veränderig Gameläde in Japan i dä lätschte Johr

[damian]

läde zahlet me mieti fürs lager wills anere guete lag mues si und me platz mues ha demit mer chan alles aaluege.
bi arcadesache chömmer leider nöd i di japanische fore wos amel billiger verchauft wird. di offizielle händler sind in europa gliich tür...

[geosnow]

da hät de hanf scho recht. lueged doch mal arcadiabay ah. diä händ au gsalzeni priise. s geile amene lade isch, dass mer d games auch chan aluege und mer weiss, was mer überchunt.

uf die ander siite chamme au es bizzeli geduld ha, und mer findet immer wieder vieli games zu guete priise. da im forum gits immer wieder d möglichkeit, relativ günschtig games überzcho. immer wieder will eine e sammlig oder teil devo verchaufe. da gits schnell mal 30-50% ufemene grosse bundle. ich würd meine, dass es da nur es paar wenigi usnahme git:

Rendering Ranger
Metal Slug 1 AES original mit kassabeleg vom game nation, alles andere isch zu 99% e conversion
dummi zelda games
tetris mega drive

[Genfer]

Coole bricht
Schad dass es so ändet, die wisse sind richtig go hammschtere, wie ich au
Bin 3 mal gsi und han jedes mal sehr viel kilo games hei gno und jo, jedes mol
häts weniger gha.
S'letsch mol bin ich im 2012 gsi und dän han ich fascht kei gueti games für Sfamicom und PCE gfunde.
irgendwo han ich no föteli vomene volle potato...isch damals scho öpis einzigartigs gsi, i dene
läde z'umelungere und schnäuige
S'nächscht mol gang ich dän aber nümme dä game shöps noche...mini zyt isch verbi :typej:

[Genfer]

He,he...das isch glaubs im 2009, damals häts no gschtell richtig dure boge vom gwicht und wenn
es paar games kauft häsch, häd en tifige verchäufer d'lücke grad wider ufgfüllt.

[Tatsujin]

yup, so gsehts jetzt definitiv nüme us..lol

eher wie es grupfts huen mit es baar wenige fädere drah..lol

[Panther]

Also i möcht do au no öbis dezue bitrage, i bi im '97 s erscht mol z'Japan gsi und sit her eigentli all Johr einisch im Schnitt. s'Problem isch halt gsi/isch dass zur blüete Zyt, wo das Zügs langsam im Netz zelebriert worde isch, immer meh online (ebay, yamatoku, neogeoman usw) shops und Gametouris ko sind. Das heisst, DIE Sipel wo is Ausland göhn/gange sind kömme nit wider zrug nach Japan. Vor em 2000 hesch eher selte mol en Gaijin gseh ime Retrolade, jetzt hesch s'Gfühl de Härdöpfel Lade ghört näbe Sashimi und Kogals zum Japan standart Backpackdeppe Guide.

Ich mues ehrlich säge ich könnt mr Retrospili hüt nüm leischte, miessti all de Shit woni do ha mit jetzige, is sag absichtlich "PrisVORSTELLIGE" kaufe. Es macht schlicht kei Spass me Spiel sammle und mi frogt sich langsam wo das anefühert? In die totali Werttriiberi oder chunnt de Punkt wo de Zielgruppe Sammler eifach kei Luscht me het s Portmone immer wider z'Vergwaltige? An dr Kohle liggts jedoch offesichtlich nit, do werde xLäppe für SFC usebrätscht obwohl die (meischte) Spiel nit wirklich selte sind, wieso? Torschlusspanik? Selte will SELTE gseit worde isch? Vo wem? Vo eus Sammler selber, bzw vo dene wo Prise mache? Die meischte verwechsle Tür mit Selte, quid pro quo, Tür=Selte.

