino gsi! ou dr kretinou

[Master(G)]

welles isch de kretinou?

[Herr Rossi]

Le Grand

[Kretinou]

Je suis Kretinou


Vor raclette ofli mit messer

[geosnow]

isch das de gatchan?

Halbe Schock ab em Gatchan kha!

hät er e diät gmacht?

[Avenger]

Bi mer hüt es Racletteöfeli go poschte und ha grad e Ladig Chäs verschnabuliert.

Raclette

[damian]

schad hani nöd chöne cho.

dä gatchan hani ja ewigs nümm gseh, ich hanen nöd emal me erkännt uf dä föteli. isch är dä mit grauem vollbart und rote kaputzepulli?

au dä dax. ewigs nümm...

[Master(G)]

Je suis Kretinou


Vor raclette ofli mit messer

[Shadow]

dr gatchi ja... krass...

lueg da isch er no in junge jahre (2001)