Raser und Poli DAS Premiumsegment-Auto Topen

[OlDirty]

Elektrotcharre?Blos nöd.Ussert es isch wie bim McLaren P1,918 Porsche oder em La Ferrari wo no 200-300 ElektroPS uf 600 BenzinerPS druf klatscht werded.Den jo gern..

[turntablism]

Elektroschrott

[OlDirty]

genau.. und de motoresound us em lutsprecher. *graus ohh graus*

[Xinobrax2]

Läck sind ihr vertrottled

[TypeJ]

Läck sind ihr vertrottled

[turntablism]

euro-4, euro-5, euro-6 jetzt elektroschrott

[emP]

:seibberen:

[emP]

Läck sind ihr vertrottled

Findsch guet, Batterieauto?

[emP]

Läck sind ihr vertrottled

Findsch guet, Batterieauto?

[feeshlee]

Batterieauto
Batterieauto

[OlDirty]

mis Taumauto.hahaha

[abyss]

Zalsch sicher weni Stüüre derfür.

[Xinobrax2]

Läck sind ihr vertrottled

Findsch guet, Batterieauto?

Bö...wentmer öpis bessers zeigsch vilicht nid, ich bin flexibel.

Wenn jede volljährig Mensch es Auto mit Benzinmotor hetti, chented alli es paar Minute demit fahre und denn wär de Energieträger für di nögschte paar Millione Jahre ufbrucht. Mir sind jetzt scho bi ca. 14'310'000'000 Liter PRO TAG. Uf di weltpolitische Uswürkige woti gar nid ersch igah...

Wenn jede es Batterieauto heti müesstedmer me Chraftwerk baue aber de Energiefluss chenti gwährleisted werde. Au nid optimal aber besser. Wahrschinlich chentedmer aber eh nid sovil Autos baue will vorher d Metall und d Rohstoff für Batterie usgönd.

Uf was ich use möcht isch eigentlich nur, dass Benzinmotore kei Zuekunft hend...und denn chömed so Trottel mit tüfsinnige Argument wie "motoresound us em lutsprecher"...meine Güte...

Und was Tesla betrifft...wenn öpert wie de Elon Musk miteme verhältnismässig chline Team öpis uf d Bei stellt wo gemäss de Kokurrenz unmöglich gsi isch, denn findi das schono beidruckend. Er heti sis PayPal Geld au für öpis anders chöne usgeh...

[Jones]

motoresound isch nid nur für die interessant, wo gärn motoresound an sich ghöre sondern vorallem füre fuessgänger.
wenn alli komplett stilli e-autos würde fahre, würde d'unfallzahle mit de fuessgänger abartig i d'höchi schnelle...

und so wie sich dr ölpris momentan zeigt, isch gloub no viu öl ume. grad itz wo d'amis ihre scheiss säuber fracke...
für d'umwelt nid unbedingt ideal das isch eso.
aber alternativ für alli e-autos strom mache? wie wosch das ohni unzähligi akws? isch o nid besser findi...

zudem muess sich dr gsetzgeber de bald mal öpis lah ifalle wägem bestüüre...
miteme e-auto zahlsch quasi nüt a d'infrastruktur...

[turntablism]

genau. und di tümmscht gsetzesänderig isch gsi dass fuessgänger vortritt händ

[Herr Rossi]

motoresound isch nid nur für die interessant, wo gärn motoresound an sich ghöre sondern vorallem füre fuessgänger.
wenn alli komplett stilli e-autos würde fahre, würde d'unfallzahle mit de fuessgänger abartig i d'höchi schnelle

s tümmschte argument ever

es hed no meh öl ume als mer animmt, leider. fahre sälber e töff wo zimlich röhret, aber sones ufblasnigs ego hani itz nid dasi das müsst verteidige.
finde das gjammer scho rächt übel vo vilne auto- und töfffahrer "mühmüh lärmverordnig blabla".... lächerlich

[Astroboy]

s tümmschte argument ever

Nid würk. Im aktuelle Zeit-Magazin isch grad eini drin wo über das schribt. Ab 30 km/h hesch es Grundgrüüsch vo de Reife, aber drunger ghörsch Elektrofahrzüg würklech schlecht. S'isch mr scho säuber paar Mau passiert, dass ig e Bus nid ghört gha wo vo rechts chunnt und am ufebeschleunige isch (ghöre rechts nüt) und fasch übere huufe wär gfahre worde (säubstverschuldet, klar). Z'viu verlöh sech immer no uf ihres Ghör im Strasservercher - und für die Blinde isch d'Problematik no einisch verschärfter. Aber es Argument isches insofern würklech nid, als dass es Lösige git, z.B. in dem me bis zure Grundgschwindigkeit e Grüüschquelle implementiert.

