The Walking Dead (aktuell S9)

[zwirrlibatz]

i dere serie stärbe fasch nume die suprige. isch wohl de kniff zum eim bi de schtange zbhalte, will so alles immer jederziit müglich schiint.

bi rick, darryl und carol würds mich aber scho gar überrasche.

[Xinobrax2]

Naja, de Rick chent sich i de letschte Folg ja no imene heorische Akt für sini Chind opfere....

[TypeJ]

wenns de darryl butzt, luegi nüme!!!

[Xinobrax2]

Hüt Nacht gats witer

[mousch]

Bin ich dr einzig wos überhaupt nümm spannend findet? richtig schlecht ischs worde hani ds gfühl...

[mastercello]

E09/10 sind also rächt schnarch gsi, hesch leider rächt.
Wird wohl jetzt für die letschte beide Episode weder azieh, hoffentlech.

[Master(G)]

E09/10 sind also rächt schnarch gsi, hesch leider rächt.

[Xinobrax2]

Schnarch will niemert gstorbe isch? S isch e melancholischi Folg miteme ungwüsse Liechtblick am Endi. Alles super

[mastercello]

Jo, das bestrittet au niemmer - aber spannend esch es ned gsi.

[zeromeier]

Schnarch will niemert gstorbe isch? S isch e melancholischi Folg miteme ungwüsse Liechtblick am Endi. Alles super

This

[zwirrlibatz]

s'hett chli gschwankt i de letschte folge aber jetz mit de neuschte folge versprichts wieder viel. isch halt chli s'problem, e wäg sich sälber scho zwungnermasses iigschränkts konzept am läbe zbhalte ohne repetitiv wärde.

[Xinobrax2]

Endlich wider chli Action und es paar Toti

[Master(G)]

jup, guet isch es gsi! ändlich... jetzt bricht denn d'höll los ide nöchschte episode!

[Asskicker]

Alle Zombies lieben Chris

[zwirrlibatz]

Guet isch dass de neu "Refuge" (vermuetlich) nöd böser isch als er schiint, sondern dass Unheil entstaht will die vo det eifach zdumm sind. Komisch isch dass d'Rick Gang die so weni usfrööge. Sinds würkli nie breached worde? Und werum grabt nie öpper en 10 Meter breite und tüüfe Grabe um so en Ort? Züün sind für nüt, sött öppe jede wüsse.

[Xinobrax2]

Nögscht Wuche isch s Season Finale und de Titel vo de Episode verspricht Action. Was mich allerdings chli aschisst isch, dases für d Season 6 nonig mal es Datum git.
Das heisst mal wider mindestens 7 Monet Warteziit für d Helfti vo de nögschte Staffle und witeri 4 Monet für de Rest...und denn wider vo vorne für d Season 7...die Serie isch wahrschinlich i 3 Jahr nonig fertig...

[Xinobrax2]

Und fertig, 2 sterbed

Btw, The Talking Dead: http://www.amctv.com/full-episodes/talking-dead" onclick="window.open(this.href);return false;
Het es paar gueti Interviews.

Und da no de Trailer zum Spin Off:


Quelle

[Master(G)]

Nögscht Wuche isch s Season Finale und de Titel vo de Episode verspricht Action.

U_HUUUERE_ACTION isches gsi



aber ja, schlächt isches ned gsi...

[Xinobrax2]

Fair, de Takeover isch überraschend diplomatisch gsi....

[zwirrlibatz]

Zum Glück. En dumme (und -zigschti) Bättel wär rächt dumm gsi und hätti überhaupt nöd zu Dynamik und Psyche vo Alexandria passt. Viel intensiver gsi eso mit de Spannige uf de Charakterebene. Das macht e Serie zu einere für Erwachsni. Die letschte 15min mit de Parallelsträng sind es Meischterstück gsi. Gitt dänn eh wieder gnueg Gebrüll und -baller mit de Wooohooo Gang.

[Asskicker]

d Wölf werde weniger ballere und me falle und mässer bruche, glaub mer
Nächscht season wird heftig, hoffentlich verlürt de Carl ändlich sis aug!

[Xinobrax2]

Ich hol das Topic mal zrugg vo de Tote

Fear the Walking Dead, JETZT, Amazon Prime und Pirate.

[Xinobrax2]

Leider chli churz für en Pilotfolg. Qualitativ isches klar unter the TWD, sofernmer das nach einere Folg überhaupt chan beurteile. Währen TWD d Charaktere über mehreri Staffle hinweg ufbaut, wird bi FTWD bereits i de erste Folg es Familiedrama skizziert. Susch isches aber super, vo de Timeline her churz nachem Usbruch vom "Virus".

[derinderinderinderin]

Bisher isches ziemlech schnarchl0r. Viel längwieliger hätte sie der Usbruch nid chönne inszeniere.

[Xinobrax2]

Drum het de Pilot e Doppelfolg sele si...weni richtig zellt han sind bislang nur 3 Zombies vorcho...de "Usbruch" im Sinn vo totalem Chaos chunt wohl ersch i de 2. Folg