anonym surfe vo dehai us

[Xinobrax2]

Wem gegenüber wotsch anonym si? ISP, Polizei, Nachrichtedienst?

Am bekanntiste isch TOR, ich wage allerdings z bezwifle dasd det 100% anonym unterwegs bisch. TOR isch letztendlich nur so sicher wie d Nodes wot verwendisch. Praktischer sind sowiso VPN Dienst, det hesch chli me Bandbreiti. 100% anonym bisch aber au det nid. En VPN Dienst chentsch zuesätzlich na miteme Socks 5 vomene andere Abüter kombiniere. Zumindest de Polizei und em ISP gegenüber bisch denn relativ "anonym". Gueti VPN Dienst mit massiv Traffic sind. z.B. hide.io oder torguard.net

D Anonymität isch aber au stark abhängig vo dim Surfverhalte. Wennt jetzt z.B. TOR verwendisch und demit dini Mails gasch go abrüefe isch d Anonymität im Arsch. Isch chli als würdsch e Maske alegge zum de Briefchaschte leere wo ja eh de Name druff stat. Sobald mit de anonymisierte Verbindig e Website ufrüefsch wot au susch psuechsch und dich det mit dim Username ameldisch chamer alles was über die Verbindig lauft uf dich zruggfüere. Witeri Indikatore sind dis OS, de Browser inc. Plugins, d Uflösig usw...All die Faktore inc. dim Surfverhalte werded zumene eidütige Fingerabdruck.

Aber ebe, s chunt druff a wem gegenüber dasd anonym wotsch si...unter Umständ langet au en simple Web Proxy...

[Shadow]

SSL VPN und denn halt nur sache verwende wod über diä verbindig gmacht häsch, kontos etc... denn wirds schwierig. evtl. au en anonym-browser verwende oder no besser das OS verwende wo de Snowden für sini Leaks verwendet het. das alles zäme und du bisch rel. save. will de Bund chan das nöd entschlüssle.

[Xinobrax2]

Das Snowden OS heisst Tales. Das isch natürlich praktisch willt det scho alles vorinstalliert hesch. De Nachteil isch jedoch, dass relativ betrachted nur sehr wenig Lüt s Tales verwended. Durch das chan binere Rasterfahndig de Chreis vo de Verdächtige wider massiv igschränkt werde. Besser sind drum eigentlich 08/15 Settings wo nid uffalled, sprich Windows 7 + Firefox.

Aber wie scho gseit, s chunt sehr druff a, wasd wotsch mache. Ich nime ja nid a, dasd di vor de NSA & Co. wotsch verstecke. Wenns um Filesharing und so gat isch en VPN Dienst sicher di beschti Wahl...und susch, je nach Paranoia Level wirds halt zimlich kompliziert. Am unuffälligste bisch letztendlich imerna, wennt i de Masse untergasch.

[feeshlee]

wartisch bim mobilezone uf dä nägscht depp, wos prepaid gmacht hät, und chaufsch es ihm für guets gäld ab (oder schwarzmärit).

[Acid]

Sobald mit de anonymisierte Verbindig e Website ufrüefsch wot au susch psuechsch und dich det mit dim Username ameldisch chamer alles was über die Verbindig lauft uf dich zruggfüere.

Isch das würklich so?

Natürlich, wenn du uf en Dienscht zuegrifsch wo dini Agabä drin sind, wüssed diä dass du das bisch, au wenn mitere andere IP deher chunsch, das isch klar.

Aber das heisst doch eigentlich denn nid dass wenn ich mit derä glichä IP wo nid mini isch (wilsi z.B. diä isch vomene VPN Abüter sim Server) uf e ganz anderi Sitä gang, und det isch vo mir nüt hinterleiht, das denn ebäfalls ohni Problem uf mich zruggfüehrt werdä chan. Chönt das denn nid au vo jedem Andere sii, wo ebäfalls über de Server gohd?

Natürlch ich bin denn im Pool vo de Möglichkeitä, und wenn jetzt niemert andersch über de glich Server mitem glichä Browser und em glichä Betriebssyschtem gangä isch, bini denn villicht denn plötzlich hauptverdächtig...aber mer hofft natürlich dass entsprechend viel Lüt über diä Server gönd, und somit de Fall möglichscht nid zuetrifft.

[geosnow]

chasch in indonesiä es prepaid abo chaufe und demit ide schwiiz surfe.

aber wer will scho öpis vo dir? wotsch uf madison go siitesprüng mache.

[Xinobrax2]

Wenn d IP di einzig Information wär hetsch recht aber s chunt halt immer chli druff a wievil Date vo de Website gsammled werded. Din Browser mit all sine Plugins, d Sprach, dis OS und dini Uflösig hinterlönd en Art Fingerabdruck. Mit so Add-ons wie z.B. em Random Agent Spoofer chentsch das aber natürlich umgah. Wennt anonym durch s Netz willsch muesch halt allgemein immer chli druf achte wenn wo weli Date gsammlet werded. Hinzue chömed denn natürlich au na d Cookies vo Facebook, Google & Co.

[Acid]

Hesch den cookies vo facebook und google wo die zerkännä gänd au wenn det nid agmeldet bisch? (Also mein jetzt nid nur usgloogt, sondern gar nid erscht es Facebook Konto hesch?)

Diä andere Sachä sind klar, aber ebä OS, Browser, au Uflösig müsstmer eifach hoffä dass gnueg anderi mitem glichä OS dri gönd, damit drunter au Lüt mitem glichä Browser sind und dUflösig teiled. Je nach dem was für Sache mer bruucht, wird jo das evtl. nid so schwierig sii... Au bi de Plugins, det wirds denn villicht komplizierter. Wobi, ich han z.B. Eigentlich huere wenig Plug Ins i minä Browser (wobi dass den natürlich wider chan uffallend si, wenn such alli jenschti händ lol... Wobi ich glaub es surfed z.B. no viel wo osx hend au mit Safari ohni Plugins. Oder bi IOS jo au)

Klar, d Spurä dermassä verwüschä, dass en NSA oder öper mit so Möglichkeitä nid druf chömed sälbscht wenns ums verreckä wänd, das verstandi scho (schlussendlich chönntet diä wennses druf alegged wahrschindlich au mol bim Server vom VPN mol chli go dri gügslä... Wobi das denn natürlich nid rückwirked gängt, wenn diä det würklich nüt logged, wiäs oft versprochä wird).

Aber ebä, dassmer hetzt wenn über de VPN uf Sitä XY gsi bisch vo det her denn chan usäfindä wer das gsi isch ohni s halbä Internetz für so en Fingerabdruck usänand zneh isch doch no schwierig oder?

[geosnow]

warum nöd eifach nöd ufs netz?

[Acid]

Will s Netz verschiedeni Sitä hed, vili devo au gueti.

[Herr Rossi]

Kennt die öper?

https://enigmabox.net/" onclick="window.open(this.href);return false;