zahlsch billag?

[zwirrlibatz]

super die antischattewurfegosspiesser brüeled dänn scho no wenns huutchräbs händ. und kk prämie ufegöhnd.

[zwirrlibatz]

früehner hett me de linke staatskritiker xeit sie sölle sich uf russland verputze, hüt muess me's dene trottel säge.

[feeshlee]

Es isch trüürigscht, wie das nöd jedem klar isch. Au wie dass es jedem z'guet chunnt, vo de Programmvielfalt und de Unabhängigkeit her (mir sind ja nöd in Wiissrussland oder Nordkorea, wo gschiider privati Guerillamedie wünschenswert wäre). Und dass die Dumme i ihrer Churzsichtigkeit kän Grund gsehnd das mitzträge. Aber ebe wie scho gschriebled: "was kümmert mich was mich nöd diräkt und bewusst betrifft". Müüühüüü muess für öppis Zahle müühüühüü.

Passende Artikel dezue: http://www.watson.ch/Front/articles/938 ... -Spiessern" onclick="window.open(this.href);return false;

dä andrea caroni isch immer a eusi magic turnier cho. er isch sogar ziemli guet gsi.

[Xinobrax2]

Wemer de Lüt git was si wend heisst das no lang nid, dasene das z guet chunt Churzsichtig...bim Zwirli gsetmer z.B. na guet was für Trottel debi usechömed.

[Jones]

mi sänf derzue:
ob meh es staatlech finanzierts tv brucht isch ei frag. bini grundsätzlech nid dergäge. (d'frag vor objektivität isch allerdings e anderi wenn meh luegt, was füre "chopf" ar spitze isch)

wie dass d'finanzierig vo statte geit, isch aber bullshit hoch 10! für was bruchts die schei.... billag? wieso nid eifach über stüüre? die firma isch unnötig und macht denn no es gheimnis über d'gschäftszahle... chas ja nid si!

es git ja o ke firma, wo geld itriebt, zum strasse boue, e firma wo geld itriebt zum dr ghüder isammle und eini wo geld itriebt zum d'füürwehr z'zahle. das zahlt dr staat direkt und darum söu er o dä si, wo z'geld itriebt.

[zwirrlibatz]

Wemer de Lüt git was si wend heisst das no lang nid, dasene das z guet chunt

Also werbigfinanzierti Medie wo sich konsequänterwiis strikt nach em chliinschtgmeinsame Massegschmacksnänner richte müesse. Hett da ine irgendöpper öppis i dere Richtig propagiert?

Churzsichtig...bim Zwirli gsetmer z.B. na guet was für Trottel debi usechömed.

hmmm... vilech gisch usnahmswiis e Erchlärig drzue statt nume wie immer töibele und beleidige wenn dir es Thema z'komplex und dini Asicht nöd ganz zu 100% teilt wird?

[Gurgelhals]

wie dass d'finanzierig vo statte geit, isch aber bullshit hoch 10! für was bruchts die schei.... billag? wieso nid eifach über stüüre? die firma isch unnötig und macht denn no es gheimnis über d'gschäftszahle... chas ja nid si!

es git ja o ke firma, wo geld itriebt, zum strasse boue, e firma wo geld itriebt zum dr ghüder isammle und eini wo geld itriebt zum d'füürwehr z'zahle. das zahlt dr staat direkt und darum söu er o dä si, wo z'geld itriebt.

Staht wiiter vorne im Thread: D'Medieabgab wird pro Hushalt/Betriib erhobe, Stüüre hingäge pro Chopf. Offebar chunnts drum günstiger, die Gebühr wiiterhin über e zrächtgstutzti Billag iztriibe, als da probiere das irgendwie via Bundesstüür z'verrächne (es isch aznäh, dass d'Bundesverwaltig die Variante sicher mal duregrächnet hätt).