[Xinobrax2]

Fair...demfall Chopfhörer verbüte...aber sicher nid Elektroautos lol...

Was de Strom betrifft...AKWs sind sicher kei Dauerlösig...aber en Vorteil bim Strom isch ja, dasmer en uf verschideni Arte chan herstelle. Bim Erdöl hingege haltet sich d Flexiblität in Grenze. Oder andersch gseit, Strom het me Potential, vor allem au für e dezentrali Versorgig. Ideal wär natürlich, wenn jede es Panel über em Garage-Dach heti...aber denn jammered scho wider di erschte weg de Herstellig vo de Panels

...und wegem Erdöl...nid mal e Verdopplig vo de Förderig würd für di ganz Weltbevölkerig lange...die Sackgass set doch au de tümmscht erkenne.

E super Regeboge-Lösig gits halt nid, aber es isch sehr wohl absehbar, was für di nögschte 50 - 100 Jahr vernünftiger isch.

[Acid]

Philosophisch gseh, oder besser grad gseit machtpolitisch wär e dezentrali Gschicht natürlich phänomenal, und sit em Iron Man sinä neuä Batteriä womer chan a d Garagewandhängä wär au eis vo de grossä Problem vo de Sunnäenergie agangä.

Aber bi dem enormä Energiebedarf womer dur so es Konzept mues abdeckä findi d Frogä nach de Ressourcä wos brucht scho nid eifach nur tumm. Schlussendlich sind jo das alles gueti Experiment, aber mer mues sich scho Frögä, wasmer mues inästeckä und öb das am Schluss ufgohd... Nid nur bi de Panels sälber, sondern au bim Rescht, z.B. de Batteriä.

Und denn muemer sich halt au Frögä öbs nid Effektiver isch das Züg noimed ufzstellä wo DSunnä immer schiint, und nid nur öpädiä, undmer denn mitem glichä Isatz chan viel meh usäholä. Oder öb anderi Technikä wiä diä vo somene Panel villicht gschieder sind, wiä z.B. Das Dampfchraftwerk in Spaniä mitem Spiegelpark (wo e gwüssi Zitlang mitem Druck chan überbrückä, und so au Strom liefere chan wenn d Sunnä mol en Tag nid Schiint, ohni Batteriä) oder diä Glastürm wos in Australiä oder de USA wänd i d Wüeschti stellä, wo denn mit thermik Energie erzügt wird.

Und öb so öpis villicht au im chlinä Rahmä chönt Sinn machä, oder nur als Megachraftwerk.

Das Atomstrom im Grund gno e kompletti Sauerei isch isch klar.

Und a lisligi Autos muesmer sich halt gwöhnä, wenn alli kapiered dassmer sich nid eifach nur uf sini Ohrä chan verloh im Vercher, wird das denn nid soviel meh Unfäll geh. Aber es isch natürlich nid völlig unproblematisch, müend aber halt alli Verchersteilnehmende eifach besser ufpassä im Vercher... Wür glaub niemerem so schlächt tuä wemer das sowieso wür machä.

[Xinobrax2]

Genau um das gats ja, Strom bringt Flexiblität und Potential für Verbesserige is Spiel
Nid hüt und au nid morn...aber mengisch muemer halt au mal a übermorn denke.

[Acid]

Natürlich... nur isch halt s problem dassmers eigentlich am beschtä scho hüt müsstet ha und ebä das "überübermorn denn" politisch eini vo denä Istelligä isch, wo e Umlagerig verhindered.

Ich finds super dass das Thema immer meh Privati Investorä und Inoventionä hervorrüeft, und dassmer jetzt amene Punkt sind wos au gsellschaftlich und politisch immer weniger vom Tisch gfägt werdä chan.
Nur findi halt scho dassmer dasmol vo Afang a echli witer söt dänkä, nid ebä wiä z.B. bi de Atomchraft, wo jo au super wär, würs nid diä ganz farkling Wält verstrahlä. Oder Cholä und Öl wo üs so viel broocht hed, uf langi Sicht aber au villies Versaut, und e Abhängigkeit vomene Stoff entwicklet hed, was no viel meh Folgä hed. D Antwortä uf diä Problem luutet ebä meischtens au, i de Zuekunft werdemer diä Problem chönä lösä.

Drum bini halt eifach trotz de miner Meinig no positivä Entwicklig no skeptisch, und find mer müesst vo Afang a au luege wiä realistisch das alles isch, und was d Folgä währed. Suscht simmer au bi de nögschtä Energierevolution wieder am glichä Ort dass über Rohstoff und Ressourcä gstrittä und gmorded wird, und d Umwält zur Sau god undmer genau nüt glernt händ...und dänn wirds au Lüt geh wo säged übermorn...


