zahlsch billag?

[Xinobrax2]

Wie gseit, d Frag isch unabhägig vo de Billag und SRG. Ich han si eher allgemein mal in Ruum gstellt...

Mitem Onlineagebot hani überhaupt keis Problem...nur gäbs det denn halt ganz anderi Möglichkeite für d Finanzierig. Vom komplette Programm zu einzelne Sendereihe oder gar einzelne Sendige. Weni mir d Ischaltsquote so aluege gits eh nur es paar wenigi Sendige wo tatsächlich vomene grosse Teil vo de Bevölkerig gluegt werded...de ganzi Rest chented si sich doch spare...

[Moff]

es gaht ja um de inhalt, und ned drum öbmer iets würklich na en tv het oder es radiogrät oder beides streamt. vo dem her glaub ich ja wirds die inhalt wo vode billag finanziert werde au i 20 bis 30 jahr na geh. und wennmers denn chan per account oder whatever löse chamer das denn au sinnvoll ändere. aber iets im moment und na en überschaubari zit lang findis sinnvoller wennmer de spionage seich vode billag abschafft, eifach alli belastet und defür de pris senkt. dass das ufem rugge vo dene 5% passiert wo im moment nüt zahled muemer debi natürlich akzeptiere.

[Xinobrax2]

Ach...kei Ahnig warums mi überhaupt ufregt...ich zale so oder so nöd

[Gurgelhals]

@Rest: Ez mal unabhängig vo de Billag und de SRG. Wo gsend ihr Radio und TV i 20 - 30 Jahr? Isch das es Medium wo set bewahrt werde oder verlürt di ganz Finanzierig irgendwenn sowiso iri Legitimation? D Frag isch letztendlich nid, ob ihr au i 20 Jahr no wend TV luege, sondern ob di kommend Generation sich das ebefalls wird agwöne...

Ich bin grundsätzlich & us staatspolitische Gründ defür, dass es so öppis wie öffentlich finanzierti (Rundfunk-)Medie sött gä. Natürlich chan me sich fröge, werum usgrächnet Radio & TV und werum z.B. kei Ziitige oder ebe kei Internet-Medie. D'Antwort da druf isch an sich rächt banal: d'Gründigsziit. D'Ära vom Radio und vom Färnseh fallt halt zäme mit de Ära, wo so "grossi" staatlichi Infrastruktur- und Serviceprojekt vo SBB über SRG zu AHV politisch machbar gsi sind. 150 Jahr früehner hett me stattdesse wohl vier öffentlich finanzierti Ziitige i de vier Landessprache ufzoge und wänn me d'SRG hütt würd gründe, wär viellicht s'Internet ihres Hauptmedium.

Aber ja: Wänn me en öffentlichi Medieanstalt us grundsätzliche Überlegige bejaht, dänn isch eigentlich klar, dass die ihres Agebott laufend am technische Fortschritt apasse sött, sprich: es brucht wohl e mittel- bis langfrischtigi Verlagerig uf anderi Kanäl als Radio & TV. Würd ich zmindscht spontan mal säge. Wär natürlich no interessant z'wüsse, wie effektiv d'TV- und Radio-Ischaltquote vo hütt gägenüber vor 20, 30, 40 Jahr usgseht.

[Gurgelhals]

Weni mir d Ischaltsquote so aluege gits eh nur es paar wenigi Sendige wo tatsächlich vomene grosse Teil vo de Bevölkerig gluegt werded...de ganzi Rest chented si sich doch spare...

E reini Orientierig a de Quote würd aber ebe genau nöd am gsetzliche Uftrag entspräche, wo d'SRG vom Bund hätt. Über d'Inhält und d'Qualität chan me sich immer striite (persönlich würd ich glaubs vom ganze SRG-Agebott maximal viellicht s'Echo der Zeit in Aspruch näh welle, aber sogar das los ich nume sehr sälte bis eigentlich gar nie), aber i däre Beziehig isch de Programmuftrag vom Bund doch sehr klar und dütlich.

[Xinobrax2]

Weni mir d Ischaltsquote so aluege gits eh nur es paar wenigi Sendige wo tatsächlich vomene grosse Teil vo de Bevölkerig gluegt werded...de ganzi Rest chented si sich doch spare...