Lüchtet mir spontan scho i. En Abrächnig pro Hushalt / Betriib gängt susch wohl nume über d'Elektrizität- & Wasserrächnig und det häsch dänn defür de horrormässigi Ufwand, das alles mit de 349587934875345 verschiedene Elektrizitäts- und Wasserwerk i de CH müesse z'koordiniere.

[Jones]

dennoch bruchts für das ke firma. das chönnt meh andersch löse. und WENNs e firma macht, denn bitte transparänt!

[Xinobrax2]

Wemer de Lüt git was si wend heisst das no lang nid, dasene das z guet chunt

Also werbigfinanzierti Medie wo sich konsequänterwiis strikt nach em chliinschtgmeinsame Massegschmacksnänner richte müesse. Hett da ine irgendöpper öppis i dere Richtig propagiert?

Churzsichtig...bim Zwirli gsetmer z.B. na guet was für Trottel debi usechömed.

hmmm... vilech gisch usnahmswiis e Erchlärig drzue statt nume wie immer töibele und beleidige wenn dir es Thema z'komplex und dini Asicht nöd ganz zu 100% teilt wird?

S Thema isch nid mal asatzwiis komplex. Im Prinzip isches doch recht simpel...und nim das doch bitte nid so ernst

Lueg, manchi Lüt sind der Asicht, dass d SRG es qualitativ hochwertigs Programm liferet und die sind natürlich au der Meinig, dasmer das Programm kollektiv set finanziere. Anderi hingege finded s Programm miserabel und konsumiereds sowiso nid...logisch wend die nüt zale. Die wo sowiso TV lueged und Radio losed verglicheds mit de private und stelled fest, dass s Programm na recht guet isch. Die wos nid lueged und losed sind wohl zumene grosse Teil die wo nur no im Netz unterwegs sind und die stelled fest, dass s Programm zimlich schlecht isch. Obs guet oder schlecht erschint hängt im wesentliche devo ab womitmers verglicht...

Bi anderne öffentliche Dienst sind d Vorteil idR zimlich offesichtlich. Selbst weni kei Strasse verwende provitieri devo, dass anderi si chönd benutze. Selbst weni fasch kei Abfall produziere provitieri devo daser regelmässig bi allne besitigt wird....selbst bi de subventionierte SBB gseni Vorteil. Manchi hend chli weniger Stau und anderi chömed demit zur Arbet...und und und....

Und denn hemer no die vertrottlet SRG...manchi würded sege si erfülled en gwüsse Bildigsuftrag, anderi würded eher sege dases glichgschalteti Vollpföschte hervorbringt. Glichgschaltet in unterschidliche Facette natürlich...öpis für di Linke, was für di Rechte, nochli Liberals Geblubber mitere Priise Grüen....und egal weles Thema grad besproche wird mer weiss scho im Vorus wie d Diskussion wird verlaufe will eifach immer wider s gliche Ping Pong gspillt wird.

Letztendlich spillts kei Rolle ob s Programm ez guet isch oder nid. Tatsach isch doch, dass sich d Lüt nid einig sind und das setmer so akzeptiere. Dene wos nid konsumiered sets so eifach wie möglich gmacht werde us dem ganze Zügs uszstige und letztendlich sind alli chli zfride....wenn das zu finanzielle Problem füert chönds ja mal uf es paar Spielfilm und Serie verzichte wo ja sowiso glichziitig no uf 2 andere Sender laufed und jederziit bi Netflix verfüegbar sind.

[Acid]

du ignoriersch allerdings jetzt eifach immer dass dini Argumentation für öper wo ebä de Meinig isch dasses es geminschafftlich vo allnä finanzierts Medium brucht überhaupt kein Sinn macht.

Das was du seisch isch guet und rächt, wemer für d Abschaffig vo derä Finanzierig isch. Aber mer chan ebä au do scho grundlegend anderer Meinig sii, nid nur bim Programm.

S Modell und d Grundsatzfrog sind zwei verschiedeni Sachä, do chamer no lang anenand verbie redä.