Zum Shop sterbe im eigetliche findi natürlig au dass es krass abglutscht isch, fairerwiis mues me au säge dass me halt viel scho het und dur das au s'gfühl het "fuck it, es het nüt meh" aber die schöne (Pris) Zyte si durre. Wo ich jedoch ganz anderer Meinig bi isch s'Verhältinis Strosseprise/Onlineprise ICH ha eher d'Erfahrig gmacht i de letsche 2-3 Johr dass im Shop die bessere, wenn au z'türe Deals machsch als Online. Und ich denk das het folgende Grund, besser Kunde im Lade als nit im Lade, wenn im Shop nomeh zahlsch als online, wär und wieso sett me überhaupt no in e Lade? De coolness wäge weniger, fuul simer jo eh. Aber egal, gangi halt alternativ ine Plattelade oder trag es paar Kilo LD's hei, hype ha ni mi no nie loh. Und Komplettsets bruchsch jo sehr wahrschnilig...aber schad isch es natürlig in jeder Hinsicht.

[geosnow]

anes tetris md oder ad hibino pce bisch scho vor 20 jahr nöd anne cho.

[Panther]

i mein jo ebbe nit die richtig selteni sache (die hei scho immer koschtet) sondern dass ebbe alles en herte Bazze meh koscht plötzlich mit stigender tendenz

[sidusson]

anes tetris md oder ad hibino pce bisch scho vor 20 jahr nöd anne cho.

hani bishär jedes mau gseh woni bi gsi

[evo]

Ich mues ehrlich säge ich könnt mr Retrospili hüt nüm leischte, miessti all de Shit woni do ha mit jetzige, is sag absichtlich "PrisVORSTELLIGE" kaufe. Es macht schlicht kei Spass me Spiel sammle und mi frogt sich langsam wo das anefühert? In die totali Werttriiberi oder chunnt de Punkt wo de Zielgruppe Sammler eifach kei Luscht me het s Portmone immer wider z'Vergwaltige? An dr Kohle liggts jedoch offesichtlich nit, do werde xLäppe für SFC usebrätscht obwohl die (meischte) Spiel nit wirklich selte sind, wieso? Torschlusspanik? Selte will SELTE gseit worde isch? Vo wem? Vo eus Sammler selber, bzw vo dene wo Prise mache? Die meischte verwechsle Tür mit Selte, quid pro quo, Tür=Selte.

isch jo logischo entwicklig. internet = schnälli informationsverbreitig. es git jeze schlichtwäg mehr game fans/nörds/freaks/sammler, es git vieli lüt wo sich eifach völlig däm hobby higän und e grossteil vo ihrer kohle in games investiere. die games lande in regal und so isch weniger im umlauf und dr priis stigt. ahgebot/nochfrog. es isch viel eifacher ant informatione zko welli games dasses überhaupt git, was guet isch, was rare isch usw. au isch viel schnäller e flug nach jpn buecht, dank 457328957 erfahrigsbricht und tokio street selfies isch t "angst" vorem färne japan wo alles in fremde zeiche agschribe isch dütlcih keliner. mit 2 klicks hesch e hotel buecht und t adrässe vo de guete gameshops finsch au grad innert sekunde.

priis vomne spiel wird miner meinig nach durch 3 faktore bastumme: tatsächlichi verfüegbarkeit+kult/hype+qualität vom spiel.

[evo]

anes tetris md oder ad hibino pce bisch scho vor 20 jahr nöd anne cho.

hani bishär jedes mau gseh woni bi gsi

im im nakano broadway mandarake hets e tetris gha gäl

[geosnow]

e fälschig und/oder not for sale.