E reini Orientierig a de Quote würd aber ebe genau nöd am gsetzliche Uftrag entspräche, wo d'SRG vom Bund hätt. Über d'Inhält und d'Qualität chan me sich immer striite (persönlich würd ich glaubs vom ganze SRG-Agebott maximal viellicht s'Echo der Zeit in Aspruch näh welle, aber sogar das los ich nume sehr sälte bis eigentlich gar nie), aber i däre Beziehig isch de Programmuftrag vom Bund doch sehr klar und dütlich.

Ja klar, das isch e bewusst provokanti Ussag gsi. Aber das mit de Minderheite isch halt au wider sone Sach...lueg, mis Unterhaltigsprogramm vo geschter gset z.B. folgendermasse us:

- PC Perspective Podcast
- Tech Talk Today
- TechSNAP
- TekThing
- This Week in Computer Hardware

Warum? Ich interessiere mich für Technologie und d SRG produziert kei einzigi Sendig wo inhaltlich au nur annähernd a die obe gnennte ane chunt. De gsetzlich Uftrag chan d SRG doch interpretiere wie si will...und genau das macht si au.

[Gurgelhals]

Über Techsändige staht au nüt im Gsetzesuftrag

An erster Stell staht halt de ganz Föderalismus-Kram, sprich: inhaltliche Fokus an erster Stell mal uf d'Schwiiz, alli drü Amtssprache abdecke, Verständnis und Zämehalt under de Landesteil fördere, usw. Natürlich interessiert's mich au nöd, wänn d'SRG umfassend über s'Schwingerfest brichtet, aber ich gsehne glich i, werum sie's macht bzw. mache mues. Technik wird wohl im Rahme vom Dokfilm-Programm (also im Prorammuftrag de Teilbereich "Bildig") abdeckt, aber logischerwiis chan sie das nöd uf eme Niveau und i eme Umfang mache, mit dem du als e "Person vom Fach" chönntsch öppis afange. D'SRG macht halt wie e Tagesziitig es "Allround-Programm" und wänn me zu eim Teilbereich meh will wüsse, gitt's d'Fachpräss.

[feeshlee]

trotzdem dänki, dass d'masse abgolt wird. sonig wie du gits vilich 23 ide ganze schwiiz.
aber du häsch rächt: schwiizer tv luegi, wänn sport sändige laufet: fuessball, motogp und es bizzeli f1. und ganz sälte mal e tagesschau oder en film. also en huufe nöd.

[Xinobrax2]

Ich gsene au i warums so isch wies isch...ich wills nur nid mitfinanziere

[Gurgelhals]

Ich gsene au i warums so isch wies isch...ich wills nur nid mitfinanziere

Tuesch du ja au gar nöd, also Schnurre hebe

[feeshlee]

ich weiss nöd, warum genau bi däm service sones gschiss gmacht wird wägem verursacherprinzip. ich zahle stüre für zig sache, woni chönt nutze, es aber nöd mache. warum zum geier sött ich für tv-inhalt, woni evtl. nöd konsumiere, nöd au min biitrag leischte, wänns da no anderi git, wo das evtl. konsumiered?

mit stürgälder wird so vieles gmacht, wo ich nöd mal mitkriege, aber irgendwo git eine, wo was devo hät. imene sozialstaat, wi eusem, sött das bimene thema, wos um es paar hundert fränkli gaht, würkli nöd sones rieseding gmacht werde.

ich han so en ahnig, wo bi dä meischte dä schueh truggt: wenn das agnoh wird, weiss niemerd wie lang es gaht, bis die gebühre, wo jetzt scho rächt höch agsetzt sind, mal schnell erhöht werded. und wänns mal drinn isch, wirds verdammt schwierig, was dägege z'unterneh.
s'volk isch ja schomal vom staat verarscht worde: 'mi mached jetzt mehrwertstüür und defür nähmemer dänn mal d'bundesstüür wäg. jaja.'
wänn natürlich sonig prezedänz-fäll häsch, dänn überleischder zweimal, ob namal wotsch riskiere vom staat in wertischte gfiggt z'wärde.

[Acid]

Wie gseit, d Frag isch unabhägig vo de Billag und SRG. Ich han si eher allgemein mal in Ruum gstellt...

