Netzwerkspeicher (NAS) und Wireless Lösungen

[damian]

Hoi zäme. Da ich inere grosse WG vo 5 lüüt wohne han ich denkt es wär ä gueti idee für alli en netzwerkspeicher (NAS) zur verfüegig z'stelle. etz hani mal welä fräge mit was ihr da scho weli erfahrige gmacht händ.

da mini aasprüch:
4-8 tb speicher, möglichst günstig natürli.
MUESS d'festplatte in stand-by versetze wänn si nöd brucht werdet.
externi usb grät aaschlüssbar
schön wärs, wänns en intergrierte server het, d.h. files vo überall uf dä welt zuegrifbar.

dänn bruchi no en wireless router wo gnueg schnell isch demit mer film direkt chan abspiele ohni si müese ufd hd kopiere. Kei full hd, dvd oder weniger langet. 300mps wär glaubs so dä standard. unterstützet das eigentli alli laptop wo unter 5 jahr alt sind, oder uf was mues ich da luege? gits au router wo mit jedem laptop 300mps chönd date uustusche. also d'wirelesscharte vo mehrere laptops voll usnutze. oder wie lauft das? erfahrige würdet mir au helfe...


so jetzt nimmts mi wunder mit was ihr bis jetzt so weli erfahrige gmacht händ und uf was ihr würdet luege bim chauf...

[SinGinSmith]

http://www.microspot.ch/microspot/produ ... 3206219360

Hammer NAS, ha die vor 3 wuche i de Microspot Happy Hour für 555.- kauft

Die cha:
4-8 TB Speicher
Festplatte Stand By
Externi USB grät
Integrierte Server

Wireless ganz klar Cisco WRT610N. Guets Bedienigsinterface, Wireless N Standard, und s schöne a de Grät isch es het en integrierte 4 Port Gigabit Switch. Gschwindigkeit Theorie und Praxis isch underschiedlich. Ich han mit em Wireless N Standard rate von 72 - 144 Mbps.

[ritschi]

Wireless ganz klar Cisco WRT610N.

use gschmissnigs gäld. nimsch irgend en günstige wo tomato oder so chasch druf tue. zum bispiel dä:
Netgear WNR3500L 92.- (digitec)
het natürlech äbefalls e 4port Giga Switch und de N Standard.

tomato findsch hie:
http://www.myopenrouter.com/download/23 ... 3500L-EXT/

und da en guide dezue:
http://www.myopenrouter.com/article/144 ... -WNR3500L/

chasch eifach als "firmware update" uf z'grät lade und denn hesch software of awesomeness.

[damian]

gsehn ich das richtig:
tomato isch ä software (/firmware) wo useme wireless router en server macht?

es nas ersetzt mer das denn nonig. wärs nöd besser (wänni scho es nas wird chaufe) es nas zha wo die serverfunktione übernimmt?

[ritschi]

ja chasch e USB harddisk dra hänke. ha aber no nie testet wie guet das lauft. tomato isch halt eifach sehr beliebt wöus dr software wo d'härsteller sälber uf d'grät tüe bi wiitem überläge isch. git aber no anderi open source firmware wo sehr guet isch.

ha tomato aber nid als server empfohle sondern als wlan grät.

NAS bruchsch glich no, die kenni aber zwenig.

[damian]

ach so, es isch eifach ä besseri software für wlan router... das isch natürli au praktisch, bsunders wänn viel mensche gliichziitig zuegriifet.... wird mer merke.

dänn bruchi nur no es nas. hät öpper erfahrig da? ich troue so usb festplatte an router häng lösige nöd so ganz, ich weiss eigentli gar nöd wieso genau, es isch eifach so ä angst woni nach etliche externe festplatte woni scho gha han han... und weniger schön ischs au mit all dene externe grät und netzteil...

aber die 555.- fürs nas vo obe sind ja ohni festplatte. isch das nöd masslos ztür? bi digitec gits nas für 100.- pro terabyte.

[blackraini]

ich han dia http://www.synology.com/deu/products/DS210j/spec.php am Thanatos abkauft - recht Freud dra hani brucht zwar chli meh Strom als z.B. QNAP TS-210 aber bim Agebot vom Thanatos isch mir das egal gsi, hehe. Bi dem Modell isch jedoch bi 4TB Schluss..

Chunt natürlich nid a SinGinSmith0s NAS ane aber für mini minimale Asprüch längts - bi eh nid cheCkOr
Chasch super eifach irichte, Mac, PS3, 360er und Samsung-TV findsch ohni Problem, chasch au mit iPhone und Co. via App druf...

No weg de HDs:
Was i so gläse han, bringts füre 0815-User wenig, wenn ineme günstige NAS HDs' mit 7200 oder meh rpm ibausch, will a) d' Hardware vo dene NAS a Fläschehals isch b) dia HDs meh Strom verbruchend als 5400er...


Wegem WLAN:

300Mbits WLAN-Router bringt dr natürli nur öppis, wenn au dr Empfänger a 802.11n mit 300Mbits het - d' PS3 het z.B. nur WiFi 802.11b/g - bi mir längs aber easy, zum nid Full HD Film direkt ab NAS z'streame.

