R.I.P Pterry

[feeshlee]

ich muess no alni sini büecher läse

[Herr Rossi]

HELLO TERRY, SURPRISED TO SEE ME?

Danke Terry, danke für hunderti Schtunde voller Biss, Wtf Moment und em beschte Humor. Danke!!!

Feeshlee, ich benide dich chli die Meischterwärch no vor dir zha. Unbedingt chronologisch läse.

[feeshlee]

machi. ha bis jetzt würki nur guets ghört.
nachem adams jetzt au no dä terry...

[Xinobrax2]

Ich han d Hörbüecher gloset...mit lese wäri glaubs hüt nonig fertig. De Maa het zimlich vil gschribe...

[Herr Rossi]

Jo das hed er, ha vor 18 Johr demit agfange und be die Wuche demit fertig

[Buccaneer]

Shit! Sini büecher hend mich jahrelang begleited. Die meiste hani zwei mal oder no meh gläse. Das deprimiert mi gad!
Kei schibewält büecher meh??? Unvorstellbar!

[Herr Rossi]

Ich bruch e PS1, wott Discworld wider mou inehebe

[Buccaneer]

Ich bruch e PS1, wott Discworld wider mou inehebe

nid die dümmst Idee... aber nur mit Lösigsbuech! S 1 isch ja rächt "unvorgiving" gsi. Wenn mir richtig erinnere, isch wenn was falsch verwändet hesch, das Ding futsch gsi und du hesch chönne vo vore afa... Aber es isch super gsi!

[Buccaneer]

Wieder chli am Läse/Lose/Luege
Schad isch fertig... schisst mi immer no unglaublich a! Arme Terry!

[Herr Rossi]

Bi au am Steife Prise dra. De Sam Mumm isch ne

[Buccaneer]

Ja de Sam isch eine vo de bessere... d Wächter sind all rächt super. Glaube de Pratchett hed sälber nid dänkt ,dass genau die mal so gross use chömmed. Rincewind isch aber unangefochte Nummer 1.
Wer kei Zyt zum läse hed: Mer chan ganzi Hörbüecher uf Youtube lose... Machi jetzt amigs während em choche und so... no gäbig.

Same Vimes - Sam Mumm...
D Büecher uf Änglisch findi rächt speziell. Eigentlich wird relativ eifachs Änglisch verwändet, wo mer no schnell einisch verstaht. Aber wenns halt um Wortspieli etc gaht hed mer de Nachteil, dass die a) uf Änglisch amigs sauschwär zum verstah sind und b) uf Dütsch sauschwär zum übersetzte sind! Hed amigs so Abschnitt gäh, zwar nume sälte abe glich, die hesch müsse 3-4 läse und sie hend absolut kein Sinn ergäh... han immer dänkt viellicht bini eifach blöd. Irgendwenn hani aber Änglisch gläse und festgstellt: So verstahn is, die hend eifach scheisse übersetzt... wobi gwüssi Sache chasch halt nur scheisse übersetzte.

Bin froh hani no die alte Büecher... Sit es paar wenige Jahre wärded d Büecher neu ufgsetzt und das mit eme neue Übersetzer. Fuck isch das en Dräck! Han s Gfühl de Trottel hed keis einzigs Schibewältbuech gläse gha... en krasse Stilbruch... Au wenns en neui Uflag isch, sött mers doch so mache, dass s Feeling ähnlich blibt und nid total was anders wird...

[Herr Rossi]

Ja bi au froh hani alli alte wo de Brandhorst übersetzt hed dehei. Wobii.... grad aktuell lisi äbe de Steife Prise, wo sich sehr guet list
http://www.phantastik-couch.de/terry-pr ... prise.html" onclick="window.open(this.href);return false;

Hörbüecher hätti no paar in digitaler Form, falls Inträssi:
- The Wee Free Men
- A hat full of Sky
- der Winterschmied (bescht!)

Filme hani au no paar:
- Soul Music
- Wyrd Sisters
- The Colour of Magic
- Hogfather

[Buccaneer]

Soul Music und Wyrd Sister sind Trickfilm mit ca 3 Episode oder?

Sind würkli Hörbüecher und nid Hörspiel? Hörspiel mag i nid.

[Herr Rossi]

Nei sind Schpilfilmlängi beid.

S sind Hörbüecher mit paar Soundeffekt, aber nid zvil sondern sehr schtimmig.