Mitem Onlineagebot hani überhaupt keis Problem...nur gäbs det denn halt ganz anderi Möglichkeite für d Finanzierig. Vom komplette Programm zu einzelne Sendereihe oder gar einzelne Sendige. Weni mir d Ischaltsquote so aluege gits eh nur es paar wenigi Sendige wo tatsächlich vomene grosse Teil vo de Bevölkerig gluegt werded...de ganzi Rest chented si sich doch spare...

Naja... Bisch halt immerno ufem Verursacherprinzip Dampfer, und das isch halt eigentlich nid s Konzept und d Idee.
VoD, Abos etc. gits jo i de Privatwirtschaft, aber das isch jo ebä genau nid was d SRG isch und sii Söll. Das isch genau das um wases ebä nid god. Es god nid um sich selber tragendi Produktion.

Und öb d Ischaltquote im Vordergrund sölled stoh oder nid isch halt en philosophischä Konflikt wo sich aber wohl chum lösä lohd.

Was aber natürlich dur d Tatsach dass alles is Internet gohd ganz sicher no e härteri Debattä mues sii, isch öb d SRG sich nid will uf eigeproduktionä beschränkä, will ebä all diä Film und TV Seriä wo jetzt e huufä Sändeplatz, und wenn wohl au nid s meischte aber trotzdem viel Cholä in Aspruch nähmed ebä im Internet au i vilnä andere Forme verfüegbar sind, unds jedä chan luege wo will. Das wär miner Meinig no e richtigä Asatz.

ich weiss nöd, warum genau bi däm service sones gschiss gmacht wird wägem verursacherprinzip. ich zahle stüre für zig sache, woni chönt nutze, es aber nöd mache. warum zum geier sött ich für tv-inhalt, woni evtl. nöd konsumiere, nöd au min biitrag leischte, wänns da no anderi git, wo das evtl. konsumiered?

mit stürgälder wird so vieles gmacht, wo ich nöd mal mitkriege, aber irgendwo git eine, wo was devo hät. imene sozialstaat, wi eusem, sött das bimene thema, wos um es paar hundert fränkli gaht, würkli nöd sones rieseding gmacht werde.

ja, ebä, Stürgälder und "paar hundert Fränkli". Siehe min letschtä Biitrag.

ich han so en ahnig, wo bi dä meischte dä schueh truggt: wenn das agnoh wird, weiss niemerd wie lang es gaht, bis die gebühre, wo jetzt scho rächt höch agsetzt sind, mal schnell erhöht werded. und wänns mal drinn isch, wirds verdammt schwierig, was dägege z'unterneh.
s'volk isch ja schomal vom staat verarscht worde: 'mi mached jetzt mehrwertstüür und defür nähmemer dänn mal d'bundesstüür wäg. jaja.'
wänn natürlich sonig prezedänz-fäll häsch, dänn überleischder zweimal, ob namal wotsch riskiere vom staat in wertischte gfiggt z'wärde.

Und d MWSt. isch jo eigentlich au uf e sehr churzi Zit usgleit gsi, und jetzt hämmersi scho lang und isch au scho höcher (allerdings wemers mit anderne Länder vergliiched immerno herrlich tüüf).
Drum chönds de Fernseh wohl au nid i d Bundesstüür neh, will denn plötzlich e debattä um d Bundesstüür usbricht.

Ich find eifach mer müsst de Seich mol wieder chli ufruumä und übersichtlicher machä.

[feeshlee]

zum ufrume und übersichtlicher mache brüchts en staatstreich
dänn doch lieber filz

[Acid]

zum ufrume und übersichtlicher mache brüchts en staatstreich
dänn doch lieber filz

Ja, do hesch villicht gar nid unrächt, das isch glaub s Grundsatzproblem womer chli dra z naggä händ. Ich chum halt irgendwiä nid drum umä mir d Naivität welä z bhaltä, z glaubä dassmer au suscht söttet dezuä fähig sii, aber ebä...

[XYBOT]

es mösst alles nach demand sii, ich zalle 400 stutz im jahr für genau gar nüt, ich luege kei tv und löse kei radio... s programm isch übelst langwilig und bünzli mässig vertrottlet, richtig schäme mues me sich...