De Netgear WNR3500L chöntisch sus evtl. vo mir abkaufe - bruche a Grät mit int. ADSL Modem, will s' 0815-Modem vo Sunfark, wo momentan vorem Netgear WNR3500L isch, sich bim konfig. immer ufhängt und i somit kei Ports chani irichte

[Gurgelhals]

Zum Router:

De Netgear WNR3500L hätt chürzlich au min alte, vielbewährte Linksys WRT54GL ersetzt. Tomato druf installiere isch chli en Chnortz gsi, will me z'erscht mues DD-WRT (en anderi Open Source-Firmware) druftue und erst nachher chan de Tomato installiere (PS: Vom Tomato bruchsch dänn die Version, susch gaht de USB-Port nöd: http://tomatousb.org/ ), aber sithär isch es tiptop. Schnälle Netzwerkspeed und Print-Server Funktion über de USB-Port - hätt drum grad au min Airport Express ersetzt.

Hardwaremässig chasch susch au no da luege, was i de einzelne Router gnau drinsteckt: http://www.dd-wrt.com/wiki/index.php/Supported_Devices (de wesentlich günstigeri Netgear 3500L hätt z.B. praktisch die exakt gliichi Hardware wie s'tüürere aktuelle High-End Modäll vo Linksys, de E3000, usw.).

Zum NAS:

Han chürzlich au grad en Synology gkauft, allerdings de DS211j (Nachfolgemodell vom DS210j). Zäme mit 2 hundsgwöhnliche Western Digital 2TB-Festplatte (5400rpm). Alles zäme öppe 550 Franke. Funktioniert bishär tiptop, vor allem d'Software vo Synology isch sehr super; komfortabels aber leischtigsfähigs Desktop-ähnlichs Browser-Interface uf Linux-Basis. Festplatte, Benutzer & Benutzergruppe, Shared Folders, usw. iirichte gaht alles super eifach und vor allem: D'Software isch in keiner Wiis gägenüber de tüürere Synology-Modäll beschnitte. D'Software isch bi Synology uf allne Grät gliich, die Dinger underscheided sich lediglich i de Hardware. Die chlinnere Modäll händ i.d.R. eifach weniger RAM & e langsameri CPUs, je nach Asprüch märkt me da aber kein Underschied. Da chasch susch au mal im Synology-Forum nafrööge: Isatzgebiet beschriibe und die chönd dir dänn scho säge, öb für dini Zwäck es Iistigsmodäll gnueg schnäll isch oder öb's sich's lohnt, es schnällers z'chaufe.

Mis NAS hätt über Gigabit-Ethernet (hanget alles am Netgear WNR3500L-Router mit Cat6-Kabel) Durchsatzrate vo ca. 45Mbyte/sec (Write) bzw. 75Mbyte/sec (Read). Kei Ahnig, öb das guet oder z'wenig isch, mir chunnt's jedefalls schnäll gnueg vor

[ritschi]

Zum Router:

De Netgear WNR3500L hätt chürzlich au min alte, vielbewährte Linksys WRT54GL ersetzt. Tomato druf installiere isch chli en Chnortz gsi, will me z'erscht mues DD-WRT (en anderi Open Source-Firmware) druftue und erst nachher chan de Tomato installiere (PS: Vom Tomato bruchsch dänn die Version, susch gaht de USB-Port nöd: http://tomatousb.org/ ), aber sithär isch es tiptop. Schnälle Netzwerkspeed und Print-Server Funktion über de USB-Port - hätt drum grad au min Airport Express ersetzt.

Also i ha diräkt Tomato chönne druf tue, ohni de DD-WRT umwäg. Siehe o die Links woni postet ha.

[Gurgelhals]

Bi mir hätt d'Netgear-Firmware s'Update verweigeret, will sie s'Dateiformat vo de Tomato-Firmware nöd kännt hätt (.trx oder so). Drum de Umwäg über de DD-WRT. Isch eigentlich keis Problem, det mues me eifach luege, dass me uf jede Fall e kompatibli Firmware flasht, was det chli schwieriger isch, will's gfühlt öppe 394857938745345 verschiedeni Builds gitt.

[damian]

ok, merci. etz muesi mal aafange denke.

[SinGinSmith]

ok, merci. etz muesi mal aafange denke.

Über was dänksch denn no nah?

[blackraini]

DAYDEAL - Synology DS211+

[Avenger]

Macht scho bald kei Sinn meh selber öppis zämedsbastle.

[sam]

verchaufe grad es Synology DS710+. luegsch in trading thread

[damian]

aber das isch ohni hd, dänn zahl mi dumm und dämlich am schluss...

[meo]

verchoufe süsch mi alt synology nas. Ha mer grad e 5 platte version gholt.

[sam]

aber das isch ohni hd, dänn zahl mi dumm und dämlich am schluss...

2gb chunsch über für öpe 100stutz. klar isch tüür aber qualität hät halt sin priis

[Avenger]

aber das isch ohni hd, dänn zahl mi dumm und dämlich am schluss...

2Tb chunsch über für öpe 100stutz. klar isch tüür aber qualität hät halt sin priis

*korrigiert*

[Gurgelhals]

2Tb für 100.- tüür? Spinnts eu?

Es 2er-NAS + zwei 2Tb-HDs für inzwüsche weniger als 500.- isch vernünftig wänn nöd sogar *günschtig*.

[SinGinSmith]

De Hanf wet ebe nur s beschte vom beschte und das alles für en Hunderternote

[O_O]

300mps wär glaubs so dä standard. unterstützet das eigentli alli laptop wo unter 5 jahr alt sind, oder uf was mues ich da luege? gits au router wo mit jedem laptop 300mps chönd date uustusche.

mega pixel / sekunde?