S: PS1 Game Name

[hitparade]

Weiss öpper weles Game das isch?
Mir händ im 98gi im WK e PS1 gha im Schlafzimmer und ständig es Game zockt womer hät müesse Fuessgänger überfahre und dänn s'Bluet mit de Schiibewüscher wegputze.

[geosnow]

die hard trilogy

[damian]

carmageddon?

[hitparade]

Wänni YouTube aluege, gseeni s'Auto in 3rd Person Perspektive. Han aber in Erinnerig dass mer usem Cockpit glueget hät. Isch aber relativ lang her und mini Erinnerige chönd sich tüsche.

[turntablism]

Im wk e ps im zimmer ?
Alles klar denn hend er wahrschinlich au gsoffe und kifft und deswege magsch di nümm recht as game erinnere
aber das spiel schiint no lässig zsii

[hitparade]

Haha.. ja, es sind ebe au grad olympischi Winterspiel gsii, drum hani grad en TV mitgno... und öpper andersch hät d'PS mitgno...
Carmageddon chas nöd sii, das isch für d'PS erscht 1999 erschine, min WK isch 1998 gsi.

[damian]

twisted metal?

[mr.raw]

lol
hend damals au e PS im zimmer kha. Und das nid emolle im WK sondern normal in dr RS. Naja, sinn halt KuchiMannschaft gsi...sonderstatus ^^

Also lütt überfahre, bluet a dr schiebe...miesst eigentlich Die Hard Trilogy sii - i has gliebt!

Mir hend Collin McRae Rally zocket bis zum geht nicht mehr zu dere zitt.

[Reinforced]

Konsole hemer nie gha aber derfür Flipper Chäschte und Arcade automate!! Turbo Outrun, R-Type, KoF97, Virtua Cop, Puzzle Bobble, Raiden fallt mir da grad so iiih. hüt gitts wohl nüme

[geosnow]

im militär?

[DeftOne]

Hmm, Twisted Metal hets glaub scho nöd so detailiert gha, wie du es in erinnerig hesch. Vo dem her gaht mini Stimm au as Die Hard Trilogy isch ja usem 1996 und passt somit vom Datum her.

[Reinforced]

im militär?

yoa!

[geosnow]

wo? dete müestet doch no es paar automate umme sii?

[XYBOT]

in moudon bi de sanis hetz e ganzi spielhalle gha mit flipper und videogames. isch aber im 2001 scho immer leer gsii und kei strom gha. i de 80/90er isch sicher abgange

[turntablism]

di junge hüt, würded diä Retro games im Militär wahrschinlich gar nümm spile. armee isch doch für di jungä lüüt virtual reality first Person shooter puur

[Reinforced]

wo? dete müestet doch no es paar automate umme sii?

also ide kaserne in bure hets no paar automate aber r-type, woni idr rs ahtroffe ha, isch bereits verschwunde gsi 2011.

fun planet in villeneuve au extrem abgspäckt worde mittlerwiile. damals über 20 automate gha aber au nur 2-3 retro.

kaserne in chamblon het no en turbo outrun gha 2004 aber de isch sicher au nüme dört!

[Herr Rossi]

Hätt itz au uf Twisted Metal tippt

[Bejita]

Isch Die Hard, eis vo dä geilste PSone games btw