[Hörbuech] Ich lose grad...

[Xinobrax2]

Ich bin nid de einzig Hörbuech Fan da ine, oder? Was chönder empfele?

Ich lose grad "Das Unsterblichkeitsprogramm" vom Richard Morgan. Isch na guet, 6/10



Letscht Wuche hani no die da glosed

Ready Player One 6/10
Isch en Art Sword Art Online miteme Touch One Piece, vollpackt mit Anekdote zu de 80er-Jahre Popkultur, hauptsächlich Videospiel. Einigi da ine hetted sicher froid dra.


Spectrum 6/10
Teilwis langatmig aber dennoch intelligent und spannend. Sergei halt.


Extinction 5/10
Eigentlich au nid schlecht und vollpackt mit Fachwüsse, aber d Story het mi nid psunders packt.


Transport 5/10
Standard Sci-Fi...

[Herr Rossi]

Es rägnet, ich lose de Winterschmied vom Terry, gläse vom Boris

[Xinobrax2]

Es rägnet, ich lose de Winterschmied vom Terry, gläse vom Boris

Die isch kürzt....Audible het e unkürzti Version vom Michael-Che Koch

[Herr Rossi]

Ich find äbe die vom Boris schöner

[Xinobrax2]

S Unsterblichkeitsprogramm hani dure...aber di nögschte 6 Teil vo de Kovacs Reihe spari mir mal für spöter. Ez isch zersch mal d Silo Trilogie dra...seg na guet

[Xinobrax2]

Teil 1 isch schomal mega E postapokalyptischi Dystopie wo chli a Geklont vom Michael Smith erinnert...nur halt oni Klon und so

Edit: Teil 2 isch es Prequel, ebefalls zimlich guet. Klärt einigi Frage...

Edit 2: Teil 3 isch ebefalls prima, bringt s ganze zumene guete Abschluss.

Trilogie: 6/10

[evo]

i los momentan mit dr fründin zm ihschlofe t kenguruu büecher vom marc uwe kling, grossartig!

[Xinobrax2]

Ich han hüt mit dem agfange:



Gat insgesammt 10 Stund, mal luege obi durehalte. Sachbüecher hani idR lieber als Text.

[Xinobrax2]

Hüt isch es neus Buech vom Ramez Naam bi Audible veröffentlicht worde...morn fangi glaubs grad mal a demit. Nexus (Teil 1) isch au super gsi

[turntablism]

Hotzeplotz und peti und de wölf

[Xinobrax2]

Das sind Hörspiel du Flegel!

[turntablism]

Wasch denn de unterschied zwütschget hörbuech und hörspiel ? Du schlingel

[Xinobrax2]

Es Hörbuech isch e Lesig vomene Buech, idR mit eim Sprecher. Meistens unkürzt. Es Hörspiel hingege het mehreri Sprecher + Musig & Grüsch. Z.B. drü Fragezeiche, John Sinclair, Offenbarung 23, TKKG...und natürlich Kasperli mit Hotzeplotz. Vo dene hani au es paar...D’Häx Nörgeligäx und de Umemuuli

[turntablism]

Ok. Danke fürd erklärig. Hörbuech isch nix für mich. Aber drüü ??? Findi no spannend.

[Xinobrax2]

Hörbüecher sind super Ich lise zwar gern Büecher, aber als Internetjunkie nervts mi, dasi bim Lese nebetbi nüt anders chan mache. S isch es Medium wo di ganz Ufmerksamkeit fordered...sowas macht mich nervös Es Hörbuech hingege chani guet während em Schaffe lose...oder im Zug, Auto, Garte...wo au immer...isch praktisch. Drum hani agfange Romän lose und Sachbüecher lese, isch ideal so. Probiers mal us...ich finde vor allem Science Fiction na zimlich fesselnd.

Drü Fragezeiche sind scho au zimlich super, aber di nögscht Folg chunt ersch am 2. Oktober

[Acid]

Und vor allem isch halt au vorläsä e Kunscht für sich. So chans wahnsinnig super si, öperem zuzlosä wo guet chan verläsä/verzellä und e Stimm hed wo eim Inimmt (währends aber natürlich au s Gägäteil gid, dassmer e eigentlich guets Buech nid chan alosä, will eim de Läser nid passt).

Ich mues allerdings scho immer chli ufpassä, dassi de Fadä nid verlür.

Sci-Fi isch aber generell nid so mis Ding. Bin meh chli a de Klassiker, am liebschtä Russä oder Franzosä. Aber natürlich immer aktuell isch de Chandler, oder mol en Dürrenmatt oder so.

[Xinobrax2]

Sch' ebe scho so...mer vergisst no schnell mal, dass Gschichte über Jahrtusigi hinweg mündlich überliferet worde sind. Büecher sind i de Menschheitsgschicht eher es jüngers Phänomen...mir sind glaubs es biz druf konditioniert emene guete Erzähler zuezlose

Hesch Jules Verne mal gloset? Det hesch en Franzos + Klassiker + Science Fiction = Win

[The Sheep]

[Acid]

Hesch Jules Verne mal gloset? Det hesch en Franzos + Klassiker + Science Fiction = Win

Nei, vo im hani weder mol was gloset, nomgläsä, no e Verfilmig oder so gseh... Müssti mol machä.

[Buccaneer]

Erst gad beändet:
Terry Pratchett - Einfach zauberhaft
Jetzt dran:
Terry Pratchett - Steife Brise

De Blaubär muss i au wieder einisch lose!

[Herr Rossi]

Steife Prise hätti in Buechform neu gratis abzgäh .Gschänkt becho, has aber scho gha

[Buccaneer]

Nimeni gärn! Wenn's de mir wosch gäh.
Mir fähled die letschte vier füf Büecher vo ihm und das wär perfekt!

[Xinobrax2]

Hesch Jules Verne mal gloset? Det hesch en Franzos + Klassiker + Science Fiction = Win

Nei, vo im hani weder mol was gloset, nomgläsä, no e Verfilmig oder so gseh... Müssti mol machä.

Sini Büecher sind Public Domain...also legal frei verfüegbar. Z.B. hier: https://archive.org/details/62RomaneVon ... 2013-01-02" onclick="window.open(this.href);return false; und hier: https://www.gutenberg.org/ebooks/author/60" onclick="window.open(this.href);return false;
S git au es paar frei verfüegbari Hörbüecher...z.B. hier https://librivox.org/author/189?primary ... et_results" onclick="window.open(this.href);return false; oder hier: http://www.vorleser.net/verne_jules/autor.html" onclick="window.open(this.href);return false;

De Rest gits bi Amazon, Audible & Pirate. Super sind unter anderem Von der Erde zum Mond, Reise um den Mond, Reise zum Mittelpunkt der Erde, 20'000 Meilen unter dem Meer, Die geheimnisvolle Insel und Reise um die Welt in 80 Tagen. D Titel variiered teilwis je nach Übersetzig. Unbedingt mal dri lose/lese

PS: De Jules Verne isch min Lieblingsautor