[Xinobrax2]

Ich gsene au i warums so isch wies isch...ich wills nur nid mitfinanziere

Tuesch du ja au gar nöd, also Schnurre hebe

S git zrotzdem e Mahnig und denn e Buess woni letztendlich bimene Tagessatz vo 100.- uf Staatchöschte dörf go absitze....und weni denn im Knast sitze luegi chli TV willmer det susch nüt chan mache.

es mösst alles nach demand sii, ich zalle 400 stutz im jahr für genau gar nüt, ich luege kei tv und löse kei radio... s programm isch übelst langwilig und bünzli mässig vertrottlet, richtig schäme mues me sich...

[Acid]

Ich glaub wemer d Diskussion i dem Thread chli aluegt, wüssemer wieso dasses kei besseri Lösig geh hed bis jetzt lol

[Gurgelhals]

s programm isch übelst langwilig und bünzli mässig vertrottlet, richtig schäme mues me sich...

Passt doch zu de Schwiiz. I dem Sinn: Programmuftrag voll und ganz erfüllt

[Herr Rossi]

sonig wie du gits vilich 23 ide ganze schwiiz.

Also ich, de Xino, 2 Kollege und no 19 anderi?

[Avenger]

Merci xino für d Podcasts. Muess i mir mol alose.

Mer chas ou so gseh: für e fixe Betrag pro Jahr so viel srg Inhalte konsumieren wie ne wott. Aber erst wenns 300 pro Jahr kostet oder weniger.

[Xinobrax2]

Merci xino für d Podcasts. Muess i mir mol alose.

Das isch nur mis Donstigs-Programm Morn gits Linus Tech Tips und c't uplink
Da hets no es paar me: http://thegforum.ch/viewtopic.php?f=51&t=9290" onclick="window.open(this.href);return false;

[Gurgelhals]

Ah ja, wänn d'SRG ab jetzt jedes Jahr e neui Staffle Güsel bringt, dänn lohned sich die 400.- pro Jahr eigentlich scho

[zwirrlibatz]

Ich bin grundsätzlich & us staatspolitische Gründ defür, dass es so öppis wie öffentlich finanzierti (Rundfunk-)Medie sött gä.

Es isch trüürigscht, wie das nöd jedem klar isch. Au wie dass es jedem z'guet chunnt, vo de Programmvielfalt und de Unabhängigkeit her (mir sind ja nöd in Wiissrussland oder Nordkorea, wo gschiider privati Guerillamedie wünschenswert wäre). Und dass die Dumme i ihrer Churzsichtigkeit kän Grund gsehnd das mitzträge. Aber ebe wie scho gschriebled: "was kümmert mich was mich nöd diräkt und bewusst betrifft". Müüühüüü muess für öppis Zahle müühüühüü.

Isch ja nöd eso dass ich mit em SRG Agebot zfriede wär. Sie nööchere sich im Unterhaltigssektor immer meh em RTL Niveau ah und die intern Sportlobby schiint 90% vo de Redaktion uszmache und die letscht gschiid Musigsändig hett's i de 80er gäh und ersch no nume ufem Wälsche. Aber trotzdäm.

Ah ja, wänn d'SRG ab jetzt jedes Jahr e neui Staffle Güsel bringt, dänn lohned sich die 400.- pro Jahr eigentlich scho

losed übrigens http://www.piratenradio.ch" onclick="window.open(this.href);return false;

[zwirrlibatz]

aber ebe gell, s'gaht jetz um d'Abstimmig und dadrbii nödemal primär um d'SRG:

Am 14. Juni wird über das neue Radio- und Fernsehgesetz (RTVG) abgestimmt.

• Die kleinen Radios der Schweiz erhalten mehr Geld! (Die SRG übrigens nicht!)
• Es gibt mehr Geld für Aus- und Weiterbildung in Lokalradios!
• Der Service Public in den Regionen wird so erhalten und gestärkt!

[Gurgelhals]

Es isch trüürigscht, wie das nöd jedem klar isch. Au wie dass es jedem z'guet chunnt, vo de Programmvielfalt und de Unabhängigkeit her (mir sind ja nöd in Wiissrussland oder Nordkorea, wo gschiider privati Guerillamedie wünschenswert wäre). Und dass die Dumme i ihrer Churzsichtigkeit kän Grund gsehnd das mitzträge. Aber ebe wie scho gschriebled: "was kümmert mich was mich nöd diräkt und bewusst betrifft". Müüühüüü muess für öppis Zahle müühüühüü.

Passende Artikel dezue: http://www.watson.ch/Front/articles/938 ... -Spiessern" onclick="window.open(this.href);return false;