Und wenn,er erfahrä mues dass Lüt so Watson Artikel wo so Blödsinn drin stohd tatsächlich super findet, macht d Sach no viel komplizierter alsi isch

[Herr Rossi]

150.- pro Jahr für Basisagebot wie Tagesschau, Club, Kunst & Kultur Sändige etc.
Für Sport, Serie, Film etc. zahlt mer zuesätzlich. Jede zahlt öpis UND es isch verursachergrächt.

[Xinobrax2]

Ich ignoriers wilis zimlich irrelevant finde...ich frag doch nid de Süchtig ob sin Stoff vo de Allgemeinheit sell finanziert werde

Wenns drum gächt Gigabit i sämtlichi Hüser z zieh wäri wahrschinlich impulsiv au defür obwohl das manchi Lüt nid würded welle zale will si gar kei Internet bruched. Dases nid fair isch würdi denn möglicherwis zimlich kreativ ignoriere. Trotzdem würdi dene wos nid wend e Möglichkeit zuegestah um oni vil Ufwand usem Programm uszstige. Ok, de Verglich hinkt...sell nur heisse dasi d Argumentation chan navollzieh...nur wird si durch das halt nid plausibler.

[Acid]

Ja...weiss halt au nid wiemer do zum Punkt söll cho.

Ich mues kein Heroinabhängigä Sii zum d Heroinabgab dur Ärzt a Süchtigi für es gsellschaftlich Sinnvolls Projekt z haltä (um bi dim eigentlich unpassende Bild z bliibä).

Du ignoriersch ebä nid dass es e anderi Meinig gid, sondern du setzisch vorus dasses kein andere Asatz gid. Sälbscht i dim Bispiel wo söll zeigä dass d Argumentation verstosch bliibsch bim vo dir gwählta Asatz. Und das macht halt schwer de Sinn inere Usenandersetzig zgseh, will wemer grundsätzlich vo verschiedene Asätz usgohd das aber nid anerkennt redetmer grundsätzlich anenand verbie.

Und denn chamer ewig drüber stritä.

[Xinobrax2]

Und was wär de alternativ Asatz...?

[Herr Rossi]

Es zitgmässes Finanzierigsmodell wo e Grundgebühr und Pay TV kombiniert. Setzt natürlich vorus das mer die idiotisch höche Salär bi de SRG mol überdänkt (ja si sind unverschämt höch)

[Xinobrax2]

Klar, hani ja au selber scho gschribe...d Frag isch nid weli Alternative vorstellbar sind sondern weli Alternative jetzt ufem Tisch ligged...

[Gurgelhals]

Klar, hani ja au selber scho gschribe...d Frag isch nid weli Alternative vorstellbar sind sondern weli Alternative jetzt ufem Tisch ligged...

Keini, will mer weder über de Programmuftrag vo de SRG abstimed, no über d'Tatsach, dass de Uftrag mit öffentliche Gälder finanziert wird. Alli Volksinitative, wo de gebührefinanzierti Rundfunk per se wänd abschaffe, sind bisher übrigens sang- und klanglos im Underschriftestadium gscheiteret - die letschti grad vor es paar Tag mit grad emal 10% vo de benötigte Underschrifte.

[Xinobrax2]

Klar, hani ja au selber scho gschribe...d Frag isch nid weli Alternative vorstellbar sind sondern weli Alternative jetzt ufem Tisch ligged...

Keini, will mer weder über de Programmuftrag vo de SRG abstimed, no über d'Tatsach, dass de Uftrag mit öffentliche Gälder finanziert wird. Alli Volksinitative, wo de gebührefinanzierti Rundfunk per se wänd abschaffe, sind bisher übrigens sang- und klanglos im Underschriftestadium gscheiteret - die letschti grad vor es paar Tag mit grad emal 10% vo de benötigte Underschrifte.

Ja also, denn wär das doch klärt. D frag vom Topic isch "zahlsch billag?". Das chamer entweder mit Ja oder Nei beantworte und dementsprechend argumentiere...