[m.o.terra kaesi]

schön gseit panther. chond secher öppe he, was du seisch.

ech ha jetzt grad kei gueti biispel meh im chopf, aber es giht wörkli brunzgames, wo jetzt i dä "Vitrine" sind in Tokyo, wo vor 5 Johr ned mol im Regal en guete Platz gha hättid (z.B. es Andro Dunos, es 8-Man ond öberhaupt alle AES brunz). Hardware häts fasch gar keini meh, das esch ganz krass: ha i eim Monet Japan grad mol 3 (wiisi) PCE-Pads gseh, för je 15 bis 25 Franke (inkl. Hard-Offs)

[sadoanarcho]

ich bin no nie in Japan gsi, möcht aber unbedingt mal ga, unabhängig vode Games.

mer merkts aber au bide Platine-Shops, dass 's Sortiment löchrig wurde isch. Vor drü Jahr sind 30'000¥ für e 90er-Jahr-Platine no sehr viel gsi, hüt wäred Batrider, Batsugun oder Gunnail fasch gschänkt für das Gäld und sind unregelmässig (im Fall vo Gunnail nie) an Lager. Ich würd säge dasses sit 2012 extrem azoge häd mit de gringere Verfüegbarkeit und de höchere Priise, aber guet möglich, dass d'Tendenz scho viel vorher igsetzt häd.

ich persönlich bin en Grund für die Entwicklig, ich han sit öppe däre Zit es regelmässigs Ikomme mit wenig Verpflichtige und gib en Grossteil vom Stutz für Games us, gern au mal chli meh, wäni eis unbedingt wott.

[damian]

i dä chindheit fangt mers aa liebe und 20 jahr später hät mer gäld zums wieder chaufe.

bim nes hät mer das au sehr guet gseh.

Platine hani sgfühl sind chli hinedri, wills det en grössere startufwand isch sich überhaupt mal mit dä nöd sehr consumerfründliche arcadematerie z'befasse. Ich glaubs jede hät zerst konsole und dänn arcade gsammlet. Au dä boergi

[m.o.terra kaesi]

Au dä boergi

...ond sogar dä gege häds verwötscht

[geosnow]

huere scheiss isches. aber die black label cave games sind immer glich tür.

[Reinforced]

huere scheiss isches. aber die black label cave games sind immer glich tür.

xbox 360 shooter in japan ds finde isch au nid ganz eifach gsi ... ds neuschte dodonpachi hani gnau 1x gseh imene kaff hardoff

[sam]

Du meinsch huere geil isches

[geosnow]

warum söll das geil sii. ich finds geil, wenn alli games günschtig wäred.

[sam]

isch uf arcade bezoge gsi

[Tatsujin]

ich han zerscht arcade gsammlet. konsole hani halt scho immer eifach so gha.

[Genfer]

Blöd isch eifach wer erscht jetzt afod sammle :typej:

[Panther]

aber es giht wörkli brunzgames, wo jetzt i dä "Vitrine" sind in Tokyo, wo vor 5 Johr ned mol im Regal en guete Platz gha hättid

Es isch wohl au Generatione abhängig, für mich isch jetzt alles vor Famicom und nach PS2 zimmli egal. D.h. ich gib s meischte in dem bereich us, die wo damals mit SFC NG PCE agfange hei, könne hüt scho mol es paar Läppe in ihri Kindheitserinnerige stecke, dezue chunt dass "Sammler" oft au eher elei sind (otaku), könne si sich das au eher leischte als e Family Guy mit 2 Chinder Hünd und Frau wo Geld frisst.

Dass die Spiel nit nochewachse liggt klar uf dr Hand und ich dänkt in 3-4 Johr hets no paar loosi SFC Games ummeligge wärend PSX/SAT/PS2 Regal (wie damals FC/SFC/PCE) brätsche voll sind, eine wo mit dere Generation agfange het wird sich au nüm gross um "älteri" Software prügle (wie ich jetzt für pre Famicom gar kei Nostalgie empfinde) Und PSX und so isch imom brutal günschtig, au selteni Sache sind no ime "zahlbare" Rahme, ob das in 3-4 Johr immer no so isch...ich ha mini Sache kauft.

[Tatsujin]

de trend ghat jetzt grad sehr in richtig billigi PS2 games

da hets au na meh als gnueg ume.

und i de akiba vitrine hets immer na gröschteteils die eher rare sache, ob guet oder schlächt.

hand kehr um hets es kato chan & ken chan au scho vor 5 jahr+ dine gha, und das isch nie würkli höch im priis gsi.