Abzugeben: Sony Trinitron 70cm Röhren TV

[Lone Wolf]

Ah sali

Minere Meinig nah eine vo de bessere zum Retro zocke.

- Sony Logo (Front) isch abgheit
- Fernbedienig isch debi
- Zuestand gebrucht, aber technisch lauft alles
- sauschwär
- 70cm Diagonale
- Kei Scart Wackelkontakt

Problem isch ich weiss nid was ich dafür chan verlange. Bin mal uf Ricardo & Co. go luege. Mal so, mal so.

Abzhole in 8404 Winterthur.



Frage? Let me know.

Grz

[sidusson]

wennä niämrt nimmt - das Weekend isch no Game Night in Gasu, dört heimr scho äs Arsenau vo ca. 10 TV's immer vor Ort, aber chöi gloub immr no meh bruchä

hai

[Lone Wolf]

wennä niämrt nimmt - das Weekend isch no Game Night in Gasu, dört heimr scho äs Arsenau vo ca. 10 TV's immer vor Ort, aber chöi gloub immr no meh bruchä

Nimmen

[Master(G)]

geld chasch für de nüm verlange... verschänk ne doch. besser als en müllgebühr zahle

[grappagott]

d entsorgig choschtet nüt, elektromüll. bringsch in recycling paradies evtl. stoht den eine dört wone grad mitnimmt.

[Lone Wolf]

i ha ä grossä TV und ä FrameMeister wo perfekt isch fürä NeoGeo
chum a'd GN, de chöimr mau widr chli Garoulä!

Bezwifle dasis das Weekend schaffe ad GN :-/ Was händer für es Lineup planet?

Aber hey de TV chönder gern ha. Gratis.

Chan abgholt werde in 8404 Winti. Bi Interesse PN a mich. Das Ding isch wüki geil für Retro , aber nimmt mer sauviel platz wäg.

vo dem her...

[Marco_in_motion]

geld chasch für de nüm verlange... verschänk ne doch. besser als en müllgebühr zahle

Moll sicher chasch für dä Gäld verlange, nämmli vo jedem wo no retro zocke will.
zwüsched 50.- und 100.- chasch verlange.

[Lone Wolf]

i ha ä grossä TV und ä FrameMeister wo perfekt isch fürä NeoGeo
chum a'd GN, de chöimr mau widr chli Garoulä!

Bezwifle dasis das Weekend schaffe ad GN :-/ Was händer für es Lineup planet?

Aber hey de TV chönder gern ha. Gratis.

Chan abgholt werde in 8404 Winti. Bi Interesse PN a mich. Das Ding isch wüki geil für Retro , aber nimmt mer sauviel platz wäg.

vo dem her...

schade - wär kul gsi mau widr ds zockä

LineUp wird wiä jedäsmau sit ca. 15 Jahr ds Garou Turniär si und denn viläch no was Puzzlemässigs.

ansonschtä haut auäs Retrozüg wo haut mitgnah wird. TV's het scho fix ca. 10 vor Ort

Winti isch haut scho nid grad umä Eggä abr dä wird ja sichr öppr näh...

Ja cool, demfall viel Spass bim zöggle!

@all: Es batzeli isch natürlich willkomme. Das Teil staht bi mir ready to be picked up. Also eifach melde

Saluti!

[turntablism]

isch es en 27 oder 28 zoll ? hesch e bezeichnig uf de rücksiite ?

[Lone Wolf]

isch es en 27 oder 28 zoll ? hesch e bezeichnig uf de rücksiite ?

70cm diagonal Bildschirm

ja chönti luege, aber das teil isch so dermasse schwer und feschtghocket dases mi derb aschisst

[XYBOT]

die gönd uf ricardo so für 1.- bis 30.-

wennt no anders züg zum uselah hesch chömemer vilicht is gschäft

[Reinforced]

i 10-15 jahr gitts die nienet meh wenn alli wägrüered...

[damian]

i 10-15 jahr gitts die nienet meh wenn alli wägrüered...

am beste fangsch etz a lagere

[Lone Wolf]

die gönd uf ricardo so für 1.- bis 30.-

wennt no anders züg zum uselah hesch chömemer vilicht is gschäft

Clay, chaschen für en wurscht und fritte ha ^^ anders züg hani nid wüki, es selfmade bartop arcade cab woni zu 80% fertig han mit quadcore pc teili dine, ungefähr 10 alti xboxene mit millione pads und hdds (Emu projekt)

glaub nüt für dich