[Herr Rossi]

S Problem vo dene Initiative isch, dass dezue no kei vernünftigi, konkreti und umsetzbari Alternativfinanzierig bigleit worde isch.

[Acid]

Und was wär de alternativ Asatz...?

Ebä, das vo dem do ständig d Red isch: Dassmers grundsätzlich richtig und wichtig findet e gmeinschaftlich finanzierts Medium zha.

Du findsch das nid, ok, das isch klar. Was mir nid klar isch, isch wieso du denn alli Argument unter Vorzeichä vom andere Asatz stellsch, als gäbis de wo ebä einigi do innä verträttet überhaupt nid.

Wenn ich de Standpunkt verträttä, denn isch ebä "jedä wo mitmachä will cha jo zahlä und diä andere sölled chönä usstiigä" kei Lösig, will das ebä denn gar nüt me mit mim Standpunkt ztue hed, sondern öpis völlig anders isch.

Wenn ich de Standpunkt verträt, denn nid unbedingt automatisch, will ich will dass "min Stoff" söll vo de Allgemeinheit finanziert werdä. Ich chan de Standpunkt au vertrettä ohni dassi de Stoff überhaupt bruch.

Und drum zeigt dis Bispiel ebä au nid uf dass du d Argumentation verstoh chasch, du gosch au det wieder devo us, dass du en individuelle Vorteil drus zie würsch und drum evtl. defür wärsch.

Min Asatz bi dim Bispiel wär, dass ichs wahrschindlich guet wür findä wenn Bund/Kanton/Gmeind d Huushält möglichscht mit Glasfasernetz wür versorgä, wo den diä privatä en Grundlag händ zum ihri Agebot alli unter de glichä Vorussetzigä z liefere, statt dassmer au d Grundlag de Privatä überlohd, und diä nocher chönd scho uf niedrigschter Schwellä d Vorussetzigä Diktiere.

Das heisst ich cha us gsellschaftspolitischä Gründ derä Meinig sii, wili z.B. s Gfühl han dass Internet hützutags für d Gsellschaft sehr wichtig isch, und so wiemer halt Strossä baut, söttmer au d Leitig ha... Mit was füreme Vehikel mer sich druf will bewegä chan denn jedä für sich entscheidä, sinä Asprüch entsprächend. Das alles chönd Gedankägäng sii wo nüt min miner persönlichä Situation oder mim Aspruch as Internet ztuä müend ha. Das chan au eifach e allgemeini Uslegeordnig sii, uf was für Fundament üsi Gsellschaft söll stoh, was si sich leischtä söll und wasi vorussetzä söll.

[Xinobrax2]

K...und worus schlussfolgerisch du jetzt das ich die Gedankegäng nid bereits navollzoge han?

[Acid]

Will ich nid weiss wiä ich mir suscht das Ganzä do erchlärä söll lol

Alles was du gschribä hesch dütet druf hii dass du nur de eini Asatz gältä losch. Isch jo au dis guete Rächt dass du nur de Sinnvoll und guet findsch, aber wemer im Grundsatz schomol vo komplett unterschiedlichä Asätz usgohd, ischs höchscht wahrschindlich dassmer bi allem witere wo nid um d Lösig vom grundsätzlichä Konflikt god (i dem Fall Staatsmediä ja/nei) ersch Rächt anenand verbie reded.

Dini Argumentation und Bispiel ordned jo au alles dim Modell unter, du impliziersch dass diä wo e anderi Meinig händ diä us de glichä individuelle Motiv händ, wo i dim Asatz herrsched und negiersch demit eigentlich grundsätzlich d Existänz vomene andere Asatz, wo nüt mit diner Argumentation ztuä hed willer unter andere Vorzeichä stohd.

Wenn de Gedankägan vo de Differenzierig und unterschiedlichä Asätz so scho vollzogä ha sötsch, verschtandi schlicht dini Biiträg nid.