Mir isch aber scho klar, dass das en Entwicklig bruucht, undmer diä nid eifach über Nacht chan herä zaubere... nur muesmer miner Meinig no halt vorsichtig sii mit de Behauptig dass das de Usweeg us de Sackgas isch, wemmer gar nid weis öbs eifach nur en witeri Sackgas isch.

[Herr Rossi]

säubstverschuldet, klar

das isch e ussag wo i dem kontext nid id chlammere ghört. eigeverantwortig darf mer vorussetze. wer en liniebus nid gsed hed im schtrosseverchehr nüt verlore, da sind so Argument wie "under 30 km/h ghört mer elektrofahrzüg schlächt" nichtig. warum bruchemer s tagfahrliecht, warum gschwindigkeitskontrolle? alles reglementiert wäg es paar trottle wo wend autofahre und nid/nümm setted.

hybridfahrzüg sind scho mol e sehr guete asatz, üsi urgrosschind findeds sicher no lessig wenns au no chli chönd schön ha do

[Xinobrax2]

@Acid, das mitem "lieber hüt als übermorn" isch halt chli tricky willmer eh nie weiss was tatsächlich passiert. Chasch ez z.B. wie in England e Strasse baue wo Elektroatos ufladed...chasch au na witer denke und de Strom durch en Fluss i de Nöchi und d Sunne generiere....aber denn chunt 10 Jahr spöter eine wo feststellt, dasmer di autonom fahrende Autos no schneller und effizienter chent mache, wemer irgendwelchi Sensore in Bode setzt oder was weiss ich...irgendwas chunt immer.

Aber ja, lieber hüt als übermorn....Lüt wie de Elon Musk hend halt imo scho vor einige Jahr a übermorn denkt und nur darum gits jetzt Tesla. Irgendwo mumer halt afange...

Uf jede Fall chani mit zimlicher Gwüssheit sege, dases kei Sackgass isch. Wenns mues si chasch sogar mit Erdöl Strom erzüge, aber us Strom machsch kei Erdöl.

[Acid]

@Acid, das mitem "lieber hüt als übermorn" isch halt chli tricky willmer eh nie weiss was tatsächlich passiert. Chasch ez z.B. wie in England e Strasse baue wo Elektroatos ufladed...chasch au na witer denke und de Strom durch en Fluss i de Nöchi und d Sunne generiere....aber denn chunt 10 Jahr spöter eine wo feststellt, dasmer di autonom fahrende Autos no schneller und effizienter chent mache, wemer irgendwelchi Sensore in Bode setzt oder was weiss ich...irgendwas chunt immer.

Ja das öpis bessers chan cho isch klar, aber je gnauer dassmer weiss das das wasmer jetzt dra dänkt guet isch, desto meh chamer denn ebä au würklich uf das Pferd setzä.

Und ich mein jetzt halt vor allem im Sinn vo "erneuerbar", "suuber" etc. Halt eifach dassmer jetzt scho a diä problematischä Aspekt dänkt, und diä villicht scho i frühe Phasä chan behebä oder wenn nid, denn ebä anderi Wäg ischloh wo diä nid händ. Nid nur a potentielli Möglichkeitä, und denn wenn diä ganz Wält ufgsprungä isch und alli dri investiert händ und alli zfridä sind mit de unerahntä Möglichkeitä und alles super funktioniert, stellt sich usä dass diä schlächtä Uswürkigä uf Mänsch und Umwält grösser sind als je zuvor.

Aber ja, lieber hüt als übermorn....Lüt wie de Elon Musk hend halt imo scho vor einige Jahr a übermorn denkt und nur darum gits jetzt Tesla. Irgendwo mumer halt afange...

Dass diä i so churzer Zit so wiit cho sind isch natürlich ermuetigend... und lohd au chli Erahnä was ebä möglich gsie wär, wemer als gsellschaft au scho vor 30 Johr a hüt dänkt hätti, und nid nur alles am Elon überloh.

Aber wiä gseit, trotz aller Hoffnig und Begeisterig, was de Tesla und all diä Sachä vom Musk tatsächlich Wert sind, mues sich zerscht no zeigä... au wenn diä Gsellschaftlich Würkig wohl scho mol feststohd.

[feeshlee]

dank em ileggtro troll-post, uf welche sie inekeit sind, händ jetzt d'öko-fritze s'auto-topic zerstört.
ich wott wieder hubruum-bmw vs. türbo-honda striitgspräch