[Xinobrax2]

K, ich weiss ez nid obi mi teilwis chli unklar usdruckt han oder ob du mini Ussage vorbelastet interpretiert hesch. Letztendlich spillts aber au kei Rolle. Vorstelle chent ich mir öpe 2173092183021 unterschidlichi Asätz us unterschidliche Blickwinkel. Im Wesentliche hani mi allerdings nid nach irgend enere Abstimming oder gar Lösig, sondern nach de Frag vom Topic orientiert wo de Herr Rossi im erschte Bitrag gstellt het. Ev. diskutieredmer drum chli anenand verbi...

[Acid]

Gsesch do, simmer scho wieder verschiedener Asicht. Ich chan mir bi de Grundsatz Frog eigentlich nur zwei Asätz vorstellä. Nämlich ebä staatlich finanzierts Medium Ja oder Nei. Alles witere hängt vo derä Entscheidig ab. Weni keis will, bruchi weder finanzierigs Modell no suscht irgendöpis, denn ischs Thema eigentlich gässä. Weni eis will, sinds ganz anderi Vorussetzigä.

Und natürlich han ich mit mim Iwand uf d Diskussion agsproche und uf d Biiträg uf diä reagiert wordä isch, und han dini Biiträg nid als isoliert betrachtet, nur Bezug nehmend uf en Startbiitrag vo vor über emene Johr, wo jo scho behandlet wordä isch und nur zuefällig so schiinend wiä würeds Bezug uf diä aktuell Diskussion und aktuelli Biiträg neh lol

Inhaltlich ischs e nid relevant, will diä verschiedene Asätz ebä eh nid vereinbar sind. Das isch jo eigentlich genau das wasi han welä sägä. Meh isch gar nid i mim Punkt gsi.

[Xinobrax2]

Also denn gömer ez mal devo us, dass mir staatlich finanzierti Medie bruched und seted unterstütze. Ich nenn ez eifacht mal eis Bispiel um z zeige was sich müesst verändere demit ich demit iverstande wär. PS: Das isch ez eifacht mal e spontani Idee usem Nichts und drum ev. nid komplett durchdacht

Grundsätzlich würd ich mal kritisiere, das d SRG iren Uftrag zimlich altmodisch interpretiert. Weni de richtig verstande han sind si dezue verpflichted d Bevölkerig mit Audio & Video z versorge. News, Bildig & Kultur. Das si die Medie selber müend produziere isch nur e allgemein anerkennti Interpretation, was wohl au dra lit dases vor nid all zu langer Ziit no gar kei anderi Möglichkeite gä het. Ez chömer de Uftrag ja aber mal als Gedankeexperiment is 21. Jahrhundert verschiebe. Si chented bispielswis e Onlineplattform ala Youtube/Soundcloud kreiere wos de Bevölkerig erlaubt eigni Kreatione ufezlade. Zu irem Utrag ghörts schliesslich nid nur über Kultur z berichte sondern si au aktiv z fördere. Das dörfmer also ruig au mal us dem Aspekt use betrachte. Als nögschte Schritt chenteds afange Biträg mit guete Bewertige is Radio & TV Programm izbaue. Am Afang vilicht mal 30 Minute i de Wuche mitere aschlüssende Diskussion. Quasi als interaktivs Format. Falls das verhebet chent das Modell denn über en längere Ziitruum hinweg uf unterschidlichi Themegebiet usbaut werde. Je nach dem halt, wie sich das entwickled. Längerfristig chented si sich druff istelle weniger externi Inhält z chaufe und statdesse Biträg us de Bevölkerig z integriere und si unter Umständ sogar miteme minimale finanzielle Bitrag z unterstütze. Oder andersch gseit: Staatlichi Medie, ja. Zentralisierti Medie, nei. De Staat sind glaubs mir und ich wünschti mir i manche Bereich es paar visionäri Projekt wo di neue Möglichkeite womer hend integriered.

Und ja, mir isch klar dases unrealistisch isch, aber ich troime na gern...vilicht hetedmer eines Tages jede Sunntig Abig uf SF2 d (G) Show